今日同一大班人(50 多人，其實只係識一個人，其餘都係唔識，但全部圍內人)上大陸過一晚，準備第2日o既 karting 車大賽。東莞食野真係平到傻呀，12個人食川菜，叫到成台野，又食又飲，都係 ....... $257 !!!! 走o既時候仲有 2 個職員係咁 "多謝，多謝，下次再光臨 ........ "。之後又成班人去左打 bowling ....... 好攪笑，竟然可以打到有個瓶飛左出o野，仲要唔係一次，勁呀 ......... 。打完 bowling，又一行人去左腳底按摩，10 多人，係都要等齊技師先一齊按，所以要成點幾先按，$50 一個鐘，好舒服呢 ......

今日o既重頭戲 ........ MC Killer，一個幾好玩o既集體遊戲，同 hand killer 差唔多，都係 killer，doctor，殺人，估 killer。玩左成晚，好正。做左 2 次 killer ，有一次 killer 晒所有人 (10個左右啦) ........ 呵呵呵，但最正o既，我地當中有一個人外表同姿勢都好似 death note 內o既 "L" (Killer 死對頭)，所以佢週不時都成為目標人物 ......... 哈哈哈。anyway，今日識左好多人，成班人都好好玩，好玩得 ........ yeah !!

ps. 大陸而家連港紙 .. HONG KONG DOLLAR 都唔收呀，或者要$99 港紙對 $100 人民幣 ........... 唉 ........

今日無咩o野好做，成日都o係屋企，但係睇電視o既時候就留意到一樣o野，就係虐待動物o既最高罰則大幅由最高o既 $6000 同入獄 6個月加到最高罰 $20 萬同入獄 3 年，希望可以減少虐待動物o既個案，但係最緊要 d 人要識得尊重生命，愛護動物。

今日 coey 問去唔去 nannan 屋企打老邊，雖然o岩o岩食左飯，都好，又成班人吹下水。上到去，見到一鍋 "麻辣火鍋"，嘩 ....... 死，雖則我鐘意打邊爐，但係麻辣就真係差 d 啦，好彩食左野，唔係咩都無得食。但係之後又試左 d 肥牛，e ...... 又唔想像中咁差喎，都 ok 喎, 幾好味 ....... 原來好多野無試過真係唔知咩一回事

之後又係指定動作 ...... 打馬吊 ...... 哈 , 贏左少少 ...... 又食又扐 ...

今日同英國讀書o既幾個同學，朋友出o黎食晚飯。近期，我久遺左o既名字 "小龍" 又再次出現啦，因為其實比較識得耐o既朋友都會叫我 "小龍"，我都幾鐘意呢個名，因為我成日都覺得中文名係比較親切，而且都幾好聽同正面呀，係唔係 ..... hehe。d 朋友成日問我做咩叫"小龍"，同個名又完全無關係，其實係幾個 YMCA o既朋友改o既，因為o個時話我成日郁手郁腳成個 "李小龍" 咁，咁叫下叫下就成為我個 "朵" 啦 ..... 用到家下啦 ...... 但係新識或者近期o既朋友都唔知我哩個 "朵" .. 我又覺得好似個朵好似好細個咁 ... 所以之後就好少用啦 .....

今日同 twis o既 2 位朋友去打壁球，點解係我同佢 2 位朋友打，因為 twis 佢放左飛機，之後佢仲話唔知點解我會同佢o既 friend 打，死野. ..........

唔知係唔係自己o既體能真係有問題呢，今次好似打得好鬼攰咁，打左一陣已經唔多想郁，keep 番好d 先得。

今日去左搵一個 CityU DCO o既舊同學 Hazel 食 tea 同傾左一陣計。佢第到我話我比以前 smart 左，哈 .... o係我近期脆弱o既心靈上加左少少信心 ....... 同 Hazel o係茶餐廳傾左 2 個鐘左右，開心o既，因為一個朋友可以將一d 比較心低o既說話同你講，證明朋友信任自己，重視自己，感覺好好。

傾完計就咁o岩 ryan , nannan o係附近打 bowling，正，好耐無打 lu，生晒，但係好好玩，有一局仲打左 3, 4 個全中呀 ...... 勁呀 ! 但局局都贏唔到 ryan ..... um ...... 俾佢o係新女友前威威啦 !!

夜晚大顆兒去左打老邊，Nannan 同呀 Win 2 個o係咁食雞子 ...... e ......... 唔開胃。一路食一路睇 "一擲千金"，人生真係有好多決擇要做，有好多都好重要，好可能影響一生，正如今集o既主角，因為佢決定左以24萬 "賣"，咁就無左 276 萬。另一面睇，佢都係無帶一蚊o黎玩，攞一蚊佢都可以話係贏左，只係多與少。如果主角係我，o係最後 $2000 同 3 百萬 2 個箱中，要決定以百廿萬賣唔賣，真係唔知點揀。 

近期同唔同o既舊朋友出o黎聚舊都有唔同o既收穫，大家傾o既o野比以前內心左，亦都好似從新認識哩班朋友o既另一面。但開心o既係，全部都好正面o既，大家都比以前交心左，認識又多左。

今日係近期打牌o黎有 $$ 可以攞走o既一次，都係廣東麻雀比較適合我打，哈哈 .......... 但係 d 朋友比較好台灣牌。anyway 都無所謂，大家都無玩下，上落都好有限，一，二百蚊。

唔知係唔係脫離黑仔日子o既徵召呢 ...... 係就好啦 .... hehe

今個星期日，又好似上2個咁，成日stay 左o係屋企，都係食；訓；電視；上網同 PSP。訓晏覺o既時候，又發左個夢，今次係一 d 成日都o係我腦海裏面浮浮沉沉o既o野，只係o係夢再重現一次。近期，當我靜落o黎o既時候我都會認真咁考慮一個問題: 我應唔應該搵o個一個，同另個人一齊，但當我想像同另一個人行街，睇戲o既時候，心底已經俾左個答案我，已經唔係應唔應該o既問題，係我係唔想。可能係時間問題，但我只知道最少哩一刻或者好一段時都做唔到，今次真係好傷，由心至傷 .......................