今日同老公出左銅鑼灣行街...行左好耐...行到

隻腳都勁累...今晚去左新巴黎越南野...開頭以

為個間係小巴黎先去食...點知我地睇錯左...上

到去勁唔得...招呼都無, 又無人理...咁叫野食啦,

佢都可以聽錯落多左一份春卷...本來都老公唸住

食...緊係唔得啦...係佢做錯野先...叫佢取走啦...

d野食又唔得, 野飲又唔得, 招呼又唔得...哎...

我以後都唔會再去呀...間野真係不知所謂...

今日同你出街...唔知點解好似無左一見到你就好

開心同興奮嘅感覺...定係今日行到好累先無呢...

定係自己變左呢...唔知呀...

今天一起身行去廁所時...無端端暈左...爸爸過黎

即刻扶我...問我仲咩...我只係知好暈...休息左一

陣就整野返工...好彩今日有返工...因為亞茵請左

病假...今日成日都唔多野做...到3點幾要做Tender,

又有特如其來嘅野做...佢地又唔幫手...佢地就可

以準時收工...得我一個做到7點...真慘...

明天約左Cherry 同 亞kay食飯...去尖咀食...唔知食

咩呢...哈哈~~

你真的當我是你老婆嗎?

每當提到結婚呢2隻字...我都不禁落淚...因為

你不是自願想結婚...而是我逼你...令到你每次

都有事發生...算了...別再想太多了....說得多自

己都不好受...對你的期望已沒有太大...我以漸

漸轉變自己...不要再為這2個字而煩惱...小rain

你做得到的...加油~~現在的目標是努力賺錢...

星期日...同老公出左旺角睇戲...睇左異獸戰2...

聽好多人講1好睇過2..我都好想睇返1..唔知係唔

係好驚呢..哈哈~~

唔再講...唔再聽...唔再唸...我想點...

唔知...好煩...唔知...好煩...唔知...好煩

HELP.......................................

真係好開心呀~~老公應承左09年娶我啦~~~哈哈

不過未知邊日...咁要幾時開始Plan定d野呢~~

好緊張...希望快d到呢日嘅來臨~~~

31號~~是2007年最後一天~~老公黎接我收工...佢就

好啦~~又有得放半日...放左工落左尖咀食飯...去食

泰國菜, 食食下野聞到好濃烈嘅古龍水味...望一望見

到唐韋琪姐姐...上鏡靚d...哈哈...食完飯行左一陣就

返老公屋企啦~~係佢屋企倒數...好開心...仲之有你

係我身邊...去邊都無所謂...我愛你呀~~

08年1號...10點幾到收到一個好唔開心嘅消息...真係

好唔開心...然後就趕返落元朗...同埋媽媽, 爸爸 & 細

佬一齊返大陸~~~2號請左事假...無返工啦~~返到落

香港累到食野都無心機...同媽媽, 爸爸食七野返屋企...

沖涼, 洗埋頭...5點幾就訓覺...一訓就訓到第二日返工

先起身~~仲好累呀~~

22號同亞輝慶祝生日....一大班去左唱k...好開心...

又有得玩啦~~個晚飲左好多酒...唱到3點幾就走人

啦...亞輝個晚勁比人隊...哈哈...好彩我生日一定唔

會攪唱k...下場就好似亞輝一樣...

23號返左大陸飲...因為堂亞嫂生左個仔...今次真

係好開好開心...因為老公陪我一齊返...我可以帶佢

見我麻麻啦...麻麻即刻問我地幾時結婚...老公就答

快啦...快啦...哈哈...飲完就返落香港啦~~

24號平安夜...今日可以放早4:30走...老公黎接我放工,

然後落左旺角食飯...食完行左一陣就去左老公到...今

晚又可以攬住你訓啦~~

25號訓醒返左落元朗換衫...然後整野出街...約左老公

係九龍灣等...去左睇戲...睇完戲去左maga box到行街...

食飯...食完就送我去搭車~~我就返屋企啦...好唔捨得

你架...唔開心...

26號亞Lin一早打黎叫我去工展會...11:00起身整野出去,

出到去1點幾到...去左食野...亞Lin買左隻公仔比亞偉...

只有台灣先有得買...唔知點解亞Lin今日去專門店多口

問一聲有無...個然有即買...同佢係咁搵花紙包禮物...

搵到咁上下亞偉又話放工過黎...亞Lin又唔想比亞偉知

佢買左比佢...想比驚喜佢...終於都比我地搵到..亞偉

又黎到叫左佢係樓下等...拿拿聲包完走...其實亞偉都

估到係咩黎...佢真係好開心...仲以為可以去工展會啦...

亞偉個細佬亞俊打黎...又話等埋佢...住係到飲野等埋

佢先可以入去~~佢一黎到就即刻入去...好多人呀...

我地行下..又食下...買左小小野就走啦~~因為我要趕

住返落元朗...8:30約左亞輝佢地去屯門BBQ...亞傑車我

地入去先...亞輝要接埋翠妍先入得黎...亞傑帶埋佢個

女出黎...好得意,又可愛...好靚女呀...我地玩到12:00就

走人啦~~明天要返工...又過左2日假期啦~~哈哈...

27號...亞Lin又話想去多次工展會...放左工同埋佢老公

一齊過去...食野...今晚唔多人...所以可冢慢慢睇...行左

一陣我地就走啦...好累...幾日都無休息過~~

28號...好乖女...放工返屋企啦...不過好多野做...做到8點

幾先走...因為星期六, 日都放假...要做晒所有野先走得...

29號...老公黎左我屋企整電腦...又可以見到你啦...哈哈

因為我太眼訓...所以訓著左...老公就整電腦...整到7點幾

就整完...我地就出去食野啦~~食完野就送老公搭車~~

30號...爸爸, 媽媽返左大陸...我就留係屋企無出街...食飽

又訓...咁又過左一日啦~~