20071019 Friday

今日發生了一件好唔開心的事。

呢件事，令我在銅鑼灣哭了兩次，回家都哭了幾次。

我的生日禮物，價值$4280- 的 P1i，用左十日都冇，
就在銅鑼灣被人偷去了。

大王都唔開心，雖然佢已經立即買返部 P1i 比我，
仲買埋藍牙 handfree 比我，但係呢件事令到大家都好唔開心。

因為我無聽大王講，個手袋成日都打開住，比 d 羚羊有機可乘，
我落車時個電話仲嚮手袋，在我行過對面短短兩分鐘的時間內，
電話就被偷去了。

我真係好唔開心。

除左個電話貴之外，用左八年的 Gucci 電話繩我都好唔捨得，
仲有入面既電話號碼.......

對﹗我無晒所有朋友既電話號碼了。
如果你睇到既，就打個電話比我，話我知你知道了我既慘況啦.......

至於偷我電話o個個 (我真係好想講粗口)：
你一定有報應，我會每天衷心祝你不得好死﹗

20071017 Thursday

我今日好開心呢﹗

話說今日下午，小二突然拎個蛋糕上來比我，
我仲以為邊個家長請佢食蛋糕咁好，但係問佢係邊個佢又唔講，
之後又話慶祝重陽節，
點知，拆蛋糕食時，佢先話「你真係唔記得今日係咩日子？」

。。。。。。「我真係唔知喎......」R 晒頭.......

「今日係你農曆生日呀﹗生日快樂呀﹗」


↑農曆生日蛋糕﹗

我真係覺得好驚訝呀﹗
我從來都冇心記住自己幾時農曆生日 (到而家都唔記得)，
但係你竟然記得同埋幫我 check 返究竟係邊一日，
你真係好乖呀小二同學。

多謝你。

補寫：20071016 Tuesday

大王借左佢部 S3 pro 比我返學校幫同事影校刊相呀﹗
我好開心，佢連咁貴重既野都肯借比我，
我諗佢信任我先會借比我 la


↑me and Fuji S3 Pro

我會比心機幫大家影靚靚。
(or use photoshop 幫大家改到靚靚。)

補寫：20071011 Thursday

今日大王來接我放工，之後我地就去左元朗食長長的壽司↓



好好味呀﹗



食完壽司，行左一陣千色店，之後仲去 b仔涼粉食沙冰同埋辣雞亦尖↓



今日真係勁食日呀﹗

補寫：20071008 Monday‧Part two

大王在學校門口等我放學，見到我拎住技安的花有點不開心......
佢建議先去中環，咁我地就去左中環，原來係換電話呀，大王送電話比我，
第四份禮物：Sony Ericsson P1i，
就係因為咁 (要 trade-in K850i)，在毫無準備下，
K850i 入面的 sms、相、鈴聲........全部比我親手 delete 了........


↑第四份禮物

換完電話之後，我就同大王返屋企打算放低技安的花再出去慶祝，
返到屋企，我沖完涼行出 washroom 門口，大王就拎住一束花，
咦？點解會由黃色馬蹄蘭變左做白玫瑰的？原來大王都買左花送比我呀﹗


↑第五份禮物：大王送的白玫瑰，好靚呀﹗

不過我真係諗來諗去都唔知佢收埋札花嚮邊？
我返屋企後有入過兩間房，但係都唔見有花既？
點解沖完個涼無啦啦會有札花既呢？我真係諗左好耐都唔明﹗

之後我地就起程去迪迪尼啦﹗(無錯﹗我太愛迪迪尼了﹗)


↑又係迪迪尼車車。 Ilove 鋼牙 and 大鼻﹗

今日係去 Disney Hotel，都係我第一次去咖﹗我地去食 Night Buffet﹗
Mickey、Minnie、Goofy 同埋 Pluto 成晚嚮度搞搞震，
Pluto 成日吼住個甜品部，好為食咖﹗↓


↑Pluto：我要食朱古力噴泉呀﹗

我同 Mickey、Minnie、Goofy 同 Pluto 影左好多相呀﹗勁開心呀﹗
食食下野，大王叫我比個銀包佢睇下，
我就嚮手袋拎銀包喇，拎出來時都唔覺有咩問題，
不過放返個銀包入手袋時，就見到我既第六份禮物，Gucci 銀包包↓


↑好鐘意呀﹗虛榮虛榮﹗

成晚 d 卡通人物搞搞震，掛住玩，其實食左好少野咋，
最曳係 Goofy 呀﹗佢襯大王去左拎野食，連佢個位都坐埋呀﹗
仲坐嚮佢個相機袋上面唔肯起身呀﹗

再夜 d，Mickey 和 Minnie 佢地就來唱生日歌比我聽，同我切生日 cake la，
好開心呀﹗佢地仲送左張簽晒名的生日咭比我呀﹗


↑許願先﹗ 許左乜梗係唔講啦﹗


↑Birthday Card from Mickey, Minnie, Goofy and Pluto

食到九點幾，我地先捨得走，不過大王食左好少野咋...........
我地行下 Disney Hotel 入面間 gift shop 就起程返屋企 la

返到屋企，大王叫我打開個衣櫃，我又收到禮物喇﹗
(計埋生日蛋糕呀，大王既生日咭呀......已經多到唔知係第幾份禮物了。)


↑大王親自訂製的生日熊 Bear


↑腳板底有我個名同埋生日 ga

今晚我真係好開心，大王為我安排的一切我都好感動，
佢話佢從來未試過為一個人的生日用咁多心機同埋錢，
仲有佢寫既咭......... anyway 多謝你呀大王....... 你今日令我有點內疚......
因為我這陣子做了令你不開心的事.......

我一定不會忘記今年的生日，thanks 大王......

補寫：20071008 Monday ‧Part one

今日係我生日，又老一年喇﹗

照常返工，點幾鐘就收到 (佢話追左我十幾年的) 技安送來學校的花，
好靚呀，多謝技安﹗


↑多謝技安的花花。 第三份禮物

話時話，真係好耐無人送花來學校比我 la，
譚麗霞即刻飛撲去睇下邊個送花比我，差 d 連卡都想拆埋黎睇，
好搞笑呀﹗

另外，多謝有 send sms 給我的朋友仔們，
因為你們的 sms 令我知道你們沒有忘記我......
不過，你們的 sms 好快就被無情的 delete 了，欲知詳情請看 Part two......
Sorry, Sorry, Sorry........ (我唔介意你地再 send 過來給我的。)

補寫：20071007 Sunday

今日係小二同我慶祝生日，好開心呀﹗

下午我返左學校，因為有 d 工作未做好，
之後就同小二去銅鑼灣買禮物比我，小二的禮物係 Gucci 手袋呀，
我梗係鐘意啦我咁虛榮，哈哈~ 多謝小二。

買完禮物我地去左食豐壽司，之後就返左旺角，
去左邊？秘密﹗不過都好開心﹗

到八點幾我地就去迪迪尼啦﹗
因為小二 book 左disney hollywood hotel late night 自助餐呀﹗
今次係我第一次去 disney hollywood hotel 呀﹗
好開心呀好靚呀﹗我鐘意迪迪尼呀﹗


↑me@迪迪尼車車


↑disney hollywood hotel gift shop


↑disney hollywood hotel 出面，有好多得意鬼馬車車，下次日頭去影相﹗


↑第二份生日禮物﹗

Disney hollywood hotel 好靚呀，多謝小二幫我慶祝生日呀，
你好乖呀﹗ 今日我好開心呀﹗ thank you so much!

20071006 Saturday


↑大炳加小炳......

識得我耐既人都知我好心愛我隻亞炳，
亞炳已經陪左我足足十年了，
今年生日，我給自己和亞炳買了巨型大炳，
係唔係好可愛呢？

第一份禮物係自己送比自己，Happy birthday to me

見到亞炳就會想笑，生日 happy happy﹗