補寫：20071008 Monday‧Part two

大王在學校門口等我放學，見到我拎住技安的花有點不開心......
佢建議先去中環，咁我地就去左中環，原來係換電話呀，大王送電話比我，
第四份禮物：Sony Ericsson P1i，
就係因為咁 (要 trade-in K850i)，在毫無準備下，
K850i 入面的 sms、相、鈴聲........全部比我親手 delete 了........


↑第四份禮物

換完電話之後，我就同大王返屋企打算放低技安的花再出去慶祝，
返到屋企，我沖完涼行出 washroom 門口，大王就拎住一束花，
咦？點解會由黃色馬蹄蘭變左做白玫瑰的？原來大王都買左花送比我呀﹗


↑第五份禮物：大王送的白玫瑰，好靚呀﹗

不過我真係諗來諗去都唔知佢收埋札花嚮邊？
我返屋企後有入過兩間房，但係都唔見有花既？
點解沖完個涼無啦啦會有札花既呢？我真係諗左好耐都唔明﹗

之後我地就起程去迪迪尼啦﹗(無錯﹗我太愛迪迪尼了﹗)


↑又係迪迪尼車車。 Ilove 鋼牙 and 大鼻﹗

今日係去 Disney Hotel，都係我第一次去咖﹗我地去食 Night Buffet﹗
Mickey、Minnie、Goofy 同埋 Pluto 成晚嚮度搞搞震，
Pluto 成日吼住個甜品部，好為食咖﹗↓


↑Pluto：我要食朱古力噴泉呀﹗

我同 Mickey、Minnie、Goofy 同 Pluto 影左好多相呀﹗勁開心呀﹗
食食下野，大王叫我比個銀包佢睇下，
我就嚮手袋拎銀包喇，拎出來時都唔覺有咩問題，
不過放返個銀包入手袋時，就見到我既第六份禮物，Gucci 銀包包↓


↑好鐘意呀﹗虛榮虛榮﹗

成晚 d 卡通人物搞搞震，掛住玩，其實食左好少野咋，
最曳係 Goofy 呀﹗佢襯大王去左拎野食，連佢個位都坐埋呀﹗
仲坐嚮佢個相機袋上面唔肯起身呀﹗

再夜 d，Mickey 和 Minnie 佢地就來唱生日歌比我聽，同我切生日 cake la，
好開心呀﹗佢地仲送左張簽晒名的生日咭比我呀﹗


↑許願先﹗ 許左乜梗係唔講啦﹗


↑Birthday Card from Mickey, Minnie, Goofy and Pluto

食到九點幾，我地先捨得走，不過大王食左好少野咋...........
我地行下 Disney Hotel 入面間 gift shop 就起程返屋企 la

返到屋企，大王叫我打開個衣櫃，我又收到禮物喇﹗
(計埋生日蛋糕呀，大王既生日咭呀......已經多到唔知係第幾份禮物了。)


↑大王親自訂製的生日熊 Bear


↑腳板底有我個名同埋生日 ga

今晚我真係好開心，大王為我安排的一切我都好感動，
佢話佢從來未試過為一個人的生日用咁多心機同埋錢，
仲有佢寫既咭......... anyway 多謝你呀大王....... 你今日令我有點內疚......
因為我這陣子做了令你不開心的事.......

我一定不會忘記今年的生日，thanks 大王......

補寫：20071008 Monday ‧Part one

今日係我生日，又老一年喇﹗

照常返工，點幾鐘就收到 (佢話追左我十幾年的) 技安送來學校的花，
好靚呀，多謝技安﹗


↑多謝技安的花花。 第三份禮物

話時話，真係好耐無人送花來學校比我 la，
譚麗霞即刻飛撲去睇下邊個送花比我，差 d 連卡都想拆埋黎睇，
好搞笑呀﹗

另外，多謝有 send sms 給我的朋友仔們，
因為你們的 sms 令我知道你們沒有忘記我......
不過，你們的 sms 好快就被無情的 delete 了，欲知詳情請看 Part two......
Sorry, Sorry, Sorry........ (我唔介意你地再 send 過來給我的。)

補寫：20071007 Sunday

今日係小二同我慶祝生日，好開心呀﹗

下午我返左學校，因為有 d 工作未做好，
之後就同小二去銅鑼灣買禮物比我，小二的禮物係 Gucci 手袋呀，
我梗係鐘意啦我咁虛榮，哈哈~ 多謝小二。

買完禮物我地去左食豐壽司，之後就返左旺角，
去左邊？秘密﹗不過都好開心﹗

到八點幾我地就去迪迪尼啦﹗
因為小二 book 左disney hollywood hotel late night 自助餐呀﹗
今次係我第一次去 disney hollywood hotel 呀﹗
好開心呀好靚呀﹗我鐘意迪迪尼呀﹗


↑me@迪迪尼車車


↑disney hollywood hotel gift shop


↑disney hollywood hotel 出面，有好多得意鬼馬車車，下次日頭去影相﹗


↑第二份生日禮物﹗

Disney hollywood hotel 好靚呀，多謝小二幫我慶祝生日呀，
你好乖呀﹗ 今日我好開心呀﹗ thank you so much!

20071006 Saturday


↑大炳加小炳......

識得我耐既人都知我好心愛我隻亞炳，
亞炳已經陪左我足足十年了，
今年生日，我給自己和亞炳買了巨型大炳，
係唔係好可愛呢？

第一份禮物係自己送比自己，Happy birthday to me

見到亞炳就會想笑，生日 happy happy﹗

20070928 Friday

其實我都受了很大的刺激。

你流血，揮刀那一幕，在我腦海中不斷重播。

其實我真的很累。

有些事，發生了就不能回頭。

我想你多給我一點時間。

我不想每次見面，就鬧得不開心，惡言相向，甚至動手動腳，好嗎？

我可能忽略了你的感受，但你有為我想一下嗎？

可能全部都係我錯。

20070908 Saturday


↑me @ Carrie Chau's exhibition

今朝一早去左補習賺錢錢，
之後約左大王，大王帶左我去 Carrie Chau 的畫展，
不過成個過程唔係好開心......

首先講個 exhibition，我好鐘意 Carrie Chau，
d 畫同作品都好靚，影左好多相，佢真係好叻。

但係我真係唔開心，我唔想你迫我，
我唔鐘意講野，我唔鐘意講電話，我唔鐘意咁樣落去，
點解無人明白我想點？
一個二個都係咁迫我，我好辛苦，
點解我鐘意既人唔會想同我有將來，點解我唔鐘意既人就要煩住我，
點解無人理下我感受？你地可唔可以放過我？
雖然我有病，就黎死，就黎甩晒 d 頭髮無人會要我，
雖然我每一分鐘都覺得好累好眼訓好想暈好辛苦好病好唔舒服，
但係我都唔會乞求一個唔屬於我既人背住一個她而同我一齊，
我只係想在我需要時你會出現，
我只係想在我喊時你會幫我抹眼淚，
你得咩？你做得到咩？做唔到就唔好可憐我。

我真係寧願15號佢幫我啪錯針，我好累，我真係唔想再繼續了......

補寫：20070904 Tuesday

呢一日一定要補寫.......九月四日，我同小二去左 Disneyland......


↑我第一次同 Stitch 影相 勁開心

我地都玩得好開心，雖然我去左迪迪尼好多次，
但係今次玩左好多以前未玩過既野↓
咖啡杯、小飛象、坐船船、泰山間屋......
永遠記得從泰山屋企望出去，好靚好靚......


↑成面鬍鬚，拎住粒星的薯頭 = 小二

多謝你放工咁累都陪我去 Disneyland，
多謝你買左 d 東東送比我，
多謝你請我嚮 Disneyland 入面食左餐飯，
many many thanks........
p.s> 我有 d 想多謝埋巴斯光年，你知點解？哈哈....

20070906 Thursday

這幾天的心情，有時好開心，有時又好唔開心，
我覺得自己好似就黎發癲咁......自己都搞唔清楚自己想點。

開學差不多一個星期了，
要用英文授課，對多年來教中文的我帶來沉重的壓力，
幸好都可以應付。

發生左一 d 事，覺得自己失去左依靠，
好多習慣都要改變，開始要習慣得返自己一個人，
呢個世界好像沒有太多的東西、人和事物值得我留戀，
看著照片中的自己，想著究竟我何時會對身邊的所有厭倦？

自己都唔知自己想點，自己都唔知自己講乜，
這就是好耐無 update hompy 的原因了。