一口氣說了一直想說的話，呼了一口氣!

心情舒緩了不少，呼~!

我知道，我還有要做的事沒有完成! 是一件只能成功的事，是一件憑著自己能力和努力全力以赴就能成功的情!!

是為了自己而不是別人而努力的事!

工欲善其事，必先利其器! HP Mini Notebook 2133，是我最新請來的好幫手。

• Via C7 ® -M ULV 處理器 (1.2GHz, 800MHz FSB, 128KB L2 cache)
• 預蛓正版Windows Vista® Home Basic (繁體中文 / 英文)
• VIA 896 晶片組
• 2048MB DDR2 (667MHz)(1 x 2048MB)
• 160GB SATA (5400 rpm), 支援HP 3D DriveGuard技術
• VIA Chrome 9 圖像卡 (最高支援256MB分享記憶體) 
• 8.9" WXGA防刮花特高解像顯示屏(1280 x 768)，配備VGA 視像鏡頭
• 無線網絡802.11/a/b/g 及內置藍芽
• 1年國際有限保養服務 *

也許今天所做的事今天不見成效，但我相信將來是由今天走出來的。

아자아자 화이팅 !! 加油加油Fighting!!

我已經不想再假裝下去…

整天也像一副很樂天的樣子，很討厭!!

什麼「正極思想治療法」怎麼對我現在都沒有幫助?!

為什麼時間不長就可以睇開些，就可以不會難過?! 為什麼時間不長就不是真心喜歡，而是不甘心?

大家憑什麼斷定我??

其實我並沒有什麼不甘心，分開前我知道大家也很努力的! 而且我知道我也是被人真心喜歡，不是玩弄! 現在的我沒有任何怨恨，只有快樂的片段!

我們誰也沒有錯，誰也沒有對不起誰，哪還有什麼不甘心呢?

我不介意要我很努力去爭取，只是要成功不是單憑全力以赴的努力就能達成的，我已經很努力很努力，可以做的都做了，已經再想不到可以怎樣。

波鞋只是一個再見的希望，然而好像已經不能再做什麼了，那種無能為力的感覺，很討厭!

既然機會根本不會出現，又為什麼給我一次又一次的假希望呢?!

還可以很樂天的去面對，為未來準備，是因為相信仍然有成功的希望；我的希望卻被人沒收了，我可以憑什麼支撐下去呢?!

為什麼大家都叫我不要這樣，看開些放輕點，可是我真的很想大哭一場，為什麼就是無人明白，其實我為了裝出令他們不擔心的樣子，忍住了自己的傷心，很辛苦。

我只能在夢中抱著朋友哭，然後在現實中要對著他們笑。只要我有一點難過的樣子，就只是對我說不要這樣! 我已經很努力了，可是仍然覺得很難過，我可以怎樣呢?

離開以後首次遇見
從新對望聽你聲線
太慣看你左邊笑臉
差點想碰你的肩 輕觸那殘餘心事

@ 我們分開 怎麼始終行不開 想捉緊當日精彩
或是害怕完全淡出你那份愛 離場後跑回來
不知可算應該
貼身不再但卻貼心裝載

隨時代你哭 處理淚流
而後備兩手是否足夠 即使那日放了手
雙腳似未學會走
停留在這段情
不懂去　退守
全部舊記憶 這刻重遊
重拾舊愛都或太荒謬
運氣不夠　牽不了手
也算得今世獨有

對你太好怎會累透 @

如心跳是可以避免
縈繞卻是你的聲線
慣了照顧的不會變
不告別也不發現 對你愛顧早蔓延

Repart   ＠

對你再好不會廝守

今日係一個值得紀念既日子。

阿韜同隔離屋終於係咁多年之後再係番埋一齊，今日係佢地第二個拖拍紀念日。

成件事好似唔關我事咁...! 係囉.....關我乜野事呢?!

緊係關我事啦，因為我真係好鄧佢地開心，係真心祝福佢地...!

我並唔係扮大方扮好人扮偉大，因為我根本唔係~! 而係，如果阿韜同隔離屋都可以分左手之手舊情復熾，咁我同阿桓都一樣可以架o者...!

真係好羨慕隔離屋，我知道係我同阿韜一齊果陣佢都仲係鐘意緊阿韜，佢鐘意左阿韜咁耐，而家終於可以再係埋一齊，真係好開心!! 我完全想像到果種開心既情度，因為只要我一諗下阿桓竟然搵番我...我就會忍唔住笑出黎 !!!

身為阿韜既朋友，我會為佢祝福同加油架!! 始終，搵到一個自己鐘意既人已經好難，仲要人地都同時間鐘意你就仲難，搵到o岩既人都仲要係o岩既時間去夾到做o岩既事先可以有一個o岩既反應.....，真係好似買六合彩咁! 所以，見到阿韜中獎，雖然有d眼紅....不過鄧佢開心會多d囉~~!

六合彩咁耐以黎我只係中過一次安慰獎，打麻雀好似實際d。雖然我打麻雀好渣，站長之餘仲要係度諗，不過我都好努力架，等中獎不如自己比心機做牌! 睇「嚦咕嚦咕新年財」劉華話「好牌爛牌都係咁打，只要牌品好，好朋友(<--靚牌) 自然會番黎幫你」! 我信架...我真係信!! 雖然我唔知而家呢副算係好牌定爛牌，不過既然都係咁打既話，就唔洗理咁多啦，認定目標比心機，冇話一鋪定輸贏既..!

阿韜係同隔離屋講之前，佢就已經同我講，如果佢ok左，佢d lucky就過比我架啦，跟住就到我架啦~! 結果...促成左呢個紀念日，就當然無問題啦。完事後，佢又同我講，到你架啦...跟住就到你架啦~~! 我信你，跟住就到我!! 我自己都係度諗，一開始PC佢鐘意我想同我一齊，呢個係第一次 ; 跟住冷戰之後，PC都繼續揀同我一齊，我都仲feel到佢係鐘意我，呢個係第二次 ; 而家...雖然已經分開左個半月既時間，但係我相信 1 不離 2 ，2不離3，第三次應該都走甩!!

27號send左個短訊比PC，冇覆...! 令我係度諗，其實我係咪做多左，佢一定係度諗我對佢餘情未了唔想咁快同我出黎，又或者唔知點面對我....!!! 不過只係睇場戲o者，又話做番朋友...一個短訊之嘛...睇就睇..唔睇就唔睇....唉~! 不過可能係我估錯左，或者佢跟本冇諗咁多，只係純粹唔記得覆短訊事件，anyway，除非對波鞋有消息啦，又或者佢主動contact我 (<--係就好啦 ! )，如果唔係我諗我有一段時間都唔搵佢住啦，既然人地唔覆你，再搵就會好煩架啦，再搵就會做多左...! PC雖然話做番FD 啫，但都可以係最普通果隻hi-bye fd，我咁諗唔代表放棄，只係想比d空間同時間大家...!我並唔係白白係度等，呢段時間我有我要做既事~~!!!

我要學識一手好廚藝! 我要做好一直未有完成既事! 我要tune好自己既mindset! 我要努力令自己變得更自己更charm!!

如果係呢段時間我毫無改變既話，就算再係埋一齊結果都會一樣。如果要我同阿桓分開係命運要我改變自己既楔機，但我竟然錯過左呢個機會，咁我同阿桓分開就變得毫無意義啦...!

見到阿韜同隔離屋開開心心，令到我覺得更加有希望。始終，我都真係好想我所有朋友都可以過得好好，不過連自己都一樣咁好就當然very good啦~~!

加油!!!!

為了自我增值，令自己成為一位入得廚房出得廳堂的女朋友，今晚我決定親自下廚。

對上一次入廚房已經是n年前的事；今時今日，我已經完全忘記了要煮一餐好食的飯，究竟應該點做。所以我誠意邀請我的父親母親從旁指導，一手一腳由買餸開始，務求煮出一餐人人食完都lam lam脷的絕世佳餚。

行動目標：
 - 蕃茄煮紅衫魚
 - 勝瓜炒墨魚仔
 - 蒜蓉炒菜心

最怕就係行街巿，見到豬肉佬魚佬同菜佬，總覺得會恰我呃我稱，而且「唔該10蚊豬肉」的10蚊究竟有幾多，真的無從稽考…。所以我通常都會行超級巿場，要幾多自己揀。不過，我當然知道超巿又貴又不夠新鮮，所以今次就跟父親母親到街巿走一轉，希望從中偷師。

買餸其實都好有學問，去到魚檔，父親大人同我講，買魚除左睇對眼要夠精靈，仲要睇下個腮夠鮮紅先夠新鮮。去到菜檔，母親大人又教識我，買勝瓜要揀夠軟身先為之嫰口。要學習的實在太多，煮飯仔真是一門高深的學問。

母親大人問我識煮乜，真係突然考起。豆角炒蛋，菜心炒牛肉，蕃茄薯仔湯，煎雞翼…簡簡單單的，我當然無問題，但反正有高手在旁，當然學一些未煮過的啦~! 但我都有自知之明，無理由一黎就學九簋，所以先來一個小學程度的煮飯仔來熱熱身~!

原來煮餐飯真的不容易，如果只是蒸吓水蛋然後斬舊叉燒，當然又另當別論。洗菜批勝瓜整墨魚仔洗紅衫魚，真的很花功夫。同一時間開2隻鑊，一心二用，煮飯婆果然不能睇小。幸好最後仍能不負所望，煮出三個撚手小菜。

食評：
1) 平心而論，個「勝瓜炒墨魚仔」好好味。
2) 另外，就是「蕃茄煮紅衫魚」，咸了少少，魚...煎得太熟，但仍覺得好味。
3) 蒜蓉炒菜心，因為我本親不愛食菜心關係，所以未有試味。但賣相麻麻，好像煮得有點黃，仍須努力…。

總括而言，我覺得這次也算是順利完成任務，平均分為70分。

我決定，下星期繼續努力。

這餐飯是我為下一任男友準備的第一餐飯。其實，這是為PC而準備的。

PC跟我說過，他很愛食住家飯，但他媽咪的手勢其實真的好一般。我記得，他叫過我2次煮飯給他吃。雖然只是講下，但我還是記住了。

我以美女廚神為目標，似乎太遠；但我最起碼要做到輕而易舉、手到拿來的煮到一餐好味的屋企飯。

雖然暫時未見到有演出機會，但我深信，機會是留給有準備的人。時機未到時好好準備，機會到來時就能好好把握了。

突然覺得，PC真的太幸福了，哈哈~!

我發現宝少的念力已遠遠的超越我。
何解?!
每當我話同宝少沖涼之後，第二日必定天陰陰想落雨，即使今日明明大太陽到烘燶麵包...。
昨天同宝少講「你係時候沖涼啦，嘿嘿~~」，當晚即刻1號風球。
宝少，你搞乜鬼?! 你以為天氣唔好真係唔洗沖涼?! 你咪傻啦~!

「烏咀」固然之令宝少吸引力大大下降，更有人開始以嫌棄的眼神傳達「咦~咁烏糟」這句說話。人見人愛的宝少人氣下滑絕對是一件不可以發生的事，最弊的是宝少一方面好介意別人的目光，但又好抗拒沖涼這舉動...。

不過要面對的就點都要面對，宝少都無得例外!

人生最精彩就在於下一步你永遠估唔到，但又一定要硬食要面對。

正如我一心諗住15號貨到取波鞋，但竟然回覆當地無貨了...! 真正明白一秒天堂一秒地獄的心情。這代表了什麼? 這代表要放棄嗎?!  明明眼見伸手可達，但卻突然沒收希望，這代表上天預兆不是我錢不入我袋?!

這根本沒有證明什麼，只是告訴我不要這麼快想要完結，革命尚未成功，同志仍須努力!!!!

還以為，送出了波鞋後就了結和阿桓的一切吧，算是最後的任務。原來由我決定尋找波鞋的一刻，才是真正的開始呢，往後還有更多的事等著我去努力...!

只要想著這是一個過程，中間的困難重重就只是電視劇的情節罷了!!

多謝師父!

因為有師父的sms，我的身體重新注滿了新力量!!

鄧麗欣 - 起點

作曲/編曲: Jerry
填詞: 鄧麗欣

將青春  釋放熱烈拍掌
好光陰  時間定要延長
不開心  不要亂著去想
沿途定會伴你翱翔

重重路障  也找到路向
要做到定要堅強
前途未會惆悵
去闖大理想  新方向

要快樂最重要細想
發奮為了一生打仗
開拓前路向  投入亦要自強
發誓要邁進這理想
靠努力會獲到讚賞
眾友伴會為你高唱
站到起點處  望前途晴朗
打破舊屏障  新意念夢想
來伴我找方向

世界的確有無限個可能，可幸的是我們仍然活著，仍然有將來。
伍晃榮突然離世，令我感到震撼。
他是我最欣賞及最喜愛的新聞從業員，即使從不喜愛收看新聞，仍然知道他的名字，仍然會追看他報道我從來沒有興趣的體育消息。

感謝神醫治豆老，感謝神一直守護我及我的家人朋友，感謝神從來沒有放棄我總給我最好的...。

現在的結束不代表最後的結局，世事往往都出乎意料之外!! 前方是絕路，希望在轉角!!

重要的是不著眼目前的結果，不要放棄繼續努力！！

永遠懷念伍晃榮。

生活就是戰場，為愛而戰，向著標杆直跑...，一直向前跑....!!!

今晚睇 < 金像獎頒獎典禮 > ，鄭中基唱左首星光伴我心。

一聽到鄭中基把聲，我頓時跌左入另一個時空........

如果唔望住電視，就好似拎住個電話聽阿桓唱歌一樣..! 我突然醒起原來自己真係好耐無聽過阿桓把聲，所以先頭一聽到鄭中基唱歌，一方面真係好掛住同阿桓傾電話既時光，但係都突然有難過既感覺.....!

PC真係好搞笑架，成日傾傾下電話要唱歌，佢話佢好鐘意唱歌喎，我成日都話楊生唔簽佢真係好大損失呀...，鄭中基喎，唱歌真係好好聽，仲要佢型過RONALD，哈哈~! 不過我都係覺得佢做PC 型D...!

我同Karen講，阿桓佢係PC...好型!! Karen佢o下我，話做消防員就型o者，PC真係一D都唔型!! 雖然當時我無反駁佢，只係我心入面當時既反應係想話...我覺得阿桓好型...唔係因為佢做PC...而係因為佢本身好型....! 就算佢唔做PC，我都依然覺得佢好型，我諗...一日我仲覺得鐘意佢，無論佢係點都好，我都會覺得佢好型..! 雖然好似好唔知醜咁，不過的確係我當時既諗法，同埋都係而家既諗法。

我知道，成功機會十分渺茫；我記得，BE YOUR FD IS FINE TO ME...! 真係知道真係記得，其實鐘意一個人o者，點解要好似細路仔做錯事咁?! 要做朋友咪做朋友囉，我自己都係咁同自己講，放手，let him go..! 我會成日提住自己，做朋友，做朋友做朋友做朋友做朋友!!!

我唔會再諗咁多，朋友就朋友，有一個自己覺得好型既朋友都係一件值得開心既事，仲要唱歌好似鄭中基既朋友就更加不可多得，現實中成為生活上既好朋友應該真係機會好微架啦，回憶中既朋友應該容易d...!

不過，無論點都好，我都會努力keep in touch，作為任何一個朋友都應該既指定動作，keep in touch..my friend!!!

PTU全名是Police Tactical Unit，中文正名是「警察機動部隊」，俗稱「藍帽子」，是一隊以半軍事訓練及組織的應變及防暴部隊，由輪流抽調的警員組成。隊員均接受過防暴訓練，訓練營位於粉嶺，平時負責邊境巡邏、各區支援、人群控制等工作，遇有騷亂時則負責防暴工作。

PTU分為新界北、新界南、東九龍、西九龍及港島五個大隊，再加上正接受訓練的隊伍，總共六個大隊。PTU是屬於總區大隊的後備單位，隨時出動協助內部保安、突發性事件及反罪惡工作。PTU亦會因應各區的人手要求，調派隊員前往不同警區協助打擊罪案活動。曾接受人群管理及控制暴亂訓練的PTU，在所有大型活動中，亦擔當了重要的人群管理角色。

─ 內部保安
─ 人群管理


在人群管理的時候，為了避免與群眾發生不必要的接觸，會以鐵碼建立緩衝區，當緩衝區已建立妥當，亦代表位於鐵碼內的緩衝區是不准進入的。擺放鐵碼的時候，不同形式的擺法會有不同的效果，須因應現場環境而作出決定。但有兩點必須注意，鐵碼與鐵碼之間，必須要以鐵鍊緊扣，並同時準確估計所需的鐵碼數量。

─ 反罪惡戰術


單元學習內容包括：
─ 高空掃盪
─ 鬧市中隱閉偵察部署
─ 處理可疑車輛
─ 破門入屋技巧
─ 如何處理疑犯﹝包括於恐怖襲擊中如何接待人質﹞

─ 反非法入境戰術
─ 體能訓練
─ 槍械訓練

─ 提取物資裝備


PTU出動時講求小隊配合大隊，分秒必爭，所以提取物資過程是
相當重要的，正確步驟是：


1. 注意點齊個人及該排的物資及裝備
2. 經由正確途徑上落車
3. 所有隊員均應坐在正確座位上
4. 進佔小隊全面防禦的正確位置

─ 小隊攻擊
─ 封路


封路的定義，是以人或物件，將一個地方圍住，目標可以是一楝大廈、一個山頭或一架飛機。封鎖的目的是將有問題的地方或人物，與外界隔絕，使之容易受到控制。

─ 防暴巡邏