終於有地道野食喇!! Jennie帶我地去她家附近食”肉骨茶”,原來可以一鍋鍋上的?我以為是一人一杯茶的東西?! 濃濃的藥材味,有排骨,豬腸等在裡面,而且是跟白飯吃的?! 真係無諗過~仲有油炸鬼&豆乾,點”茶”吃,仲有要自己動手整d辣椒,蒜蓉豉油,用來點排骨食,無人帶真係唔曉!!

飯後去婚宴的酒店check in,之後我同Fanny就去set頭! 馬來西亞是,”坐著”洗頭的嗎?咁強?! 好彩我唔洗試,師傅帶我入去洗”正常”的,Fanny就在出面變成頭泡囉~不過沖水都係要入去”正常”咁沖的,哦……咁點解要咁麻煩分兩part呢吓??

開始set頭囉,師傅竟然唔識用捲髮棒!! 支野成二百度ga,比佢在我頭倦來倦去都無用的,又傷我頭髮,索性叫佢停手,問佢用開咩方法幫人整孿頭,總之孿到就ok喇! 點知佢唔聽喎,那我少不免剷佢一兩句,老闆娘聽到後話佢識用,等佢黎~原來老闆娘都係唔曉但死充的,我心愛的頭髮啊~～~停手!!! 老闆娘超唔高興,仲話我hurt佢?! 吓…..??後尾個師傅仲攪笑,拿住我d頭髮話借佢練習一下(用果枝棒),神經!!! 你拿假人的頭髮練啦!! 呀……最後set左個求其整孿哂,就咁夾起幾汁頭髮,超簡單的頭,收我$158港紙!! 唔值law!!

化妝重手過頭,比新娘子還要濃…又緊張,行出行入,撲來撲去扮靚,真係唔知醜! 嘿嘿…..我好盡責做”迎賓”呀,差d忘記有另一重要任務===望仔! 其實呢餐係專請新人的朋友的,Jennie已事先張揚,嗌我如果睇中邊個同佢講,佢黎介紹! wakakakka)))))) Fanny好厲害啊,搭訕功超勁!! 所有目標都可以拿哂電話或MSN的!! 三唔識七點可以有咁多話題呢??強!! 不過啊….你唔係男友咩,仲…..?! 多得 Jennie開口,有個靚仔 fd 住我們酒店附近的,可以坐佢順風車,好開心! 哈~

出發!! 與 Jennie之fd Fanny同行,仲撞到 Aaron! 知道佢係同一日飛呀,但原來同一班機喎?! 而且還坐在我前面,咁啱呀,哈! 原來仲有飛機是沒有"私人電視"的??驚訝...好在我早有準備-PSP!! 哈哈))這機很過份啊!! 機餐全部有雞的!! 點揀!! 你叫我點揀!! 怒.....人家留了肚的呀....差不多到步時飛機經過"布城"上空,機師廣播介紹&專登打側架飛機飛給你們看,thx呀,我行程plan了想去那地方的,但去不到! 落機後在大堂撞返 Aaron, join佢一齊搭的士去酒店,又可以平d了! 呵呵))行車途中又經過"布城",睇到我最想睇既"粉紅色的清真寺",真好~

skate asia 08 的比賽埸地~望兩眼先~^-^ 如果我無縮沙的話就是這裡比賽的了~

 到酒店了,節目立刻開始,首先是 Jennie在房內說鬧鬼事件,再加發生地點現場演繹一編!! 非常刺激!! 你叫我點訓?! 教我如何可以在這裡住幾晚?! 痴線呀....願我平安, thx god! 她說: 通常都是"不見物件",轉頭又出現返! 有時明明東西放"這裡",轉頭會出現在"那裡"! 有一晚他們熱到醒了,冷氣制指了去"off"?! 豪仔之後說半夜見到冷氣風位有團白光.....另外有朝豪仔在被窩裡,以為是jennie不停扯他被子想整醒佢,so沒理她,到中午他起床問jen幹麼整他,jen一早出門了,才剛剛回來呀! 那麼是indy囉?不是呀,他一早跟我出門到而家都未返啊! .....再有一晚,jen一個人在房,直頭見到有隻鬼手從窗簾伸出來,嚇到佢即刻call老公返,然後都無在酒店過夜了,他們回自己的家睡......

不要再講喇!! 肚子餓,去食野啦~第一餐竟然是吃香港都有的"麵包條專門店",賣相似魚手指的麵包條,但我在 HK 無幫襯過,真犯賤! haha))出市區逛,為了明天可以靚靚,想整指甲! 嘩! 貴香港好多law!! 我"素手"算了! 再揀下哪家salon好,明天要去set頭~

hee,發現Sammi poster!! 會來開concert嘛?!! ....嗚...點解香港無....

攪掂哂之後有樣好重要的事,就是Jennie應承了會回家拿香拜拜的,在酒店房上香啊!! 嘿....我真係驚到精神崩潰的了,I Miss HK........

之後去吃晚飯,西餐呀!! 無錯! 是西餐! 哈哈....=u=v 那洋蔥圈極度好味的!!

返回酒店,12支香燒剩3支,熄了!! 啊~～~這時候難免會胡思亂想的呀....好驚呀.....到夜深,大家還有精力想落 d?! 但我很倦呢....如果沒有鬧鬼的話,我一定留下休息,但這環境.... 即係要跟大隊啦,第一次落 d咋,幸好 lady's night,唔洗錢,代價是十分多人!! 我倦到站不穩要人參扶,好辛苦! 這裡嘈到爆,是真的耳膜爆!! 隔離有條迷幻男失去意識反哂眼喪跳,動作又大又浮誇,勁好笑,但幾危險,小心他的手Fing過來啊! 越跳越埋了!!!!

本日大成功,將自己疲倦到一訓落床就睡著,但精神還是很緊張,小小聲我都會醒,因為好驚所以開住電視訓,半夜....無la la 沙沙沙...雪花3秒--->正常-->沙...雪花3秒--->正常--沙.......non stop! 驚ga! 但我真的太倦,一邊聽著,一邊照睡....

我聽日就飛喇,但係我......用咩形容詞形容我而家心情好呢.....

每年呢個時候都好似要驚一驚咁,其實我都開始習慣,但7月就7月,正日一定唔會check佢係邊日law! 早兩日比阿Edward哥提一提,頂......都算,今日收到Jennie電話,(吉隆坡聽晚開始比我住的酒店房,而家佢住緊),佢話除左酒店員工手腳唔乾淨之外,仲好似有其他"污 Jo"野!! 喂~～~大姐啊,唔好嚇我啦.....我聽完之後,到 E家都仲law law 孿,真係好驚...點算呀......諗住唔訓啦,點知打開雜誌阿某某大師說,精神唔好更易招惹那東西!! 點呀~打比Edward出下氣先,丫..頂佢...咒我比鬼壓.....一起身d指甲變哂紅色.....

我真係好 攬 驚呀.....點算好?....妖.....(ToT).......

有人以為這K房內的燈箱是電視..........如果真的話,真的很16比9啊....

一係無人約,一係就幾班不同人士約,推都推唔切!! Jennie帶我們到尖咀婚紗街附近食韓燒......嘿...這家店....你比人厄喇,這個價...我下次帶你去更好的!! 之後去茵琦生日K,港晶NEWAY唔係好識去,講兩講引誘到Jennie & Fanny都去唱k,在隔離開間房,救了我一命呢!! 話說9點零開始的party,竟然11點鐘先見人!! 可憐的我在 J & F 的房屈蛇靜坐,又要同D麻煩職員解釋一大輪,這間房收2位錢就好了! 亦都好開心拉到Jacky出席,如果得閒的話,人地生日都唔去,會有"報應"ga~哈哈<-----我這樣說~(做咩拉埋我落水?我不嬲都比面這些活動的,除非有人衰先,我至會"報應"佢,咁正常情況下我都有"報應"咁無得好講ga!! )嗚.....得佢一個熟人law原來?! 好彩好彩,我都覺得神奇的了,雖然識左都好多年,但佢係第一次嗌我們這堆溜冰人幫佢慶生,原來係佢另一班fd同佢生日唱k,點知又反口,所以就找我們,後來班fd又話ok.....嘿...呆左!

教冰教冰---->趕返屋企---->收手信---->好多啊~呵呵)))多謝"厲害的小朋友的家長",托佢買的東西都變了"手信"送我~wakakak)))可惜件衫太大喇!!!! 阿邊個你係咪有興趣同我收購jet??

這粒即食蛋暫且嗌佢做糖心蛋,如果再生多小小應該會更正,好好味~呵~話時話,佢點帶返黎既呢??唔係要一路雪住既咩??好肚餓,無食飯,開埋盒白痴戀人先~yummy~阿市儈四眼雞丁表妹即刻衡埋黎問我取食,幾包之後又幾包,幾包幾包......到我收埋返房,仲走入黎問我拿多2次!! 唔比呀,食鬼哂人地的,而問題係,佢媽咪都有一盒啦!! 自己果盒唔開係咁食人地果d,作死你呀!! 丫~上次又係咁喎,又係白痴戀人...

我是out啊~但我相信有人比我更out~給out過我的人看~

睇何姑的blog,推介呢位Ken Lee,話說佢好紅~

一開始其實唔係好明ga,雖然我好似唔識呢首歌,但又應該聽過,應該是英文歌來的,但ur…見佢打出黎d字又好似怪怪地???同埋阿“ken lee“呢句…...???噢…..睇完哂先知點解好笑了,了解箇中玄機之後,返炒,睇多次,頓時變得劇好笑!!! 眼水都標埋!! 正!! 第2次的演出沒怎麼好笑了,因為英文有進步了~但我愛觀眾的“齊心拍和”,感覺很好~

其實我地點解要咁笑人呢?可能我地唱國語歌事但arm音騾住去,人地聽落都係咁效果咋??好鬼衰jet,正一衰人,包括我,haha~多謝佢比左一個愉快既早上我,直到另一個Ken Lee出現,我的boss........ 衰老細係永遠唔會錯ga,又鐘意屈人,鐘意就大聲夾惡咁鬧人!! 大陸人即係大陸人,我理你係細個已經到港,橫蠻擺款,超~做大事的老闆係唔會咁既,我信李家誠 李嘉誠仲有李兆基都唔係,難怪我做緊的不是大公司,hahahah~～~

上年開始,人生第一次呀---->去美容院做facial,幫襯"H2o"旗下間"oasis beauty",正所謂"一入豪門深似海"....(可唔可以咁用呢??haha~)半推半就咁比人屈了二萬多元join facial plan,點樣半推半就呢~?都係果d九流推銷手法啦,帶你入黑房同你傾"銷"閒閒地幾個鐘啦 唔幫襯唔洗旨意甩身! 咁樣! (如果早知如此我都唔會送羊入虎口咁笨啦 我未蠢到呢個地步的說)這樣law,可以入正題了,實情我攪緊"退錢"!!!!

一心諗住果d facial做完就算ga喇,點知成日都比佢做到人敏感!! 而且得閒又拉下你入"房"sell下另一d plan,當人開金礦麼!! 嬲嬲地試下同佢地周旋下要求退錢啦,剛柔並濟同佢理論成個星期都唔可以令佢地退錢比我tim,咁大間公司喎,超~d二打六員工又串,可惜官官相護,唔係實投訴到佢地連工都無埋!!

無奈搵消委會出馬啦,唉~呢個會真係....大家以後可以當香港根本無呢個機構存在~! 我覺得佢幫到你既機會同自己對商戶嘈係一樣law! 且看佢"最快4個星期後至開始幫你跟這單case"結果是怎樣! 另一方面我又打去東方日報投訴了這case,但一星期了都未有消息.....要是到最後什麼方法都唔成功的話,就告上小額錢債,由個官決定佢退錢興否! 哼~不過告上去好那煩的,我試過.....最好就唔好攪啦,睇黎我d錢凍過水,仲有成萬銀未做ga!!