|
| |
|
|
|
|
|
|
July 01,2009
一樣的眼睛有不一樣的看法。
一樣的耳朵有不一樣的聽法。
一樣的嘴巴有不一樣的說法。
一樣的心有不一樣的想法。
是不是因為這樣，一樣的人生才有不一樣的哀愁。
--幾米
??????????????
June 18,2009
在游水閒談期間,又講返Grad din既野,雖然我冇去,但已經八哂d相.講講下,Yink竟然講d是非料卑我知,真奇.我冇講過d是非卑佢知,但都講到卑我聽,證明d是非有幾出位.我一聽到就知咩料.其實係Grad din前,我就深感有“鬥”的情況,所以我又諗去就要去得“好”光彩,否則唔去,絕不隨便,要隨便咩都唔使諗已經可以.我唔評論某人衣着,但d人騎尼怪到要拉人一齊出現,無獨有偶地,即係咩意思,有陰謀地計畫.事沿臨近last day某天的奇遇記,放學,我見到某人,某人見到我,別人行別人的路,我若無其事行自己的路.......至此經過後,別人覺得係我有心安排人返去學校做戲.所以心有不甘,存心積累地計畫叫人一齊去Grad din場地示威,叫得一個人去...唔叫埋全家人去撐示威...真笨!!哈~真可惜我冇去,唔知我今次冇去係對定錯?係賺定蝕?
不過呢d人咁神經病,今仗復唔到仇,咪等緊下仗囉!
極級無聊
June 15,2009
為了洗滌心靈,今日同咗Yink一齊去游水,我其實係去浸水兼吹水,因為我係...唔識游.(幾魚!住海灘附近不懂水)人生第一次去泳池游水,乜都唔識,估唔到就發生咗d有趣事.未去之前我就問要帶d乜野,使唔使帶風筒?笑死人,成個大鄉里咁.去到CW兩個人傻下傻下咁行去泳池,今日天氣唔算太熱,但我依然嫌熱,一路行好熱好熱,入到去,換埋衫,行上去,我一見到暴布池即刻走落去衝入去,當堂降哂溫凍到傻.出返來去大池,溫度岩岩好,人人識游水,我死攬浮板,難委Yink係咁教我,我仍都冇瞻,驚沉水入水,仲卑個救生員啤住我,咁算係咩意思?取笑?岐視?無奈.
由於遲去,玩咗個鐘,就叫人收檔,上到去沖涼,吹水之中Yink已經沖完,我仍未得」Yink係咁問我得未,問問下變咗把聲,又係問我得未?咦?係個阿嬏來的,忽然間叫我快d出來,大門要關閘,死叫出來,嘩!我好似就快奪命咁,拿住一舊二舊,放低定拿起定放低唔知點好,扣都未扣belt都未整,跑出去,話急既Yink仲姿姿整咁拿野,我攬起袋野遮住,彼頭濕髮再跑出去,見到那位趕住收工既人兄即刻開閘卑我地出去,出到去我頭暈暈,一額汗,尷尬又好笑,魚事一籮籮.最後買咗d野食上咗Kammy屋企hea一陣,再返歸.
June 12,2009
到咗今時今日我既神經細胞已經爆發到最高點,再爆落去我都唔知會點樣?!
話說老豆返鄉下幾日過一個農曆節日今日剛剛返來,只係返來一陣,講講下野又同我講阿嬏發嬲話我唔返去,話我賣甩鄉下,忘記佢地.此話一出我情緒即刻崩潰,佢咁樣講,我即刻用暴動方式來鬧,講出我冇講既野,埋在心底既野,佢認為唔岩根本不是既野,未夠,我即刻打電話去鄉下既姑姐,但唔係屋企.我呢一刻真係好懷疑呢老豆唔點諗野,(佢而家都已經係好"心繫家鄉").佢次次為了返鄉下都不惜工本,用埋家用也好,用乜都好,都有能力返去,可以返到去,而且次次返到去都會投訴我唔返,佢明知有d情況係有困難,都唔會同我解釋清楚,上次既清明我冇返去拜我媽,各人都給我一個罪名.之所以唔返係因為我連返既能力都冇,張過期既卡到此時此刻都仲未整得起.一個崩都冇可能卑我去整,仲要我一定要返,返乜鬼野,或者我直接落閻羅王到報到,咁咪直接見到我媽囉!今日仲要講佢自己冇能力,我有能力.我有能力就唔使連放假都返唔到大陸,連一d應承咗既friend都返唔到去探佢地.我有能力就唔使揾唔到工,要喱係屋企發毛.我有能力就唔使,到咗今時今日,全個form既人要去Gradin,我冇能力,去唔到,冇得去,要係屋企度避世.仲話我唔早d出聲,出咩聲??話自己冇能力既人,相反來話我有能力.
我現在除了用死來控訴一切,告訴全世界人我處於的境況,我還可以做什麼????
我已經好堅強面對人生所有事,有時少不免係悲觀,但就呢大半年以來係人生中極端辛苦的過着,壓得透不過氣,越行就越辛苦,人生的意義何在??
June 11,2009
而家係零晨兩點,剛剛起身.昨天的下午睡到兩時仍起不了,周身乏力,又暈又痛,面色倉白,弄得自己人不是鬼不是,前後訓咗三次即訓咗成日,啪了兩粒由死亡邊緣拉返出來,我真的怕死,但並不珍惜生命.....
患上嚴重身心疲乏症
June 08,2009
將近二十年的人生是怎樣?頭九年豪無應知,唔使做野唔使諗野,唔會特別唔開心亦都唔會特別開心,就是平平淡淡與媽媽一起生活,但印象深刻 .後來的十年就呈金字塔越行越縮窄,發生太多事,我根本沒想亦來不及反應,沒法作出調適只有一味向前沖,有感這十年好像已活到半世人,再等多一陣子就日落黃昏似的.
活到今天不知道生存是為了什麼?!永遠活在一個有框框的世界,踏破每一步都很艱難,學Yink話人生每一party都係痛苦.
這個禮拜好在Yink陪我一齊,都係為咗搵工,只可惜兩人行了數天,腳也行得痛死了,認痛都繼續行,食盡閉門根,失望而回,領悟到咩叫現實,昨天我地討論現實的時候,睇完一些新聞就更加覺得人生是如此現實.
當人生要現實的時候,要生存我都唯有尊照要求,她放棄時,我就如她所說死心不息,雖然我是討厭現實的人,但任何人都不會明白,我放棄就尤如等死.
現實同理想永遠都唔會有平衝,只有極端斜向一面.
Gradin不去了,我已當沒有一回事,早就覺得應該或會泡湯,交咗既就當已經感謝老師.
而家我真係等死咁等,時間對我來講唔會有特定,幾多點就幾多點,所以剩餘太多,明明內心疲倦,但仍精神,無心睡眠,比坐監度日如年還要慘.
我究竟可以點做?神啊,你卑d指引我,我真係唔知點好?
(我做人都唔知要講盡幾多篇廢話來發泄心情,我真係好想有一日唔使再為煩惱而講野,睇怕冇可能,而且屈係心到真係會死)
May 26,2009
我其實已經唔想係度講任何野,講再多野都係廢話、不設實際、毫無用處,可惜唯一的用處係我要係度發泄心情.
考完試,有咩做,冇野做,得閒無事個腦最容易生事,往往腦部運作的東西比手還要多,早知考完試唔會有好心情,早知考完試要搵份工塞住個腦,但考完試身體機能差,因為考試冇心情冇胃口食野,鐘意食唔鐘意唔食,是是旦旦咁食都可以減肥.於是抖一個禮拜再拖一個禮拜,遲遲未有行動,到而家咩都未做!
琴晚問Theresa一樣野,佢就講百樣野卑我聽,搞到我當堂講唔想再同佢講野,佢又當堂嚇侄,講咗好多應知我唔想知既野,話好多人已經搵到工做,有d未考前已經搵到.越講就越多未知... ...又引起我神經騒動,仲問我買咗衫未,梗係未啦!工都未揾仲掛住去買衫....雖然我卑咗Gradin入場費,但我早已經諗去唔到都沒有大不了,我都已經唔志在任何野,其實遲d既畢業禮,如果可以唔出席我更加唔想出席.
當人地已經做咗好野既時候,我依然在原地踏步,永遠都慢人十拍.早知如此,那又如何.事實上我既人生係有好多限制,當人地可以做到更多既野擁有更多既野,我都只可以放棄更多既野損失更多既野...而無得怨言,這是命運.
一年前一個人對我說:你不會笑,你怎樣也不會笑.在當時需時賣笑的時候,我只喜歡忠於自己感受.珼在更加不知笑謂何物.
一年前一個人對我說:考試後好好解決.心想,不用等這麼久吧!果真如此,一年過去試考完,我不想說出我解決了甚麼.
隨着時間的過去,我可以領悟到什麼?我只可以說:我不能成為我所期待的那個我.
May 12,2009
我真係好荒失,又迷茫又迷失,由考完試個人就愈傻,呢個不停又被老豆鬧,因為我連續幾日不斷的忘記東西,又做一樣漏一樣,又做錯事,我不知道什麼,個腦一片空又恐懼,所以需要走去鬧市睇下呢個世界做緊咩.
