由於facebook,一個小學四年級後都冇再傾計o既女同學仔add 返我..其實呢個女同學一直都係心目中有一段唔開心o既回憶...因為4年級一次運動會,我同佢兩個一齊合作玩遊戲,結果僅輸一分俾另一組..之後就推卸晒責任俾佢,話佢技術差,拋到唔中目標..之後佢竟然喊到收唔到聲..老師仲走埋黎了解成件事,安慰佢...當佢一喊我就知道自己做錯..男仔係唔應該讓女仔流淚...之後佢冇再睬我,直到畢業我都想同佢say sorry..不過一直都冇咁o既機會...直到尋晚終於可以開口,說一句sorry呀...原來佢一早都已經唔記得呢件事..我講起先有小小印象...枉我仲內疚左十幾年添...哈哈..我點解咁怕見到女仔喊就係因為咁...好彩佢都原諒左我...謝謝你..

之後再睇我facebook 小學同學d相一齊尋找記憶..話俾佢知大家o既近況,傾訴下心事咁...小學同學d友誼真係好純真,雖然十年冇見一樣可以傾得埋..仲有響對方全朵,都係d小學雞先會..哈哈..今日我地又做埋朋友...呢個世界真係冇絕對..

工作關係所以少左寫blog....每日都係返工..放工,帶住沉重o既身軀,空洞o既靈魂..好回家...每日只可以同穎宜傾幾個電話..為左爭取見面時間,放假我都會接穎宜放工,有時收早穎宜都會過黎接我收工o既...見到佢咩辛苦都唔記得晒lu..平時我都會帶穎宜四圍食好野..穎宜對食冇咩要求,所以平時都係我揸主意,不過都偽食日本野多dd..係我手上穎宜會肥肥白白,開開心心咁過...

雖然見面時間少..但係我地都會有共識,大家都會為目標,理想而奮鬥...我地一齊左五個月啦..從來冇嗌過交,冇發過對方脾氣,..我都未遇過一個咁o既女仔,我欣賞穎宜o既優點有:成熟,節儉,唔崇尚名牌,容易滿足,容易相處,聽晒我話,我話一,佢唔敢話二.哈哈....其實仲有好多o既..而缺點係有時都會好大頭蝦..有幾次激到我嘔血...有時又會幾傻嫁..哈哈,女仔係要咁先可愛...雖然外表好似幾堅強,成熟咁,但係有時都好需要我去照顧佢...有時穎宜都要照顧返我o既..因為我仲係一個大細路...

下晝係打機,執房,換床單...

7點鐘過中環接穎宜收工...搭船過紅磡黃埔,穎宜咁大個女都未黎過..其實都冇咩野行...美心mx 食野..冬瓜盅又ok喎..9點半送穎宜返屋企..

黎緊我又要重新投入工作...同穎宜見面時間大幅度減少,唔知道會有幾多影響...好多野冇辦法去控制..世事難完美,只能靠自己爭一口氣,我會努力工作..為我夢想繼續努力..希望以後你都會支持我...

或者係一個考驗,去試下我地o既感情係真定係假..我相信直覺佢話聽我冇選擇錯..

晚7點鐘過中環接穎宜放工,不過塞車遲到...要穎宜等..

跟住一齊過佐敦買左盒西餅返kcc 探班...佢地線路依然非常繁忙.炒炒炒..同大明,大佬吹下水咁..同佢地相處其實都好開心...

晚餐係佐敦食麵,之後就送穎宜返屋企...

12點深水涉明星之友消夜...零晨3好回家...

早10點半...個傻妹打黎話..我搵到工啦..開心到佢呀..

1點鐘..過到黎淘大一齊食野..大快活..其實近一,兩年我都會經常都幫襯大快活..因為改革左之後d野真係唔錯...今日我食鮮茄系列...個茄汁做都好好..開胃,味道好..唔錯..

二點八睇街頭超人..都幾好睇o既..不過好似差左一d野,唔知係咩...冇想像中咁好睇....

睇完返屋企,hea到8點..落淘大板長壽司食野..同穎宜食餐好..為穎宜加加油,打打氣..聽日返工啦..努力奸爸爹..我一定支持你..

10點送穎宜返屋企,條路爆渠封左條路,個巴士司機唔識路..又行錯路,兜多左20分鐘先返到去..勁搞笑..

R洲國家杯西班牙最終都勇奪冠軍...論組織,技術,默契,龍門,中場,前鋒都係一流..黃金中場個d小組入攝,短傳,直線傳球,三,兩下就攻入禁區,撕破德國防線..絕對係技術性撃到德國..德國o既陣容,組織,戰術得到亞軍都已經算超額完成....

反而荷蘭真係有d失望...虎頭蛇尾...唉..

今日同穎宜係屋企hea....晚9點先落淘大食野..再睇"功夫熊貓"..好笑呀.對白又低死都幾好睇o既..

通宵睇左成個月波...我個樣都變熊貓啦..唉

尋日又同穎宜係戲院睇左兩場戲...文雀,殺神特工..個傻妹買左晚10點o個場"殺神特工"..睇下隻錶先05:45pm..點樣係旺角hea 4個鐘呀..冇計啦..睇埋6點鐘"文雀"..雖然係拍得幾靚,不過節奏慢得制呀..呢d藝術電影..我就mama地啦...

晚7點半係極之好食野..跟住行街街..諗住捐血..不過岩岩食飽都係下次先..係信和hea左成個鐘..

買左張六合彩中得2個字...穎宜竟然買$5 都中3個字..所以d人話食幾多..著幾多係真係整定o既..穎宜行緊運啦..我就有派先到..

10點睇"殺神特工"...誇張失實左d..不過真係幾好睇..睇落去d情節越睇越似GTA..環境..槍戰..飛車追逐..撞警車..都係同隻game 如出一轍..穎宜同我一齊玩過gta,所以佢都話似..大慨美式風格都係要有呢d元素....由頭到尾,都緊張刺激..90分..絕對誠意推介..

今日穎宜唔得閒陪我...又落雨..都係柄埋係屋企hea,,睇書,打機..睇電視.."法證先鋒2"大結局..呢套劇好睇呀..亮相..我都幾鍾意...

sa 嘩 dee cup...冇錯..我真正身份係能操流利泰語o既...

尋晚意大利vs西班牙...加時再射埋12碼..西班牙好彩都過關..睇完都已經朝早5點半..

早10點鐘..樓上就鑽牆..爆地..搞到我冇覺好訓..

下晝3點鐘..穎宜送外賣黎先起身

5點出街街..屎忽痕行赤柱..對住個海,睇日落..d海風吹埋黎,真係好舒服..正到呢...

係赤柱食麥記...之後搭巴士出中環..再搭天星小輪過尖沙咀...係海旁坐左陣欣賞迷人夜景..

10點半送穎宜返屋企...