今日去覆診睇下上次個驗血報告,居然話冇野...但要再驗第二樣準確d既野.

   之後同寶儀兜左大半日,去搵野做,搵左好多間都話請左,我地覺得係唔請多d,有一間就話唔請暑期工,以為得個桔,最後都搵到.靠寶儀媽咪熟識嗰間野d人搵到.(我仲想去一間up dut既地方做,但寶儀同老豆好似唔多讚成,我無所謂架,handle到就得,辛苦d都無所謂,只要唔日曬雨淋便可,貪佢多少少揸拿)

寶儀,唔該哂你呀~陪我曬走半日,仲有要多謝你媽咪餐茶~

     呢兩日對卷,至於點樣不欲多提.下晝文Prensent到三點先走人.對埋下個禮一就放假.呢個暑假唔使望有得放假.
      唉,,黑人憎既夏天又到,熱到唔知點好,仲叫我去燒烤冇可能,熱熔都似//倒不如叫我去北極睇北極熊仲好過//我雖然討厭夏天但偏偏出生在正夏季,可能一出世就熱得呱呱叫所以而家好唔鐘意熱,同埋夏天一到我就埋怨住係呢度,因為d西斜熱力簡直迫人,仲有要認受蚊既侵襲,住係呢度除左空氣好之外真係唔知有咩好?所以我都反映左意見,老豆都住厭咗,但要放棄呢度要考慮因素與取捨問題,又要等大個d先打算!
      

       考哂試啦...咁又點..我既人生都未開始，就沉入失落當中！咩叫積極我知呀!但遇到障礙就Keep唔到落去.

    我份人好怪,好似次次係度寫襯d野都係負面唔開心既野,究境是真實唔愉快定喜歡說不愉快,其實兩者皆是,我是悲觀得來內在帶點堅強樂天.所以寧做夾心餅不做威化餅.同埋我覺得開心無需四處張揚,這是虛偽表現.我的思想認真怪呀?

　　琴日考listening完全沒法handle,差得很.今日考中文討論,望住張紙諗唔到野,唔太了解之餘亦驚噏錯,個題目係單性繁殖係好定壞,由於有點難,個個講黎講去都兜返轉頭,亦好附和咁話係壞處.我覺得好難，但有ｄ人居然話還ｏｋ啦！返到黎再問ｄ同學，個個都話咩黎架?有一個話都幾難喎.另一個就話比佢會ｏ嘴,之後我話係呀.太Yeah啦~都唔知乜野黎!

    仲有兩科未考,考完就等死!之後就大把野要安排.
  

   自己都唔知自己做緊咩!極奇消極......係時候要及時巴醒自己.

   今日d時間大兜亂,10點考Econ掉11點,3點考oral入左去等到4點先考,感覺好似考咗成日咁.今晚食飯時間更由平時既8點彈到10點,唔知搞乜垮...

     呢排底抗力差不突止,連帶體重又下降,不留都瘦而家更見排骨,增磅對於我黎講係有難度.上禮拜食野個陣咬到條利,痊癒極其慢,到而家仲未好返,痛苦不堪.真係唔知咩事!

       今朝終於去左抽血,原因......幾急都唔可以再拖......
本身諗住都係小兒科既野,(以前打過好多預防針)但想不到心理作用這麼大.護士問我驚唔驚架,我話少少,都唔諗住望.痛楚比打針還要少,但出到去坐左一陣唔夠兩分鐘,感覺到越來越唔舒服,一行路即刻要坐低,好頭暈肚痛,面前濛濛黑一片,真係恐怖從未試過咁樣,之前仲諗住去捐血,暈咗十世都似!
                                      

   琴晚訓覺係咁發惡夢,通通是有關親人不吉利東西......

話屋企附近好多狗...跟住有人被咬...我極不知所措....另一個係話嬏去做眼部手術但極唔吉利.前一排嬏嬏的而且確係去做,但之後話唔做得住.仲有一個係好無謂既野.一直發到今朝,醒咗真係想拍起自己唔想訓落去...好累好壓..咩發夢有益身心健康,提高睡眠質數,通通是謊言.

                                 要去拿大吉兼利是

今日下晝先醒先上個禮拜五,快快咁走人,而misss咗個quiz,(趕住交Project既野卑Sally).放學去補返MissAu冇省我,但我居然冇理到下一個quiz既時間而早已約咗個期去抽血就係聽日,又撞期.跟住Miss話:嗰個唔記得,呢個又唔記得,有邊個係記得,我幫唔到你,你快d去打電話...又一個XX學生...拾時間印象被down哂grade.我唔係完全唔記得,腦海中係有這些行程要做,只係冇存到個日期時間入腦,再加上太多煩事擾亂!
   之後拿拿臨去門診部睇下有冇得改,有得改.出到門口落雨,正切合我心情;攞住袋PE衫,d書又重再加埋拿住把傘.於是行得極慢,雨中慢步,唔係浪漫、唔係狠貝、唔係悲慘.而係前路茫茫,障礙重重,心事沉重.之後一路行一路諗,究竟點解我會唔記得咁多野?諗諗下係咪仲有野唔記得,有野未買?企係紅紅綠燈前等過路,但諗極諗唔出.於是走入間惠康諗,傻咗一陣先傻得出要買乜,原來要買的兩樣東西就係恵康裏面的.真係諗起都痴線!!!