20071118 Sunday

盡量都唔想嚮呢度講有關工作的一切，
好忙，大量的工作未做好，不知應否歸咎於教數這一個轉變，
但係我想壓力比從前大了，還是無限放大那一種.........

反正這個日記都快變周記了......

以下說的，開始只有我自己明白了......(或：只有我自己不明白。)

我不明白繼續得那麼不開心，點解仲要繼續落去？
問心，我和他一起的確很開心，
再問心，就算我在學校和同事和小朋友一起都的確很開心，
再再問心，我和任何一個人一起，都好像沒有你一樣帶給我不開心，
我說過「我們一起最緊要開心。」
因為這句話，我不明白點解仲要繼續落去。

我很害怕聽你的電話，何時你變了像我爸媽一樣？

我唔開心，來自很多很多方面，
我已很積極應對，
我看見和感受了很多很多令我開心的人和事 (有時也包括你)，
但每天你還是將我推進不開心裹面。

如果你還想我們像從前般開心，請你不要再迫我，
最起碼，
我不想在我十萬個疲倦之時還要拿著電話回應你一千個責問。

奇怪了，昨天看了城城的演唱會，但今天還是掛住陳奕迅↓

富士山下

情人節不要說穿　只敢撫你髮端　這種姿態可會令你更心酸
留在汽車裡取暖　應該怎麼規勸　怎麼可以將手腕忍痛劃損
人活到幾歲算短　失戀只有更短　歸家需要幾里路誰能預算
忘掉我跟你恩怨　櫻花開了幾轉　東京之旅一早比一世遙遠

誰都只得那雙手　靠擁抱亦難任你擁有　要擁有必先懂失去怎接受
曾沿著雪路浪遊　為何為好事淚流　誰能憑愛意要富士山私有
何不把悲哀感覺　假設是來自你虛構　試管裡找不到它染污眼眸
前塵硬化像石頭　隨緣地拋下便逃走
我絕不罕有　往街裡繞過一周　我便化烏有

瑪利奧派對

湖泊裡採鮮花雲層中去鑽探    來學瑪利奧　渡假磨菇都可當午餐
遊戲中花非花　比真實更養眼    然後再頌讚亦有夢醒時刻
按下電掣同伴就散

快生厭返工的每件瑣事    客戶又喋喋埋怨　我假裝傾聽微笑
到家裡　握緊手掣在兩手    棲身於虛擬遊戲　以思想去漫遊

沒法可當成現世的英雄    我沒強橫彈跳力　無公主要被我救起
一切是虛無　但世界太枯燥
花一世名和利流汗拼搏    到最後同樣是幻覺一種

無論快慢，同樣吸引。

花園街o個檔魚肉碗仔翅和魚蛋真係好好味﹗

幾時先可以去 Elements 行街街同埋睇戲呢？就黎落畫講拜拜都仲未去。

我幾時得閒拎對鞋去補鞋爭？

幾時可以同鐘意既人去旅行？

去澳門都好丫，我掛住禮記雪糕。

以上都係我今日腦海中想著的......好了，收心工作去。

20071117 Saturday



今日同小二去睇郭富城舞林正傳演唱會呀﹗
Aaron ......好型呀....... 
$400- 張飛都仲要同城城距離好遠呀.......20行.......
不過..........
城城真係好型呀
狂野之城呀
不過佢無唱我最鐘意的「錯愛的呼喚」反而有唱「愛的呼喚」，
都好 la

補寫：20071112 Monday

今日係學校步行籌款後補假，我同大王又去迪士尼喇﹗


↑我最  的史迪仔↑

←小飛象呀﹗

可能已經去左十幾次迪士尼都有，今次好少玩，都係影相多，
不過好開心呀﹗因為.....松鼠蝦我呀﹗
我第一次排隊同松鼠影相時都冇事 ga，之後臨走之前，
又見到佢地，梗係又排隊影多次啦﹗
點知可能我戴帽，佢地認得我呀﹗鋼牙同大鼻一見到我就指住我，
之後抱住我，迫住我，係咁包圍我，
我 zip 左嚮佢地中間，根本都迫到影唔到相呀﹗佢地又叉晒腰咁﹗
比佢地激死啦，問佢地：究竟發生咩野事呀？.........
情況好搞笑，其他排緊隊 d 人都覺得好搞笑﹗
之後佢地仲不停用腳踢 / 撩對方，結果就係張張相都冇張正經咯，郁晒﹗
不過唔緊要啦，反正第一次都影左啦↓


↑好曳既松鼠 - 鋼牙和大鼻呀﹗

戴帽可以遮住甩左好多頭髮 (其實我已經剪短左把頭髮了)，
不過我覺得戴左帽個樣好似仲病咁...........

去迪士尼真係會好開心 ga﹗我諗無幾耐我又會再黎 ga la﹗

晚上，我地仲去左 Todai 食 buffert ↓


↑龍蝦呀.....

補寫：20071111 Sunday

今天參加了學校舉行的步行籌款。

本來都無諗自己可以行完一整段路，由學校到終點廢堡路程該不短，
而且老師們還要先返回學校才能解散，都諗住不如行到一半就返轉頭......

不過，小二一直陪我行，又叫我做多 d 運動，
身邊又不停有學生一齊行上山，
一路同學生同小二同其他人傾下計影下相，原來好快就到了，
當然都好累啦，但係都開心既，
希望有一次可以行去凌宵閣 la

P.s> 我要睇<信不信由你> 呀﹗

20071103 Saturday

今日卒之剝左智慧牙。

痛死 me 了，嚮街都哭了幾次，痛得好緊要，
成排牙連埋條脷都好痛，牙醫話唔痛，呃人既﹗

而家食野唔可以用右邊牙.......面仲腫過之前......

剝隻智慧牙又用左好多錢錢 

20071102 Friday

↑一個 P.2 學生寫比我 ga 係唔係好 sweet 呢？

今日係學校的秋季旅行日呀﹗地點係大拗門郊野公園﹗

班學生就梗係玩得開心啦﹗
我地 d 老師就累到半死，全部殘晒咁返學校﹗
好凍呀﹗真係凍死我﹗著三件褸都仲凍呀﹗
我病緊 ga ma﹗而家咳得好緊要 la﹗

其實呢幾日我塊面好似比人打腫左咁﹗
因為我牙痛呀，要剝智慧牙，而且好似蛀左隻牙呀﹗
明天就去幫襯牙醫 la 好驚呀﹗

補寫：20071101 Thursday

多謝劍魔 Dennis 請我睇 Eason 呀﹗
我第一次睇 Concert 係坐得咁前咖﹗
第一次同我心愛的 Eason 咁近距離呀﹗我地只係隔左 3 - 4 個人位咋﹗ 
好勁呀﹗好似落左 D 咁呀﹗不停跳跳跳叫叫叫﹗
我好開心呀﹗
Eason 跳舞好型呀﹗
我個腦而家仲不停重播瑪利奧派對、演唱會、第五個現代化、衝口而出.....
絕對值得捱眼訓、病到七彩都死去睇 + 跳﹗

補寫：20071031 Wednesday Happy Happy Halloween

萬聖節呀﹗同大王去左 Disneyland 因為大王都買左 annual pass﹗
佢可以成日陪我入 Disneyland 啦﹗


↑排左個幾鐘先同到佢地影張相﹗

不過大王發左幾次脾氣，首先等 Mickey Minnie 等左個幾鐘，
佢已經嬲到札札跳，
到我地影時仲勁大風，吹到個頭勁亂個樣又衰。


↑me & 嬲爆爆南瓜先生。

之後又落好大雨啦﹗佢又話 d 相機唔濕得啦﹗

其實我都有 d 嬲，佢記得帶個防水袋保護住個相機，都唔帶遮，
落大雨，佢自己一個走左去，掉低我淋住雨慢慢行，又凍，
我連佢部相機都比不上.......

仲有，放左工其實我都好累，個人都殘晒﹗
返屋企仲要趕住出兩份數學 test papers, 根本都係帶住壓力去玩。

anyway 去到 Disney 都係開心事既﹗


↑帶埋魚眼鏡去，影左 d 得意相。

今次睇既 Halloween 巡遊比上次有氣氛得多，
可能因為落雨 d 人都表演得好落力，而且個場好多人﹗

我好快又會再黎咖，Disneyland 萬歲﹗