我越來越覺得入廚是一件樂事。

今次是第二擊，煮的餸比較簡單。

 目標:

 1) 清蒸大眼雞

2) 翠肉瓜炒肉片

不過今次入廚有d不愉快經歷，就係父親大人樣樣都mon住晒，好煩...! 個個人煮野都唔同手法架啦...佢連我用邊隻杯倒水都限住我，我真係要同父親大人講句，你放手比我煮啦~~!

其實呢餐我自問可以煮得好d，唔係賴地硬，而係父親大人又唔比我醃肉片，又唔比我分開炒，搞到我覺得唔夠好味之餘d肉又有d過熟...，因為我本身比較鐘意食林之之既瓜菜，所以先煮林翠肉瓜應該會比較好，下次無論父親大人點講都好，我都一定要堅持自己既煮法，就算難食咪最多一力承擔!!!!!

不過話說回來，其實d餸真係一d都唔難食，只係唔夠好食，可以煮得再好d o者...hehe!! 我絕對唔係教識徒低無師父既人，父親大人可以千萬個放心...! 何況，有好多絕技我仲未學到呢~~! 今次，主要跟母親大人偷師。

因為出完街就腳既關係，我地去左大圍街巿買魚。走入條賣魚行，唔係講笑，真係好驚~! 兩邊魚檔d魚都係度勁跳勁擺尾掙扎，仲間唔中會有一兩條凌空飛起跳左落地下，跟住d水周圍飛，超腥! 我避得條魚黎就避唔到d水，只係想急急腳離間條賣魚巷，但面前萬千個師奶駐足揀魚塞實晒條路...; 只見母親一臉鬆容，突然間真係覺得，做師奶真係唔簡單!

終於買到又平又靚既大眼雞，30蚊2大條，好扺！但係咁o岩無晒翠肉瓜，所以唯有去屋企樓下街巿買。母親大人話，揀翠肉瓜最緊要皮光肉滑靚靚仔仔，揀靚仔之嘛，我在行，睇樣呢d咁膚淺既事交比我真係絕對無問題，所以2舊翠肉瓜都係出自我手既...! hehe~~!

不過真係咁o岩得咁橋，賣魚既阿姐無幫我地劏乾淨條魚，所以今次我可以順便學埋點樣劏魚清理乾淨好入面，令到條魚蒸出黎唔腥仲要好好味。雖然過程好似好肉酸，不過我覺得好似同條魚做手術咁，都幾好玩~!

今次條魚比大較條，8分鐘剛剛好。

由揀魚一直到劏魚到煮完拎出黎都係我一手一腳，都真係幾有成功感..!!

好期待變身做第3次既cooking mama~~~!!

無時無刻地去掛住一個人，有時也是生活上的一種推動力...！

真正完結嗎?！ 我不敢肯定，因為曾經我也以為跟阿韜這一生都不會再見面，連發夢都試過夢到他但他竟然唔認識得我...！

但而家，佢竟然成為我其中一位依賴的朋友！

曾經用了很多時間去持續鐘意這個人，但當這個人再在我人生中出現時，我竟然只想當他是一個不想再失去的好朋友。

「我的最愛」中竟然轉了另一個人選，5年的時間竟然比不上3個月...！

不過很感謝阿韜在我最需要他的時間出現，因為當我覺得很寂寞的時候，竟然可以跟曾經最喜歡的人再次成為好朋友，我想他是神送給我的禮物。

PC不能陪我去看的戲，我會想約他陪我去看 ; PC不能陪我去逛的地方，我也會想叫他陪我去走走...並不是代替品，而是跟他在一起，寂寞的情緒會比較少，這是他跟我其他朋友最與別不同的地方。

！

今天是有點輕微中暑吧...身體很不舒服...突然間很想發個短訊給PC，不過最後也沒有做到！

因為說好了暫時中斷聯絡，反正我不想博同情，其實是害怕他不覆我自己反而更難受吧...！ 這個月PC就正式完成TRAINING，到時再SEND個恭喜短訊給他吧...！ 好希望真的能以朋友的形式跟他試試好好想處，而在我們的關係仍於敏感時期，他對我亦相當防範吧，再過些時間，我想努力還是有回報的！

現在只想和BABY好好努力，努力實現自己一直不能放棄的夢想！

既然不能放棄，就好好的堅時到底去做一次吧！

說不定，一直向前走所打開的門，會有一道通往他那裡去....！

只要一直向前走，我相信一定能走到光明的地方！ 我希望，我的際遇能和隔離屋一樣，即使沒有刻意等待，最後能和喜歡的人再走在一起....！

如果連朋友都需要保持距離，那仍算是好朋友嗎?!

如果不是好朋友，就沒有必要再留下來...

想得太遠

大慨這算是迷戀
這路程得幾分鐘真是太短
大慨你都想 去後樂園
卻怕孤單一個人兜圈
誰人在挑選　如何被挑選
如何教我結識你怎麼相戀
為何坐到那麼近　卻想得這樣遠
人浪為何會流轉

＊若幸運一點一早找到你
但幸運可否擔保得到你
就望著際遇鋪展我的天與地
願錯亦錯得起
若命運叫我只懂喜歡你
但願亦有幸懂得留住你
如若過去我太在乎　相遇別離　請准我預備
從來未吻你　卻已學懂去被忘記 ＊

憑什麼可以愛上所愛
我自問日夜等待
結局為何揭不開
等緣份　信緣份
我們只好相信　下集定是更精彩

大慨你正在回想
與別人剛剛分手剛受過傷
從前伴侶碰不見
你我偏可遇上
人寂寞便愛幻想

Repeat＊

憑什麼可以愛上所愛
我自問日夜等待
結局為何揭不開
等緣份　信緣份
我們只好相信　來來回回難避開

若命運叫我只懂喜歡你
但願亦有幸懂得留住你
如若過去我太在乎　相遇別離　請准我預備
仍然未識你　卻已幻想那份驚喜

原來男人同女人的時間觀念真的很很很很很不同!

我得曾幾何時，聽過一個男友對我講「雖見已經見面，但心裡仍然有掛住的感覺，越見越掛，好像怎麼也不夠…」; 當時我很不明白，既然已經見面怎麼仍會掛住...?!

不過這個感覺竟然發生在我對PC身上....，但我依然不明白，為什麼已經見面但仍覺得掛住...?!

尋晚跟友人去食夜晚飯，很奇怪阿韜竟然會有電話到，因為適逢是星期六而且又是和朋友女約會的日子....

「你唔係同約左女朋友架咩?! 點解咁早係屋企??」

「佢一朝早黎左搵我啦，之後仲同埋我番學!」

「O下?! 你冇同佢食夜晚飯? 今日放假喎?」

「今朝早見左啦，唔洗架啦~!」

「O下?! 今朝早果一陣.....，點夠呀?!」

「都唔係一陣啦，都有幾個鐘!!!」

「.........!」

幾個鐘，真的不夠! 然後我問友人，他說幾個鐘對男人來說差唔多啦，都夠!!

竟然?!

在PC之前，我真的覺得幾個鐘見下都夠，放假約出來食個飯拍吓拖，其他時間傾下電話就可以，我自己也有自己的事要做。

我有我的朋友，也要處理自己的私務，還要預留一些時間來休息。

但不知什麼時候，我竟然會變得苛索PC的時間，而且像缺氧一樣，怎麼也不夠....! 真的很恐怖!!

我想是害怕失去，就像遇溺時無論見到誰也會瘋狂地牢牢抓住一樣，結果只令到兩人都同時溺斃...!

因為太多不好的經驗，令我不知從何時開始變得畏縮害怕。

在再見之前，應該好好的克服恐懼!

會消逝的事情，不是擔心害怕就可以留得住。就像食雪糕一樣，如果只顧著擔心它會溶掉，那就不能好好享受雪糕的美味。

愛情就像食雪糕，不能吃得太快，也不能吃得太慢，重要的好好享受當中的滋味而不是會唔會食食下無得食。

突然間，真的很想食一杯雪糕，親身領悟一下箇中道理!!

初初認識一個朋友，總會興緻勃勃，尤其在還未見面之前…

會繼續來往深入了解成為好朋友，還是覺得不外如是沒啥特別，應該也是在第一次見面之後就可以得知…!

可以做到好朋友的究竟會有幾人?! 我沒有點算過，不過在我人生中到現時為止，我也覺得比較幸運，總會認識到真正的朋友在我身邊圍靠過來…真的感謝啦~!

偶然在雜誌上看見一個cute版的外星人公仔，覺得他真的很心地善良的樣子! 因為他有一雙又圓又大，而且水汪汪的眼睛，樣子有點像「長江七號」。

然後我發現，原來我的眼睛也算是圓圓大大的 (只限在睡眠充足時-_-")，也許是因為這樣，身邊的朋友就以為我是很可靠沒有殺傷力吧…!

希望，即使在已經不新鮮的時候，我們依然會是要好的朋友。

比起新鮮感，我還是喜歡熟一點…!

一口氣說了一直想說的話，呼了一口氣!

心情舒緩了不少，呼~!

我知道，我還有要做的事沒有完成! 是一件只能成功的事，是一件憑著自己能力和努力全力以赴就能成功的情!!

是為了自己而不是別人而努力的事!

工欲善其事，必先利其器! HP Mini Notebook 2133，是我最新請來的好幫手。

• Via C7 ® -M ULV 處理器 (1.2GHz, 800MHz FSB, 128KB L2 cache)
• 預蛓正版Windows Vista® Home Basic (繁體中文 / 英文)
• VIA 896 晶片組
• 2048MB DDR2 (667MHz)(1 x 2048MB)
• 160GB SATA (5400 rpm), 支援HP 3D DriveGuard技術
• VIA Chrome 9 圖像卡 (最高支援256MB分享記憶體) 
• 8.9" WXGA防刮花特高解像顯示屏(1280 x 768)，配備VGA 視像鏡頭
• 無線網絡802.11/a/b/g 及內置藍芽
• 1年國際有限保養服務 *

也許今天所做的事今天不見成效，但我相信將來是由今天走出來的。

아자아자 화이팅 !! 加油加油Fighting!!

我已經不想再假裝下去…

整天也像一副很樂天的樣子，很討厭!!

什麼「正極思想治療法」怎麼對我現在都沒有幫助?!

為什麼時間不長就可以睇開些，就可以不會難過?! 為什麼時間不長就不是真心喜歡，而是不甘心?

大家憑什麼斷定我??

其實我並沒有什麼不甘心，分開前我知道大家也很努力的! 而且我知道我也是被人真心喜歡，不是玩弄! 現在的我沒有任何怨恨，只有快樂的片段!

我們誰也沒有錯，誰也沒有對不起誰，哪還有什麼不甘心呢?

我不介意要我很努力去爭取，只是要成功不是單憑全力以赴的努力就能達成的，我已經很努力很努力，可以做的都做了，已經再想不到可以怎樣。

波鞋只是一個再見的希望，然而好像已經不能再做什麼了，那種無能為力的感覺，很討厭!

既然機會根本不會出現，又為什麼給我一次又一次的假希望呢?!

還可以很樂天的去面對，為未來準備，是因為相信仍然有成功的希望；我的希望卻被人沒收了，我可以憑什麼支撐下去呢?!

為什麼大家都叫我不要這樣，看開些放輕點，可是我真的很想大哭一場，為什麼就是無人明白，其實我為了裝出令他們不擔心的樣子，忍住了自己的傷心，很辛苦。

我只能在夢中抱著朋友哭，然後在現實中要對著他們笑。只要我有一點難過的樣子，就只是對我說不要這樣! 我已經很努力了，可是仍然覺得很難過，我可以怎樣呢?

離開以後首次遇見
從新對望聽你聲線
太慣看你左邊笑臉
差點想碰你的肩 輕觸那殘餘心事

@ 我們分開 怎麼始終行不開 想捉緊當日精彩
或是害怕完全淡出你那份愛 離場後跑回來
不知可算應該
貼身不再但卻貼心裝載

隨時代你哭 處理淚流
而後備兩手是否足夠 即使那日放了手
雙腳似未學會走
停留在這段情
不懂去　退守
全部舊記憶 這刻重遊
重拾舊愛都或太荒謬
運氣不夠　牽不了手
也算得今世獨有

對你太好怎會累透 @

如心跳是可以避免
縈繞卻是你的聲線
慣了照顧的不會變
不告別也不發現 對你愛顧早蔓延

Repart   ＠

對你再好不會廝守

今日係一個值得紀念既日子。

阿韜同隔離屋終於係咁多年之後再係番埋一齊，今日係佢地第二個拖拍紀念日。

成件事好似唔關我事咁...! 係囉.....關我乜野事呢?!

緊係關我事啦，因為我真係好鄧佢地開心，係真心祝福佢地...!

我並唔係扮大方扮好人扮偉大，因為我根本唔係~! 而係，如果阿韜同隔離屋都可以分左手之手舊情復熾，咁我同阿桓都一樣可以架o者...!

真係好羨慕隔離屋，我知道係我同阿韜一齊果陣佢都仲係鐘意緊阿韜，佢鐘意左阿韜咁耐，而家終於可以再係埋一齊，真係好開心!! 我完全想像到果種開心既情度，因為只要我一諗下阿桓竟然搵番我...我就會忍唔住笑出黎 !!!

身為阿韜既朋友，我會為佢祝福同加油架!! 始終，搵到一個自己鐘意既人已經好難，仲要人地都同時間鐘意你就仲難，搵到o岩既人都仲要係o岩既時間去夾到做o岩既事先可以有一個o岩既反應.....，真係好似買六合彩咁! 所以，見到阿韜中獎，雖然有d眼紅....不過鄧佢開心會多d囉~~!

六合彩咁耐以黎我只係中過一次安慰獎，打麻雀好似實際d。雖然我打麻雀好渣，站長之餘仲要係度諗，不過我都好努力架，等中獎不如自己比心機做牌! 睇「嚦咕嚦咕新年財」劉華話「好牌爛牌都係咁打，只要牌品好，好朋友(<--靚牌) 自然會番黎幫你」! 我信架...我真係信!! 雖然我唔知而家呢副算係好牌定爛牌，不過既然都係咁打既話，就唔洗理咁多啦，認定目標比心機，冇話一鋪定輸贏既..!

阿韜係同隔離屋講之前，佢就已經同我講，如果佢ok左，佢d lucky就過比我架啦，跟住就到我架啦~! 結果...促成左呢個紀念日，就當然無問題啦。完事後，佢又同我講，到你架啦...跟住就到你架啦~~! 我信你，跟住就到我!! 我自己都係度諗，一開始PC佢鐘意我想同我一齊，呢個係第一次 ; 跟住冷戰之後，PC都繼續揀同我一齊，我都仲feel到佢係鐘意我，呢個係第二次 ; 而家...雖然已經分開左個半月既時間，但係我相信 1 不離 2 ，2不離3，第三次應該都走甩!!

27號send左個短訊比PC，冇覆...! 令我係度諗，其實我係咪做多左，佢一定係度諗我對佢餘情未了唔想咁快同我出黎，又或者唔知點面對我....!!! 不過只係睇場戲o者，又話做番朋友...一個短訊之嘛...睇就睇..唔睇就唔睇....唉~! 不過可能係我估錯左，或者佢跟本冇諗咁多，只係純粹唔記得覆短訊事件，anyway，除非對波鞋有消息啦，又或者佢主動contact我 (<--係就好啦 ! )，如果唔係我諗我有一段時間都唔搵佢住啦，既然人地唔覆你，再搵就會好煩架啦，再搵就會做多左...! PC雖然話做番FD 啫，但都可以係最普通果隻hi-bye fd，我咁諗唔代表放棄，只係想比d空間同時間大家...!我並唔係白白係度等，呢段時間我有我要做既事~~!!!

我要學識一手好廚藝! 我要做好一直未有完成既事! 我要tune好自己既mindset! 我要努力令自己變得更自己更charm!!

如果係呢段時間我毫無改變既話，就算再係埋一齊結果都會一樣。如果要我同阿桓分開係命運要我改變自己既楔機，但我竟然錯過左呢個機會，咁我同阿桓分開就變得毫無意義啦...!

見到阿韜同隔離屋開開心心，令到我覺得更加有希望。始終，我都真係好想我所有朋友都可以過得好好，不過連自己都一樣咁好就當然very good啦~~!

加油!!!!