時間真係過得好快呢_{~Sweet Heart都已經成立佐五個多月了,呢五個月裡好似做佐好多野咁,有時會諗呢五個多月裡真的做了咁野嗎?真係連自己都唔敢相信呢}~

有時候自己會覺得好似放得太多時間係Sweet Heart到了,所以好似放棄佐d野咁,唉… …做人就係咁矛盾嫁喇!所以一日廿四小時真係唔夠手呢~~有時想睏少d,咁就可以有好多d時間做野,但事實上係唔work嫁… …可能年紀大了,機能都差了好多,睏少d都唔得呢~~嗚嗚… …睏少d根本第二日就無精神做野喇!唉… …仲記得以前睏幾粒鐘一日都係咁啦!!點解依家唔得既呢~~ > < 但依家Sweet Heart都開始運行唔錯喇思思自己知道自己實在太大壓力了,如果壓力繼續都係咁大,真係遲早有機會有情緒病呢~~真係唔咁呀!!所以唔可以再俾佢咁落去喇… …

近排接二連三咁收到身邊好友既喜訊呢_{~自己都覺得好開心呢}~唔知仲會唔會有更多好消息收到呢~~思思相信一定會有既… …好期待呢_{~年紀越黎越大喇!!身邊既朋友就越黎越多好消息,當然好友有好消息,思思更係特別開心呢}~可能細個個時收到邊個結婚又好,邊個生仔又好… …既好消息都只係親戚或者年長一輩既,所以都無乜感覺呢~~加上以前參加婚宴就好似去食一餐吧了… …但依家就唔同了,好似與自己有好大關係咁,可能自己會落手落腳去幫手啦!!哈哈… …

唔知大家點睇一個婚宴呢?係思思心目中一個婚宴係好重要的,此終一生人一次嘛(有邊個想會有第二,第三次呢~~)因為思思認為一係就唔搞,一搞就一定要搞到最好的,亦希望各位來賓有一個難忘的婚宴~~思思早前參加了一個婚宴,卻令思思非常失望~~感覺就像大家聚起來食餐晚飯吧了,完全唔似一個婚宴呢~~唉… …思思知道要搞好一個婚宴要放好多心機及心思呢_{~但都無可能咁求其呢}~咁點解唔好好咁搞好佢呢!而且仲要一間幾貴既酒店呢~~係思思心目中,如果(係如果)有機會有一個屬於自己既婚宴,思思一定會好比心機及心思,唔想令大家失望呢~~

近排好鐘意聽陳慧琳&carpenters既歌呢~~自從陳慧琳2008演唱會出佐dvd之後,買佐返黎都睇過兩三次了,覺得呢個演唱會好感動,思思好鐘意呢個演唱會呢~~真係好後悔無去睇到,當然到最後一幕感動既場面,真係好感動呢~~思思亦睇到喊晒呢~~加上入面d衫好靚呢~~(有時會諗有陳慧琳咁高就好了,可以著到d衫咁靚 > < )所以就入佐好多陳慧琳既歌係ipod出街聽喇!!!哈哈… …而carpenters思思最鐘意既就係’yesterday once more’,每次聽呢首歌都會諗起中學既回憶呢~~哈哈… …