嘩 都有一段時間無寫過lu
返去HR都半年lu
當然係忙到死啦
有時都唔明點解自己係都要咁
係都要虐待自己
不過 我無唔鍾意我既工作 因為日日都好有挑戰性
當然係想人地會認同我啦
自從上次俾人跣左鑊之後 我一定好記得呢個人
點知尋日 Grace返黎 又係個個人問佢拎野
Grace當然無俾佢啦 因為佢地Finance 都cluster左
佢雖然落左site做野 都無理由唔問返佢地自己既人拎料
不過算啦 我都係覺得當初佢點對人 最終自己都會受返
個日發生件事之後 Grace都同我講 佢肯定遲d 會有事發生
有時我都係度諗 點解咁黑暗架呢
日日返工既挑戰就係同人鬥心理
正所謂 道高一丈 魔高一尺
唉 我呢d 咪就係 經一事 長一智囉
雖然阿頭捱我 但我個心都總係過唔去
阿頭只係話 呢個錯唔係你一個人
但對我有要求既人黎講 我覺得係一個好大既問題....

返去HR 已經有三日嘞
hehe... 仲係未有位坐呀
就好似無主孤魂咁
成日都坐住Joe個位
好似 逼佢走囉
唔知幾時 先有位呢
而家d 野放晒係Grace度囉...
連杯都唔敢拎返去
不過等我有位時
我一定放好多野係desk 等我得閒 可以玩下嘛
暫時 都唔算太忙
不過我諗我都唔會點OT架嘞
因為好似需要唔大嘛
係有D野比較麻煩囉…

今日返工 真好笑
話說有個整冷氣既師傳 同我講要換冷氣
我又問人地幾時會整好 問得好詳細
就話過幾日就唔會見到我嘞
所以想知道大約幾時先有啦
點知 師傳阿豪 竟然俾左佢個電話我
hehe 當初我問極都唔俾喎
而家我走先俾我喎
hehe 我話 得架嘞 我會叫下手 有咩唔明打俾佢問
點知 佢同我講 呢個係佢私人電話喎
hehe 我信你至奇啦 我話 貼係度 就ok啦
佢係都叫我唔好貼喎
hehe... 我話我唔會打比你架喎
點知 佢話我車埋你呀
hehe 我話 你一定唔車架 佢問我點解喎
我話 我住香港區 你又點會車我呀
haha 即話 咁我車你去天星囉
hehe 點知 到我走個陣 佢真係話要車我囉
我話唔駛啦 你車我 好似唔係咁好喎
不過點都好 都要多謝佢既好意啦
拎住兩大袋野返屋企 
返到去 又唔眼訓喎
hea下hea下 又係時間 去拎相機 拎完之後 就去join埋小白
諗住去築地食八瓜魚丸架嘛 點知變左第二樣囉
早幾日同儀姐姐落旺角都諗住買架嘛
最後因為食飯 所以無食到
唉 d八瓜魚丸等緊我架嘛...
之後 就join 埋ray, yau同carol 去barn ii 食飯
呢餐飯 咪就係一路食 一路 俾人踢囉
hehe... 下次我要拔晒佢d腳毛囉....
食完飯 就去食糖水嘞
點知 個度有套餐架
hehe 下次再去既時候 一定要再食....

今日放左工 同何總&儀姐姐食飯
hehe 去左食我最愛既意粉囉
原來呢間 我去過囉
食完 去便便餐廳 食糖水囉
hehe 食到我同儀姐姐傻囉….

兩個禮拜後 我就會返前公司做野
呢兩個禮拜 會盡我所能 做好d野俾人....
到時我就要告別而家可以上網既日子
就連忙裡偷閒既時間都無
不過真係有d唔捨得既
有時我對外既工作 人地一聽到 呢間學校姓x小姐既時候
肯定個個都心諗 呢個麻煩女仔又打黎嘞....
正所謂 係度做左咁耐 真係個名遺嗅萬年

今日返舊公司interview 估唔到既話
我d 舊同事係咁 問grace 我係咪唔黎呀
就連我阿head尋日都問起我黎唔黎呀
開心既係 佢地無忘記我呀
當初我仲擔心緊返去做 其他人同其他組既人會點諗
點知 我未去見工je 連我走左之後既同事都識我囉
hehe... 仲可以 同k.ying 食飯 或放工tim
hehe 都係第一次同同學仔 係同一度地方做野咋….

唉 呢個問題 都諗左好耐
轉既話 就代表我開始放棄
唔轉既話 我又覺得自己 唔知做緊乜
咁可以點做呢…

尋日 同我舊同事食飯
佢話 我諗野大過左
還同我講 我跟小白開始有距離
這個係真嗎 同事竟然從我既諗法度發現
我開始擔心 呢個會係事實嗎
問題 重重覆覆係腦度 出現勁多問號囉
本來真想轉返去醫院做
但因請唔到假
仲問同事 你會唔會因為麻醉自己 先去轉工
點知 佢答我會喎 仲問我點解咁問
其實我想轉工既原因 都係咁
唔想太多時間 去諗無謂既野
但知道 我轉工後 就唔會再好似而家咁free
而我都知 我既心情 會影響我既一切
再加上 醫院既工作 係唔可以 頭腦唔清晰
到時唔清晰 我就真係 有排做...