今日返工都無咩野做...所以好準時放工...Andy一定又

報吋話比亞茵知...我地作反...咁放工就緊係走啦...仲

同你做呀...間公司福利好就話姐...咩都無....

做到個人都無心機做...好想轉工呀...如果唔係間公司

真係多野學...真係一早就左啦...

今日老公黎接我放工...其實我係好開心架...跟住一齊

搭車返左落元朗食飯...食完飯就租左隻碟返我屋企睇,

睇完佢就走啦...好唔捨得...

食Lunch時同Sunday一齊回去途中見到包仔...好開心...

同佢係街到...玩左一陣...佢就話點解唔介紹佢識...又

想識女仔...仲要係我面前...屎八公...走時Sunday問我

佢係唔係我男朋友...唔係...係前度男友...佢問左好多

我同包仔嘅野...唔知佢係唔係想識包仔呢~~呵呵

今日早上出左街取票...去左國金2期...上左去72樓...

個度好大...哈哈...好彩識路...

下午都無咩野做...我自己都唔知做左d咩黎...咁就放

工啦~~本來今日約左亞Kay同Cherry食飯...亞Kay要返

大陸...又放我地飛機...屎八婆...好彩佢放我地飛機....因

為今日細佬佢地返黎食飯...穎穎今日返黎又訓著左...無

得同佢玩...唔嘈醒佢啦...一陣又到收唔到聲咁就

屎啦~~哈哈...今日雯雯同我講話發夢見到我結婚...哈哈

跟住個話題一定又係話我啦...我話我比個電話你...你打

比龍哥問佢呀...呵呵...食飽飯幫細佬佢地囉野落樓下搭車....

點知比我見到好樣衰嘅八婆橙...真黑仔...點解要比我見

到佢...我就緊係扮唔識...直行直過...當見佢唔到...我咁

做係唔係好衰呢...有時聽亞全講...全家人都唔鍾意八婆

橙...包括亞全都憎到佢屎...仲一句說話都唔同佢講...當

佢無到...不過都係佢自己囉黎...講咁多大話...抵屎~~

星期六放假...一早就比Sundy妹妹嘈醒左...訓唔返...

慢慢整野同老公出街...去左旺角睇 <魔戰王:貝奧武夫>

都幾好睇呀...睇完行左一陣街去打邊爐...然後就返

屋企啦~~

星期日...係屋企...無野做...落街租左隻碟睇...睇完之

後勁眼訓...訓左一陣表妹打黎...同佢傾左一陣電話...

佢依家返工又開心...男朋友又咁錫佢...其實我真係

好羨慕佢...

而我拍拖到依家都只係得到一個<問號>

好耐無打日記啦~~真係好懶~~

呢幾個月有開心有唔開心...唔開心就係發男朋友脾氣...

開心就係同我d好朋友去玩...勁開心...Post左d相相上黎...

小婷婷結婚啦~~祝你永遠都咁幸福快樂...唔好比小強

蝦你呀...知道嗎?有咩唔開心記住同我講...

聽晚約左亞Lin同小婷食飯....好開心...

8月4日...放左工...勁累...今日成日都好似未醒咁...

真辛苦...要捱到5:30先可以放工...然後落左元朗

幫舅父買電話...點知無佢要個隻款...行左一陣就

返屋企...亞全打電話黎問我去唔去飲酒...我都唔

識飲...到最後我都應承左佢去...返屋企整下個樣

換件衫...佢就係樓下等埋我一齊楂車出去尖咀....

去個時我都好驚...因為此終全部人我都唔識...好

彩佢D fd都好nice...全部都好好玩...我地玩到3點

幾就走啦...仲比我識到2個女仔...我地交換左電

話tim...比亞全笑我地...仲快過d男仔...哈哈...好耐

無玩過啦...好開心...

8月5日...婆婆生日...同爸爸,媽咪一齊返左大陸同

婆婆慶祝...好多表哥, 好姐都有黎...最仲要森表弟

特登返上去陪我...哈哈...不過發生左一件好唔開心

嘅事...哎...唔想再提啦~~~我同爸爸一齊返落黎先...

媽咪就第二日先返落黎...

8月6日...今日勁多野做...因為要放2日假...所以要

做晒d野先可以走...放左工亞茵陪我一齊買生日蛋

糕...哈哈...希望玩得開心...

8月7日...老公生日呀...哈哈...我地去左南丫島玩...

好開心...雖然係無咩野玩...但有你係我身邊已經

夠晒啦...去到休息左一陣...然後出去行下...買左

d野食...返去食...睇左一陣電視...我地就出去食

飯啦 ...食飽飽...買左d野飲...返上去...一陣就切

蛋糕...希望佢開心啦....不過個蛋糕唔係我想訂個

個...好唔開心...食完蛋糕睇碟...然後就訓覺...第

二日12點幾就起身...見到掛風球...天色又開始轉...

我地就執埋d野...退房坐船返去啦...去到中環實在

太焗啦...差d暈左...好唔舒服...同老公食完野就各

自返屋企啦...又要同你分開...唔捨得...

希望你開心啦...生日快樂...

7月31日...同老公拍拖2週年啦...真係唔經唔覺...

個晚我地去左元朗嘅浪漫滿屋食飯...個度都幾

靚架...我地影左好多相...但係d相影得唔係咁靚...

算啦...都好開心...哈哈...老公我愛你喔...

星期一...冼生開始返工啦~~坐係倫哥個位到計數...

暫時佢都無點對我...平平安安咁過~~~哈哈...今日

無端端係我返公司途中撞到包仔...佢第一句已經話

我肥左...好唔開心...一定要減肥呀...比心機...

星期二...好唔鍾意楊生呀...好煩...成日係我放工時間

叫我做野...又要做完先可以走...正一死八公...抵佢

死佢架電單車壞左...要比成千幾蚊拖車加維修...哈哈

今日下午包仔又係荔枝角...打電話黎叫我幫佢買飯...

個時我同亞茵去左惠康買野...最終我有無買飯比佢

食呢...呢個係一個秘密...呵呵...見到佢比佢偷左支

蘋果綠茶......今日見到佢架車...成個下午都

泊左係樓下...到5點幾先走....咁佢咪有排收工...慘...

放工去左美孚買六合彩...唸住打比老公問佢d No.點

知無端端打左比亞華...同佢傾左幾句...就約左星期

三食飯...好耐無見過你啦~~哈哈

星期三...今日早上又出左街...又熱又累...返到公司都

到左食飯時間啦...今日老闆返黎...又帶帽又帶超...隻

耳隻仲比沙布包住...佢個傷都幾嚴重...唔知佢重夠唔

夠膽返大陸呢...死人楊生又係咁...又係人放工時間叫

我做野...做到6點10分先走...約埋亞Kay攞返d野比佢,

一齊搭車返屋企...今日本來約左亞華食飯...但細佬今

日返黎食飯...所以改期...好耐無見過你啦~~哈哈...

今日穎穎返黎好活潑呀...佢一入門口就叫爺爺...然

後就叫麻麻...爸爸同媽咪幾開心呀...緊係識叫佢地,

今日細佬叫穎穎鍚我地...佢個個都錫係唔錫爺爺...

哈哈...爺爺緊係無奈啦...今日好開心...因為穎穎今

日特別活潑同多野講...但仲未識叫我呢...

今日下午打包打黎問我樓下有無拉泊車...呢個鍾

一定無啦~~唔知佢去左邊度泊呢...到4點到佢打

黎話係我樓下...跟住我就落去見左佢一陣...仲攞

左一支冰凍嘅蘋果綠茶比佢飲...一見到佢...嘩...

成身濕晒...仲話攬下先...咪攪...傾左一陣就返上

去做野啦~~呢排佢都成日打比我...講下大家近況,

我同亞Lin仲屈左佢請食飯...哈哈...叫埋基信一齊

出黎玩下...勁開心...哈哈...

7-7-07,星期六....返工..好眼訓...勁唔想起身...今日下午

同亞妍, 亞Kay食返..本來有亞茵架...點知佢唔知醒...咁

我地唯有自己食啦...哈哈...食得都幾開心架...亞妍仲摸

我tim...比人抽水...食完飯佢地上左公司一陣...同

亞姑, Lun哥傾左一陣計...亞茵同埋Andy一齊返到...咁佢

地就走啦...下次有機會再食飯......今日放左工就

返屋企啦~~好乖...

8-7-07, 星期日...老公入左元朗搵我...我地一早去左睇

戲...套戲王之王都幾攪笑呀...睇完戲先2點...去左味千

都食飯...食完野..行左一陣街街就返屋企啦...租左2隻

碟睇...都幾好睇架...十分愛, 軟硬演唱會...睇完就落左

元朗食飯...食完飯就送老公搭車...我就返屋企啦...返屋

企途中見到亞芬同亞梅...亞芬個肚好大...個樣勁殘又肥

左好多...我跟本應唔到佢...見到佢細妹亞梅先知...哈哈...

媽咪成日都話佢地d男朋友好好, 好錫佢地...又話亞梅個

男朋友好靚仔...今日見到佢地d老公同男朋友...仲以為有

幾靚仔...一見到就呢d都算靚仔呀...

今晚係間房執野...睇返好多相...睇返好多我同包仔影嘅

相...仲有一封佢第一次寫比女仔嘅情信....睇完真係好好

笑...又好感動...仲記得分手時都影左一張相05-Aug-01就

係呢日分手...分左手都有年幾2年無見過佢...如果唔係

佢個妹妹打比我...約我同佢一齊食飯...我唸到依家我同

佢都仲唔係朋友...起碼依家對住佢都有傾有講幾開心...

佢d花心性格都依定一d都無變..死性不改...