好耐冇update hompy喇, 最近公司比較忙, 所以番到屋企都唔願郁...haha...

最近同同事去左華東5日, 上海+蘇州+杭州+無錫, 好凍又日日落雨, 好彩touchwood冇病~haha! 日日打長途都4,50蚊, 俾領隊串~hahahaha..."乜真係咁掛咩?"haha...幾啦...hehehe...

不過辦公室戀情都幾麻煩, 尤其是呢間公司, 唔俾得人知, 一知就5層都知...所以好似做賊咁...有時要偷偷地扮偶遇, 有時會靜雞雞0係佢附近行過~hehehe...原來呢個感覺都幾刺激架喎~hehehehe...

唔知點解雖然拍左拖唔係好耐, 一個月都唔夠, 但係好似一齊左好耐咁...hehehe...

(續)

病開有條路...闊別左好耐既傷風又黎探我喇~一病就病左幾日, 又發燒, 一時又退左, 一陣又燒過...不過仍然無損我long weekend既愉快心情~~~星期五難得唔洗留低ot睇人清潔, 梗係要去下街啦~不過都0係度同manager傾左陣偈~大小姐唔0係度佢真係會同我好傾好多...佢仲講左傳說中佢同may姐不和0個件事俾我聽~haha...傾到7點幾走lu~0係灣仔食埋飯, 沙薑雞食, 都ok好味喎~跟住去旺角拎埋條裙, 點知去到朗豪坊間分店先知佢執左!!!!! 結果又要去番潮流特區0個間拎...真係搵黎煩, 一早0個度有咪好囉~~~雖然我俾完錢遲左3個禮拜先去拎~~~行下潮流, 想買schedule, 不過唔係好岩心水~~~但係完成左個任務~好野~~~我覺得都幾靚丫~~雖然唔舒服, 但都唔想睇醫生...結果番左屋企...

星期六一早10:30am要傾功課, 真係人都顛, 但係起身時發現發燒, 掙扎左好耐先決定番去傾, 冇計, 上次份功課佢地傾時我冇出席, 今次點都要出席...結果遲左成個鐘~~~傾到12:30pm就散水...去左apm行街, 食左間日本野叫唔知咩x丸製麵所... 本來其實想食壽司, 但原來係另一邊, 排左咁耐梗係唔想走, 結果食左熟食0個邊, 我0個個豬扒麻麻地, 不過d餃子就幾好~呢間好串, 要齊人先俾入座...之後去觀塘廣場行, 買到平野~正!! 但係我又搞亂左生蠔同青口...haha...本來以為等70幾張要好耐, 但原來又唔係喎~可能d人走得快~~~食完去聯合行左陣, 又買到件平褸! 正!!! 臨尾仲去左origin買mascara同卸眼粧既oil, 突然醒起之前覺得shu emura既mascara唔好用所以話下次唔買, 點知上次買時唔記得, 又中招...waterproof既mascara都係麻煩d...好難落...origin唔係waterproof, 好~~~

星期日, 去左海洋公園~~~好玩呀!!雖然發住燒, 但係都玩左好多呀~~~諗既時候就乜都唔敢玩, 到玩左第一樣之後就乜都敢玩...hehe...係咁架, 開左個頭就唔驚架喇我~hehehe...滑浪飛船, 太空摩天輪, 跳樓機, 過山車...幾乎想玩既都玩哂!! 不過就唔夠時間睇熊貓~唔緊要啦~走既時間人地開始halloween, 見到d人既造型幾搞笑~~~等我唔驚時搵年去玩下先~夜晚去番灣仔食潮興~諗住有酒局, 點知冇, 但我都好唔舒服, 番左去睇醫生...醫生叫我做多d運動...話我咁易病...嗚嗚!呢幾日都玩得好開心~~~

其實我只係想有dd家庭溫暖...

星期六去餵貓時撞到個女人, 佢都係去餵既, 佢話我知叫我以後餵要鬼鼠d, 因為原來餵流浪貓係犯法架!!!!!!!!!搞到我今日去餵都好驚...見住佢地好開胃咁食, 唔知佢地今日係咪唔夠飽呢?

一直搵唔到人養小貓, 但係我好掛住佢地, 尋日放左工, 我自己去百佳買左d貓糧去餵下佢地...8點倒, 竟然見到大部份出哂黎, 見到6隻~好得意呀~~~我放0係紙碟度, 再放上去俾佢地, 佢地見我企咁近唔敢埋去食, 後黎我行開少少, 有1隻走埋去食, 另外有隻走左去, 原來係去叫另外1隻黎食~~~haha...見佢3隻食得咁開心, 我都好開心~~~草叢仲有另外2隻, 佢地明明有飯食緊, 我放d貓糧埋去, 有隻望下自己d飯, 又望下d貓糧, 跟住就走埋黎食喇~~~haha...隔離0個隻坐0係度, 讓佢食先...唔知佢地係咩關係呢? 到佢食完, 呢隻先走埋去食~仲食到舔碟添!!~haha...之後媽媽黎搵我, 3隻小貓坐左0係度, 由我地望~~~好可愛!!!

到今日, 諗住唔洗番學, 放左工又去買貓糧, 20蚊4罐, 唔知係咪抵呢...拎住幾罐去探小貓, 不過唔知係咪今日落大雨黎, 佢地走左去第度避雨, 唔見佢地, 淨係遠處見到一隻大dd既伏左0係度準備訓覺咁既樣...唔...好掛住佢地架嘛...

今日養貓仔既事好似有少少起色, 公司有2個同事有少少興趣, meme又有興趣, 太好喇...但係, 又有人同我講, 其實d貓仔可能已經習慣左流浪既生活, 唔慣俾人養, 拎左佢地番去可能對佢地反而冇咁好...咁點算好呢...

近日發現屋企樓下有一家8口既流浪貓貓, 好得意好得意~我日日去探佢地, 有日我同佢地影相, 有個女人走埋黎問我係咪好鍾意d貓仔, 佢再話我知原來佢地寄居0個度(街市)個豬肉佬成日打d貓仔, 嫌佢地阻住佢, 又成日call漁農署d人黎捉佢地, 佢叫我養佢地, 但可惜我屋企唔養得, 所以四圍搵人, 睇下有冇人好心收留下d bb...有1隻媽媽, 1隻爸爸, 2隻黑白色小喵, 2隻黑色小喵, 1隻花紋小喵, 仲有一隻大少少既淨色喵...真係好得意...我周圍問人, 今日我聽到個同事話佢屋企有養貓, 於是我問佢有冇興趣養呢d小喵...點知佢話: "流浪貓污糟喎..." 我覺得呢句非常"ung"耳...再問之下, 原來佢屋企養既係英國短毛貓...哦...養開名種貓, 梗係養唔慣呢d可憐既流浪花貓啦...之但係...sorry喎, 我真係覺得呢d家貓仔比0個d名種貓得意得多喎, 唔係我屋企唔養得, 我一定養好多貓貓狗狗...點解d人咁冇愛心架呢? d貓仔咁細, 咁可憐, 仲要成日俾人打俾人捉...可唔可以俾少少愛心出黎呀??? 可能係我太貓痴, 佢既呢一句我ung住個心成日...平時都冇乜同呢位同事講野, 不過經過佢呢一句之後, 我諗我都要對佢重新估計...

開心既時間都係過得特別快既...尋日大小姐唔0係度, 又enjoy左成日manager對我比較好既一天, 今日佢番黎, 一切又打回原形了~~~今日lunch同另外2個朋友食飯, firm左我走係7通知咋~~~幾開心~~~又可以努力搵工lu~

出奇地竟然6點幾可以收工, 不過反而冇野做, 慣左平時8點架嘛...

united 93...唔知好唔好睇呢?

人生係咪總有d遺憾架呢? 又或者, 人生係咪都係咁多命中註定架呢?

今日同個中學老死食飯, 賀佢牛一, 席間知道左個舊同學舊年結左婚, 最近生左個仔...我地都好戥佢開心, 仲好希望有機會可以見下佢個bb仔添! 最鍾意睇人地d bb...真係可愛~

0個頭開開心心, 點知到左夜晚, 0係婆婆屋企同個中學同學msn, 佢講左個令人好唔開心既消息俾我聽...原來我地一個舊同學, 舊年車禍過左身...曾幾何時, 我同呢位朋友都幾fd, 一齊上堂玩既情景都仲0係個腦度...我當堂呆左...再問落去, 冇人知道佢而家"住"0係邊...我話遺憾, 係因為事隔咁耐先知...而且, 想去盡點心意拜下佢都冇途徑...相識一場, 好唔想見到咁既結局...人越大, 要面對既野就開始越多...有喜事, 亦會有白事...點解人生要係咁呢...點解唔可以大家都開開心心, 冇病冇痛, 冇生離死別???

命中註定...得20幾歲, 仲有咁多青春...唉...人生真係無奈...

希望你安息, 0係遙遠既地方開開心心咁生活, 冇世俗既煩惱...