我愈來愈覺得我的人生是一條欄跑的賽道,前面架起無數個高欄,跨不過便跌倒.由媽媽不在人世那天開始,我便覺得再沒有希望.從前我不必擔憂很多東西,只需要做好自己本份已足夠,但現在不但要顧及目前景況還要思考將來的問題...　....　....

　　琴晚又再次響起警號.使到冇錢又要暫借,d錢已經所剩無幾,到咗界限線,我按住唔可以拿,補習都唔去,之後佢話:冇錢補習..暑假又唔去做野.我話:你唔清楚個度係咩景況,就唔好噏得噏.佢又話:人地都係咁做,你就由頭做起,馬死落地行...我又從未做過野,一做就去個度做(係鬼都唔習慣啦!..)之後我好激動咁話:你又唔去實地睇下試下做.我寧願要餓死、係麥當勞做死、去地盤擔擔抬抬都唔會去個度做.我又話:你唔諗下處於咩景況..我想做都無得選擇..佢又係個句:你句句都頂撞到我死,都唔知係咩××××人種,惡死到想食咗我.嘩!我當堂把幾火燒到上天,頭髮都冇埋.我話:我做咩要食你,見到你係南我都走去北,即使食得落都嘔返出黎.(同佢講野永遠無道理可言,總之就係要尊重兼順哂佢意.我做唔到我點講都係輸點講都係錯)

       最後我甚麼都不懂說亦說不出口...只懂關房門痛哭...仲要對住d功做都做唔落.本身已經諸多煩惱,趕功課趕小測,又要諗下下禮拜測驗d野,再加埋佢隻腳叉埋黎,個人唔崩潰就假.個一刻的感受沒有比死更好,但有甚麼藉口韻許我去做,同時又沒痛苦,更本沒有,更重要我怕死怕痛,更會喪失尊嚴,我唔被人看低更唔需要讓別人來可憐我.我不是厚面皮的人,可說是薄如紙,無論口黑定面黑,但如何都盡不可在公眾地方落淚掉臉,尤其在學校.
『雖不想自憐自艾,但別人需及時行樂,我則需及時顯壓』

       琴日返去幫Miss ma看攤位,其實都冇乜野做,來玩既全部都係小學生.之後趁冇乜人既時候四周圍集印,係平台已經集夠四五個,但話二、三、四樓都要,跟住Angela又同我一齊上去,上到二樓玩完上三樓,多三個印已經夠,但我玩完一個又一個,逐間去,去到最尾本身想去影貼紙相,佢問我影唔影,我話冇所謂你鐘意啦~佢又話冇所謂,但兩個人經過冇入到,佢話去籃球場睇下(有d人企係個度),一路行行到最尾我都未層搭上去,佢就掉頭走,我一轉身就望中左邊間房(真係神奇),咦!點解有個咁既人係度嘅....跟住我一枝箭咁飛走咗..其實我應該企定係個門口度,睇下入面做緊乜野.

     今日同寶儀齊返去,返到去同琴日相比真係人山人海.周圍行又影相,係五樓整葉脈書簽整咗好耐hea咗一半時間,之後出到黎又行去籃球場個邊睇下熱唔熱鬧,行到去企係側邊望落去左右兩邊都唔見有人,之後寶儀伸個頭出去,望極都冇,跟住我話佢望到個頭就黎跌落去...

      學校今日大搬動、明日預備、後日開放.臨放學放假要清野,包括書本同功課,但就有D野整到上最尾個堂心不在賢,又如Lam sir 之前所講d人上佢最尾個堂又適逢放假必定唔專心,又話如果卑佢做校長會採用臨時宣佈放假幾刺激幾興奮...
因為份final product既powerpoint未交print唔切,又因lunch time係電腦室既事所以神情呆滯,見到隔離又投入自己畫中世界,我又拿起支筆遼左幾隻字然後問佢個英文名係點樣簽,佢簽到佢所話既小學生低B字咁,叫我教佢遼,佢遼咗好耐忽然同我講:「你知唔知我全名係點寫?」係->Miggie Sin,我睇完笑到肚抽筋,佢就笑到嘴痛,(一個人唔會笑好耐,人傳人既笑先具殺傷力)我諗Lam sir 應該見到兩個傻婆.我話其實gi同ga都有分別啫,佢話總之就係咁既音啦!其實最初唔識呢字之前係唔知,係有一次Miss講書講講下,佢以為Miss叫緊佢,之後問人係咩字先發覺,又話好難先習慣個名唔想改,但介紹自己又唔可以咁樣用.我話唔好改呀~幾難得先咁岩砌到個似音字,不如下次介紹自己個陣試講呢個名,睇下d人有冇反應啦...
      放學去睇下電腦室有冇開,去到預咗冇開,於是諗住走啦去嘉雯屋企,因為同佢講咗如果電腦室唔開就去佢屋企print.但行行下遇到貴人,我問佢電腦室係咪唔開,佢問我係咪有急事..開卑我拿拿臨print埋佢.

今日放學搭地鐵遇到個怪人,入咗地鐵冇耐差唔多開個陣,無啦啦有個似男不是男似女不是女既人坐響我隔離,成行位一頭一尾被人坐咗,中間仲有位,但就偏坐我隔離,似乎想與我比併.我一睇到簡直恐怖,貌似男人、長頭髮紮双辮、身穿疑似學生裙、皮膚一達達紅色,好似卑人打傷咁,(實質手術後遺症),之後我唔敢再望,又唔敢走,但就當堂個人好唔舒服,暈暈地(未見識過),兹場都變埋…

  老豆居然唔知我張證都係過期,我同細佬係一齊整既,佢以為得細佬個張過期,猛鬧佢(生粒雞蛋食咗佢好過)我粒聲唔出,自己知自己事(一出聲有理冇理都話頂撞佢,就犯叛逆罪).佢打返大陸同叔講:「返唔到啦........無辦法留低佢一個人都唔識煮野食,我自己返啦,佢地唔返.」之後又揭日曆,咦!四號係假期,又問星期期四使唔使返學,聽日去整仲有得返,最後話唔得,規定要提早,唔能夠等到4號既統一拜.

    我今日放學諗住去睇下有冇得整,去到旅行社勁多人,派哂籌又唔知使唔預約,問人冇無之下,轉咗兩圈,d人望住我,唔知咩事,於是走人....(係我係冇check清楚,都唔使咁望住哂!)

   今次真係大擭,講咗下禮拜要返鄉下,但今日先卑人醒起回鄉証過咗期.唉!點對得住阿媽....

先前個排因溝通既問題,咩聲都唔出,搞到乜都唔理,我唔理,個細佬更唔理,而家真係大擠....唔知點安排.

     今日係媽媽既忌曰,但老豆話係計農曆,所以佢早前已經返咗,我返唔到.不過下禮拜六就提早做清明.一年時間過得好快,但對於我黎講所有事就像昨天發生似的,停留不走,苦惱日增.表面既野我已經睇得好化,但內裏就未完全做得到,腦部不斷地倒帶,回想、回想、再回想.然後就自制痛苦、苦惱、憂鬱.就是這樣,沒完沒了...

    今日我居然去咗大美督燒烤,真係不合時日,但我貫徹表裡不一.因為Jenny同Angela已經問了我好幾次,上次韓燒都冇去到,同時C.yan又問去唔去,肯唔肯定去,我都不得不肯定了.其實我唔係志在去食,而係無論結果係點都唔應該疏離同學,但呢排就實在愁容面人,開聲時勉強擠出笑容,不出聲時就回復沉寂狀態,有d人係怕咗我.

        琴日Mrs ma 同埋兩個李sir開腔交代Sue件事,佢某d科唔達標加上屋企人既壓力所以將之付諸於老師身上,雖然我都同情呢種感受,但就唔係幾岩囉!其實佢思想上某方面有d問題,要揾專業人士幫.

Mrs ma話大家都想幫佢,更唔想佢入咗個度出唔到返來,都做咗佢幾年班主任,睇住佢問題越來越嚴重.但係問題冇辦法解决之下都call 咗車.一度講到落淚...全班同學呆哂,我更要dup低頭,如果唔係再望多兩眼就真係輪到我 fi 1e fe 1ei ...