開心既時間都係過得特別快既...尋日大小姐唔0係度, 又enjoy左成日manager對我比較好既一天, 今日佢番黎, 一切又打回原形了~~~今日lunch同另外2個朋友食飯, firm左我走係7通知咋~~~幾開心~~~又可以努力搵工lu~

出奇地竟然6點幾可以收工, 不過反而冇野做, 慣左平時8點架嘛...

united 93...唔知好唔好睇呢?

人生係咪總有d遺憾架呢? 又或者, 人生係咪都係咁多命中註定架呢?

今日同個中學老死食飯, 賀佢牛一, 席間知道左個舊同學舊年結左婚, 最近生左個仔...我地都好戥佢開心, 仲好希望有機會可以見下佢個bb仔添! 最鍾意睇人地d bb...真係可愛~

0個頭開開心心, 點知到左夜晚, 0係婆婆屋企同個中學同學msn, 佢講左個令人好唔開心既消息俾我聽...原來我地一個舊同學, 舊年車禍過左身...曾幾何時, 我同呢位朋友都幾fd, 一齊上堂玩既情景都仲0係個腦度...我當堂呆左...再問落去, 冇人知道佢而家"住"0係邊...我話遺憾, 係因為事隔咁耐先知...而且, 想去盡點心意拜下佢都冇途徑...相識一場, 好唔想見到咁既結局...人越大, 要面對既野就開始越多...有喜事, 亦會有白事...點解人生要係咁呢...點解唔可以大家都開開心心, 冇病冇痛, 冇生離死別???

命中註定...得20幾歲, 仲有咁多青春...唉...人生真係無奈...

希望你安息, 0係遙遠既地方開開心心咁生活, 冇世俗既煩惱...

我考到車牌喇!!! 話說尋日一早(其實都9點, 不過都可以訓多過番工既~~~)起身, 去補多堂先準備考試, 今堂竟然師傅要俾人監堂~haha...佢勁緊張, 佢話係今年既appraisal, 食粥食飯都係睇佢架喇~不過我覺得佢都教得幾好, 所以我都俾佢滿分~~~^^佢話我幾好, 個心都定d...

距離正式考仲有1個鐘, 都係食個飯先~好快就到試車勒, 個試車師傅都幾好笑, 戴住個烏英超, 不過都係超好人, 佢都話我幾好, 叫我定d俾d信心...好難喎...話哂考試, 一定緊張死架啦...haha...

終於都到左正式考...考銀城線(最短既路程), 好呀, 岩岩頭先0個堂先練左2次, 沿路都ok, 轉彎都幾滿意, 到臨考完番番駕駛學院, 要cut線去左線先, 有架的士0係後面, 我見佢讓我, 我咪照cut囉, 以前師傅話過唔好打左燈好耐都唔轉架嘛~點知落車前,

考官話: "你見唔見到頭先你cut線之前有架的士好近你呀?"

我: "見到呀~但我見佢讓我咪照過囉!(理直氣壯地)"

考官: "唔...好啦, 考完架喇, 你做埋落車前既野啦(熄匙, 轉番1波)"

見佢咁講...又勁驚...唔係臨尾香下嘛...係我會一世唔搭的士架!!!入番房入面等成績, 好快就到我, 死勒, 以前師傅話如果好快叫你就即係fail架喎...拎完成績, 見到剔左合格0個格, 我都冇乜反應...再行番出黎俾個成績d職員, 我都係呆呆濟濟咁...再過多成分鐘, 我先識開心~hahahahhaha...白痴...

本來諗住行下街, shop下ping慶祝下, 夜d先番屋企食飯, 點知媽咪一個追魂call就即時召左番去lu~~~不過今日心情都好好~番屋企睇神鵰, 上下網...唉, 不過諗起連放4日之後要番工, 又要對住d大小姐就唔係好開心...

原來車牌要$900架...咁貴既...不過10年期...

開心開心~~~

諗左好耐, 今日要見工, 見6點...究竟點先可以走得甩呢??仲要我聽日又放a/l(要考車)要請半日假實唔得啦...於是...詐病!!!!!雖然係假d, 不過冇辦法之中既辦法...(早排病到死冇請到sick leave, 今次當補番啦...hahaha...)所以今日可以好開心咁訓到12點先起身勒~~~^^

bluebelle group...唔知係間咩公司黎架呢...有d期待...

_~~~~~~~~~~~~~~~~~~~~~~~~~~~~~~~~~~~~~~~~~~~~~

見完lu~~~原來係jurlique既代理公司, 都係大公司, interviewer 10個串, 句句都同我頂到行, 好似唔搵你弱點出黎不可咁...之前又要填好長既form, 又要做translation test (係, in mkt assistant要做translation test ==)仲有作段文...再等多15-20 mins...咩事呀而家...搞左我個半鐘...好耐冇試過interview要0係最高作戰態度...in完都真係有d累...hahaha...佢話今個禮拜如果岩會再in...如果真係...我都唔知點請假咯...

媽媽煮豆豉鯪魚尤墨菜煮到上癮, 今晚再出現呢味"送", 不過今次真係好味好多喎~hahahaha...

聽日...要俾心機, 一定要pass!!!!!!!

今日學車都幾順利, 而且見到好多突發既事, 包括: 有死車, 中途有車停低同埋突然間有路人衝出黎...呢d之前學既時候都未遇過, 考試前夕遇到哂, 都幾好, 起碼如果當日遇到都叫做識點做既...講開個路人衝出黎, 好彩當時收得切油, 唔係都唔知點好...

我:" 嘩, 個女仔完全冇理過我喎(佢一路望住右面行, 而我0係佢左面出黎), 佢對我咁有信心呀?"

師傅: "哈, 佢其實係對我有信心咋, 見有駕駛學院既師傅坐0係度~哈哈哈~"

我: "係既係既...(流汗)"

師傅都係講同一番說話, 叫我轉彎唔好咁緊張, 記住當日唔好咁緊張, 照平時做就冇問題架喇喎...我都知, 放鬆到先得架...

尋日0係新monday睇到anna sui有新collection, 有隻紫色蝴蝶圖案既鏈好靚, 我呢個紫色狂迷立即戀上~於是拎住份報導去左銅鑼灣i.t.搵...原來另外睇中既耳環未番仲有雜誌上面登錯價, 應該係$995唔係$549~最後買左條手鏈, 盛惠$849(i.t.credit card折左後$774)...肉都赤埋...但係又真係好鍾意...原本仲鍾意隻介子架, 不過佢一定要連另外一隻唔靚既一set買...所以都係冇買到lu~不過...有我size先算啦~好少有4號介子... 

i.t. sales...買左對綁帶鬆高涼鞋~好野, 有新鞋仔~仲拎番之前0係網上商務訂左既2本書, 不過個sales既態度10份惡劣, 下次都係唔揀呢間拎喇...好似好難為佢要佢拎出黎俾我簽收咁...唔好做丫笨...激死我...

至鍾意儲meko水樽, 今次又有新傑作, 係扭扭不規則既水樽, 好靚喎~都只係$2.5, 好抵呀!!!

重踏幾個月冇行過, 番hall0個條斜路...好有親切感~~~!! 番去之前住既房間, 同同房吹左成個鐘頭水, 仲約好下星期食飯~~~其實一齊住咁耐都只係我走之前食左一餐...都幾搞笑...拎埋我留低左既2袋野(嚴格黎講都係唔係屬於我既野黎)就走lu~唔見相熟既看更伯伯, 有d失望...好懷念住hall既日子...太多自由了...而且學生生涯無咁多煩惱...出黎做野, 人同事都好煩...fresh grad...可能仲需要d時間適應...

番到屋企過左12點, 又要兜去另一邊入, 麻煩死~~~

次次都係咁...每次俾人鬧, 個三八都要加把口...乜都懶我, 係呀, 就黎你地乜都唔洗做架喇...出埋你地份糧好唔好...

唔講唔開心野~~~今日星期五, 又係一星期一度既清潔日子...唔係我清潔, 係有隊crew上黎清潔既, 我只係負責睇住佢地...其實我覺得呢班嬸嬸同叔叔好好人呀, 我見親佢地都好有親切感, 佢地仲會同我傾偈架~不過唔可以傾太耐, 因為會俾"人"鬧...ha...今日連嬸嬸都話叫我唔好再留0係度, 0徒時間...我都想...

8點, 清潔完迫住同佢地2個走...約左wing wing, vivi同文文食dinner賀wing wing生日, 等埋文文收工就去食蕃茄麵(公和荳品)~又幾好食喎, 0係尖沙咀樂道, 一d都唔貴, 但又食得好飽~食完又0係度吹水, 同朋友仔吹水既感覺實在太好~~~vivi同wing wing都搵到pr工作喇...希望我都快d搵到...

番屋企途中突然倒水咁落勁大雨!!!痴左線...又冇帶遮...明明日頭0個時曬成咁, 又會拎遮啦...結果...咪淋住勁雨番屋企囉...快d沖番個熱水涼, 舒服哂~

聽日又要學車...咪玩啦, 學親車先黎落咁大雨, 一係就曬到夏威夷咁...下星期二...唔可以出錯~~~

恭喜恭喜~~hahaha...一路睇朋友仔既hompy覺得好靚, 唔醒起其實自己都係用緊netvigator添~今日老細唔0係度, 一於搞下個hompy俾自己啦~~~頭先去左買衫俾avator既自己, 原來幾好玩架喎~hahahaha!不過我唔會有左新home而忘記左xanga既~

等我得閒既時候再整靚d個hompy先~

放左成日假(老細不在, 作反), 好努力咁搵工, 居然0係公司都夠膽send application, 可見我要走既決心幾大呢...hahaha但係到而家為止都冇interview, 唔通我呢份工做得既時間太短???今日聽朋友wing同vivi講佢地都已經搵到pr工做喇...點解係我搵唔到既...我唔要再0係度呀...

幾時先可以逃出生天???