其實我只係想有dd家庭溫暖...

星期六去餵貓時撞到個女人, 佢都係去餵既, 佢話我知叫我以後餵要鬼鼠d, 因為原來餵流浪貓係犯法架!!!!!!!!!搞到我今日去餵都好驚...見住佢地好開胃咁食, 唔知佢地今日係咪唔夠飽呢?

一直搵唔到人養小貓, 但係我好掛住佢地, 尋日放左工, 我自己去百佳買左d貓糧去餵下佢地...8點倒, 竟然見到大部份出哂黎, 見到6隻~好得意呀~~~我放0係紙碟度, 再放上去俾佢地, 佢地見我企咁近唔敢埋去食, 後黎我行開少少, 有1隻走埋去食, 另外有隻走左去, 原來係去叫另外1隻黎食~~~haha...見佢3隻食得咁開心, 我都好開心~~~草叢仲有另外2隻, 佢地明明有飯食緊, 我放d貓糧埋去, 有隻望下自己d飯, 又望下d貓糧, 跟住就走埋黎食喇~~~haha...隔離0個隻坐0係度, 讓佢食先...唔知佢地係咩關係呢? 到佢食完, 呢隻先走埋去食~仲食到舔碟添!!~haha...之後媽媽黎搵我, 3隻小貓坐左0係度, 由我地望~~~好可愛!!!

到今日, 諗住唔洗番學, 放左工又去買貓糧, 20蚊4罐, 唔知係咪抵呢...拎住幾罐去探小貓, 不過唔知係咪今日落大雨黎, 佢地走左去第度避雨, 唔見佢地, 淨係遠處見到一隻大dd既伏左0係度準備訓覺咁既樣...唔...好掛住佢地架嘛...

今日養貓仔既事好似有少少起色, 公司有2個同事有少少興趣, meme又有興趣, 太好喇...但係, 又有人同我講, 其實d貓仔可能已經習慣左流浪既生活, 唔慣俾人養, 拎左佢地番去可能對佢地反而冇咁好...咁點算好呢...

近日發現屋企樓下有一家8口既流浪貓貓, 好得意好得意~我日日去探佢地, 有日我同佢地影相, 有個女人走埋黎問我係咪好鍾意d貓仔, 佢再話我知原來佢地寄居0個度(街市)個豬肉佬成日打d貓仔, 嫌佢地阻住佢, 又成日call漁農署d人黎捉佢地, 佢叫我養佢地, 但可惜我屋企唔養得, 所以四圍搵人, 睇下有冇人好心收留下d bb...有1隻媽媽, 1隻爸爸, 2隻黑白色小喵, 2隻黑色小喵, 1隻花紋小喵, 仲有一隻大少少既淨色喵...真係好得意...我周圍問人, 今日我聽到個同事話佢屋企有養貓, 於是我問佢有冇興趣養呢d小喵...點知佢話: "流浪貓污糟喎..." 我覺得呢句非常"ung"耳...再問之下, 原來佢屋企養既係英國短毛貓...哦...養開名種貓, 梗係養唔慣呢d可憐既流浪花貓啦...之但係...sorry喎, 我真係覺得呢d家貓仔比0個d名種貓得意得多喎, 唔係我屋企唔養得, 我一定養好多貓貓狗狗...點解d人咁冇愛心架呢? d貓仔咁細, 咁可憐, 仲要成日俾人打俾人捉...可唔可以俾少少愛心出黎呀??? 可能係我太貓痴, 佢既呢一句我ung住個心成日...平時都冇乜同呢位同事講野, 不過經過佢呢一句之後, 我諗我都要對佢重新估計...

開心既時間都係過得特別快既...尋日大小姐唔0係度, 又enjoy左成日manager對我比較好既一天, 今日佢番黎, 一切又打回原形了~~~今日lunch同另外2個朋友食飯, firm左我走係7通知咋~~~幾開心~~~又可以努力搵工lu~

出奇地竟然6點幾可以收工, 不過反而冇野做, 慣左平時8點架嘛...

united 93...唔知好唔好睇呢?

人生係咪總有d遺憾架呢? 又或者, 人生係咪都係咁多命中註定架呢?

今日同個中學老死食飯, 賀佢牛一, 席間知道左個舊同學舊年結左婚, 最近生左個仔...我地都好戥佢開心, 仲好希望有機會可以見下佢個bb仔添! 最鍾意睇人地d bb...真係可愛~

0個頭開開心心, 點知到左夜晚, 0係婆婆屋企同個中學同學msn, 佢講左個令人好唔開心既消息俾我聽...原來我地一個舊同學, 舊年車禍過左身...曾幾何時, 我同呢位朋友都幾fd, 一齊上堂玩既情景都仲0係個腦度...我當堂呆左...再問落去, 冇人知道佢而家"住"0係邊...我話遺憾, 係因為事隔咁耐先知...而且, 想去盡點心意拜下佢都冇途徑...相識一場, 好唔想見到咁既結局...人越大, 要面對既野就開始越多...有喜事, 亦會有白事...點解人生要係咁呢...點解唔可以大家都開開心心, 冇病冇痛, 冇生離死別???

命中註定...得20幾歲, 仲有咁多青春...唉...人生真係無奈...

希望你安息, 0係遙遠既地方開開心心咁生活, 冇世俗既煩惱...

我考到車牌喇!!! 話說尋日一早(其實都9點, 不過都可以訓多過番工既~~~)起身, 去補多堂先準備考試, 今堂竟然師傅要俾人監堂~haha...佢勁緊張, 佢話係今年既appraisal, 食粥食飯都係睇佢架喇~不過我覺得佢都教得幾好, 所以我都俾佢滿分~~~^^佢話我幾好, 個心都定d...

距離正式考仲有1個鐘, 都係食個飯先~好快就到試車勒, 個試車師傅都幾好笑, 戴住個烏英超, 不過都係超好人, 佢都話我幾好, 叫我定d俾d信心...好難喎...話哂考試, 一定緊張死架啦...haha...

終於都到左正式考...考銀城線(最短既路程), 好呀, 岩岩頭先0個堂先練左2次, 沿路都ok, 轉彎都幾滿意, 到臨考完番番駕駛學院, 要cut線去左線先, 有架的士0係後面, 我見佢讓我, 我咪照cut囉, 以前師傅話過唔好打左燈好耐都唔轉架嘛~點知落車前,

考官話: "你見唔見到頭先你cut線之前有架的士好近你呀?"

我: "見到呀~但我見佢讓我咪照過囉!(理直氣壯地)"

考官: "唔...好啦, 考完架喇, 你做埋落車前既野啦(熄匙, 轉番1波)"

見佢咁講...又勁驚...唔係臨尾香下嘛...係我會一世唔搭的士架!!!入番房入面等成績, 好快就到我, 死勒, 以前師傅話如果好快叫你就即係fail架喎...拎完成績, 見到剔左合格0個格, 我都冇乜反應...再行番出黎俾個成績d職員, 我都係呆呆濟濟咁...再過多成分鐘, 我先識開心~hahahahhaha...白痴...

本來諗住行下街, shop下ping慶祝下, 夜d先番屋企食飯, 點知媽咪一個追魂call就即時召左番去lu~~~不過今日心情都好好~番屋企睇神鵰, 上下網...唉, 不過諗起連放4日之後要番工, 又要對住d大小姐就唔係好開心...

原來車牌要$900架...咁貴既...不過10年期...

開心開心~~~

諗左好耐, 今日要見工, 見6點...究竟點先可以走得甩呢??仲要我聽日又放a/l(要考車)要請半日假實唔得啦...於是...詐病!!!!!雖然係假d, 不過冇辦法之中既辦法...(早排病到死冇請到sick leave, 今次當補番啦...hahaha...)所以今日可以好開心咁訓到12點先起身勒~~~^^

bluebelle group...唔知係間咩公司黎架呢...有d期待...

_~~~~~~~~~~~~~~~~~~~~~~~~~~~~~~~~~~~~~~~~~~~~~

見完lu~~~原來係jurlique既代理公司, 都係大公司, interviewer 10個串, 句句都同我頂到行, 好似唔搵你弱點出黎不可咁...之前又要填好長既form, 又要做translation test (係, in mkt assistant要做translation test ==)仲有作段文...再等多15-20 mins...咩事呀而家...搞左我個半鐘...好耐冇試過interview要0係最高作戰態度...in完都真係有d累...hahaha...佢話今個禮拜如果岩會再in...如果真係...我都唔知點請假咯...

媽媽煮豆豉鯪魚尤墨菜煮到上癮, 今晚再出現呢味"送", 不過今次真係好味好多喎~hahahaha...

聽日...要俾心機, 一定要pass!!!!!!!