September 04,2008
吉隆坡 Day 5 ---魚吻足
吉隆坡 Day 5 ---魚吻足
中午check out後,去mall吃午飯,買下手信~臨走見到 fish spa啊! Surprise!! 入去玩!
試細魚先,好痕呀~d魚仔幫你食臭腳的死皮,wakaka)))
試下大魚先,好驚呀~feel到佢口 d牙咬你咁既,都係去返小魚度浸…玩完. 半個鐘將近成舊水港紙!! 但隻腳都仲係好鞋咁啵,唔通真係大魚見效d?
如果你覺得這眼鏡好襯我,真係有眼不識................
我教練呀! wakakakakakak))))))))))
到機埸,又撞到 Aaron?! 真係咁arm又同一班機,不過呢次唔係前後排坐! 除此之外,仲見到陳豪-個背影! 好多人圍~又另外,呢個機埸真係好廢,無野行的,仲要等成2個鐘先飛呀…
俾意見 [1]
文章URL
引用 [0]
September 01,2008
吉隆坡 Day 4 ---法國
吉隆坡 Day 4 ---法國
係咪估唔到呢! 呢個秘密忍左好耐! 幾突然,哈哈! 清晨機,時差關係去到都係日頭! yeah!!!!!! K.L實在太悶,有平機票,反正都窮開,唔爭在過埋去玩!!
(你真係信呀?)
法國村啊! 超期待的! (基本上係我一個期待law) 謝謝 Indy伉儷車我們去,非常遠的路程,在哪個深山裡啊??搵呀搵….半路見到有個
就係呢隻賤兔抓我!! \_/
繼續上路,差一丁點仲上到”雲頂”tim?! (其實我想出聲ga,反正都上到黎,不如去埋啦,不過成車的人對今日的行程充滿期盼的就只有我,都係唔好再出聲多多要求為上! ) 掉頭落返山,再搵呀搵….終於都搵到法國村!! 竟然要收入埸費喎?! 包山上幾個唔同公園的,嘩~好似好多野玩咁啵~^u^但當然去法國村先,嗚…點解人地影d相可以咁靚咁真既?!
厄我!!!! 好假呀呢度唔制呀~～~~又細! 得一條街!! 無聊…去了幫襯玩油顏色.
不要小看它只是普通的南瓜~越簡單的東西越難啊~看,只有6隻色顏料供應比你.
拿拿拿......你睇唔睇到d深淺色,又帶點黑黑舊舊的效果,除左隻黑色之外,所有都係我自己調出黎ga~比下面啦~
玩完就走lu~但不遠處仲有個日本村喎,去唔去埋??(反正又比左錢…) 果然得我一個出聲=_=v….所有人都無興趣,得我自己一個行,把鬼囉….在森林漫步,沿途幾間爛屋,完!
之後不知坐幾個鐘車去Jen home作客晚飯.(好靚的屋仔~^u^)
飯後我去睇冰show---High School Musical~即埸買飛,有折喎?! 多謝~而佢地就去逛街,轉頭見~!
August 27,2008
吉隆坡 Day 3 --- 很遊客的一天
吉隆坡 Day 3 --- 很遊客的一天
超型格的 taxi!! 成車頂都係毛毛虎紋!!
這裡的華僑都說,出入搭的士要搵酒店call的,唔好周街折,不太安全! 今日同Fanny兩個去觀光~搭的士去雙子塔途中,的士司機主動話會經過朱古力專門店,可以放低我地去睇一睇,哦…..都好呀! 果度d朱古力非常一般,而且係正常價,我都係揀左一盒咋!
又會觀光果日才天氣不好的....我妖!!! 成滴雨水整左落我鏡頭.....
到雙子塔lu,我地無興趣行街,都係同香港一樣賣開d品牌一樣! 想上去塔,但都知無可能啦,因為太晏了,個塔巴巴閉咁每日限時派籌,不過都即管問下,結果當然唔得啦! 想去水族館,搵極都搵唔到,問人,我又唔記得水族館個名,(係叫Aquaria呀)卒之就寫Aqua,然後隔離再畫條魚去問人,yeah!! 得左喎?!
$91 hkd 入埸費,只係玩一條大約10分鐘的海底隧道----睇魚! 勁搵笨呀!!!! 不過d大魚又真係比 Ocean Park 的大魚更 king Size既….行完之後無地方去,不如搵任上任落觀光巴士坐啦~又亂作字問下人先------- sight seeing bus stop!! 犀利~又問到!! 正確的名稱是 Hop-On Hop-Off bus stop! $91 hkd 有22個站,上車後第2個站就落車了,上吉隆坡塔,$48 hkd,遊客就是要這樣呀, Fanny唔上我自己上~
呢度仲高過雙子塔啦~um um......(安慰自己中)
兜一圈落黎我地又去等返架 Hop Bus.吉隆坡塞車真係好嚴重,坐了一個鐘頭至去到第8站!! 太過份喇,我決定放棄,(已經晚上7點)就在這第8站唐人街落車搵食,呢條街有d似士林夜市,好多街邊檔野食,最後我地揀左肉骨荼,這裡的很差!! 清水湯淡而無味的,騙遊客生意的地方,唉~吃完後等返架 Hop Bus,想坐返雙子塔那邊搵高檔少少的酒店 call taxi,我地由8點企到8點半都無 bus,但明明話至到8點半的呀?! 無奈,唯有在 China Town附近睇下有無ok d既酒店call taxi啦! 行好遠路,大慨由"mong kok至 T.S.T"的路程,沿途的酒店都係幫我隨街折 taxi的?! 我不懂嗎,洗搵你!! 佢話 call的服務已經休息喎~唉....算數,硬著頭皮搭街邊的士返酒店,害我成個鐘車程係咁擔心.....
是晚半夜醒來,我張被 頗"整齊"的在床尾??當我"富"被啦,但我個頭訓住兩個重疊得好"整齊"既枕頭??我用開一個咋,另一個被我擺開的........!! 好彩我太累,蓋好被, fing走一個枕頭,再訓過,無事!
August 22,2008
吉隆坡 Day 2 ---婚宴日
吉隆坡 Day 2 ---婚宴日
終於有地道野食喇!! Jennie帶我地去她家附近食”肉骨茶”,原來可以一鍋鍋上的?我以為是一人一杯茶的東西?! 濃濃的藥材味,有排骨,豬腸等在裡面,而且是跟白飯吃的?! 真係無諗過~仲有油炸鬼&豆乾,點”茶”吃,仲有要自己動手整d辣椒,蒜蓉豉油,用來點排骨食,無人帶真係唔曉!!
August 22,2008
吉隆坡 Day 2 ---婚宴夜
吉隆坡 Day 2 ---婚宴夜
化妝重手過頭,比新娘子還要濃…又緊張,行出行入,撲來撲去扮靚,真係唔知醜! 嘿嘿…..我好盡責做”迎賓”呀,差d忘記有另一重要任務===望仔! 其實呢餐係專請新人的朋友的,Jennie已事先張揚,嗌我如果睇中邊個同佢講,佢黎介紹! wakakakka)))))) Fanny好厲害啊,搭訕功超勁!! 所有目標都可以拿哂電話或MSN的!! 三唔識七點可以有咁多話題呢??強!! 不過啊….你唔係男友咩,仲…..?! 多得 Jennie開口,有個靚仔 fd 住我們酒店附近的,可以坐佢順風車,好開心! 哈~
August 21,2008
吉隆坡 Day 1 ---鬧鬼
吉隆坡 Day 1 ---鬧鬼
出發!! 與 Jennie之fd Fanny同行,仲撞到 Aaron! 知道佢係同一日飛呀,但原來同一班機喎?! 而且還坐在我前面,咁啱呀,哈! 原來仲有飛機是沒有"私人電視"的??驚訝...好在我早有準備-PSP!! 哈哈))這機很過份啊!! 機餐全部有雞的!! 點揀!! 你叫我點揀!! 怒.....人家留了肚的呀....差不多到步時飛機經過"布城"上空,機師廣播介紹&專登打側架飛機飛給你們看,thx呀,我行程plan了想去那地方的,但去不到! 落機後在大堂撞返 Aaron, join佢一齊搭的士去酒店,又可以平d了! 呵呵))行車途中又經過"布城",睇到我最想睇既"粉紅色的清真寺",真好~
skate asia 08 的比賽埸地~望兩眼先~^-^ 如果我無縮沙的話就是這裡比賽的了~
到酒店了,節目立刻開始,首先是 Jennie在房內說鬧鬼事件,再加發生地點現場演繹一編!! 非常刺激!! 你叫我點訓?! 教我如何可以在這裡住幾晚?! 痴線呀....願我平安, thx god! 她說: 通常都是"不見物件",轉頭又出現返! 有時明明東西放"這裡",轉頭會出現在"那裡"! 有一晚他們熱到醒了,冷氣制指了去"off"?! 豪仔之後說半夜見到冷氣風位有團白光.....另外有朝豪仔在被窩裡,以為是jennie不停扯他被子想整醒佢,so沒理她,到中午他起床問jen幹麼整他,jen一早出門了,才剛剛回來呀! 那麼是indy囉?不是呀,他一早跟我出門到而家都未返啊! .....再有一晚,jen一個人在房,直頭見到有隻鬼手從窗簾伸出來,嚇到佢即刻call老公返,然後都無在酒店過夜了,他們回自己的家睡......
不要再講喇!! 肚子餓,去食野啦~第一餐竟然是吃香港都有的"麵包條專門店",賣相似魚手指的麵包條,但我在 HK 無幫襯過,真犯賤! haha))出市區逛,為了明天可以靚靚,想整指甲! 嘩! 貴香港好多law!! 我"素手"算了! 再揀下哪家salon好,明天要去set頭~
hee,發現Sammi poster!! 會來開concert嘛?!! ....嗚...點解香港無....
攪掂哂之後有樣好重要的事,就是Jennie應承了會回家拿香拜拜的,在酒店房上香啊!! 嘿....我真係驚到精神崩潰的了,I Miss HK........
之後去吃晚飯,西餐呀!! 無錯! 是西餐! 哈哈....=u=v 那洋蔥圈極度好味的!!
返回酒店,12支香燒剩3支,熄了!! 啊~～~這時候難免會胡思亂想的呀....好驚呀.....到夜深,大家還有精力想落 d?! 但我很倦呢....如果沒有鬧鬼的話,我一定留下休息,但這環境.... 即係要跟大隊啦,第一次落 d咋,幸好 lady's night,唔洗錢,代價是十分多人!! 我倦到站不穩要人參扶,好辛苦! 這裡嘈到爆,是真的耳膜爆!! 隔離有條迷幻男失去意識反哂眼喪跳,動作又大又浮誇,勁好笑,但幾危險,小心他的手Fing過來啊! 越跳越埋了!!!!
本日大成功,將自己疲倦到一訓落床就睡著,但精神還是很緊張,小小聲我都會醒,因為好驚所以開住電視訓,半夜....無la la 沙沙沙...雪花3秒--->正常-->沙...雪花3秒--->正常--沙.......non stop! 驚ga! 但我真的太倦,一邊聽著,一邊照睡....
August 13,2008
未出發,先驚嚇
未出發,先驚嚇
我聽日就飛喇,但係我......用咩形容詞形容我而家心情好呢.....
每年呢個時候都好似要驚一驚咁,其實我都開始習慣,但7月就7月,正日一定唔會check佢係邊日law! 早兩日比阿Edward哥提一提,頂......都算,今日收到Jennie電話,(吉隆坡聽晚開始比我住的酒店房,而家佢住緊),佢話除左酒店員工手腳唔乾淨之外,仲好似有其他"污 Jo"野!! 喂~～~大姐啊,唔好嚇我啦.....我聽完之後,到 E家都仲law law 孿,真係好驚...點算呀......諗住唔訓啦,點知打開雜誌阿某某大師說,精神唔好更易招惹那東西!! 點呀~打比Edward出下氣先,丫..頂佢...咒我比鬼壓.....一起身d指甲變哂紅色.....
我真係好 攬 驚呀.....點算好?....妖.....(ToT).......
August 06,2008
生日大哂
生日大哂
有人以為這K房內的燈箱是電視.......
...如果真的話,真的很16比9啊....
一係無人約,一係就幾班不同人士約,推都推唔切!! Jennie帶我們到尖咀婚紗街附近食韓燒......嘿...這家店....你比人厄喇,這個價...我下次帶你去更好的!! 之後去茵琦生日K,港晶NEWAY唔係好識去,講兩講引誘到Jennie & Fanny都去唱k,在隔離開間房,救了我一命呢!! 話說9點零開始的party,竟然11點鐘先見人!! 可憐的我在 J & F 的房屈蛇靜坐,又要同D麻煩職員解釋一大輪,這間房收2位錢就好了! 亦都好開心拉到Jacky出席,如果得閒的話,人地生日都唔去,會有"報應"ga~哈哈<-----我這樣說~(做咩拉埋我落水?我不嬲都比面這些活動的,除非有人衰先,我至會"報應"佢,咁正常情況下我都有"報應"咁無得好講ga!! )嗚.....得佢一個熟人law原來?! 好彩好彩,我都覺得神奇的了,雖然識左都好多年,但佢係第一次嗌我們這堆溜冰人幫佢慶生,原來係佢另一班fd同佢生日唱k,點知又反口,所以就找我們,後來班fd又話ok.....嘿...呆左!
