今日係一個值得紀念既日子。

阿韜同隔離屋終於係咁多年之後再係番埋一齊，今日係佢地第二個拖拍紀念日。

成件事好似唔關我事咁...! 係囉.....關我乜野事呢?!

緊係關我事啦，因為我真係好鄧佢地開心，係真心祝福佢地...!

我並唔係扮大方扮好人扮偉大，因為我根本唔係~! 而係，如果阿韜同隔離屋都可以分左手之手舊情復熾，咁我同阿桓都一樣可以架o者...!

真係好羨慕隔離屋，我知道係我同阿韜一齊果陣佢都仲係鐘意緊阿韜，佢鐘意左阿韜咁耐，而家終於可以再係埋一齊，真係好開心!! 我完全想像到果種開心既情度，因為只要我一諗下阿桓竟然搵番我...我就會忍唔住笑出黎 !!!

身為阿韜既朋友，我會為佢祝福同加油架!! 始終，搵到一個自己鐘意既人已經好難，仲要人地都同時間鐘意你就仲難，搵到o岩既人都仲要係o岩既時間去夾到做o岩既事先可以有一個o岩既反應.....，真係好似買六合彩咁! 所以，見到阿韜中獎，雖然有d眼紅....不過鄧佢開心會多d囉~~!

六合彩咁耐以黎我只係中過一次安慰獎，打麻雀好似實際d。雖然我打麻雀好渣，站長之餘仲要係度諗，不過我都好努力架，等中獎不如自己比心機做牌! 睇「嚦咕嚦咕新年財」劉華話「好牌爛牌都係咁打，只要牌品好，好朋友(<--靚牌) 自然會番黎幫你」! 我信架...我真係信!! 雖然我唔知而家呢副算係好牌定爛牌，不過既然都係咁打既話，就唔洗理咁多啦，認定目標比心機，冇話一鋪定輸贏既..!

阿韜係同隔離屋講之前，佢就已經同我講，如果佢ok左，佢d lucky就過比我架啦，跟住就到我架啦~! 結果...促成左呢個紀念日，就當然無問題啦。完事後，佢又同我講，到你架啦...跟住就到你架啦~~! 我信你，跟住就到我!! 我自己都係度諗，一開始PC佢鐘意我想同我一齊，呢個係第一次 ; 跟住冷戰之後，PC都繼續揀同我一齊，我都仲feel到佢係鐘意我，呢個係第二次 ; 而家...雖然已經分開左個半月既時間，但係我相信 1 不離 2 ，2不離3，第三次應該都走甩!!

27號send左個短訊比PC，冇覆...! 令我係度諗，其實我係咪做多左，佢一定係度諗我對佢餘情未了唔想咁快同我出黎，又或者唔知點面對我....!!! 不過只係睇場戲o者，又話做番朋友...一個短訊之嘛...睇就睇..唔睇就唔睇....唉~! 不過可能係我估錯左，或者佢跟本冇諗咁多，只係純粹唔記得覆短訊事件，anyway，除非對波鞋有消息啦，又或者佢主動contact我 (<--係就好啦 ! )，如果唔係我諗我有一段時間都唔搵佢住啦，既然人地唔覆你，再搵就會好煩架啦，再搵就會做多左...! PC雖然話做番FD 啫，但都可以係最普通果隻hi-bye fd，我咁諗唔代表放棄，只係想比d空間同時間大家...!我並唔係白白係度等，呢段時間我有我要做既事~~!!!

我要學識一手好廚藝! 我要做好一直未有完成既事! 我要tune好自己既mindset! 我要努力令自己變得更自己更charm!!

如果係呢段時間我毫無改變既話，就算再係埋一齊結果都會一樣。如果要我同阿桓分開係命運要我改變自己既楔機，但我竟然錯過左呢個機會，咁我同阿桓分開就變得毫無意義啦...!

見到阿韜同隔離屋開開心心，令到我覺得更加有希望。始終，我都真係好想我所有朋友都可以過得好好，不過連自己都一樣咁好就當然very good啦~~!

加油!!!!

為了自我增值，令自己成為一位入得廚房出得廳堂的女朋友，今晚我決定親自下廚。

對上一次入廚房已經是n年前的事；今時今日，我已經完全忘記了要煮一餐好食的飯，究竟應該點做。所以我誠意邀請我的父親母親從旁指導，一手一腳由買餸開始，務求煮出一餐人人食完都lam lam脷的絕世佳餚。

行動目標：
 - 蕃茄煮紅衫魚
 - 勝瓜炒墨魚仔
 - 蒜蓉炒菜心

最怕就係行街巿，見到豬肉佬魚佬同菜佬，總覺得會恰我呃我稱，而且「唔該10蚊豬肉」的10蚊究竟有幾多，真的無從稽考…。所以我通常都會行超級巿場，要幾多自己揀。不過，我當然知道超巿又貴又不夠新鮮，所以今次就跟父親母親到街巿走一轉，希望從中偷師。

買餸其實都好有學問，去到魚檔，父親大人同我講，買魚除左睇對眼要夠精靈，仲要睇下個腮夠鮮紅先夠新鮮。去到菜檔，母親大人又教識我，買勝瓜要揀夠軟身先為之嫰口。要學習的實在太多，煮飯仔真是一門高深的學問。

母親大人問我識煮乜，真係突然考起。豆角炒蛋，菜心炒牛肉，蕃茄薯仔湯，煎雞翼…簡簡單單的，我當然無問題，但反正有高手在旁，當然學一些未煮過的啦~! 但我都有自知之明，無理由一黎就學九簋，所以先來一個小學程度的煮飯仔來熱熱身~!

原來煮餐飯真的不容易，如果只是蒸吓水蛋然後斬舊叉燒，當然又另當別論。洗菜批勝瓜整墨魚仔洗紅衫魚，真的很花功夫。同一時間開2隻鑊，一心二用，煮飯婆果然不能睇小。幸好最後仍能不負所望，煮出三個撚手小菜。

食評：
1) 平心而論，個「勝瓜炒墨魚仔」好好味。
2) 另外，就是「蕃茄煮紅衫魚」，咸了少少，魚...煎得太熟，但仍覺得好味。
3) 蒜蓉炒菜心，因為我本親不愛食菜心關係，所以未有試味。但賣相麻麻，好像煮得有點黃，仍須努力…。

總括而言，我覺得這次也算是順利完成任務，平均分為70分。

我決定，下星期繼續努力。

這餐飯是我為下一任男友準備的第一餐飯。其實，這是為PC而準備的。

PC跟我說過，他很愛食住家飯，但他媽咪的手勢其實真的好一般。我記得，他叫過我2次煮飯給他吃。雖然只是講下，但我還是記住了。

我以美女廚神為目標，似乎太遠；但我最起碼要做到輕而易舉、手到拿來的煮到一餐好味的屋企飯。

雖然暫時未見到有演出機會，但我深信，機會是留給有準備的人。時機未到時好好準備，機會到來時就能好好把握了。

突然覺得，PC真的太幸福了，哈哈~!

我發現宝少的念力已遠遠的超越我。
何解?!
每當我話同宝少沖涼之後，第二日必定天陰陰想落雨，即使今日明明大太陽到烘燶麵包...。
昨天同宝少講「你係時候沖涼啦，嘿嘿~~」，當晚即刻1號風球。
宝少，你搞乜鬼?! 你以為天氣唔好真係唔洗沖涼?! 你咪傻啦~!

「烏咀」固然之令宝少吸引力大大下降，更有人開始以嫌棄的眼神傳達「咦~咁烏糟」這句說話。人見人愛的宝少人氣下滑絕對是一件不可以發生的事，最弊的是宝少一方面好介意別人的目光，但又好抗拒沖涼這舉動...。

不過要面對的就點都要面對，宝少都無得例外!

人生最精彩就在於下一步你永遠估唔到，但又一定要硬食要面對。

正如我一心諗住15號貨到取波鞋，但竟然回覆當地無貨了...! 真正明白一秒天堂一秒地獄的心情。這代表了什麼? 這代表要放棄嗎?!  明明眼見伸手可達，但卻突然沒收希望，這代表上天預兆不是我錢不入我袋?!

這根本沒有證明什麼，只是告訴我不要這麼快想要完結，革命尚未成功，同志仍須努力!!!!

還以為，送出了波鞋後就了結和阿桓的一切吧，算是最後的任務。原來由我決定尋找波鞋的一刻，才是真正的開始呢，往後還有更多的事等著我去努力...!

只要想著這是一個過程，中間的困難重重就只是電視劇的情節罷了!!

多謝師父!

因為有師父的sms，我的身體重新注滿了新力量!!

鄧麗欣 - 起點

作曲/編曲: Jerry
填詞: 鄧麗欣

將青春  釋放熱烈拍掌
好光陰  時間定要延長
不開心  不要亂著去想
沿途定會伴你翱翔

重重路障  也找到路向
要做到定要堅強
前途未會惆悵
去闖大理想  新方向

要快樂最重要細想
發奮為了一生打仗
開拓前路向  投入亦要自強
發誓要邁進這理想
靠努力會獲到讚賞
眾友伴會為你高唱
站到起點處  望前途晴朗
打破舊屏障  新意念夢想
來伴我找方向

世界的確有無限個可能，可幸的是我們仍然活著，仍然有將來。
伍晃榮突然離世，令我感到震撼。
他是我最欣賞及最喜愛的新聞從業員，即使從不喜愛收看新聞，仍然知道他的名字，仍然會追看他報道我從來沒有興趣的體育消息。

感謝神醫治豆老，感謝神一直守護我及我的家人朋友，感謝神從來沒有放棄我總給我最好的...。

現在的結束不代表最後的結局，世事往往都出乎意料之外!! 前方是絕路，希望在轉角!!

重要的是不著眼目前的結果，不要放棄繼續努力！！

永遠懷念伍晃榮。

生活就是戰場，為愛而戰，向著標杆直跑...，一直向前跑....!!!

今晚睇 < 金像獎頒獎典禮 > ，鄭中基唱左首星光伴我心。

一聽到鄭中基把聲，我頓時跌左入另一個時空........

如果唔望住電視，就好似拎住個電話聽阿桓唱歌一樣..! 我突然醒起原來自己真係好耐無聽過阿桓把聲，所以先頭一聽到鄭中基唱歌，一方面真係好掛住同阿桓傾電話既時光，但係都突然有難過既感覺.....!

PC真係好搞笑架，成日傾傾下電話要唱歌，佢話佢好鐘意唱歌喎，我成日都話楊生唔簽佢真係好大損失呀...，鄭中基喎，唱歌真係好好聽，仲要佢型過RONALD，哈哈~! 不過我都係覺得佢做PC 型D...!

我同Karen講，阿桓佢係PC...好型!! Karen佢o下我，話做消防員就型o者，PC真係一D都唔型!! 雖然當時我無反駁佢，只係我心入面當時既反應係想話...我覺得阿桓好型...唔係因為佢做PC...而係因為佢本身好型....! 就算佢唔做PC，我都依然覺得佢好型，我諗...一日我仲覺得鐘意佢，無論佢係點都好，我都會覺得佢好型..! 雖然好似好唔知醜咁，不過的確係我當時既諗法，同埋都係而家既諗法。

我知道，成功機會十分渺茫；我記得，BE YOUR FD IS FINE TO ME...! 真係知道真係記得，其實鐘意一個人o者，點解要好似細路仔做錯事咁?! 要做朋友咪做朋友囉，我自己都係咁同自己講，放手，let him go..! 我會成日提住自己，做朋友，做朋友做朋友做朋友做朋友!!!

我唔會再諗咁多，朋友就朋友，有一個自己覺得好型既朋友都係一件值得開心既事，仲要唱歌好似鄭中基既朋友就更加不可多得，現實中成為生活上既好朋友應該真係機會好微架啦，回憶中既朋友應該容易d...!

不過，無論點都好，我都會努力keep in touch，作為任何一個朋友都應該既指定動作，keep in touch..my friend!!!

PTU全名是Police Tactical Unit，中文正名是「警察機動部隊」，俗稱「藍帽子」，是一隊以半軍事訓練及組織的應變及防暴部隊，由輪流抽調的警員組成。隊員均接受過防暴訓練，訓練營位於粉嶺，平時負責邊境巡邏、各區支援、人群控制等工作，遇有騷亂時則負責防暴工作。

PTU分為新界北、新界南、東九龍、西九龍及港島五個大隊，再加上正接受訓練的隊伍，總共六個大隊。PTU是屬於總區大隊的後備單位，隨時出動協助內部保安、突發性事件及反罪惡工作。PTU亦會因應各區的人手要求，調派隊員前往不同警區協助打擊罪案活動。曾接受人群管理及控制暴亂訓練的PTU，在所有大型活動中，亦擔當了重要的人群管理角色。

─ 內部保安
─ 人群管理


在人群管理的時候，為了避免與群眾發生不必要的接觸，會以鐵碼建立緩衝區，當緩衝區已建立妥當，亦代表位於鐵碼內的緩衝區是不准進入的。擺放鐵碼的時候，不同形式的擺法會有不同的效果，須因應現場環境而作出決定。但有兩點必須注意，鐵碼與鐵碼之間，必須要以鐵鍊緊扣，並同時準確估計所需的鐵碼數量。

─ 反罪惡戰術


單元學習內容包括：
─ 高空掃盪
─ 鬧市中隱閉偵察部署
─ 處理可疑車輛
─ 破門入屋技巧
─ 如何處理疑犯﹝包括於恐怖襲擊中如何接待人質﹞

─ 反非法入境戰術
─ 體能訓練
─ 槍械訓練

─ 提取物資裝備


PTU出動時講求小隊配合大隊，分秒必爭，所以提取物資過程是
相當重要的，正確步驟是：


1. 注意點齊個人及該排的物資及裝備
2. 經由正確途徑上落車
3. 所有隊員均應坐在正確座位上
4. 進佔小隊全面防禦的正確位置

─ 小隊攻擊
─ 封路


封路的定義，是以人或物件，將一個地方圍住，目標可以是一楝大廈、一個山頭或一架飛機。封鎖的目的是將有問題的地方或人物，與外界隔絕，使之容易受到控制。

─ 防暴巡邏

突然間好想對波鞋可以快d到我手...

雖然寫住「貨期未確定」，但預產期係15號...

但我發現...我想快d拎到對波鞋既真正原因...除左好想快d有個理由比我搵阿桓之外，最重要既係...我好想快d做埋呢一件我最後可以做既事，至於之後仲有冇之後，果d已經係之後既事...!

總係有一件未完成既事放係心裡面，我真係覺得好難受..! 做朋友又好，做情人又好，總唔可以將個心永遠懸掛係半空，沒完沒了咁一直等落去...!

我唔係話，等我送出左對波鞋之後，無論結果係點我都可以即刻忘記阿桓...，但起碼我知道人要面對現實....，而家唔比你既野，就算點扭計都冇可能扭轉事實..!! 心裡面鐘意一個人既堅持，有時候同表面上所做出黎既事根本就唔成正比...，睇落去好似好荒謬...，但係呢個世界根本就唔正常，更何況...感情從來都唔可以以常理去理解......!

我只係想完成自己唯一可以做好既事...，我唔想勉強任何事，更唔想勉強任何人人...包括阿桓同我自己...，我相信成功係須要努力....但努力唔一定係死纏爛打....努力唔代表我而家想要就即刻會有....努力唔等於將自己既期待間硬放係對方身上....；努力就係o係自己身上好好努力，放下所有既期待向終點不斷努力...!

無論結果係點，做完我要做既事之後.....一切就告一段落...，到時我既心會繼續鐘意...或者豁然放下，已經係到時既事...，當完成最後任務之後，可以點做已經唔再係我控制之內....，我既主動權只係到送波鞋出去為止，之後既收或唔收，覆定唔覆....已經唔到我決定.......!

我記得有一次同阿桓傾電話果陣，佢一路播住 謝安琪既< 鐘無艷 > ，而家聽番...真係覺得好諷刺....

作曲：Christopher Chak
填詞：林夕

其實我怕你總誇獎高估我堅忍
其實更怕你只懂得欣賞我品行
無人及我用字絕重拾了你信心
無人問我可甘心演這偉大        化身
其實我想間中崩潰脆弱如戀人
誰在你兩臂中低得不需要身份

＊無奈被你識穿這個念頭　得到好處的你　　
　明示不想失去絕世好友

　沒有得你的允許　我都會愛下去
　互相祝福心軟之際或者准我吻下去
　我痛恨成熟到        不要你望著我流淚
　但漂亮笑下去　彷彿冬天飲雪水
　被你一貫的讚許　卻不配愛下去
　在你悲傷一刻必須解慰找到我樂趣
　我甘於當副車        也是快樂著唏噓
　彼此這麼了解＊
    難怪註定似兄妹一對

其實我怕你的好感基於我修養
其實最怕你的私心虧准我體諒
無人問我寂寞像投何處去養傷
原來是我的心境高到變為        偶像
誰情願照耀著別人就如　月亮        
為奴婢為你備飯奉茶是殘忍真相

Repeat＊
讓我決定我的快樂
那須得你的允許　我都會愛下去
互相祝福心軟之際或者準我吻下去
我痛恨成熟到        不要你望著我流淚
但漂亮笑下去　彷彿冬天飲雪水
被你一貫的讚許　無須裝說下去
在你悲傷一刻必須解慰找到我樂趣
我甘於當副車        卻沒法撞入堡壘
彼此這麼了解　     難怪註定似兄妹一對

你的他怎允許　　結伴觀賞雪的淚
永不開封的汽水　讓我抱在懷內吻下去

最近總係不斷有作病的徵狀...占寒占凍...成日都有2滴鼻涕痴係鼻邊....

買左康鈣C都唔記得飲...究竟我個腦用黎記乜??

今日又唔記得帶電話...淨係記得帶埋宝少番工..., 尋晚又唔記得放盒飯係雪櫃...而家食緊既係未經雪藏既隔夜飯....好驚肚痾...但盒飯除左幾好味之外又唔發現有咩異味.....!

早幾日發現我部電腦彈左個window box出黎話我C drive既記憶體只淨番一百九十幾...要起碼達200先可以有一個穩定既運作水坪..., 或者我個腦既C drive既記憶體已經所餘無幾，所以除左搵波鞋之外...就乜都唔記得!?

短短幾個月，足以令我對世事既安排嘖嘖稱奇...，每次自己死命去做d野出黎都無結果..., 但反而一到last hit...心諗住唔得都無辦法...或者真係要到此為止果陣，件事又好似有新轉機...!

以波鞋事件為例...，我託晒所有朋友幫我搵幫我問，自己親身去旺角波鞋街魚骨式搜索，再巡埋信和瓊華....都一樣無發現...! 叫埋fd幫我係日本度掃場搵，再到無窮無盡既互聯網世界..奇藦...yahoo.jp....樂天...e-bay....大陸....真係講得出既網站都睇埋都唔見有..., 心諗住搵唔到...都無辦法....盡晒力啦..我仲可以點?!

同karen Sat. lunch既時候...佢話有d網站代客係外國bid野架...你去果d睇下...佢地會link埋好多外國既 internet shop..., 我番去send條link比你, 你睇下搵唔搵到啦...! 隔左一日, 我竟然係msn度真係收到karen既offline msg., 無諗過karen會真係記得...! 入到去...逐個網頁clirk..., 逐個search..., 逐個item睇...又唔識睇d字...唯有金精火眼....由日本一路search到韓國...都唔見有...! 都唔係冇既...有果個款...冇果個size囉...! 我由Ace83...轉做search "Ace 83", 竟然...係最後一個韓國網站比我搵到 "Nike Ace '83 White / Silver Size: US-9/KO-27 for Man", 搵到果一刻...真係唔敢相信自己對眼...我真係搵到? 我真係搵到? 係咪真係訂到架?

到個bid網報埋價..我入埋數...到今日，我都仲覺得....係咪真係訂到架?! 會唔會無貨架?! 會唔會詭人?! 錢都比埋...事到如今..我唯一可以做既就係等了又等...，不過...等下都無所謂...反正我又唔急...太快...我反而唔知點算...!

其實而家搵到對波鞋...我當真係買到先啦..! 我又可以點做呢?!

對於佢黎講...就算我山長水遠搵到韓國用一個唔合理既價錢去買對佢要既舊款波鞋比佢，都只係普通朋友既一份禮物...，我根本唔會話佢知我買左幾錢...因為根本對鞋唔值...值既係因為佢想要...所以我會肯出呢個價錢買...! 更何況..我都未諗到點比對波鞋佢同埋點同佢講....! 佢唔覆我或者唔收...都係一件有可能發生既事...!

不過，到現時為止...我可以做既一切..我已經好努力咁完成...，其他..我真係要學習點樣交比神...，我無辦法控制結局....之後係點? 會點發展? 已經唔係我控制範圍裡面...到最後...係咪已經真係最後，我諗就算比我估..都唔會估得到...! 就正如...有邊個會估到...5年後我會同阿韜再聯絡...約出黎食飯...仲要日日都有msn!?

而家...我已經完成左我最後可以做既事...一切都等對波鞋真係訂到番黎先講啦...!