20070928 Friday

其實我都受了很大的刺激。

你流血，揮刀那一幕，在我腦海中不斷重播。

其實我真的很累。

有些事，發生了就不能回頭。

我想你多給我一點時間。

我不想每次見面，就鬧得不開心，惡言相向，甚至動手動腳，好嗎？

我可能忽略了你的感受，但你有為我想一下嗎？

可能全部都係我錯。

20070908 Saturday


↑me @ Carrie Chau's exhibition

今朝一早去左補習賺錢錢，
之後約左大王，大王帶左我去 Carrie Chau 的畫展，
不過成個過程唔係好開心......

首先講個 exhibition，我好鐘意 Carrie Chau，
d 畫同作品都好靚，影左好多相，佢真係好叻。

但係我真係唔開心，我唔想你迫我，
我唔鐘意講野，我唔鐘意講電話，我唔鐘意咁樣落去，
點解無人明白我想點？
一個二個都係咁迫我，我好辛苦，
點解我鐘意既人唔會想同我有將來，點解我唔鐘意既人就要煩住我，
點解無人理下我感受？你地可唔可以放過我？
雖然我有病，就黎死，就黎甩晒 d 頭髮無人會要我，
雖然我每一分鐘都覺得好累好眼訓好想暈好辛苦好病好唔舒服，
但係我都唔會乞求一個唔屬於我既人背住一個她而同我一齊，
我只係想在我需要時你會出現，
我只係想在我喊時你會幫我抹眼淚，
你得咩？你做得到咩？做唔到就唔好可憐我。

我真係寧願15號佢幫我啪錯針，我好累，我真係唔想再繼續了......

補寫：20070904 Tuesday

呢一日一定要補寫.......九月四日，我同小二去左 Disneyland......


↑我第一次同 Stitch 影相 勁開心

我地都玩得好開心，雖然我去左迪迪尼好多次，
但係今次玩左好多以前未玩過既野↓
咖啡杯、小飛象、坐船船、泰山間屋......
永遠記得從泰山屋企望出去，好靚好靚......


↑成面鬍鬚，拎住粒星的薯頭 = 小二

多謝你放工咁累都陪我去 Disneyland，
多謝你買左 d 東東送比我，
多謝你請我嚮 Disneyland 入面食左餐飯，
many many thanks........
p.s> 我有 d 想多謝埋巴斯光年，你知點解？哈哈....

20070906 Thursday

這幾天的心情，有時好開心，有時又好唔開心，
我覺得自己好似就黎發癲咁......自己都搞唔清楚自己想點。

開學差不多一個星期了，
要用英文授課，對多年來教中文的我帶來沉重的壓力，
幸好都可以應付。

發生左一 d 事，覺得自己失去左依靠，
好多習慣都要改變，開始要習慣得返自己一個人，
呢個世界好像沒有太多的東西、人和事物值得我留戀，
看著照片中的自己，想著究竟我何時會對身邊的所有厭倦？

自己都唔知自己想點，自己都唔知自己講乜，
這就是好耐無 update hompy 的原因了。

20070903 Monday

終於誠實的對大王說了.......
大王很嬲，很傷心，哭了..........
對不起.......

今天做了三件事，好像在慢性自殺，
包括正在喝 500ml 烏龍茶。

腦海空白一片。

20070828 Tuesday

今日仲係唔係好舒服，但係你問我邊度唔舒服呢？我又答你唔到。
個人水腫，明顯就係唔夠訓，個胃又唔舒服，無胃口，又好累好眼訓。

需要購物治療。

所以放工同譚麗霞去左行 H&M, LV, Gucci, 米蘭站, 玩具反斗城...............
只係買左 $10- 野 only，就係嚮 H&M 買左條頭繩...........

返到屋企就昏迷到八點幾，先開始做學校野。

今晚真係要早 d 訓。

補寫：20070827 Monday

今日放工後就同小二b去電腦展，好多人呀﹗但係 d 野真係好抵﹗
買左 USB手指 同埋米奇老鼠 SD card，
本來想買部 printer 因為而家我部 printer 無影印 scan 呢 d 功能，
但係唔想拎之餘又諗唔到點安置而家部 printer，所以無買。

之後我地就去左 Novotel Citygate Hotel (東薈城) 食自助餐，
仲有小二b個細妹同佢既一個朋友 (小二b妹同小二b好似樣)，
好耐無食自肋餐 la 個環境同食物都好好呀，
但係可能因為我太累同唔係好舒服，都唔係食左好多野咋﹗
同埋我發覺成個東薈城都係 outlet 呀，
但係又唔係太亂o個 d，d 野又好平，所以好想另擇吉日去掃貨呀﹗

由東涌返屋企原來都好近。

補寫：20070826 Sunday

今日同小二b和一個同事去睇樓，因為個同事想租屋住，
我同小二就幫下眼咁 la，
原來我屋企環境真係唔算差，堅尼地城樓價好高，
四千幾蚊都只係租到間套房........
我都好滿足自己兩房一廳有廚房有廁所仲有全海景........
真係要努力搵錢養自己。

睇左都成九個租盤，行左好多路，
回想返初初自己搬出來住，又係乜都唔識，
好慶幸有丹尼斯幫我解決了不少問題，所以開始時我不覺得有好大困難。

下午四時睇樓團完結，
我同小二b就去旺角朗豪坊 i.t 一折大掃貨，
不過人太多我都冇心機睇，d 貨又亂，我買左一對鞋同一件衫，
折完都要$490- (已經三折左) 都算有收穫 la
之後我地都係行下街，本來想去教協點知去到又 close 左，
最後去左麻布茶房食晚飯 + 雪糕，(((((好好味呀))))))↓