PTU全名是Police Tactical Unit，中文正名是「警察機動部隊」，俗稱「藍帽子」，是一隊以半軍事訓練及組織的應變及防暴部隊，由輪流抽調的警員組成。隊員均接受過防暴訓練，訓練營位於粉嶺，平時負責邊境巡邏、各區支援、人群控制等工作，遇有騷亂時則負責防暴工作。

PTU分為新界北、新界南、東九龍、西九龍及港島五個大隊，再加上正接受訓練的隊伍，總共六個大隊。PTU是屬於總區大隊的後備單位，隨時出動協助內部保安、突發性事件及反罪惡工作。PTU亦會因應各區的人手要求，調派隊員前往不同警區協助打擊罪案活動。曾接受人群管理及控制暴亂訓練的PTU，在所有大型活動中，亦擔當了重要的人群管理角色。

─ 內部保安
─ 人群管理


在人群管理的時候，為了避免與群眾發生不必要的接觸，會以鐵碼建立緩衝區，當緩衝區已建立妥當，亦代表位於鐵碼內的緩衝區是不准進入的。擺放鐵碼的時候，不同形式的擺法會有不同的效果，須因應現場環境而作出決定。但有兩點必須注意，鐵碼與鐵碼之間，必須要以鐵鍊緊扣，並同時準確估計所需的鐵碼數量。

─ 反罪惡戰術


單元學習內容包括：
─ 高空掃盪
─ 鬧市中隱閉偵察部署
─ 處理可疑車輛
─ 破門入屋技巧
─ 如何處理疑犯﹝包括於恐怖襲擊中如何接待人質﹞

─ 反非法入境戰術
─ 體能訓練
─ 槍械訓練

─ 提取物資裝備


PTU出動時講求小隊配合大隊，分秒必爭，所以提取物資過程是
相當重要的，正確步驟是：


1. 注意點齊個人及該排的物資及裝備
2. 經由正確途徑上落車
3. 所有隊員均應坐在正確座位上
4. 進佔小隊全面防禦的正確位置

─ 小隊攻擊
─ 封路


封路的定義，是以人或物件，將一個地方圍住，目標可以是一楝大廈、一個山頭或一架飛機。封鎖的目的是將有問題的地方或人物，與外界隔絕，使之容易受到控制。

─ 防暴巡邏

突然間好想對波鞋可以快d到我手...

雖然寫住「貨期未確定」，但預產期係15號...

但我發現...我想快d拎到對波鞋既真正原因...除左好想快d有個理由比我搵阿桓之外，最重要既係...我好想快d做埋呢一件我最後可以做既事，至於之後仲有冇之後，果d已經係之後既事...!

總係有一件未完成既事放係心裡面，我真係覺得好難受..! 做朋友又好，做情人又好，總唔可以將個心永遠懸掛係半空，沒完沒了咁一直等落去...!

我唔係話，等我送出左對波鞋之後，無論結果係點我都可以即刻忘記阿桓...，但起碼我知道人要面對現實....，而家唔比你既野，就算點扭計都冇可能扭轉事實..!! 心裡面鐘意一個人既堅持，有時候同表面上所做出黎既事根本就唔成正比...，睇落去好似好荒謬...，但係呢個世界根本就唔正常，更何況...感情從來都唔可以以常理去理解......!

我只係想完成自己唯一可以做好既事...，我唔想勉強任何事，更唔想勉強任何人人...包括阿桓同我自己...，我相信成功係須要努力....但努力唔一定係死纏爛打....努力唔代表我而家想要就即刻會有....努力唔等於將自己既期待間硬放係對方身上....；努力就係o係自己身上好好努力，放下所有既期待向終點不斷努力...!

無論結果係點，做完我要做既事之後.....一切就告一段落...，到時我既心會繼續鐘意...或者豁然放下，已經係到時既事...，當完成最後任務之後，可以點做已經唔再係我控制之內....，我既主動權只係到送波鞋出去為止，之後既收或唔收，覆定唔覆....已經唔到我決定.......!

我記得有一次同阿桓傾電話果陣，佢一路播住 謝安琪既< 鐘無艷 > ，而家聽番...真係覺得好諷刺....

作曲：Christopher Chak
填詞：林夕

其實我怕你總誇獎高估我堅忍
其實更怕你只懂得欣賞我品行
無人及我用字絕重拾了你信心
無人問我可甘心演這偉大        化身
其實我想間中崩潰脆弱如戀人
誰在你兩臂中低得不需要身份

＊無奈被你識穿這個念頭　得到好處的你　　
　明示不想失去絕世好友

　沒有得你的允許　我都會愛下去
　互相祝福心軟之際或者准我吻下去
　我痛恨成熟到        不要你望著我流淚
　但漂亮笑下去　彷彿冬天飲雪水
　被你一貫的讚許　卻不配愛下去
　在你悲傷一刻必須解慰找到我樂趣
　我甘於當副車        也是快樂著唏噓
　彼此這麼了解＊
    難怪註定似兄妹一對

其實我怕你的好感基於我修養
其實最怕你的私心虧准我體諒
無人問我寂寞像投何處去養傷
原來是我的心境高到變為        偶像
誰情願照耀著別人就如　月亮        
為奴婢為你備飯奉茶是殘忍真相

Repeat＊
讓我決定我的快樂
那須得你的允許　我都會愛下去
互相祝福心軟之際或者準我吻下去
我痛恨成熟到        不要你望著我流淚
但漂亮笑下去　彷彿冬天飲雪水
被你一貫的讚許　無須裝說下去
在你悲傷一刻必須解慰找到我樂趣
我甘於當副車        卻沒法撞入堡壘
彼此這麼了解　     難怪註定似兄妹一對

你的他怎允許　　結伴觀賞雪的淚
永不開封的汽水　讓我抱在懷內吻下去

最近總係不斷有作病的徵狀...占寒占凍...成日都有2滴鼻涕痴係鼻邊....

買左康鈣C都唔記得飲...究竟我個腦用黎記乜??

今日又唔記得帶電話...淨係記得帶埋宝少番工..., 尋晚又唔記得放盒飯係雪櫃...而家食緊既係未經雪藏既隔夜飯....好驚肚痾...但盒飯除左幾好味之外又唔發現有咩異味.....!

早幾日發現我部電腦彈左個window box出黎話我C drive既記憶體只淨番一百九十幾...要起碼達200先可以有一個穩定既運作水坪..., 或者我個腦既C drive既記憶體已經所餘無幾，所以除左搵波鞋之外...就乜都唔記得!?

短短幾個月，足以令我對世事既安排嘖嘖稱奇...，每次自己死命去做d野出黎都無結果..., 但反而一到last hit...心諗住唔得都無辦法...或者真係要到此為止果陣，件事又好似有新轉機...!

以波鞋事件為例...，我託晒所有朋友幫我搵幫我問，自己親身去旺角波鞋街魚骨式搜索，再巡埋信和瓊華....都一樣無發現...! 叫埋fd幫我係日本度掃場搵，再到無窮無盡既互聯網世界..奇藦...yahoo.jp....樂天...e-bay....大陸....真係講得出既網站都睇埋都唔見有..., 心諗住搵唔到...都無辦法....盡晒力啦..我仲可以點?!

同karen Sat. lunch既時候...佢話有d網站代客係外國bid野架...你去果d睇下...佢地會link埋好多外國既 internet shop..., 我番去send條link比你, 你睇下搵唔搵到啦...! 隔左一日, 我竟然係msn度真係收到karen既offline msg., 無諗過karen會真係記得...! 入到去...逐個網頁clirk..., 逐個search..., 逐個item睇...又唔識睇d字...唯有金精火眼....由日本一路search到韓國...都唔見有...! 都唔係冇既...有果個款...冇果個size囉...! 我由Ace83...轉做search "Ace 83", 竟然...係最後一個韓國網站比我搵到 "Nike Ace '83 White / Silver Size: US-9/KO-27 for Man", 搵到果一刻...真係唔敢相信自己對眼...我真係搵到? 我真係搵到? 係咪真係訂到架?

到個bid網報埋價..我入埋數...到今日，我都仲覺得....係咪真係訂到架?! 會唔會無貨架?! 會唔會詭人?! 錢都比埋...事到如今..我唯一可以做既就係等了又等...，不過...等下都無所謂...反正我又唔急...太快...我反而唔知點算...!

其實而家搵到對波鞋...我當真係買到先啦..! 我又可以點做呢?!

對於佢黎講...就算我山長水遠搵到韓國用一個唔合理既價錢去買對佢要既舊款波鞋比佢，都只係普通朋友既一份禮物...，我根本唔會話佢知我買左幾錢...因為根本對鞋唔值...值既係因為佢想要...所以我會肯出呢個價錢買...! 更何況..我都未諗到點比對波鞋佢同埋點同佢講....! 佢唔覆我或者唔收...都係一件有可能發生既事...!

不過，到現時為止...我可以做既一切..我已經好努力咁完成...，其他..我真係要學習點樣交比神...，我無辦法控制結局....之後係點? 會點發展? 已經唔係我控制範圍裡面...到最後...係咪已經真係最後，我諗就算比我估..都唔會估得到...! 就正如...有邊個會估到...5年後我會同阿韜再聯絡...約出黎食飯...仲要日日都有msn!?

而家...我已經完成左我最後可以做既事...一切都等對波鞋真係訂到番黎先講啦...!

係應采兒的blog睇到以下的一段話：

girl, be strong!!!!!!!

everything will be ok in the end..

if it's not ok

it's not the end!!!!

我會好好記住.....!

每一件事物係每個人心目中都有唔同既意義。

阿豪問我...比你搵到對鞋又點?!

我頓時語塞...搵到又點呢?!

其實對鞋本身並無意義，搵到亦唔代表可以做到d乜野，只係....如果我搵到對鞋既話，就有一個搵阿桓既機會，亦都代表住有一個希望，而karen話亦都係一個終結....

搵唔搵到對鞋，根本係我控制範圍以外...，搵到同搵唔到對鞋之後所發生既事，亦都唔到我控制....不過...真係化啦....無所謂啦...謀事在人，成事在天....我只可以盡力去做好我可以做既事，其他...就只可以交托比神....!

因為聽阿韜提起伍佩欣既事，所以我去睇佢既blog...見佢同阿sir繼續有聯絡，keep住有進展....都叫鄧佢開心既，雖然唔係真心，不過我不至於想佢衰...，始終我比佢搞衰左，就算佢陪葬都唔會幫到我，每個人有每個人既際遇，得既未必係福，失既都未必係禍，隨遇而安啦....!

雖然講得好洒脫，但要做到真係需要好努力好努力，好努力咁去令自己相信「be yr fd is fine to me」; 亦都要好努力咁去真正做到「be yr fd is find to me」...!

總唔可以將自己既人生只寄託係一個人身上，因為....人生...係自己既人生.......!

發現自己最近多左出去飲野、去玩...但玩完，又覺得都唔係玩得好開心o者...

大咀鳥話我根本就係度勉強緊件事...公司同事叫我不如算啦唔好再諗....

我做左d乜野去勉強件事?

我而家有喊到叫天叫地跳樓自殺叫阿桓同番我一齊?

定係我一日到黑打電話send短訊又求又拜要佢比多次機會我?

我明白，如果一個人唔想同你一齊，唔通我真係搵支槍指住佢個頭都無用...我真係明...

我只係做d事令自己好過d...

3月29日09:59 p.m. send左個短訊比阿桓，係做番朋友之後既第一個短訊，其實一早已經諗好左send乜野，只係等一個機會....

「頭先睇<警訊>介紹PTU訓練，要孭好多裝備，我即刻諗起你平時實train得好辛苦! 今日介紹反非法入境者行動呀, 你train左未呀?!」

我所等既機會，就係做完警訊之後，其實...我只係等一個話題....我根本唔諗亦唔敢諗阿桓會覆我，因為....做番朋友只係講下o者，只係分手既一d好聽既說話...

竟然....10:59pm 我收到個短訊....

「未呀, 我病左成個星期，發燒都燒左三日，啱啱今日先好番o的咋，可能我患既係世紀大流感呀」

我望住個短訊....仲以為自己眼花，阿桓竟然覆我....! 雖然我覺得，只係阿桓病左好想有人關心佢，係佢一時唔清醒，但呢個短訊的確令我開心左幾日...!

我緊係有覆佢啦....都係一d關心既說話...身朋「朋友」可以講既真係有限....!

隔左一個星期，今日我再次send個短訊比佢....

「好番晒未呀你~?! 又連續放幾日假, 洗唔洗去拜山呀???」

不過由send之前我已經知道，唔會次次都咁好彩，今次應該唔會收到任何回覆架啦...!

點解明知都要做?! 因為做左都有50%成功....就只係呢個信念....!

明知不可為而為之...可能就係大咀鳥口中所謂既勉強啦....

真係無諗過，5年後真係會有機會同阿韜再約出黎，好似朋友咁坐埋一齊食飯傾計...。

曾經真係好期待呢一日，但係到左呢一日，原來又無乜特別..。

無諗過既，除左係全約出黎之外，呢個blog比佢發現左，又係另一個意外。

就係諗住避開晒識既人，所以先千里迢迢黎到呢度 ; 但竟然，阿韜會係第一個睇我呢個blog既人。

好在...我都冇乜講佢壞話...嘿嘿~~!

以前成日都好想比阿韜知我點諗，都諗到唔諗既時候，成件事就咁不知不覺完全係我唔知情既情況下發生左.....

睇戲果陣，成日會話邊有咁o岩得咁橋....點會有咁多前後腳....D Timing 又會錯到咁既....點會?!

原來，呢個世界發生既事真係估都估唔到...點諗到search我個blog既唔係阿韜...而係佢女朋友....! 我只係覺得...要發生既事，原來就一定會發生，無論係用一個你認為幾咁無可能唔合理無奶油既情況，都要速成件事。

另方面，就即係話唔發生既事就一定唔發生...無論你做幾多諗幾多付出幾多...都只會唔係你錢唔入你袋....

突然間...諗起一首鄭秀文既舊歌....

也許　上天不給我的
     無論我兩臂怎緊扣　仍然走漏....給我的
     無論過去我怎失手都會擁有

第一次發現自己咁遲頓，遲頓到連心情都遲頓埋。

原本以為自己可以ok，但係原來唔ok....

尋晚終於都send番個sms比阿桓，一直都唔知點樣回應佢個短訊，花盡心思咁諗，點樣send做番朋友之後既第一個短訊比佢呢?! 最後，我發現，做番自己真係最輕鬆....

「突然間話要做番朋友，都唔知比個乜野反應你，不過我都想件事爽快d~! 放完假啦，聽日一齊加油啦! keep in touch la~!」

呢一刻，我覺得果句keep in touch真係好重好重....，我選擇冇去回應佢話做番朋友呢件事，因為我的確唔知點回應，亦唔想回應....，呢個時候，我除左講keep in touch之外，仲可以點....?!

件事15號發生到而家，我遲頓到今日先喊得出，好想喊係因為覺得自己無能為力之餘, 仲覺得件事無轉彎既餘地...!

早知結果都係一樣，當初就唔應該又驚青又淆底，反正要傷心既都會傷心，如果一開始我敢愛敢恨，或者結果唔會一樣....好可惜，呢個世界上根本就無叮噹，所以更加無如果電話亭.....

我唔知點樣做可以令自己好過d，短短既時間竟然都令我有難過既感覺，毑住毑住....我好想改變自己....!

唔係因為阿桓，係因為自己....! 幾時先應該send第二個短訊比佢，我都唔知，當我覺得無辦法唔send果陣就send囉，已經拍唔成拖，無理由咁少事都要虐待自己...!

好想用阿桓個名寫番d野....，想緊...想緊好冇去做....!

再想下先，想清楚之後....想做就去做....!