Sweet Heart @ 號外篇，本店近日引入很多精美的飾物，由於數量太多，部份飾物已經放進格仔箱 。其餘的本店將會盡力刊登在拍賣場，請大家拭目以待。為答謝大家對本店的支持和鼓勵，本店會繼續努力尋找特色的飾物，以滿足各位顧客不同的需求。另外，若大家有任何貨品上的疑問，歡迎詢問，本店樂意作答，謝謝。

首先俾d相大家睇下先:

希望大家多多支持下啦~~~地址如下:

九龍彌敦道750號始創中心地庫D2位 - 94號箱 (近收銀處位置）

今日第一次... ...見到Nix姐姐呢～～好開心呢～～佢仲送佐支珍寶珠俾思思呢～～～呵呵... ...

七月十一日了,七月既時間過得仲快呢~~~成日會諗七月、八月中途除佐星期六、日之外就無假放喇~~仲要兩個月都係大喎,所以會好辛苦好難捱呢~~但原來事實並非如此呀~~咁樣就過佐差唔多半個月了,一日就只得廿四小時... ...睏覺既時間就只係四分之一左右,其餘既四分之三時間就係工作... ...(感覺呢四分之三既時間好唔夠呢~~)雖然係辛苦少少,但思思覺得係值得既.

離開佐舊公司都四個月喇~~上星期第一次返去... ...感覺好唔同,大家由老闆、同事變為親人一樣呢~~大家見到思思都好開心呢~~時間過得好快,一陣就過佐幾個鐘咁lu... ....大家有講有笑呢~~~突然成個office變得好熱鬧呢~~呵呵.... ....當然思思都好開心啦~~~

原來時間係可以令到人忘記另一個人... ...就算個個人點樣係你心目中刻骨銘心都好,你總有一天會忘記... ...可能大家話,"如果忘記就唔會記起啦~~記得起呢個人就忘記唔到啦"咁就錯喇~~記得呢個人唔代表你無忘記到佢,之前對呢個人既所有事可以仲會記得好清楚,一個地方、一句說話、一份禮物、一個承諾、大家點認識都會記好清楚,可能會覺得係昨天發生既一樣,但呢d野會隨著時間而忘記... ...一個地方,之前會記得同呢個人去呢地方做過d乜;一句說話,好記得呢個人講既說話同語氣,但已經發覺一句都記唔起了;一份禮物,會記得份禮物佢點送俾你或者為咩事送俾你,但份禮物可能已經棄掉了,又或者已經唔記得點樣得返黎了;一個承諾,之前會好執著呢d咁既承諾,但自己都唔敢去承諾d咩,又乜要咁執著呢;認識個日,之前會好記得個個情景,去到個個地點都會回想下,但依家根本就諗唔起... ...之前好執著自己點解忘記唔到呢個人,但依家已經發覺自己係記唔起呢個人,呢個人係我心目中已經消失佐係呢個世界上。之前會好介意,會唔會有日係街見到佢呢~~見到佢會點呢~~但... ...依家見唔見到都唔重要lu... ...

號外... ...號外... ...經過一番努力,失敗過好多次,但思思都無灰心,繼續努力,最後成功了,Sweet Heart網啓動了,

http://sweetheart.sinahappy.com/index.html

因為時間問題呀~~所以網頁做得不太完善,不過思思會不斷咁更新,務求完美呀~~~如果有咩做得唔好,請大家見諒呀~~亦希望大家會支持思思啦~~入面除佐會介紹Sweet Heart既貨品、最新資訊之外,仲會有一頁名為"煩文字",係由阿煩親自寫既文章,好有意思呢~~~希望大家除了支持思思外,記得仲要支持阿煩呢~~~

如果大家對呢個網頁有咩意思,歡迎大家係留言板到留言,因為有你地既意見,Sweet Heart網先會繼續進步嫁.

咁就過佐半年時間了,時間真係好快呢~~呢半年做過d咩呢~~好似唔記得佐咁,只記得六月份係思思最忙既月份... ...但真係忙得開心同覺得值得嫁

七月一日,思思好記得上年既七月一日係同太子第一次去旅行呢~~~真係好難忘,永遠都唔會忘記呀~~唔知幾時再可以一齊去旅行呢~~好期待呢~~~呵呵... ...

呢排趕著sweet heart個網頁,唔知係咪太忙了,個腦好似唔夠ram咁記咁多野呢~~除佐靠本schedule同mark低佐d msg之外,其實無記低既真係唔記得呢~~思思唔似係一個咁無記性既人呀~~點解會咁呢??激死呀~~好在重要既野都記得o者.sweet heart網頁已經完成喇~~~依家欠未放上網,放佐上網之後,思思會俾d link大家去睇下思思既精心傑作呢~~~

好似姐姐份生日禮物咁,足足遲佐半個月先寄出呢~~真係無用呀~~~雖然一早已經包好,但成日都忘記去寄囉... ...好在姐姐肯體諒妹妹咋... ...希望姐姐收到後會開心啦~~

朋友... ...朋友既定義係d咩呢~~思思心目中既朋友定義係... ...信任、體諒、包容... ...當對方唔再信任、唔再體諒、唔再包容,咁就真係連朋友都不如了... ...朋友之間思思覺得無話邊個欠邊個... ...做得朋友就唔應該去計較呢d事情,計住計住咁開心咩... ...思思只係想身邊既朋友開心,希望佢地有咩唔開心都快快咁解決晒佢啦~~

好快就到佐六月尾了,近日個人好累、無乜精神咁,唔知係咪因為天氣關係呢~~

噚日因為一個'風神'令到思思放佐一天假期,呵呵... ...咁都不錯呀~~~雖然放佐日假,但思思繼續努力咁搞好sweet heart呢... ...發覺要搞好一間網上商店真係唔易既事呀~~唉... ...真係不敢想像如果真真正正開一間鋪頭會點呢~~~雖然係辛苦少少,但思思好享受呢種感種... ...亦學到不少人生道理添... ...唔錯唔錯... ...

sweet heart,思思真係放佐好多心機落去呢~~~唔知呢~~唔知係咪自己既要求太高掛,所以... ...樣樣野都想做到最好咁... ...思思明白到咁樣俾佐好大壓力自己呀~~~但... ...思思既性格就係咁,一係就唔做,一做就要做到最好呢~~~好固執呢,hee hee... ...但可能係呢份固執所以令到自己唔會咁容易放棄呢... ...

係呢一個月內,做佐好似好多野咁,自己都唔敢相信係一個月內自己會做佐咁多野... ...但真係好開心呢~~~真係好多謝大家既支持,尤其係... ...各位姐姐呢... ...你地每一句說話思思都記係心裡面... ...特別有位姐姐,思思一直都好多謝佢... ...雖然思思明白,講幾多客氣說話都未必令別人知道思思心中既感受呢~~但點都好,思思真係好衷心咁多謝"阿煩姐姐",係呢件事上,阿煩姐姐真係幫佐好多思思呢~~佢做佐好多野令到思思好感動,而且仲覺得好溫暖添~~呢一刻除佐講多謝之外,思思真係諗唔到可以講d咩喇~~思思同阿煩姐姐呢段緣份真係好奇妙呢~~有時候會諗,係咪係到發緊夢呢~~~有位姐姐咁鍚思思,加上呢位唔係親姐姐呢~~~多謝晒呀~~~

咁快又過佐一個星期了,時間真係快呀~~話咁快sweet heart已經營業佐幾個星期了.

真係好多謝各位支持呀~~~sweet heart不斷有新貨呢~~如果大家有時間可以登下以下網址:

http://hk.store.auctions.yahoo.com/hk/siesie1230

如果大家有問題,歡迎隨時詢問.

依家等思思為你地登出少許貨品既相片,希望大家會鐘意啦~~

P.S. 為配合sweet heart主題,所以連bg都轉埋粉紅色,係到要特別多謝阿煩姐姐幫思思整個咁靚既banner,希望大家會鐘意啦~~

六月一日，呢日對"Sweet"黎講係一個好重要既日子，因為... ...呢日係"Sweet Heart"網上商店正式開業既日子呀!"Sweet Heart"主要係經營各類不同既飾物(頸鍊、耳環、手鍊、手鐲、戎指... ...等)，希望顧客可以安坐家中，亦能找到自己喜愛既飾物，送禮自用佳可，定期仲會更新貨品。

如果大家想知幾多詳情，可以click入以下網址：

http://hk.store.auctions.yahoo.com/hk/siesie1230

歡迎入內選購！此外，如果大家有任何查詢、要求及意見，可以隨時給本人電郵的。

siesie1230@yahoo.com