踏入2008年,思思希望同太子可以繼續咁開心、幸福同快樂... ...
June 07,2008
Sweet Heart 正式開業
Sweet Heart 正式開業
六月一日，呢日對"Sweet"黎講係一個好重要既日子，因為... ...呢日係"Sweet Heart"網上商店正式開業既日子呀!"Sweet Heart"主要係經營各類不同既飾物(頸鍊、耳環、手鍊、手鐲、戎指... ...等)，希望顧客可以安坐家中，亦能找到自己喜愛既飾物，送禮自用佳可，定期仲會更新貨品。
如果大家想知幾多詳情，可以click入以下網址：
http://hk.store.auctions.yahoo.com/hk/siesie1230
歡迎入內選購！此外，如果大家有任何查詢、要求及意見，可以隨時給本人電郵的。
俾意見 [0]
文章URL
引用 [0]
May 27,2008
一年前後
一年前後
時間真係過得好快,快到有點可怕呀... ...係咪人越大就越怕時間過得快呢~~~唔知點解以前中學時代唔會覺得時間走得咁快呢~~
回顧一年前後:
突然回想一年前... ...同依家既自己好唔同呢~~~還記得一年前... ...係自己最任性既時間呢~~~自己諗呢一世人就可能得2007年呢一年去任性... ...唔係因為自己無條件再去任性,而係... ...人清醒了... ...唔可以再俾自己任性喇~~理性咁知道唔可以再俾自己任性落去... ....加上年紀越黎越大,唔可以話任性就任性喇~~有好多後果要承擔呢~~~回想起一年前,其實自己有點傻... ...雖然識多佐朋友,但... ...令到自己既生活改變了... ...感覺... ...點解當時自己會變成咁呢~~~哼... ...可能人就係要有任性才會成長呢~~~呢d任性既體會的確令到自己成長佐好多,好在懂得清醒,唔係... ...可能依家繼續咁任性落去呢~~~亦唔知自己會變得點呢... ...
auntie都走佐都成年喇~~雖然係過佐一年,但佢既笑容,佢既樣貌思思仲好記得清楚,仲好記得上年新年同佢去食buffet既情景... ...感覺好似噚日發生一樣... ...到依家思思都仲有少少接受唔到auntie走佐呢個事實... ...點解咁好人會咁樣就離開佐呢~~~真係好掛住佢,思思仲有好多野想同佢講,亦仲有好多野要係佢身上學... ...好掛住佢以前整既餃子... ...呢d餃子既味道思思知道呢一世都唔可以再食得返... ...亦唔會有人整得好似auntie你咁好食... ...思思仲好記得auntie講過會教思思整嫁... ...但點解... ...> < 思思係一年前寫佐封信俾你,雖然仲未可以交俾你,會思思好希望終有一日可以交到俾你... ...仲有個條手鍊... ...係思思送俾你嫁,思思好想攞返作返紀念... ...但思思知道無咩可能喇~~~思思希望你去到另一個地方會生活得開開心心... ...思思應承你好好咁生活落去.. ..^^
May 21,2008
四川大地震@第九日
四川大地震@第九日
咁快就過佐一個星期喇~~時間真係快到呢~~~淨係知好忙好忙... ...但忙d咩呢又唔知喎,可能太忙喇~~時間就過得快啦~~~好似廿四小時都唔夠用咁呀~~~
近排大家既話題都離不開'四川大地震', 究竟震到幾時呢??由大地震個日至今有成七千幾次餘震喎... ...唔係身處當地都好擔心,更何況係當地既居民呢... ...今次大地震... ...對於思思黎講係一個好好既經歷,雖然... ...好似對思思黎講無乜影响咁,但事實上思思係心同感受... ...因為上個星期,即大地震當日,嗲哋媽咪佢地去佐湖南個邊旅行,思思就一直擔心到佢地返黎,日日都好提心膽跳... ...唉... ...有一刻係到諗如果嗲哋媽咪佢地有咩事,思思會點呢??
幸好嗲哋媽咪佢地平安返黎,思思才鬆一口氣,呢個經歷思思完全明白到四川居民既感受呀~~亦好珍惜思思既父母... ...可能平日忙既關係, 大家相處既時間少,但思思心裡面,親情永遠都係第一位呢~~至於四川居民思思明白無咩可以幫到你地,只可以係遠遠既香港祝福你地平安... ...其他就只有金錢幫你地,雖然思思捐出黎唔係d咩錢,但都好希望可以幫到你地啦~~思思亦明白到呢一刻金錢上未必幫到你地好多,因為你地既心靈傷害金錢係幫唔到既,但都叫做出過一分力啦~~每日睇到新聞報導上有生還者,真係好感動呢~~~雖然發生佐咁多日,生存既機會率係好微,但都希望會有奇蹟既出現啦~~~前兩日睇到新聞報導,睇到都忍唔住流淚呀~~~做母親既真係好偉大呢~~~好希望呢兩位小朋友會勇敢咁生存落去啦~~~
May 13,2008
特別新聞報導 @ 四川大地震
特別新聞報導 @ 四川大地震
咁快就放佐三日假喇~~放假既時間真係過得快呢... ...唉... ...激死呀~~
星期日爸媽開始一連六日既湖南之旅... ...每次爸媽去中國大陸旅遊思思都會好擔心... ...晚晚都睏得唔好呢... ...嗚嗚... ...不過佢地玩得開心我就開心喇~~~睏得唔好,都係幾晚o者... ...因為佢地去佐旅行... ...思思就變為獨自食晚飯喇~~~真係好掛住媽咪d好好味既餸呢... ...仲有兩晚呀~~~噚晚自己煮佐餐飯呀~~哈哈... ...噚晚就留佐d雞翼今晚整... ...影佐張相俾大家睇下... ...係思思最拿手既餸呀~~呵呵... ...
係咪好好味呢~~hee hee... ...
噚日... ...下晝三點左右,婆婆打電話俾思思,話俾思思聽四川發生佐事,問思思父母係咪係個到... ...思思諗佐一陣,答婆婆唔係呀~~~佢地係湖南... ...起初思思都以為... ...係四川既事,所以無乜持別野... ...點知突然電視"特別新聞報導 @ 四川大地震",嘩嘩... ...7.8級大地震呀~~~咁勁,點知突然聽到湖南個邊都有事喎... ...下下下... ...湖南... ... 唔係掛... ...思思實在太驚喇~~~即刻打電話俾媽咪... ...但因為無來電,所以響佐好耐都無人聽... ...死喇~~咁點呀~~~之後再試過有來電打去... ...響佐兩下就有人聽喇~~~聽到媽咪打聲個心安落佐好多喇~~~佢地無事... ...雖然佢地無事... ...但此終都好擔心... ...唉... ...仲有兩日... ...佢地就返黎喇~~~真係希望佢地快d返黎啦~~~
April 23,2008
離開
離開
咁快就星期三喇~~ d時間真係過得好快呢~~應該可以話係越黎越快添呀~~
離開... ...突然諗起呢兩個字... ...原來離開真係要好大勇氣同決心呢~~選擇離開... ...其實已經唔係一朝一夕既事,但有咁既勇氣做得出,真係十分之難呢... ...想做同真係做係好唔同呢~~想可以諗到點都得,但做就真係要好堅定呢~~~除佐勇氣之外,仲要加埋決心呢~~如果無呢個決心,有幾多勇氣都無用呀~~要兩者兼備真係好難既事呢... ...幸好做呢個決定時真係兩者都兼備,所以最後成功咁做到了.
當初選擇離開,其實都幾擔心自己有一日會後悔呢~~但種種方面俾自己睇到,呢個決定係做得好啱呢~~~無選擇錯誤呢~~~雖然真係好多野唔捨得,但其實大家仲可以繼續聯絡呢~~~仲可以做朋友呢~~係某段時間自己都好矛盾呢~~~不過呢一刻自己好清楚係做得好好既,大家仍然可以繼續生活,可能最初時唔係好習慣... ...但習慣呢樣野,好快就可以適應呢~~呵呵... ...起碼現在大家仲會keep住聯絡呢~~咁樣幾好呀~~
每樣野都好得意嫁,有得就必有失,但結果係得多d,定係失多d呢~~今次對自己黎講係得既多.. ..咁已經好好喇~~~人生係充滿希望既... ...要繼續努力先得呀~~哈哈.. ..
April 09,2008
'忙' '忙' '忙'
'忙' '忙' '忙'
今日睇返自己個blog... ...先發覺原來有個幾月無update過個blog了... ...唉... ...原因都只係一個呢... ..."忙" "忙" "忙"嘛... ...
呢個幾月過得好快... ..."忙"到覺得d時間唔係好夠添呀~~~好想再多d時間就好喇~~~
不過好在三月放佐好多假... ...雖然唔係有好多時間休息呀~~因為有好多野要等住思思去做嘛,不過真係過得好充實呢~~呵呵... ...
唔知點解自己要搞到自己咁"忙"喎... ...一個人幾頭住家咁(講笑咋),只係一個人好似要顧好多野咁bo,不過"忙"都有"忙"既好處呀~~唔駛無無聊聊咁等時間過嘛... ...每日平均"忙"到十點半左右就已經頂唔住要上床睏覺喇~~~哈哈... ...咁又係既,一個人休息時間就只得六七個鐘,但做野時間就用佐十七至十八個鐘喎... ...根本就唔成正比呀~~唔累就假啦~~~不過咁都好,起碼無咩時間俾自己諗咁多無聊野嘛... ...
近排好似好多人結婚咁呢~~身邊既朋友親戚咁呀~~唔知幾時輪到思思呢??不過我都唔急,因為仲好享受依家咁既生活,唔想改變住,加上仲有好多野要等住思思做呢~~過多幾年先啦~~雖然年紀好似越黎越大,身邊既朋友都覺得思思係時候結婚喇~~但講真結婚都只係一種儀式.. ..依家咁樣同太子過得開心咪得囉... ...大家都可以自自由由咁,唔係幾好咩... ...可能暫時都唔想俾一個家庭管住自己啦~~~加上思思總覺得有佐家庭就有好多野都會改變呢~~暫時好似未有心理準備去改變呀~~總之依家開心咪得囉... ...就算唔結婚思思都唔覺得有咩問題,兩個人係一齊唔代表要結婚呢~~~哈哈.... ...
February 29,2008
Last Day
Last Day
咁快就到佐星期五喇~~亦係二月份最後一day呢... ...心情好沉重同好擔心呢... ...
原來真係好唔捨得... ...八年既感情喇~~開心、唔開心既回憶都有好多呢... ...思思明白到仲有一日要離開既... ...年幾前已經決定,最後都拖到今時今日先做... ...越近last day感慨就越大呢... ...唔知係咪因為咁,所以近日都無乜胃口呢... ...睏都唔算睏得太好,個人好累呢... ...噚晚成八點左右先走呢... ...無奈有好多野都想做到最好,但事實歸事實,好多野都唔係思思可以控制得到既... ...唉... ...真係好無奈呢... ...
今朝先發覺原來仲有好多野未拎返屋企呢... ...咁多年喇~~真係放佐好多野係公司呢... ...有時候會覺得公司就好似一個屋企咁... ...基本上係公司時間可以仲多過係屋企添.... ....哈哈... ...思思知道老闆、老闆娘同班同事都好唔捨得思思,但真係無法... ...離開一個咁熟識既地方,真係好唔慣呢... ...不過思思知道時間可以幫到大家既,做唔到同事都可以做朋友既... ..大家感情咁好,可以keep到既,哈哈... ...
February 27,2008
仲有三日就要離開.. ..
仲有三日就要離開.. ..
咁快就差唔多一個星期了... ...呢個星期好忙好忙好忙呢... ...令到個人好累好累呀... ...每晚睏落牀都好快就睏著喇~~仲一覺就睏到大天光... ...仲唔想起身添... ...哈哈... ...
仲有三日思思就正正式式咁離開呢間做佐差唔多八年既公司喇~~~所以呢兩個星期好忙咁交帶返晒思思手上既工作... ...上星期每晚仲差唔多七點半先走... ..."唔捨得"... ...一定有... ...此終八年喎... ...對呢間公司好有感情... ...如果唔係因為前途問題,可能未必會選擇離開... ...好多野都係係呢間公司到發生... ...有好多好多既回憶... ...呢八年黎,思思學到好多野,不論在工作或者事都學到好多... ...其實思思仲好記得第一日入黎呢間公司做既情景呢.. ..好多同事都換佐... ...呢依家呢幾位同事都一齊共事佐起碼五年以上喇~~~同佢地既感情就好似哥哥妹妹一樣... ...係佢地身上都學到好多野嫁... ...而且公司上上下下對思思都好好嫁... ...有時候會覺得係公司好似一個小妹妹咁呀~~呵呵... ...各人同思思都會有講有笑既... ...
但思思此終要走喇~~依家既心情突然覺得好大壓力兼好擔心呢... ...講真兩個星期根本就學唔晒思思既工作... ...所以思思都答應佐星期六會返黎幫手... ...希望真係唔會有好大問題出現啦~~~近排忙於... ...將自己既工作mark note,希望會幫到佢地啦~~但事實上文字又寫唔到咁多野既,加上有好多突發事件真係要到時先知點做呢... ...不過思思相信佢地係可以應付得黎既,哈哈... ...
