我聽日就飛喇,但係我......用咩形容詞形容我而家心情好呢.....

每年呢個時候都好似要驚一驚咁,其實我都開始習慣,但7月就7月,正日一定唔會check佢係邊日law! 早兩日比阿Edward哥提一提,頂......都算,今日收到Jennie電話,(吉隆坡聽晚開始比我住的酒店房,而家佢住緊),佢話除左酒店員工手腳唔乾淨之外,仲好似有其他"污 Jo"野!! 喂~～~大姐啊,唔好嚇我啦.....我聽完之後,到 E家都仲law law 孿,真係好驚...點算呀......諗住唔訓啦,點知打開雜誌阿某某大師說,精神唔好更易招惹那東西!! 點呀~打比Edward出下氣先,丫..頂佢...咒我比鬼壓.....一起身d指甲變哂紅色.....

我真係好 攬 驚呀.....點算好?....妖.....(ToT).......

有人以為這K房內的燈箱是電視..........如果真的話,真的很16比9啊....

一係無人約,一係就幾班不同人士約,推都推唔切!! Jennie帶我們到尖咀婚紗街附近食韓燒......嘿...這家店....你比人厄喇,這個價...我下次帶你去更好的!! 之後去茵琦生日K,港晶NEWAY唔係好識去,講兩講引誘到Jennie & Fanny都去唱k,在隔離開間房,救了我一命呢!! 話說9點零開始的party,竟然11點鐘先見人!! 可憐的我在 J & F 的房屈蛇靜坐,又要同D麻煩職員解釋一大輪,這間房收2位錢就好了! 亦都好開心拉到Jacky出席,如果得閒的話,人地生日都唔去,會有"報應"ga~哈哈<-----我這樣說~(做咩拉埋我落水?我不嬲都比面這些活動的,除非有人衰先,我至會"報應"佢,咁正常情況下我都有"報應"咁無得好講ga!! )嗚.....得佢一個熟人law原來?! 好彩好彩,我都覺得神奇的了,雖然識左都好多年,但佢係第一次嗌我們這堆溜冰人幫佢慶生,原來係佢另一班fd同佢生日唱k,點知又反口,所以就找我們,後來班fd又話ok.....嘿...呆左!

教冰教冰---->趕返屋企---->收手信---->好多啊~呵呵)))多謝"厲害的小朋友的家長",托佢買的東西都變了"手信"送我~wakakak)))可惜件衫太大喇!!!! 阿邊個你係咪有興趣同我收購jet??

這粒即食蛋暫且嗌佢做糖心蛋,如果再生多小小應該會更正,好好味~呵~話時話,佢點帶返黎既呢??唔係要一路雪住既咩??好肚餓,無食飯,開埋盒白痴戀人先~yummy~阿市儈四眼雞丁表妹即刻衡埋黎問我取食,幾包之後又幾包,幾包幾包......到我收埋返房,仲走入黎問我拿多2次!! 唔比呀,食鬼哂人地的,而問題係,佢媽咪都有一盒啦!! 自己果盒唔開係咁食人地果d,作死你呀!! 丫~上次又係咁喎,又係白痴戀人...

我是out啊~但我相信有人比我更out~給out過我的人看~

睇何姑的blog,推介呢位Ken Lee,話說佢好紅~

一開始其實唔係好明ga,雖然我好似唔識呢首歌,但又應該聽過,應該是英文歌來的,但ur…見佢打出黎d字又好似怪怪地???同埋阿“ken lee“呢句…...???噢…..睇完哂先知點解好笑了,了解箇中玄機之後,返炒,睇多次,頓時變得劇好笑!!! 眼水都標埋!! 正!! 第2次的演出沒怎麼好笑了,因為英文有進步了~但我愛觀眾的“齊心拍和”,感覺很好~

其實我地點解要咁笑人呢?可能我地唱國語歌事但arm音騾住去,人地聽落都係咁效果咋??好鬼衰jet,正一衰人,包括我,haha~多謝佢比左一個愉快既早上我,直到另一個Ken Lee出現,我的boss........ 衰老細係永遠唔會錯ga,又鐘意屈人,鐘意就大聲夾惡咁鬧人!! 大陸人即係大陸人,我理你係細個已經到港,橫蠻擺款,超~做大事的老闆係唔會咁既,我信李家誠 李嘉誠仲有李兆基都唔係,難怪我做緊的不是大公司,hahahah~～~

上年開始,人生第一次呀---->去美容院做facial,幫襯"H2o"旗下間"oasis beauty",正所謂"一入豪門深似海"....(可唔可以咁用呢??haha~)半推半就咁比人屈了二萬多元join facial plan,點樣半推半就呢~?都係果d九流推銷手法啦,帶你入黑房同你傾"銷"閒閒地幾個鐘啦 唔幫襯唔洗旨意甩身! 咁樣! (如果早知如此我都唔會送羊入虎口咁笨啦 我未蠢到呢個地步的說)這樣law,可以入正題了,實情我攪緊"退錢"!!!!

一心諗住果d facial做完就算ga喇,點知成日都比佢做到人敏感!! 而且得閒又拉下你入"房"sell下另一d plan,當人開金礦麼!! 嬲嬲地試下同佢地周旋下要求退錢啦,剛柔並濟同佢理論成個星期都唔可以令佢地退錢比我tim,咁大間公司喎,超~d二打六員工又串,可惜官官相護,唔係實投訴到佢地連工都無埋!!

無奈搵消委會出馬啦,唉~呢個會真係....大家以後可以當香港根本無呢個機構存在~! 我覺得佢幫到你既機會同自己對商戶嘈係一樣law! 且看佢"最快4個星期後至開始幫你跟這單case"結果是怎樣! 另一方面我又打去東方日報投訴了這case,但一星期了都未有消息.....要是到最後什麼方法都唔成功的話,就告上小額錢債,由個官決定佢退錢興否! 哼~不過告上去好那煩的,我試過.....最好就唔好攪啦,睇黎我d錢凍過水,仲有成萬銀未做ga!!

公司附近的茶餐廳,都是又貴又難吃的! 不如慳點錢,在公司煮下公仔麵仲好味啦~又或者買兩個包填肚咪算law~雖則以前都試過咁樣攪到身子差哂,但我覺得我身體應該比以前好喇,無問題既~點知都出事.......超肉痛!!

普通感冒仔 十 鼻敏感jer~食兩日藥先啦,盛惠$180~
藥吃完了完全無好過,再去搵醫生說-->oh,咁呀,你要食抗生素喎,再開過第d藥比你啦! 又比多$180.......
藥又再吃完了,但還未好哂?! 以我知識所知,抗生素係要食到完全好哂先可以停藥個喎,咁我就打返去診所問喇,就咁配藥law,唔洗見醫生,都收人$130........

我係咪病得咁過份呀??食足一星期藥先好?定還是個醫生存心拖症想搵多d錢呀?好無良law!! 不過講到底唔病就乜事都無啦,以後都係唔好諗縮數食幾蚊雞即食麵了,真係得不償失,唉.......

頭先陪新娘子去逛"金都",搭車經過就多了,其實我都係第一次入去行~因為成日見地鋪show出黎果d婚紗款式呀...很嚇人!! 原來上面都有d叫ok既.....haha,不過還是跟尖沙咀婚沙街那些無得比呀(我覺得jer)~真想有朋友去果度睇婚沙呢,擺明無機會著ga喇!! 所以擺明想"拉車邊"去看看那些高檔的婚沙啊~呵呵))次次經過都會行慢d,真係好鬼靚~!!

我是來幫眼看頭飾的呀,但總被門口擺放的化妝前&後相片吸引駐足觀看,真係好過份呀d"變臉術",你老公認唔認得你ga??wakakaka))))我一邊看一邊笑,真係~化妝師收得貴都係值得的,化腐朽為神奇,好強啊!! wakakakka))))))我都好想試下化腐朽為神奇啊!! 哈哈哈))))原來自己的化妝前後都唔係咁"過份"jer~

想起了益力多廣告,女人著婚沙果時係最靚......突然有條好"驚嚇"的肥女從更衣室撞門出來......好笑~haha....對唔住,比人點左笑穴,失控,第一次看的時候真是這樣!! hahahhahahahahah)))))))))

我可能真係中左三文魚毒喎?突然變得咁愛吃?!! 超市的外帶也不放過! 應該話行行下街,求其有個地方,有得企下都可以將它解決!! 這個做了今晚的dinner~其實麻麻地好味之ma,點解梗係有條癮想食既呢?下個禮拜又約人食喇,仲唔係中毒!!

我想影張相,haha.....未得呀!!!! 未準備好呀!!!!!!!! ...................

鬼來了~～~嘩哈.....超無聊.....=u=v在朗豪坊的天橋上,興高采烈拍照的時候,有3個姐姐仔/阿姐?埋黎圍我地..........傳教呀!!!!!! 攪錯呀,阻那住哂,你們都很煩啊知不知道!!!! 我真的和耶穌咁有"緣"咩?都唔知o係街度比人捉過我幾多次傳教了! 妖.......就咁走左去又唔係,同佢講多兩句仲死火!! 都唔知要比佢拉住廢話幾耐先甩到身,煩.....聖經我讀過啦! 人家小學六年是天主教啊! 諗起被罰抄聖經真係惡夢......教會?都返過半年咁啦,唔小心入左去,幾難先甩到身呀真係丫!! 耶穌真係與你常在?講講下仲話你可以感覺到佢,隨時可以同佢溝通?! ...........嗚....你放過我啦.....我趕住行街,888888888

你估你係鄭秀文呀!! 鄭秀文同我傳教我就聽jer!! 嘻~Sammi明年暑假檔期開concert啊(已入紙紅館申請)(報紙說)wakakakak)))))今次要睇哂咁多埸>u<(如果股市好返的話 / 如果中六合彩的話)hohohoho~～～~