超型格的 taxi!! 成車頂都係毛毛虎紋!!

這裡的華僑都說,出入搭的士要搵酒店call的,唔好周街折,不太安全! 今日同Fanny兩個去觀光~搭的士去雙子塔途中,的士司機主動話會經過朱古力專門店,可以放低我地去睇一睇,哦…..都好呀! 果度d朱古力非常一般,而且係正常價,我都係揀左一盒咋!

又會觀光果日才天氣不好的....我妖!!! 成滴雨水整左落我鏡頭.....

到雙子塔lu,我地無興趣行街,都係同香港一樣賣開d品牌一樣! 想上去塔,但都知無可能啦,因為太晏了,個塔巴巴閉咁每日限時派籌,不過都即管問下,結果當然唔得啦! 想去水族館,搵極都搵唔到,問人,我又唔記得水族館個名,(係叫Aquaria呀)卒之就寫Aqua,然後隔離再畫條魚去問人,yeah!! 得左喎?!

$91 hkd 入埸費,只係玩一條大約10分鐘的海底隧道----睇魚! 勁搵笨呀!!!! 不過d大魚又真係比 Ocean Park 的大魚更 king Size既….行完之後無地方去,不如搵任上任落觀光巴士坐啦~又亂作字問下人先------- sight seeing bus stop!! 犀利~又問到!! 正確的名稱是 Hop-On Hop-Off bus stop! $91 hkd 有22個站,上車後第2個站就落車了,上吉隆坡塔,$48 hkd,遊客就是要這樣呀, Fanny唔上我自己上~

呢度仲高過雙子塔啦~um um......(安慰自己中)

兜一圈落黎我地又去等返架 Hop Bus.吉隆坡塞車真係好嚴重,坐了一個鐘頭至去到第8站!! 太過份喇,我決定放棄,(已經晚上7點)就在這第8站唐人街落車搵食,呢條街有d似士林夜市,好多街邊檔野食,最後我地揀左肉骨荼,這裡的很差!! 清水湯淡而無味的,騙遊客生意的地方,唉~吃完後等返架 Hop Bus,想坐返雙子塔那邊搵高檔少少的酒店 call taxi,我地由8點企到8點半都無 bus,但明明話至到8點半的呀?! 無奈,唯有在 China Town附近睇下有無ok d既酒店call taxi啦! 行好遠路,大慨由"mong kok至 T.S.T"的路程,沿途的酒店都係幫我隨街折 taxi的?! 我不懂嗎,洗搵你!! 佢話 call的服務已經休息喎~唉....算數,硬著頭皮搭街邊的士返酒店,害我成個鐘車程係咁擔心.....

是晚半夜醒來,我張被 頗"整齊"的在床尾??當我"富"被啦,但我個頭訓住兩個重疊得好"整齊"既枕頭??我用開一個咋,另一個被我擺開的........!! 好彩我太累,蓋好被, fing走一個枕頭,再訓過,無事!

終於有地道野食喇!! Jennie帶我地去她家附近食”肉骨茶”,原來可以一鍋鍋上的?我以為是一人一杯茶的東西?! 濃濃的藥材味,有排骨,豬腸等在裡面,而且是跟白飯吃的?! 真係無諗過~仲有油炸鬼&豆乾,點”茶”吃,仲有要自己動手整d辣椒,蒜蓉豉油,用來點排骨食,無人帶真係唔曉!!

飯後去婚宴的酒店check in,之後我同Fanny就去set頭! 馬來西亞是,”坐著”洗頭的嗎?咁強?! 好彩我唔洗試,師傅帶我入去洗”正常”的,Fanny就在出面變成頭泡囉~不過沖水都係要入去”正常”咁沖的,哦……咁點解要咁麻煩分兩part呢吓??

開始set頭囉,師傅竟然唔識用捲髮棒!! 支野成二百度ga,比佢在我頭倦來倦去都無用的,又傷我頭髮,索性叫佢停手,問佢用開咩方法幫人整孿頭,總之孿到就ok喇! 點知佢唔聽喎,那我少不免剷佢一兩句,老闆娘聽到後話佢識用,等佢黎~原來老闆娘都係唔曉但死充的,我心愛的頭髮啊~～~停手!!! 老闆娘超唔高興,仲話我hurt佢?! 吓…..??後尾個師傅仲攪笑,拿住我d頭髮話借佢練習一下(用果枝棒),神經!!! 你拿假人的頭髮練啦!! 呀……最後set左個求其整孿哂,就咁夾起幾汁頭髮,超簡單的頭,收我$158港紙!! 唔值law!!

化妝重手過頭,比新娘子還要濃…又緊張,行出行入,撲來撲去扮靚,真係唔知醜! 嘿嘿…..我好盡責做”迎賓”呀,差d忘記有另一重要任務===望仔! 其實呢餐係專請新人的朋友的,Jennie已事先張揚,嗌我如果睇中邊個同佢講,佢黎介紹! wakakakka)))))) Fanny好厲害啊,搭訕功超勁!! 所有目標都可以拿哂電話或MSN的!! 三唔識七點可以有咁多話題呢??強!! 不過啊….你唔係男友咩,仲…..?! 多得 Jennie開口,有個靚仔 fd 住我們酒店附近的,可以坐佢順風車,好開心! 哈~

出發!! 與 Jennie之fd Fanny同行,仲撞到 Aaron! 知道佢係同一日飛呀,但原來同一班機喎?! 而且還坐在我前面,咁啱呀,哈! 原來仲有飛機是沒有"私人電視"的??驚訝...好在我早有準備-PSP!! 哈哈))這機很過份啊!! 機餐全部有雞的!! 點揀!! 你叫我點揀!! 怒.....人家留了肚的呀....差不多到步時飛機經過"布城"上空,機師廣播介紹&專登打側架飛機飛給你們看,thx呀,我行程plan了想去那地方的,但去不到! 落機後在大堂撞返 Aaron, join佢一齊搭的士去酒店,又可以平d了! 呵呵))行車途中又經過"布城",睇到我最想睇既"粉紅色的清真寺",真好~

skate asia 08 的比賽埸地~望兩眼先~^-^ 如果我無縮沙的話就是這裡比賽的了~

 到酒店了,節目立刻開始,首先是 Jennie在房內說鬧鬼事件,再加發生地點現場演繹一編!! 非常刺激!! 你叫我點訓?! 教我如何可以在這裡住幾晚?! 痴線呀....願我平安, thx god! 她說: 通常都是"不見物件",轉頭又出現返! 有時明明東西放"這裡",轉頭會出現在"那裡"! 有一晚他們熱到醒了,冷氣制指了去"off"?! 豪仔之後說半夜見到冷氣風位有團白光.....另外有朝豪仔在被窩裡,以為是jennie不停扯他被子想整醒佢,so沒理她,到中午他起床問jen幹麼整他,jen一早出門了,才剛剛回來呀! 那麼是indy囉?不是呀,他一早跟我出門到而家都未返啊! .....再有一晚,jen一個人在房,直頭見到有隻鬼手從窗簾伸出來,嚇到佢即刻call老公返,然後都無在酒店過夜了,他們回自己的家睡......

不要再講喇!! 肚子餓,去食野啦~第一餐竟然是吃香港都有的"麵包條專門店",賣相似魚手指的麵包條,但我在 HK 無幫襯過,真犯賤! haha))出市區逛,為了明天可以靚靚,想整指甲! 嘩! 貴香港好多law!! 我"素手"算了! 再揀下哪家salon好,明天要去set頭~

hee,發現Sammi poster!! 會來開concert嘛?!! ....嗚...點解香港無....

攪掂哂之後有樣好重要的事,就是Jennie應承了會回家拿香拜拜的,在酒店房上香啊!! 嘿....我真係驚到精神崩潰的了,I Miss HK........

之後去吃晚飯,西餐呀!! 無錯! 是西餐! 哈哈....=u=v 那洋蔥圈極度好味的!!

返回酒店,12支香燒剩3支,熄了!! 啊~～~這時候難免會胡思亂想的呀....好驚呀.....到夜深,大家還有精力想落 d?! 但我很倦呢....如果沒有鬧鬼的話,我一定留下休息,但這環境.... 即係要跟大隊啦,第一次落 d咋,幸好 lady's night,唔洗錢,代價是十分多人!! 我倦到站不穩要人參扶,好辛苦! 這裡嘈到爆,是真的耳膜爆!! 隔離有條迷幻男失去意識反哂眼喪跳,動作又大又浮誇,勁好笑,但幾危險,小心他的手Fing過來啊! 越跳越埋了!!!!

本日大成功,將自己疲倦到一訓落床就睡著,但精神還是很緊張,小小聲我都會醒,因為好驚所以開住電視訓,半夜....無la la 沙沙沙...雪花3秒--->正常-->沙...雪花3秒--->正常--沙.......non stop! 驚ga! 但我真的太倦,一邊聽著,一邊照睡....

我聽日就飛喇,但係我......用咩形容詞形容我而家心情好呢.....

每年呢個時候都好似要驚一驚咁,其實我都開始習慣,但7月就7月,正日一定唔會check佢係邊日law! 早兩日比阿Edward哥提一提,頂......都算,今日收到Jennie電話,(吉隆坡聽晚開始比我住的酒店房,而家佢住緊),佢話除左酒店員工手腳唔乾淨之外,仲好似有其他"污 Jo"野!! 喂~～~大姐啊,唔好嚇我啦.....我聽完之後,到 E家都仲law law 孿,真係好驚...點算呀......諗住唔訓啦,點知打開雜誌阿某某大師說,精神唔好更易招惹那東西!! 點呀~打比Edward出下氣先,丫..頂佢...咒我比鬼壓.....一起身d指甲變哂紅色.....

我真係好 攬 驚呀.....點算好?....妖.....(ToT).......

有人以為這K房內的燈箱是電視..........如果真的話,真的很16比9啊....

一係無人約,一係就幾班不同人士約,推都推唔切!! Jennie帶我們到尖咀婚紗街附近食韓燒......嘿...這家店....你比人厄喇,這個價...我下次帶你去更好的!! 之後去茵琦生日K,港晶NEWAY唔係好識去,講兩講引誘到Jennie & Fanny都去唱k,在隔離開間房,救了我一命呢!! 話說9點零開始的party,竟然11點鐘先見人!! 可憐的我在 J & F 的房屈蛇靜坐,又要同D麻煩職員解釋一大輪,這間房收2位錢就好了! 亦都好開心拉到Jacky出席,如果得閒的話,人地生日都唔去,會有"報應"ga~哈哈<-----我這樣說~(做咩拉埋我落水?我不嬲都比面這些活動的,除非有人衰先,我至會"報應"佢,咁正常情況下我都有"報應"咁無得好講ga!! )嗚.....得佢一個熟人law原來?! 好彩好彩,我都覺得神奇的了,雖然識左都好多年,但佢係第一次嗌我們這堆溜冰人幫佢慶生,原來係佢另一班fd同佢生日唱k,點知又反口,所以就找我們,後來班fd又話ok.....嘿...呆左!

教冰教冰---->趕返屋企---->收手信---->好多啊~呵呵)))多謝"厲害的小朋友的家長",托佢買的東西都變了"手信"送我~wakakak)))可惜件衫太大喇!!!! 阿邊個你係咪有興趣同我收購jet??

這粒即食蛋暫且嗌佢做糖心蛋,如果再生多小小應該會更正,好好味~呵~話時話,佢點帶返黎既呢??唔係要一路雪住既咩??好肚餓,無食飯,開埋盒白痴戀人先~yummy~阿市儈四眼雞丁表妹即刻衡埋黎問我取食,幾包之後又幾包,幾包幾包......到我收埋返房,仲走入黎問我拿多2次!! 唔比呀,食鬼哂人地的,而問題係,佢媽咪都有一盒啦!! 自己果盒唔開係咁食人地果d,作死你呀!! 丫~上次又係咁喎,又係白痴戀人...

我是out啊~但我相信有人比我更out~給out過我的人看~

睇何姑的blog,推介呢位Ken Lee,話說佢好紅~

一開始其實唔係好明ga,雖然我好似唔識呢首歌,但又應該聽過,應該是英文歌來的,但ur…見佢打出黎d字又好似怪怪地???同埋阿“ken lee“呢句…...???噢…..睇完哂先知點解好笑了,了解箇中玄機之後,返炒,睇多次,頓時變得劇好笑!!! 眼水都標埋!! 正!! 第2次的演出沒怎麼好笑了,因為英文有進步了~但我愛觀眾的“齊心拍和”,感覺很好~

其實我地點解要咁笑人呢?可能我地唱國語歌事但arm音騾住去,人地聽落都係咁效果咋??好鬼衰jet,正一衰人,包括我,haha~多謝佢比左一個愉快既早上我,直到另一個Ken Lee出現,我的boss........ 衰老細係永遠唔會錯ga,又鐘意屈人,鐘意就大聲夾惡咁鬧人!! 大陸人即係大陸人,我理你係細個已經到港,橫蠻擺款,超~做大事的老闆係唔會咁既,我信李家誠 李嘉誠仲有李兆基都唔係,難怪我做緊的不是大公司,hahahah~～~