扑佢個臭街...

話說...o岩o岩放工上巴士返屋企...架巴士爆哂...好彩都俾我坐到個位...坐o係個阿伯隔離...

屌~...好能臭呀...個阿伯好能臭呀...

要坐成個鐘...一路坐一路心諗...扑街阿伯...你係唔係成個人插左入隻白飯魚白布鞋度焗左成日呀...扑街個身咁能臭既...咁臭咪能搭巴士啦...

請原諒我咁粗魯...但事實...俾著你...都會想屌鳩個阿伯...

因為真係好能臭...

終於...過左三個月試用期...膊頭多左條柴...有d好似過骨既感覺...因為有好多人都被人無故咁延長試用期...眼見有d早我入黎既師兄都上唔到柴...真係覺得自己逃出左生天咁...

...

昨天放左工...同屋企人入迪字泥...本來想入去過下悠閒既一天...點知唔記得左仲係復活節...好多人...好冇mood...只係去睇左個golden mickey music 就走鬼左...之後到左尖咀食一品香...食飯其間...

電視新聞統計左話...香港有好多人係百萬富翁...身家超過一百萬...跟坐阿媽便講...在坐都有幾位身家過百萬啦...michael都半百萬了...(我比孩子不幸...我好想出書出本《窮爸爸與富孩子》呀~~)仲有邊幾位我唔講啦...總之我唔係...

我都想係百萬富翁...

果一刻忽然...好後悔...我唔應該拍拖...結婚...仲要生仔...

如果我唔係咁...我或者都係百萬富翁了...

噢...今日係28/3...結婚紀念日...

我要為我的百萬身家作出悼念...

...

富孩子...

窮爸爸...

老實講...工作得十分不開心...比起吉仔...呢間咁既扑街公司...人事複雜...邊個係人邊個係鬼...係分唔出...因為好多都係笑騎騎...放毒蛇...上一分鐘對住你笑...下一分鐘你可能墮入左佢既圈套...吉仔人事間單...工作係開心...不過...人工同勞力不成正比...我接受唔到工時太長...人工同福利唔多既工作...而家做呢間係唔多洗郁...可能就係d人唔洗做先咁多無聊人攪鬥爭...同懶專業...鬧人為快樂之本...雖然我唔係太多時俾人鬧...不過...一俾人鬧你又覺得好唔甘心...因為多數係老屈你...好無良咁質隻死貓你食...仲要d人明知...都唔會有人橕...真係無天理架...

另外...最近...竟然俾我細佬果team人話...a...鬼知咩...

我仲以為佢果邊d人好友善...原來又係咁...我細佬話我知...同個男人婆講笑咁講番...個男人婆竟然發惡...

我心諗...唔怪得呢個男人婆咁樣衰啦...樣衰既人始終都係唔方友善...

唉...唯有嘆一句...may埋眼開工...同d人唔好講得太深入...費事俾人插死左都唔知乜事...工作中求生...

嘩...原來我個幾月冇update...唔得...下次我一定要update...

今次update...係想話俾人知我...仲未死...報個平安jet~

因為返工唔洗郁...放工更加唔願郁...

有時夜晚要同朋友online打機...有時要睇住隻馬嬲仔...

一上網就download game 同movie...唔夠時間打hompy同update 米高物語...頂多都係通宵時寫下網頁內容...

Michael 都有隻阿Pink~...

死啦~!!!

...舊~情懷...阿cat...比我幸福

...hum~...早幾日收到個消息話...

阿Cat...(即係舊~情懷入面既阿Cat...)

今年9月份結婚了...好似係拍拖週年紀念結婚吧...

Holy~...Fucking~...Shit~...

咁未即係十年前我同梗阿Cat拍拖時...佢兩個偷情果段時期...

對我黎講未即係佢地既偷情紀念日...Fuck~...

都係算啦...真係除左講恭喜之外...都唔知應該講乜野好啦...

...比我幸福...

望著廣場的時鐘 你還在我的懷裡躲風
不習慣言不由衷 沉默如何能讓你都懂
此刻與你相擁 也算有始有終 祝福有許多種
心痛卻盡在不言中 請你一定要比我幸福
才不枉費我狼狽退出 再痛也不說話 愛不用
抱歉來彌補 至少我能成全你的追逐
請記得你要比我幸福 才值得我對自己殘酷
我默默的倒數 最後再把你看清楚
看你眼裡的我好模糊 慢慢被放逐
放心去追逐你的幸福 別管我願不願孤不孤獨
都別在乎

..........

前晚又到荒島cast away...估唔到除左上次條胸姐陪我...仲多左條咖喱妹喎...佢成晚對住我打飛機...真係...我啋~...

.......黑暗中的屎渠......

做左兩個星期...開始感覺到公司既黑暗層面了...什麼是上樑不正下樑歪...哈...經過一番同d同事交流...聽到唔少野...有時真係唔知好笑定覺得有冇攪錯...而且開始發覺入職時睇過的所謂工作指引同程序手冊...啊啊...原來當你想做好份工...係唔可以既...

好似有日有個旅客唔見左passport同boarding pass...於是通知上級...換來的是晦氣的答覆...叫我指佢去搵airline了事...我真係好想幫個旅客...可惜...上面做事咁樣...我冇能為力...

事後...我問d師兄...個個都話..."呢d野唔好向上面報...果d野唔好向上報...如果有人問你路...你唔識既...可以唔答...就算識既...唔鐘意都可以唔答...因為你既工作唔係帶路...仲有如果你見到有失物或冇人認領行李...正常你係要報上去處理既...但係你一報...上面就會覺得你煩...因為有好多程序攪...例如佢地要驗乜驗物...攪完一輪...佢地只會怪你煩咋...你都係抱住多做多錯少做少錯既原則做野啦...失物唔係我地工作範圍呀...話膠知佢啦..."...聽完佢咁講...都唔知點解自己會有點冷笑...

不過...想到公司成日強調既...航空保安既目的係...防止不法份子對民用航空作出非法干擾...

諗到呢度...我就想到...即係防止恐怖襲擊同保護人類啦...保護全世界喎...原來我同超人冇分別...咁又係既...諗深一層...我睇咁多超人電影都未見過超人在街邊幫人指路同幫人搵失物既...我所認識既超人除要保護全世界之外就係媾女...真係得鬼閒做埋呢d咁既濕鳩野咩...haha...所以我都係企番響度等下...有冇一d飛機著陸時...個車o鹿開唔到出黎...我先至好似超人咁飛出去...托住架飛機等佢安全降落好過...相信我咁做...我既上司一定對我另眼雙看...

2/1 開彩前...

我喃喃自語的說...派我去~...psd...psd...(PlayStation Department)...

psd...psd...派我去...psd...人工高d...工作崗位固定...team work夠集中...d人好玩d...缺點只係密密做唔停...壓力大...

二敝雞...開彩了...T...A...D...!!!

(Thrust...Ass...Department)...插屎眼部門呀~

缺點...工作多是單人...工作位置多到可以日日唔同...優點...工作量唔大...蛇王位勁多...同樣...硬膠位勁多...唔洗做有錢搵既工作...由於唔係一team人一起工作...大家可以話冇感情...上司更冇感情...所以做錯少少...就插屎眼了...

............

不過...抱住做住先既心態...睇下點先轉部門啦...如果要悠閒...做TAD都好既...係d仆街隊長衰鳩格人唔似人...似隻狗...一做錯少少野就炳...炳完之後...仲要冇野搵野黎挑剔你再串同話...簡直係令人屌佢都o徒氣果隻...因為我唔會屌狗玩人獸...

...........

前晚響荒島做野...人影唔多隻...鬼影都唔見隻...當我悶悶地既時候...俾我發現左條女...都好...起碼有條女陪我...忽然間幻想到...我如果真係同個胸姐一起失落響個荒島度...時間流流長...我一定唔會放過佢......鬼叫...我每次望親佢...佢都對住我淫笑呀...

啊?...原來過鬼左三十二年聖誕...今年唔係好特別咁過...24日果日...我地班旦散學員正式响屎渠簽約...正式加入左呢間大公司...而响上星期...我地未簽約時...我地仲係好似個犯咁俾人閙閙貢...經過一d office時...見到d師兄排住隊收聖誕禮物...果刻我地覺得好淒涼...因為人有我地冇...hahaha...不過簽約之後...竟然...隻惡狗導師同我地講...而家大家係自己人...聖誕快樂喇...仲派埋聖誕禮物...係代表公司既一d心意...啊...雖然...呢份禮物入面只係幾包朱古力...花生同百力支唔係好值錢既野...但係我地都覺得...咦~都幾有人情味喎...可能我地仲係新仔...都未做野就有...加上俾人拆磨完...俾人質左啖屎落口...而家有粒糖會特別感慨吧...而且响外面d公司...唔好話錢啦...真係糖都冇粒...呢間起碼都派包糖啦...在感覺上...都好好啦...望住包野...令我想起細個時...學校派既聖誕禮物包...ha...

今年過節係多左個michael咁囉...平安夜...冇去迫入尖咀做zombie...係25日果晚...諗住同michael出去行下...去玩具玩女城...買玩具...唔小心入左海旁...塞住左...變左喪B...頂...真係麻鬼煩...

26日果晚...家姐一家人返黎...叫左外賣pizza...叫做搵野黎攪啦...好平淡...係喎...幾時變成咁樣既呢...

記得以前唔係咁過...

....................................

...小時候的...舊~情懷...過去的聖誕...

我記細個過聖誕既時候...幼稚園同小學會有聖誕聯歡會...多數係响放假前一日開既...我依希記得幼稚園時...係會全校d同學一齊出哂黎玩遊戲唱下歌之類...因為我個年代讀果d都係一d cheap cheap幼稚園...係d屋村樓下果d...所以係好細既...d學生出哂黎玩係好迫...最後放學果時係最開心...因為有一份禮物同一盒食物...入面有d咩...我記得係糖之類...仲有d動物公仔...吹bb...紙皇冠...bb氣球...另外果盒野其實係隻雞脾...係隻油雞脾呀...果個年代有油雞脾喎...

到左小學...老師會點名搵d同學幫手攪靚個課室...而有份攪報置果d大多是班長呀...行長呀...平時成績好果d呀...攪好個課室果d人多數俾人讚...呢d邊有我份丫...((而我咁多年既功績頂壟都係一個夕夕無名既一個圖書館管理員...家姐係清潔狗察...細佬係風紀狗隊長...佢地話哂都係紀律部隊...可以手指指咁指人...我就只係俾人指果個...即係人地指邊本書就俾邊本人...仆街~))......不過...到左小五...我個班主任...佢真係識貨...佢完全唔理邊個係班長邊個係行長...佢只係知道我有美術天份...佢竟然要我由設計到報置都係做話事果個...啊...估唔到佢真係咁識貨囉...之後仲俾幾個老師讚話靚喎...而因為咁小六果年個班主任都係要我擔當呢個職責...講真都叫做响小學時代有d野威番下咁啦...起碼我唔只係一個圖書館看更咁簡單丫...講番啦...報置個課室做乜...係為左俾其他班既人响巡遊時參觀既...係好無聊...即係由一年A班開始逐間班房去參觀...都唔知為乜...仲有喎...年年都有人因為巡遊課室時俾d窗柄插穿頭...hahah...d死蠢...haha...除左咁無謂既巡遊...仲有就係每年都要睇某d同學上台表演...多數都係果幕囉~有個假bb公仔响個馬槽出度出世囉...悶死...我反而想睇摩西過紅海...睇下佢點做分開個海既特技囉...haha...仲有一年一次...可以帶d玩具同電子遊戲機返學校玩...而且差唔多個個同學都會响d士多買d長氣球(響尾蛇)番學校...吹鬼脹佢...跟住放手...咁個條波就四圍咁飛...d女仔真係帶隻熊公仔返去喎...好低能...而我地男仔都不外乎係交換d...game&watch...即係電子遊戲機交換黎玩...最後...梗係派禮物...又係一d糖...朱古力bar...美味米...仲有既係軍人士兵之類既硬膠玩具...

到中學...妖~...無(毛)神論學校...左派既香朵中學...冇神冇彿...得個毛主席...旦家散...有聖誕假期...冇聖誕慶祝...放假前一日頂壟得個叫做冬季大旅行...即係去下d未開發時寸草不生既馬鞍山呀...咩橋咀島呀...新娘潭呀...八仙嵿呀...去埋d全部都係鬼故連篇既地方燒野食...頂多係中五時叫做識得約下女同學單獨約會...o徒錢~

中五之後...到左加拿大...啊~第一年响外國過聖誕特別難忘囉...有一個朝早...一覺醒來...望出窗外...嘩~落雪啊...出面成條街都係雪呀...而且天上面仲不停咁飄d雪落黎...我地三姐弟仲出門口度砌雪人...隻猫仔灰灰仲响d雪度跳黎跳去...果個情境...真係好懷念啊...仲有一返到學...小息時同d中國同學向鬼仔打雪戰...打到d鬼仔碌過山坡...不過最終都係要走難咁走返入學校...因為鬼仔人數係我地既幾十倍...輸硬...果年最難忘都係放假前一日...揸架7人車載住幾個同學放左學一齊去某個mall行街...回程時...我都話左唔會送人返到佢地家門架啦...就係因為心軟...做好心送人返屋企...賴野...响一個十字路口...俾人hit and run..一架死人火船車打橫咁炒埋黎我架車度...FUCK~果架車仲要不故而去...你老味~強姦左我架車...仲走左去...响我地驚魂未定...差人到場...正在俾黎到現場既阿媽閙個狗血淋頭之際(好唔明...點解撞車要俾人閙...我又唔係超速...係俾人無厘頭撞喎...)...個天又開始下雪了...想起亦覺得淒涼啊...之後的日子...刮起了十年黎的狂風大雪...想也想不到...積雪厚到上左膝頭哥...連街都出唔到...而且要日日剷雪...由喜歡變成討那厭...

幾年之後...返左hk...第一年係同阿dick...兩條好似基佬咁...無無謂謂迫左出去彌敦道做左喪屍...行左個通宵...仲飲埋早茶...跟住第二年...我都幾無情咁拋棄左佢...因為我搵左黑框妹做左我條女...果個聖誕開始...再冇什麼特別了...直到5年前啦...係揀左平安夜求婚既...不過...俾人拒絕左...再幾年都冇乜特別...係上年多左件michael...邊度都唔洗去...睇黎都係人越大越平淡架喇...

小孩子永遠都係最開心既...

係...終於都上左路一星期...

一大早就起身...痾完篤屎準時出門口...坐巴士入機場...一個鐘就到...咦...同响吉仔時開open一樣咁早起身...同樣坐一粒鐘...但係返機場搭巴士可以上車訓足一個鐘...一醒就到...寫意得很......返吉仔就一定會趕頭趕命...

每日八點上堂...老實講...開頭會認為...鴿屎渠工作係悠手好閒既...不過...聽完阿sir講左咁多部門既工作...又發覺完全唔係既...係...確實...有d部門真係密密工作...有d真係企硬 硬膠 9粒鐘...開始有d擔心唔知俾人派去咩野部門...

好喇...頭兩日上完堂...第三日就考試...好簡單...只要有讀書...一定合格...出到黎既結果係...97分...差三分...我以為我地全班合格啦...點知原來呢個世界有咁多蠢人...有好多人差d合格...有一個仲唔合格......不過...呢個兄弟...好彩係入左職既唔同post既人...係免死既...

第3日...又考試...成績...全班得3個100分...呵呵我係其中一個.....忽然間覺得自己係資優兒童添...當中有一位兄弟...竟然唔合格...即時革扯...即時要交還制服...清空Locker...oh...為左悼念呢位壯烈犧牲既兄弟...我地返更衣室時...我帶頭同幾位兄弟到佢吉左既Locker度躹躬拜祭...

第4日...又係考試...呵...又100分...真係耳屎汁...撈飯......我真係唔明...冇理由會唔合格既...但係d人真係可以唔合格或者差d唔合格...好彩...今次我地班兄弟冇事...

考試上堂唔係問題...因為個阿sir...高大...靚仔...我唔係基既...都覺得呢個阿sir好有形...尤其係身形...一拳打死隻牛果款...所以上堂冇乜野...到步操...另外一個阿sir...真係好pk...相信有好多人想佢死...不過...我又咁諗...佢唔賤格d...班死蠢真係好難教既...好彩...暫時我都仲未俾佢閙過...只係俾佢串我...話我笑...hahah......講真...聽到佢閙人果時...俾人閙果個震哂...真係好好笑...而我俾佢串...我都覺得好笑...因為我有時會搏佢咀...佢冇聲出......或者我太得戚啦...HAHA..

第6日了...我地都pass哂...不過...要有禁區証係要考試...所以全班人去哂總部...

跟住有個上級...4柴二撇雞招左我同幾個同學入某地方...

二撇雞突然大聲問..."你地邊個最醒架~"

冇人敢出聲...我未擧手應佢...我呀...

二撇雞就的左我入去某高層既房度話..."你用呢部電腦..."

跟住行左去教其他兄弟點login考試...因為我認自己醒我就自己攪掂...啊...原來係唔夠電腦用...要我用某高層果部...忽然間覺得自己一入職就升左級坐房......

考完啦...去個屎坑...放水...

吓~~~~超級高層...局中第二把膠椅...肥鬼佬~~~

(阿sir話過...如果响總部見到大粒佬要敬禮...)

而家痾梗尿喎...點敬禮啊~~~....

...

算啦...我條 J J...都敬梗禮了...