最近唔知係忙得制,定冇心機寫野…所以一段時間又冇寫blog…最近心情亦相當反覆…有d野令我進退兩難…我應該向左走定向右走…

下晝一點同穎宜係德福Pokka Café 午餐,食左三個野埋單$300 ...肉都赤埋...跟住想係mcl睇戲又爆晒...唯有行下德福,淘大..返屋企hea 一陣,,6點半出門口..去飲昌爺o個餐...穎宜就去探阿婆...

7點太子煌府酒家...昌爺d結婚相型到佢呀..阿津都賢良淑德,佢地拍左咁多年拖終於都可以攜手黎都呢一站,我睇見昌爺咁英,搞到我都有幻想自己都有咁o既一日,哈哈...彩霞村籃球同盟合照,,歷史上都叫首次..開開心心過左一晚..11點好回家..

有時候付出,未必會有同等收獲....愛上一個人原來不容易...

尋晚工作到淩晨兩點先收工,攰到爆呔...下午兩點,返左kcc探班,小黑要走啦,過台灣做野...傾計,吹水..四點就過尖沙咀,會合陳嘉祟...行街,再會合力潔,條死仔,我生日竟然唔送禮物.,仲係具反斗城買禮物俾自己...唉,心都淡仲話十幾年老死,二年班玩到依家..7點半穎宜過到黎送左對jordan 6 rings 做生日禮物,恨左好耐,都唔捨得買...多謝晒你..錫晒你..

八點食飯,觀塘新南苑...出席朋友多達人數廿十三人..阿賢係同我同一日生日,所以決定一齊搞大佢,..約晒d老朋友出黎...哈哈..開開心心食左餐飯...多謝大家支持,請受小弟一拜..

下半場11點旺角瓊華neway唱好k 明星之友...飲左好多,,wing wing 地添....唱返首 <郭富城這夜心情>..多謝晒...2點半好回家

3點..媽咪買左蛋糕..等我返黎食添....同埋細妹一齊食,一日食三次蛋糕..呢鋪都算代表作....超開心的一天...

上年生日願望總算達成....今年我希望努力為4年半後作準備...

小學同學謝浪平先生要走了..又再度漂泊到美國讀書..係走之前,我地決定留返個小小回憶俾佢...

好開心,又見到一班同學仔,雖然大部份係5,6年級隔離班o既同學,畢竟小學生活真係純真,快樂...話題好快又打開,源源不絕o既小學回憶又充斥住大家心裹面,課餘時間一齊踢波,打game boy,去同學屋企玩,搞生日party...一切一切諗返都好似尋日發生一樣...親切o既笑容,十年後一樣冇變過...氣氛好好呀..我會好好記住今晚..

今日同穎宜一齊已經半年啦..哈哈..時間仲有4年零6月..

落住毛毛細雨,有小小涼風,有時候我都好喜歡呢種天氣...會諗返起好多好多回憶...

但今日呢種天氣,正好反映我近期o既心情...感情真係好奇妙,可以好簡單,亦都可以好複雜...可以令人好開心,亦可以令人好傷心...感情路上1+1 永遠唔會等於2...

我亦曾經失去過我人生中最重要o既感覺..經歷左一次好痛苦,好深刻o既教訓...所以我應承自己,感情路上我唔會再重複犯錯...從前我會努力工作,有時間就會搵朋友,唔會將女朋友擺係第一位...依家我自問好努力去做一個好男友,但係我o既付出同埋努力,就收唔到我預期o既效果...或者一段有成果o既感情真係需要天時,地利,人和,缺一不可...

我依家真係好迷失...唔知道應該點做..你有你o既夢想,工作,屋企人,有時間仲會去進修...我應該去鼓勵你,支持你..我已經盡晒力去迎合你,錫你,氹你,珍惜你..喜歡一個人唔係要佔有佢,係應該讓佢做自己喜歡o既野,見到佢開心就已經好滿足....雖然大家都已經好努力去爭取時間見面..有時候我都係一個人,我都有壓力,我都會攰,我都有唔開心,...去照顧你有時候我都會感到吃力,無論我點樣努力始終得唔到個種感覺,或者無論我點樣努力都唔係你心目中o個個王子...你話你唔識拍拖,已經改變左好多,進步左好多..我話真正愛一個人係會從心散而發..說話,行為,係會直接反映出黎..如果兩個人相處左半年,都話唔識表達俾對方知道..試問餘下慢慢長路,如何可以陪著你走..

我可以話,我已經將成個人押注左俾你..如果你話我係你心目中其實並唔係咁重要,現階段我仲可以接受到止蝕離埸..因為我唔想拖,我要o既係可以陪著我一世o既人....

或者我都需要一d時間,俾自己冷靜一下...停一停,諗一諗...重新將自己定位,重新計劃,條路應該點樣走...

繼續留係家中休養...好得差不多啦..多謝一d熱心朋友慰問..意外冇可避免,日後我會更加小心啦...

<衝上雲霄>又大結局啦...真係好睇o既,我晚晚都追嫁..tvb我最喜愛電視劇,呢套係我三甲之一...

突然之間又變得冇晒方向感...迷失中..

下晝5點半返公司搞埋d手尾...7點過中環接穎宜收工..跟住過旺角,點知撞到余露丹小姐同佢個fd...跟住仲一齊食飯添...係朗豪坊高層間monster sushi食野,呢度開左唔係好耐..一直想試下..就試下佢啦...感覺都唔錯呀,價錢合理o既..食野,傾計,輕輕鬆鬆,咁就兩個鐘啦..11點就各自好回家..

wasabi 一直都想見下穎宜真人,想了解下我識到一個點樣o既女朋友..哈哈..都唔駛特登約都撞到...

另外facebook 又add 多左幾個小學同學...好開心呀