諗左好耐,真係唔知點講件事好....

唔開心囉

完全估唔到事情會變成咁!

唔通做朋友都咁難?

今日你所講既每句說話,都好傷我囉!傷既並唔係你既說話,而係你既用意,你為左你既另一半,竟然選擇要同我拉遠距離,什至要我停止係BLOG再提到有關於你既事....

真係好唔開心

點解呢D野永遠都會係我身上發生!

唔通真係要一個人生活先至開心?

第5晚無冷氣啦~不過天氣開始轉涼,都可以唔使理佢啦~

今日收9點,帶左媽媽同細佬去食峰壽司,今日試左個特上三文魚,好味到不得了,仲鬼咁長添塊三文魚,正呀 !!

不過埋單就肉赤囉,3個人埋單$660,每人食左$220,上次同文文佢地4個人去食都無咁勁,不過咁好食,都值得既,去食過日本放題都要差唔多$160位啦,而家都係每人多幾十蚊o者,仲食得咁開心,點都值得既 !!

第4晚啦 !! 無諗過會4晚都無冷氣囉 !!

好彩呢幾晚都唔算太熱,咁都算不幸中之大幸 !!

睇黎傾晚都仲係無冷氣架喇...希望唔好咁快轉返熱天啦 !!

天呀~我隨便講下話今日可能都仲未整好部冷氣o者~唔使真係咁黑仔開口中呀?

公司班人成日話我烏丫口,話我講咩衰野都會中,真係唔到我唔認架囉....

今朝10點幾11點就聽到阿媽係電話度問個冷氣今日整唔整到,得出既答案係"仲未有零件可以換到",一聽見已經想死囉,結果今日係屋企又悶又熱,搞到個人懶洋洋咁,連街都懶得出,好彩今日唔算太熱,開行把風扇再加大量冰水飲用,都總算忍受得到,唉...咁既日子都唔知幾時完....

神呀 ! 請你賜我無比涼爽既冷氣啦 !

撞佢估鬼~

真係比我講中左,今日都仲未整得好部冷氣,話要傾日先搞掂喎.....

好熱...好熱...好熱...

本來想唔返屋企,去人地度嘆冷氣架,但係傾日又要等個師傅黎再整部冷氣喎,迫住返黎受死.....

傾日放假架,如果傾日都整唔好部冷氣都唔知點算.....

希望傾日快D搞掂佢啦,一整好我實即開行個冷氣黎嘆返夠本呀 !!

今日放工同左KA2同隔離鋪兩條友仔去左西門町食飯,終於可以試下個4人餐喇,不過其實都係差唔多既野食,但真係好好味,埋單4個人都係每人$62,真係好鬼低食,下次一定要搵夠6個人去試下個6人餐先得 !!

天呀~HELP~簡直係世界末日呀~

屋企個冷氣竟然壞左.....

師傅話要配D唔知咩鬼零件,要傾日先知有無貨,如果無既話就要訂喎.....

點算好呀~屋企無冷氣簡直想死呀~如果傾日真係無零件而要去訂既,都唔知要等多幾多日喇.....

今晚11點返到黎個陣都唔算太熱,但係而家係房打HOMPY就覺得愈黎愈熱啦,成晚不停咁同自己講"冷靜 ! 心靜自然涼 ! ",可惜開始呃唔到自己啦~

救命呀 !!!!!!

好熱呀 !!!!!!

傾日係嘉諾既生日,我地成班今日就預早同佢去稻香打邊爐慶祝,今次成13個人一齊食飯,當然唔少得E嘩鬼叫啦我地,仲不停咁食肥牛添,HAHA,我地一早買左銀包同鍊送比佢做生日禮物,阿LO仲預早兩日買定幾包卡樂B返黎話要黎送比嘉諾添,阿LO仲話其實有兩包係咩限量版喎,HAHA,我地今日將D卡樂B包成一個大紙箱咁送左比嘉諾,仲食左個由我手揀既朱古力Moussen蛋榚添,都幾好食架,又靚靚喎,最後埋完單仲發現計少左我地野食同汔水添,HAHA,LUCKY~

一大班人咁食飯真係好熱鬧好開心架 !!

一個月前,公司分左兩張導火綫戲飛比我同家耀,但我地遲遲都未夾到時間一齊去睇,結果趁星期二我收9點,再將個更表改一改,變左家耀收9點半,咁就大功告成,可以一齊去睇導火綫啦 !

成套戲都打得好激,設計得D打交場面好好睇,講到甄子丹似變態殺手多過似個警察,係咁不停打.打.打,鍾意睇打戲既絕對可以滿足到你囉,而成套戲最令我意外既係,呂良偉竟然係負責搞笑架喎,古天樂就變得好似可有可無咁,不過入到場睇呢套戲既,都係為左睇甄子丹打交既o者,我諗唔會有人係因為想睇古天樂而入場掛?

甄子丹真係好勁囉覺得,講樣-佢都算唔差丫 ! 講身型-都好FIT好大隻下架喎 ! 講動-唔使講啦~有邊個話佢唔打得先?講靜-好似聽聞佢係識彈琴架 ! 真係成個萬能俠咁,周身刀張張利,真厲害 !

導火綫 預告片

甄子丹"導火線"拍攝日誌