終於知道什麼是破財日!

話說返工冇耐, 會計走過黎同我講: "你係米未交稅...呀?" 嘩... 唔好玩啦...大拿拿幾千蚊, 唔係放錯稅嘛...印象中, 我都係幫家姐教埋, 當然係透過 e-banking啦, 佢重話收到單據添, 我重大安旨意, 咩都唔理 (即係寄黎嘅信, 都冇理)~

最後唯有check下條數, 原來自己大頭蝦, 交學費都冇問題, 但係交稅就揀錯左戶口, 最後當然係冇過到數啦...灰晒...再check稅務易, 原來又黎追數, 重要黎罰我錢, 政府洗唔洗咁打壓我地呢d低收入人士先....算數, 係自己錯, 比多幾舊, 當貢獻社會啦~

誰知check開e-banking, 又發現多左一條罰款, shit~原來遲左交咭數...真係灰爆添...唉...大破財日...又唔見多幾舊...破財擋災, 算吧!!

唔知點解, 用用下電腦, 成個hard disk 唔見左, 將d野插過晒, 先揾得返, 好彩~然後用機用到咁上下, 都打算出去買個hadrdisk 做backup, 點知突然熄機, 嚇到阿媽都唔認得~rebot試下, 點知部機發出救傷車的聲音 "bee bu _{bee bu}..."好恐怖呀~大佬, 唔好玩啦~沖過涼, 冷靜左, 再開機, 結果話比我聽, cpu over-heat... 真係玩我!以往就算開通頂都唔會有d咁嘅情況, 真係被部機嚇死!!

最後買左個500gb harddisk返黎backup file, 正!!

與同事之間工作, 實在很容易發生衝突, 但也不應分脾氣吧!!雖然不是自己的事, 但看到鬧翻了的場面, 的確不太好受, 尤其看到有同事哭起上來, 很怕!!

到了澳門探親遊, 首次吃了魚翅撈飯, 勁型!!

到了海洋公園遊, 睇到荒失失奇兵2個展館, 勁正!!

如果有多d時間去玩就好啦...重想去埋迪士尼呢, 哈!!!

有朋友說很難想到以牛為主的恭賀語，我也搞點腦汁，作了下面嘅祝福語：

我幫你祈左個福，仙人指路，今年你會金牛滿屋，財源滾滾來；佢重話幫你趕走公司裡面嘅牛鬼蛇神，工作順利，萬事如意！真係恭喜恭喜~

絕對原創，任意轉載！

如有類同，實屬巧合！

年廿八, 洗邋遢, 搞到今日, 終於執得似模似樣, 不過重有好多野, 收埋左, 唔俾人見(雖然冇人黎我地屋企拜年)~

年廿九, 晨早睇左 "marley & me", 值得一睇, 我都感動到喊了, 哈~

今日年三十, 終於買新鞋, 同新褲, 但買唔到新衫...睇怕都要之後先買啦...

預祝各位牛年身壯力健!!

雖然一早係網上得知學期成績. 但總係要睇返份正本, 先知阿SIR點比分, 自己有咩衰左~我份功課, 只係group presentation揾過料, 之後就冇做過,最後只用左大約 2日嘅時間完成~自己做完都覺得冇野好吹出黎, 連字數都唔夠, 冇理照交~ 最後 60分底分的個人功課, 我攞到 55 分, 算是 A-的功課吧...但最終只能攞 B+, 都可能係因為group presentation 唔夠高分, 早知幫手做好D, 咁米可以攞到第一個A-囉...下次要努力努力~

又要訂新目標啦, 不過以往訂了的, 好像也未能達成, 算啦算啦, 哈!

新年的目標:

1. 當然是要好好工作, 增加工作效率 ;


2. 努力學習, 完成學業;


3. 每日都過得開開心心;


4. 揾到個女朋友(請多多介紹);

大家也新年快樂, 事事順利啦!!