...舊~情懷...阿cat...比我幸福

...hum~...早幾日收到個消息話...

阿Cat...(即係舊~情懷入面既阿Cat...)

今年9月份結婚了...好似係拍拖週年紀念結婚吧...

Holy~...Fucking~...Shit~...

咁未即係十年前我同梗阿Cat拍拖時...佢兩個偷情果段時期...

對我黎講未即係佢地既偷情紀念日...Fuck~...

都係算啦...真係除左講恭喜之外...都唔知應該講乜野好啦...

...比我幸福...

望著廣場的時鐘 你還在我的懷裡躲風
不習慣言不由衷 沉默如何能讓你都懂
此刻與你相擁 也算有始有終 祝福有許多種
心痛卻盡在不言中 請你一定要比我幸福
才不枉費我狼狽退出 再痛也不說話 愛不用
抱歉來彌補 至少我能成全你的追逐
請記得你要比我幸福 才值得我對自己殘酷
我默默的倒數 最後再把你看清楚
看你眼裡的我好模糊 慢慢被放逐
放心去追逐你的幸福 別管我願不願孤不孤獨
都別在乎

..........

前晚又到荒島cast away...估唔到除左上次條胸姐陪我...仲多左條咖喱妹喎...佢成晚對住我打飛機...真係...我啋~...

.......黑暗中的屎渠......

做左兩個星期...開始感覺到公司既黑暗層面了...什麼是上樑不正下樑歪...哈...經過一番同d同事交流...聽到唔少野...有時真係唔知好笑定覺得有冇攪錯...而且開始發覺入職時睇過的所謂工作指引同程序手冊...啊啊...原來當你想做好份工...係唔可以既...

好似有日有個旅客唔見左passport同boarding pass...於是通知上級...換來的是晦氣的答覆...叫我指佢去搵airline了事...我真係好想幫個旅客...可惜...上面做事咁樣...我冇能為力...

事後...我問d師兄...個個都話..."呢d野唔好向上面報...果d野唔好向上報...如果有人問你路...你唔識既...可以唔答...就算識既...唔鐘意都可以唔答...因為你既工作唔係帶路...仲有如果你見到有失物或冇人認領行李...正常你係要報上去處理既...但係你一報...上面就會覺得你煩...因為有好多程序攪...例如佢地要驗乜驗物...攪完一輪...佢地只會怪你煩咋...你都係抱住多做多錯少做少錯既原則做野啦...失物唔係我地工作範圍呀...話膠知佢啦..."...聽完佢咁講...都唔知點解自己會有點冷笑...

不過...想到公司成日強調既...航空保安既目的係...防止不法份子對民用航空作出非法干擾...

諗到呢度...我就想到...即係防止恐怖襲擊同保護人類啦...保護全世界喎...原來我同超人冇分別...咁又係既...諗深一層...我睇咁多超人電影都未見過超人在街邊幫人指路同幫人搵失物既...我所認識既超人除要保護全世界之外就係媾女...真係得鬼閒做埋呢d咁既濕鳩野咩...haha...所以我都係企番響度等下...有冇一d飛機著陸時...個車o鹿開唔到出黎...我先至好似超人咁飛出去...托住架飛機等佢安全降落好過...相信我咁做...我既上司一定對我另眼雙看...

2/1 開彩前...

我喃喃自語的說...派我去~...psd...psd...(PlayStation Department)...

psd...psd...派我去...psd...人工高d...工作崗位固定...team work夠集中...d人好玩d...缺點只係密密做唔停...壓力大...

二敝雞...開彩了...T...A...D...!!!

(Thrust...Ass...Department)...插屎眼部門呀~

缺點...工作多是單人...工作位置多到可以日日唔同...優點...工作量唔大...蛇王位勁多...同樣...硬膠位勁多...唔洗做有錢搵既工作...由於唔係一team人一起工作...大家可以話冇感情...上司更冇感情...所以做錯少少...就插屎眼了...

............

不過...抱住做住先既心態...睇下點先轉部門啦...如果要悠閒...做TAD都好既...係d仆街隊長衰鳩格人唔似人...似隻狗...一做錯少少野就炳...炳完之後...仲要冇野搵野黎挑剔你再串同話...簡直係令人屌佢都o徒氣果隻...因為我唔會屌狗玩人獸...

...........

前晚響荒島做野...人影唔多隻...鬼影都唔見隻...當我悶悶地既時候...俾我發現左條女...都好...起碼有條女陪我...忽然間幻想到...我如果真係同個胸姐一起失落響個荒島度...時間流流長...我一定唔會放過佢......鬼叫...我每次望親佢...佢都對住我淫笑呀...

啊?...原來過鬼左三十二年聖誕...今年唔係好特別咁過...24日果日...我地班旦散學員正式响屎渠簽約...正式加入左呢間大公司...而响上星期...我地未簽約時...我地仲係好似個犯咁俾人閙閙貢...經過一d office時...見到d師兄排住隊收聖誕禮物...果刻我地覺得好淒涼...因為人有我地冇...hahaha...不過簽約之後...竟然...隻惡狗導師同我地講...而家大家係自己人...聖誕快樂喇...仲派埋聖誕禮物...係代表公司既一d心意...啊...雖然...呢份禮物入面只係幾包朱古力...花生同百力支唔係好值錢既野...但係我地都覺得...咦~都幾有人情味喎...可能我地仲係新仔...都未做野就有...加上俾人拆磨完...俾人質左啖屎落口...而家有粒糖會特別感慨吧...而且响外面d公司...唔好話錢啦...真係糖都冇粒...呢間起碼都派包糖啦...在感覺上...都好好啦...望住包野...令我想起細個時...學校派既聖誕禮物包...ha...

今年過節係多左個michael咁囉...平安夜...冇去迫入尖咀做zombie...係25日果晚...諗住同michael出去行下...去玩具玩女城...買玩具...唔小心入左海旁...塞住左...變左喪B...頂...真係麻鬼煩...

26日果晚...家姐一家人返黎...叫左外賣pizza...叫做搵野黎攪啦...好平淡...係喎...幾時變成咁樣既呢...

記得以前唔係咁過...

....................................

...小時候的...舊~情懷...過去的聖誕...

我記細個過聖誕既時候...幼稚園同小學會有聖誕聯歡會...多數係响放假前一日開既...我依希記得幼稚園時...係會全校d同學一齊出哂黎玩遊戲唱下歌之類...因為我個年代讀果d都係一d cheap cheap幼稚園...係d屋村樓下果d...所以係好細既...d學生出哂黎玩係好迫...最後放學果時係最開心...因為有一份禮物同一盒食物...入面有d咩...我記得係糖之類...仲有d動物公仔...吹bb...紙皇冠...bb氣球...另外果盒野其實係隻雞脾...係隻油雞脾呀...果個年代有油雞脾喎...

到左小學...老師會點名搵d同學幫手攪靚個課室...而有份攪報置果d大多是班長呀...行長呀...平時成績好果d呀...攪好個課室果d人多數俾人讚...呢d邊有我份丫...((而我咁多年既功績頂壟都係一個夕夕無名既一個圖書館管理員...家姐係清潔狗察...細佬係風紀狗隊長...佢地話哂都係紀律部隊...可以手指指咁指人...我就只係俾人指果個...即係人地指邊本書就俾邊本人...仆街~))......不過...到左小五...我個班主任...佢真係識貨...佢完全唔理邊個係班長邊個係行長...佢只係知道我有美術天份...佢竟然要我由設計到報置都係做話事果個...啊...估唔到佢真係咁識貨囉...之後仲俾幾個老師讚話靚喎...而因為咁小六果年個班主任都係要我擔當呢個職責...講真都叫做响小學時代有d野威番下咁啦...起碼我唔只係一個圖書館看更咁簡單丫...講番啦...報置個課室做乜...係為左俾其他班既人响巡遊時參觀既...係好無聊...即係由一年A班開始逐間班房去參觀...都唔知為乜...仲有喎...年年都有人因為巡遊課室時俾d窗柄插穿頭...hahah...d死蠢...haha...除左咁無謂既巡遊...仲有就係每年都要睇某d同學上台表演...多數都係果幕囉~有個假bb公仔响個馬槽出度出世囉...悶死...我反而想睇摩西過紅海...睇下佢點做分開個海既特技囉...haha...仲有一年一次...可以帶d玩具同電子遊戲機返學校玩...而且差唔多個個同學都會响d士多買d長氣球(響尾蛇)番學校...吹鬼脹佢...跟住放手...咁個條波就四圍咁飛...d女仔真係帶隻熊公仔返去喎...好低能...而我地男仔都不外乎係交換d...game&watch...即係電子遊戲機交換黎玩...最後...梗係派禮物...又係一d糖...朱古力bar...美味米...仲有既係軍人士兵之類既硬膠玩具...

到中學...妖~...無(毛)神論學校...左派既香朵中學...冇神冇彿...得個毛主席...旦家散...有聖誕假期...冇聖誕慶祝...放假前一日頂壟得個叫做冬季大旅行...即係去下d未開發時寸草不生既馬鞍山呀...咩橋咀島呀...新娘潭呀...八仙嵿呀...去埋d全部都係鬼故連篇既地方燒野食...頂多係中五時叫做識得約下女同學單獨約會...o徒錢~

中五之後...到左加拿大...啊~第一年响外國過聖誕特別難忘囉...有一個朝早...一覺醒來...望出窗外...嘩~落雪啊...出面成條街都係雪呀...而且天上面仲不停咁飄d雪落黎...我地三姐弟仲出門口度砌雪人...隻猫仔灰灰仲响d雪度跳黎跳去...果個情境...真係好懷念啊...仲有一返到學...小息時同d中國同學向鬼仔打雪戰...打到d鬼仔碌過山坡...不過最終都係要走難咁走返入學校...因為鬼仔人數係我地既幾十倍...輸硬...果年最難忘都係放假前一日...揸架7人車載住幾個同學放左學一齊去某個mall行街...回程時...我都話左唔會送人返到佢地家門架啦...就係因為心軟...做好心送人返屋企...賴野...响一個十字路口...俾人hit and run..一架死人火船車打橫咁炒埋黎我架車度...FUCK~果架車仲要不故而去...你老味~強姦左我架車...仲走左去...响我地驚魂未定...差人到場...正在俾黎到現場既阿媽閙個狗血淋頭之際(好唔明...點解撞車要俾人閙...我又唔係超速...係俾人無厘頭撞喎...)...個天又開始下雪了...想起亦覺得淒涼啊...之後的日子...刮起了十年黎的狂風大雪...想也想不到...積雪厚到上左膝頭哥...連街都出唔到...而且要日日剷雪...由喜歡變成討那厭...

幾年之後...返左hk...第一年係同阿dick...兩條好似基佬咁...無無謂謂迫左出去彌敦道做左喪屍...行左個通宵...仲飲埋早茶...跟住第二年...我都幾無情咁拋棄左佢...因為我搵左黑框妹做左我條女...果個聖誕開始...再冇什麼特別了...直到5年前啦...係揀左平安夜求婚既...不過...俾人拒絕左...再幾年都冇乜特別...係上年多左件michael...邊度都唔洗去...睇黎都係人越大越平淡架喇...

小孩子永遠都係最開心既...

係...終於都上左路一星期...

一大早就起身...痾完篤屎準時出門口...坐巴士入機場...一個鐘就到...咦...同响吉仔時開open一樣咁早起身...同樣坐一粒鐘...但係返機場搭巴士可以上車訓足一個鐘...一醒就到...寫意得很......返吉仔就一定會趕頭趕命...

每日八點上堂...老實講...開頭會認為...鴿屎渠工作係悠手好閒既...不過...聽完阿sir講左咁多部門既工作...又發覺完全唔係既...係...確實...有d部門真係密密工作...有d真係企硬 硬膠 9粒鐘...開始有d擔心唔知俾人派去咩野部門...

好喇...頭兩日上完堂...第三日就考試...好簡單...只要有讀書...一定合格...出到黎既結果係...97分...差三分...我以為我地全班合格啦...點知原來呢個世界有咁多蠢人...有好多人差d合格...有一個仲唔合格......不過...呢個兄弟...好彩係入左職既唔同post既人...係免死既...

第3日...又考試...成績...全班得3個100分...呵呵我係其中一個.....忽然間覺得自己係資優兒童添...當中有一位兄弟...竟然唔合格...即時革扯...即時要交還制服...清空Locker...oh...為左悼念呢位壯烈犧牲既兄弟...我地返更衣室時...我帶頭同幾位兄弟到佢吉左既Locker度躹躬拜祭...

第4日...又係考試...呵...又100分...真係耳屎汁...撈飯......我真係唔明...冇理由會唔合格既...但係d人真係可以唔合格或者差d唔合格...好彩...今次我地班兄弟冇事...

考試上堂唔係問題...因為個阿sir...高大...靚仔...我唔係基既...都覺得呢個阿sir好有形...尤其係身形...一拳打死隻牛果款...所以上堂冇乜野...到步操...另外一個阿sir...真係好pk...相信有好多人想佢死...不過...我又咁諗...佢唔賤格d...班死蠢真係好難教既...好彩...暫時我都仲未俾佢閙過...只係俾佢串我...話我笑...hahah......講真...聽到佢閙人果時...俾人閙果個震哂...真係好好笑...而我俾佢串...我都覺得好笑...因為我有時會搏佢咀...佢冇聲出......或者我太得戚啦...HAHA..

第6日了...我地都pass哂...不過...要有禁區証係要考試...所以全班人去哂總部...

跟住有個上級...4柴二撇雞招左我同幾個同學入某地方...

二撇雞突然大聲問..."你地邊個最醒架~"

冇人敢出聲...我未擧手應佢...我呀...

二撇雞就的左我入去某高層既房度話..."你用呢部電腦..."

跟住行左去教其他兄弟點login考試...因為我認自己醒我就自己攪掂...啊...原來係唔夠電腦用...要我用某高層果部...忽然間覺得自己一入職就升左級坐房......

考完啦...去個屎坑...放水...

吓~~~~超級高層...局中第二把膠椅...肥鬼佬~~~

(阿sir話過...如果响總部見到大粒佬要敬禮...)

而家痾梗尿喎...點敬禮啊~~~....

...

算啦...我條 J J...都敬梗禮了...

經過左3個星期既股海浮生...米飯也搵到來糊口的...

可是人生不能這樣的...始終都要...重新上路了...

搵工...唯有一邊炒一邊打工吧...炒股我唔算好叻...只求穩陣...同靠運...炒股的運是怎樣來...在我的角度首先是從自己的時間來...人們說要掌握先機...yes...先機是很重要...不過...時間更加重要...像我過去幾星期...天天開市到收市對住電腦...click過9千萬次睇股價升跌...你有時間...便捉到條路去搵錢...時間真的變成我既財運同金錢...可是...上星期二...我絕對冇運...唔係因為個市跌...係因為我一家同左外母去廸士尼...冇時間睇市...個價升左放唔到...之後一日跌到唔清唔楚...你話係唔係呢...炒股時間真係好重要...雖然我買果隻係穩陣野...但係現在股市跌到咁低...我唔放唔會蝕錢...亦都好想買貨...不過冇錢...就係因為去廸士尼...我唔怪得外母...因為原本係約左星期三跌市日去既...但係我怕星期三落雨改左星期二...點知...星期二原來係我放自己隻股既黃金時期...呢d叫做天意...怪唔到人...

都係唔講太多股...睇呢度既人唔方對股有興趣...

...鴿屎X...

講返重新上路...係找工...在我預期中...我話過要離開吉仔後...炒三個星期股...如果冇咩特別旅行咁急要去既話...就係搵工...上星期send左email去...星期三就有人打黎叫我帶齊所有野...星期四去first in...係咩野工...就係踩入X屎渠...即係做大大的衘猫的師弟...

(咩野係鴿屎X...原本坊間個名俾D師兄改做X屎X...我唔想有人yahoo search到...所以在我Blog內改做鴿屎X...)

鴿屎X係一間佢地話係全世界第一知名既公司......是旦啦...佢話係就係啦...反正我都係打工既啫...咁...果日我揸住我d 唔叻唔差既resume呀證書呀踩入條渠度見工...因為我唔知車程時間...竟然早到左成粒鐘...算啦...入到去等...我真係第一個on膠仔一個人响度坐住張硬膠椅...

過了半個鐘...有幾條友入左黎...又係見工既...跟住有個食蕉過來...叫我地簽到..."唉~!!pk...我唔記得帶筆..."...我心諗...於是我同個食蕉講...問佢可唔可以...我都未講完...個食蕉就話唔可以...(好冷寞)...因為呢間死人野請人到入職...入面d人都好臭檔既...除非你埋到堆啦...好啦...當我以為肯定會為左冇筆會俾人串爆之際...則邊果位4眼哥竟然主動的借一支原子筆俾我喎...啊...當堂由職員的雪中送屎變成雪中送炭啊...

好啦...佢講解完填果份表...填九十幾樣野成本書咁厚既表時...間中有d人遲到...突然聽到個職員...好大聲咁喝狗咁喝個黎見工果個人...我個心諗...(嘩...見工咋喎...未係你既人都喝狗咁...)...突然我個心唔係驚...係有d笑左出黎...好啦...填填下個人資料...又有人俾人閙了...頭先未講左囉~你有冇聽架...(我又笑左出黎...唔知幾時到我俾人閙呢...)...interview開始...未輪到我...我聽到有個人俾人大閙...叫左你帶影印本黎架啦...你今日唔洗黎喇...我個心又...我唔係笑果個俾人閙係低死...而係笑在於呢間野好似搵人黎發洩咁...捉你錯處...乘機閙人咁...中途起碼有一半人俾人閙過...好彩...我只係俾個師兄串下填小學既年份填錯左啫...大佬...掉低書包十幾年...莫講話中學係19幾多年開始讀丫...仲要我填小一係198x年讀...擺明係搵d野黎俾佢地入位閙人既......之後...見到d人入去房仔度見個高級既...一d人出到黎...門口個師會同佢講...你返去等消息...一d就揸住驗身紙等驗身...啊...那起不是有驗身紙既 in...冇既out...好快輪到借筆俾我果個...佢出黎我就入去...到我出黎...就再見唔到佢了...即係佢out左...啊...我竟然有驗身紙喎...可惜...借筆俾我果位人兄已經不見了...跟住...有另一位人兄interview完滿心歡喜胸有成竹咁走來我面前問我...咦...乜唔係見完可以走咩...?...我答佢...佢叫我等去驗身喎...跟住果個人兄俾師兄叫左埋去...我即刻聽下佢講乜...就係...你返去等消息...跟住呢個人兄...好似死左老逗咁樣...走左出門口......我唔係笑佢唔得...我係笑佢...做乜走黎問我啫...一睇就知等梗果d係得左既...走左果d係唔得架啦...仲要問正我...無形中變相咁Hurt左佢一鑊咁...真係傻...

第一天的生涯...trainning

一入班房...哎呀...死肥佬丫...坐左我個走廊位...算啦...我唯有坐入一個位啦...

上堂了...阿sir一入黎...好大力咁拍左落去我隔離個肥佬張檯度...話你做班長......抵死~...坐左我個位...

曾sir...好人一個...未閙個人...

之後第二個阿sir...係高級過曾sir...入黎講左幾分鐘野...攪足幾分鐘個power point...仲要攪到亂哂...最後要叫返曾sir入黎攪返掂部腦......最好笑唔係佢攪唔掂部腦...最好笑係...佢入黎係介紹公司既價值觀...其中兩點係...專業水準...自強不息提供優良服務......一d都唔專業囉...

跟住...有個樣似老虎狗既阿sir...講到個個人放蚊...

中午...放飯...食完飯...正當我同d同學閒聊時...突然有個核突哨牙婆走來我面前...自我介紹...話係早我地一星期入黎既...淨係同我講野...我冇應佢呀...只係強顏歡笑算...我心諗...(我屌~你係唔係低能架...行能開啦~...你令我好尷尬呀...)...因為我係新黎既...我唔想同自己班人以外既人講野係好正常既...

下午時...要去操兵...教步操果個阿sir...直程係一隻沙皮狗...由頭閙我地閙到落尾...有d人俾人閙得仲金......我頂唔緊了...笑左出黎...哎呀...佢話要我剪頭髮...你老味呀......

跟住佢開始教我地步法...要我地做一次提起左腳...跟住...我地成班俾佢晦辱咁閙...

佢提起隻腳扮我地企唔穩既姿勢罵:..."你睇你地似乜?...似出面門口隻狗公...提起隻腳痾尿呀~"

我即刻笑左出黎......(因為...佢好似一隻提起隻腳痾唔出尿既老狗公囉~)...低能仔...

佢仲話而家同我地步操係運動...係公司貼錢俾我地keep fit同強身健體...我心諗...你睇下你個死人肚腩先啦...keep fit...閙人閙到咁火爆...睇下你幾時心率不正常...爆血管啦......

放工...

唔想俾沙皮狗閙...去左剪頭髮...屌...

唔知聽日會唔會俾人閙呢...hahaha

這就是生活...

近來的生活使我覺得失去多年的家...終於返來了...

工作多年...像是沒有了家人一樣...

雖然從前一家人時常一起食晚飯...但因為屋企做生意...問題天天都多...食飯好似食屎咁辛苦...而家擔子沒從前那麼重...大家都不再執著...家庭既聚會反而好左...還癲到一家人一人買一張廸士尼全年通行証...今次已經係第二次入去玩了...雖然對我來說...去過日本果個對香港呢個都興趣不大...但係...見佢咁冷清...幫襯下佢...叫做養下香港呢隻老鼠啦...

確實今年佢都算有d誠意啦...肯攪靚個城堡...

.................................

好難得...幾經歲月...算一算...由94年到而家都有13...4年了...同呢班冷坦响加拿大做同學到而家...仲可以一班人keep住都算好彩...個個响果邊噗完世界返到黎工作...每個人都有唔同既生活...都冇失去聯絡...是直得感動的...試諗下...七個人七條命...十幾年...冇話邊個意外身亡...仲生勾勾一齊見面...都算幾感激天主同佛祖既保佑囉...

從前...一起上堂...一起勸人走堂...一起唱k打機...一起BBQ...天天見面...見呢班死剷多過見屋企人...噢~實在太懷念了...

如今...好久不見...對我來說...我都有成年幾冇見...因為B高樂出世...講開又講...B高樂出世到而家...班契弟都未拜訪過B高樂...仲話係老友...挑...不過算啦...我都唔想B高樂學壞呀~

1996年正是大家青春年華的時代

2003年6月...沙士過後...沒有人命喪黃泉...是值得慶祝的...

今年2007...証明左...我是...不老的傳說...的擁有者...HAHAHA

..................................

Sprider Kid~

係喎要多謝番阿發叔送俾B高樂果盒學習卡呀...B高樂唔知點特別鐘意喎...仲即刻整摷張A字卡...真係多謝發叔...

B高樂正日生日...屋企終於都齊人...好耐冇試過了...因為之前份工令我冇哂屋企人...而家唔係了...而且因為齊人既關係...當然同埋大猫慶祝埋一份啦...兩叔姪一齊賀壽...兩個蛋糕都係我買既...一個黑森林...一個栗子味...o岩哂唔同人既口味...

你睇B高樂幾咁開心...

B高樂話...:"...呢個我既..."

一歲人仔...生日開心到爆...

回想當年我一歲...邊有咁幸福丫...做生日喎...莫講話蛋糕呀...屎都冇一舊我吃呀...

一家人合照真係少之有少...因為我多數係做攝影師果個...真係慘...

如果我係做花花公子做攝影師就唔同喇...感覺會正好多...Hahaha...

姑長送既大禮物...麵包超人模擬駕駛學院自學車..

開封~!!!爹爹砌左佢~

唉o也~隻腳唔夠長踩油門同腳掣呀...

開唔到車呀~!!師父~

B高樂網頁...正式啟動...

http://hk.geocities.com/michaelmogo/

咦~!!Hello Kitty 蛋糕~...邊個生日呢...?

咪就係B高樂生日囉~...B高樂唔係今日生日...只不過係B高樂明天正日生日要响屋企過...所以婆婆同姨姨預早一天同B高樂慶祝生日...至於...點解會係Hello Kitty蛋糕...既...既...其實係因為...去到餅店揀蛋糕時...一個係米奇...一個係kitty...其他果d全部都係一d黑森林或者朱古力蛋糕...黑蚊蚊唔係好靚...米奇果個成個蛋糕只不過係餅型係一個米奇型...一d公仔同顏色都冇...而最靚果個我都係覺得係kitty...咁...仲有老虎係kitty迷...反正B高樂都冇得食架啦...咪買左個kitty蛋糕囉...

.....................

重回自由身的我...係有好多野攪架...首先一早起身...做家務(已經冇男人肯做架喇~)...差不多10點...開住個網...睇住個股市...因為現正全職炒股...並唔係唔理智架...係良性既...叫做重返江湖...(10年前...炒過...因為董建華個含家剷...從此退出江湖...)孤注一擲...全部推哂落去...點解咁夠薑...全因家中老股神都出山...我冇理由唔跟...順便學下老股神既投資心得...果然係老薑...佢一出手...竟然買入價還比我低...而且一個下午先升一蚊...對我來說只是升二毛子...老股神果然係老股神...而且老股神仲說...12月勢必有一浪...我準備好了...坐穩...等衝浪...Yeah~...好剌激...

股市波動期...當然都要面對人生自由的生活...你以為自己得到了自由...可以好似Cast away既湯漢斯咁響荒島生活咁自由既時候...你錯了...身邊偏偏會出現一個人...突然叫你一聲...:"...爹~爹~..."...oh...god...又係輪到我湊B高樂既時候了...喂...乜咁快又輪到我喇...換片...陪玩...太累了...我一個人睡在地上...B高樂都唔知爬左去邊了...仲好...可以偷下懶...

醒來的時候...老虎會話...:"...叫你睇住個仔...你就訓覺..."

我..:"...我問過個仔架...我訓覺...佢自己玩得唔得...佢答我...爹~...我先訓架..."

老虎..."......"...吹脤

B高樂訓覺時...我要處理既係...電腦內6集Heroes season 2同埋4集Prison Break season3...仲有要打爆一大疊Game...睇哂一大疊一直買買埋埋既VCD 同DVD...仲有睇下旅遊天書...計劃一下有冇機會去旅行...不過暫時都未去住...因為日圓升左好多...都係計劃定好d...因為要帶埋B高樂出發...係好大工程既事...真係有如勇闖玉珠峰咁難...死未...

仲唔夠...仲有深夜同子夜場...要不停制作B高樂既個人網頁...雖然有部份仍未加設及完成...但我會不停更新架...

重新設計既B高樂網頁...正式啟動...

http://hk.geocities.com/michaelmogo/