最近我係HOMPY呢度識既人個個都搬去YAHOO!

所以我都決定搬家喇~有興趣就去以下呢個ADDRESS啦~

http://hk.myblog.yahoo.com/poohpooh112003

聽日係平安夜啦~你地會去邊度玩呀???

我就冇地方去喇~真係有d悶節日冇地方去,不過節日咁多人我又唔係好想出去,唔想同人迫,我一比人迫我就會發脾氣,基於我唔想節日發脾氣影響心情,所以多數都唔出街,去FD屋企除外

聽日公司攪PARTY(因公司每年聖誕會每人比100蚊,所以我們會用呢D錢去食野)有抽獎,唔知我會抽到D咩呢??

25號夜晚就同老公去睇異獸戰2

26號就返工

係到祝大家**聖誕節快樂!!!**

係未覺得個主題好怪呢?咩女王係我新名呀?

其實之前係度有講過老公叫我"大小姐",但而家佢唔叫我"大小姐"啦~佢話我係一個女王喎,咩都係我岩,佢做咩都唔岩,所以佢叫我"女王"喇~

大家明白哂啦~不過我比係以前,而家都唔係好"女王"起埋我會講對唔住呀,以前我唔會講,都唔明老公點解話我係"女王"不如話佢大男人好過啦~要女人小鳥依人,我一定唔得囉~

hi~大家好嗎?我都有成個月都update啦~

你地可能會問我係咪好忙,但我可以話比大家聽我唔係忙,但我唔知點解呢個月好好好好......倦,所以就冇上黎update,加上呢個月都冇咩事發生,唔知同大家分享d咩野好.

老公今日又要返工,又唔知佢放幾點,今日又係得我自己一個去買(食送)啦~~~~好唔開心呀!!上個星期日已經自己食lunch同買(食送)今個星期又係咁.

自從結左婚之後都冇好以前拍拖咁去行街街,行親都係買完(食送)經過d 商店,睇岩就好快咁買完就搭車返屋企,有時老公要賭馬有趕住返屋企,根本冇時間行街~唉~~~~~~~~~~~~~

9月30日係我呢個大小姐(老公成日都咁叫我)生日既大日子,我今年生日都過得幾好,點解??

因為我今年去左迪迪尼囉,終於可以同poohpooh影相好開心,我去左鬼屋呀~嚇到我不停咁叫,都ok既

有相睇呀,不過都係要去我msn都睇,之前比左個

address你地,你地想睇相就搵下啦~

當日夜晚就去左bbq,亞迪個仔都有去,所以我全程照顧bb,我實在太鍾意佢啦~佢好可愛呀又聰明

佢4歲啦~都咁可愛好難得

眨吓眼~我同老公結左婚一年喇~9月26日就係我地結婚一年既日子~果日我同老公上左山頂既杜莎夫人蠟像館,但有好多唔係好似

聽日都係一個大日子,咩大日子?個大日子就係我既生日喇~好期待聽日呀.聽日我同老公去迪迪尼玩,之後本來夜晚同老公去尖沙咀食飯,但老公d朋友叫佢去BBQ,老公本來話唔去,但我知佢好想去,所以我叫佢去,我話我地都好耐冇去BBQ,所以聽日去完迪迪尼就去BBQ

聽日終於要返工喇~唔知多唔多野做呢??不過我諗都多野做架喇~得joyce一個點做到咁多呀~真係辛苦晒joyce啦~

今日老公要返工,但可以返晏d,所以今日冇煮早餐比佢食(放假呢個星期,我煮早餐比佢食)我同佢一齊落街食,食完返屋企都冇再訓覺豬啦~煲埋湯一直等老公返黎(因佢星期日返工會放好早),但佢今日到而家仲未放工呀(3點都黎喇),攪到我好悶又唔敢食野,我驚老公未食lunch,所以唔食住等埋佢,老公呀~~~~~~~~你快d放工啦~~~~~~~~~

今晚仲要出去飲酒,因我個好好好朋友今日生日呀

今日同老公去買左迪士尼既門票,好開心呀~我地諗住我生日(本月30日呀~)去,到時希望可以同poohpooh影相啦~

聽日開始放大假,放足一個星期,有假放係開心不過老公冇得放,所以放假得我自己一個

不過唔緊要啦~我已經諗好呢個星期點過,聽日早上同daddy飲茶之後可能去買(食送),跟住返屋企清潔間屋,好耐冇大清潔間屋,平時都係掃地,拖地,所以今次放假要大清潔一番(順便當減肥....哈哈~~~~)

聽日洗厠所先,後日應該洗廚房