國家副主席習近平訪港，過程中訓斥香港治理班子，提示佢哋要「穩健施政，精誠合作」，可見中央對香港政府嘅不滿，亦探訪中產家庭，對通脹表示關注。

「精誠合作」，的確喺香港居民對政府嘅期望。因為政府辦事缺乏透明度，今年嘅七一大遊行，當中反映曾蔭權聘用副局長嗰方面缺乏透明度。咁又點樣叫做「精誠」？

被人指示咗錯處，個個部門都互相推搪，好似一站式政府熱線咁，處理市民投訴時，只將有關個案轉介到有關部門，而有關部門互相推搪，叫市民打去另一個部門投訴，好似人球咁踢黎踢去，唔單止問題得唔到解決，更讓事件好似雪球咁愈滾愈大，事情變得一發不可收拾。咁樣嘅場面，又如何論到「合作」？

習近平好關心香港嘅民生，希望香港政府能夠以紓解民困為主要嘅政策，而唔係眼著於政治。而家通脹嚴重，政府應該推出一啲設施去扶助貧窮線之下嘅市民，亦都要控制各行業嘅壟斷行為，例如控制機構減少加價嘅行動。

政府以利為本，為自己利益而妄視市民嘅需要，更加激起民憤，其實讀過中國歷史就會知道，好多朝代點解滅亡，係因為當權者不聽取諫言，好大喜功，誤信小人之言，貪圖宴樂，既然中學生深知道呢個係世世代代嘅教訓，何況現代香港高官，應該明白更加呢個道理先係，但佢哋仍然不知悔改，只貪圖眼前嘅好處，自私自利，但係由遠見而言，當激起民憤時，分分鐘連職位都不保。

政府既然聽咗習近平嘅訓話，呢段代表中央嘅訓話，就應該好好反思，接受中央嘅意見，加強各部門嘅透明度，各部門緊密合作，市民就會感受到香港政府做緊嘢，曾蔭權嘅民望自然會高返，中央對其之評價亦相對提高。

我仲擔心緊暑假時，確唔確定到圖書館會員會唔會喺暑假幫手，眼見圖書館立立亂，覺得好煩惱，因為單係執拾書籍已經咁令頭痛，仲有舊年圖書館裝修之後，啲影碟同埋其他參考書整到立立亂……我仲有十日大假要放，希望整好晒之後，可以放心去放大假，唔駛連放假都要返去完成埋盤點……

但係　神好憐憫我，平時同我好熟嘅學生，佢哋平時要擺圖書上架時，佢哋唔多願意，但係佢哋心地其實係好善良嘅，今次佢哋竟然自動請纓話喺暑假可以日日上黎幫手，我覺得佢哋開始生性啦，連最任性嘅嗰位，佢呢幾日居然由十點到五點半放工時，佢一直幫我執書，而且仲要放得非常準確添！

而之前我深深明白呢份工係　神所賜嘅，喺呢段過程中，我學習只專注喺工作，以主嘅僕人嘅心去做嘢，其他所缺欠嘅地方，我相信　神必會供應，但係我始終都係人，難免仍然有憂慮……　神仍然咁憐憫我，仲要興起呢班小天使幫助我，我覺得好開心，仲要超出我所想所求，本來唔期望有多啲學生幫手，但係而家有多幾個應承幫我手，哈利路亞！我所需要嘅，　神已經知道，亦早已為我預備，透過呢件事情，我內心有顯著成長。

一直以黎，所有嘅工作（唔計學生平日當值），都係由我親力親為，喺呢件事情中，我諗要學習嘅，就係學習對人哋有信任，希望佢哋清楚晒點樣做啦，咁我就可以對佢哋更加有信心完成晒盤點。感謝主！

另外，一班天使們，好多謝妳哋付出暑假呢個咁寶貴嘅時間幫我喔！我會整啲好味嘅嘢慰勞妳哋哩＾＾

每次下雨，我做嘢嗰間學校嘅教職員toilet有一個好得意嘅現象，就係六格廁格會有四格係俾老師嘅遮蓋住個廁格頂……我曾經睇過網上嘅冷知識，話沖廁時會有菌彈上幾公尺，所以一直覺得老師們拎遮走時，實拎走埋啲菌……唔係咁衞生。

仲記得喺上星期TVB播過星期二檔案 - 病從天降，其中一part講到沖廁時，廁所水嘅下衝力激起更多嘅懸浮細菌四圍飄，我心諗，唔知幾多老師睇過呢個節目呢？之後下雨天返工，唔知仲會唔會見到一個個打開嘅遮蓋住staff wc嘅廁格呢？？今日落雨，行入圖書館途中順路入wc洗手，呵呵～真係冇遮打開撐住個廁格頂啵XDDD　唔～原來老師們有留意星期二檔案哩！嘿～終於知驚哩？忽然間覺得啲老師好可愛XD

另外，今日係學校結業禮，亦都係校長宣佈榮休嘅日子，好多同學都唔捨得……喺佢哋進行結業禮同時，我呢幾日都喺圖書館執書準備盤點。小息鐘聲一響，有一位同我幾熟嘅三位中二女學生走入黎，咦？有啲唔妥……見到其中一位個樣喊晒口咁嘅？乜嘢事呢？另一位女學話我聽，原來校長榮休，佢又驚我唔繼續喺學校做，話好唔捨得我，拉住我隻手哭訴：「我唔要妳走！」「嘻嘻…傻瓜黎嘅！我點會唔繼續做喎～除非學校唔駛我再做者^^"」「如果係咁，我哋個個都寫求情信俾學校！」………我應覺得開心還是擔心呢＝口＝　不過真係好可愛呀佢哋XD　佢哋咁唔捨得我，我好開心，真架！

之後我繼續執呀執，希望快啲排好全館嘅書，做埋盤點，希望唔會去到我放年假嘅日子都未做晒最好=.=　希望　神為我預備人手幫我，希望之前應承咗我嘅學生們，佢哋能夠順利地喺暑假幫我手就好lu！相信　神為我預備，因為佢喺耶和華以勒！（意思為　「神必預備」，出處：創世記22章，　神預備咗羊羔代替亞伯拉罕嘅兒子以撒作祭物）

今日睇咗明報嘅健康網，諗下諗下，原來自己日常生活中，不知不覺加深咗散光……

揉眼揉出散光
角膜晶體弧度不均影響視野

文章日期：2008年6月17日

今日睇咗好多人解答yahoo知識，有啲答得好好，好有誠意，但係絕大部份嘅人求其copy維基百科，將一大段嘢copy上去就叫做答過，與其係咁，倒不如叫人去維基睇咪仲好？而且根本就未詳細內容就copy上去，有啲段落都唔係答緊網友問嘅嘢，copy咗一大堆廢話，一心為咗儲分而作答，點解唔可以方便下人，睇清楚其他網頁點樣介紹網友問嘅內容，而取捨答案嘅內容呢？

5 July, 2008 Saturday

實在好感恩，之前去馬莎買褲，要改褲長，今日可以拎到；而配con嗰度，已經check咗眼，等星期二去拎con，喺過程中，發生咗一件事，感到自己做錯咗，事後不斷反省，件事係咁嘅：

一個星期前，我打去一間眼鏡連鎖店預約check眼時間，約咗今日十一點。到今日我準時去到check眼，但係間舖未開門，但係並未影響我心情……十分鐘後，終於開舖，我就走入去同視光師講：「早晨！我book 咗十一點check眼架！」但係眼見職員同視光師呆咗咁望住我，我就再解釋係配con，要check眼。職員後來先至醒覺，可能我係約咗隔離商場嘅第二間分店，佢哋幫我打電話過去，又查下個電腦，check咗成２０分鐘，先至得出呢個結論：「小姐，嗰邊冇記低喎！」跟住再繼續查落去……

我心諗：「有冇搞錯呀……居然冇我記錄？上次接電話嗰個唔通就咁喺電話度敷衍我就算？？」大概……喜怒形於色嘅我，當時塊臉應該變得幾可怕……然後職員想同我講嘢之前，我就搶先講：「唔駛再查啦，唔好再浪費大家時間啦。」但係講咗呢句嘢之後，先至醒覺，咦～根本唔關佢哋事，係第二間分店嘅人嘅過失咋嘛！！弊啦……遷怒咗喺呢位職員身上添！

個職員輕輕搖一下頭，好似想安撫我唔係再check嘢，好平靜咁講：「黎啦，放個頭上去先…（check 眼機）」唉，怨錯人添……而且佢哋做得好好先係丫，咁努力幫我check資料，而家仍然咁有禮貌……雖然人哋話顧客係大晒，但係佢哋始終都係人黎，話就話慣晒者，不過仍然會唔開心丫嘛……終於，我可以對佢哋笑返，佢哋嘅神情亦都變得輕鬆咗。之後負責驗眼嘅人帶我入驗眼室，好有耐性咁幫我作進一步嘅checking，絲毫不覺馬虎，好滿意佢哋啲服務態度！最後俾訂金時，佢哋話我啲資料已經輸入咗電腦，可以下次再去過，我當然好樂意再一次幫襯佢哋啦^^

事後，我不斷反省自己，喺嬲、想怨甚至鬧人之前，要先深呼吸，諗下對方嘅處境，聖經都話啦：「快快的聽，慢慢的說，慢慢的動怒」…首先，我未等人講就已經出聲怨人啦，就係個職員想同我check眼，但係我話唔好浪費時間check其他分店資料嘅事，其次就係：聽咗人哋講嘢之後，或者內心冇咁嬲呢？　我可以換個形式同佢哋講：「我知道唔關你哋事，不過對方聽完電話都未記低約見時間，覺得佢唔負責任。」既不會傷害到人，又可以講出自己訴求咪幾好？

希望今次嘅經歷，喺家庭、工作、教會同其他場合發生差唔多嘅事情時，能夠從中吸取到同人相處嘅經驗。

續：你真的不喜歡基督徒嗎?~你無法不認識的基督徒藝人（二）

這些人散發著一種光芒

並且在大眾流行的歡迎迎合度中,都是最高的

你們不能不知道為什麼

因為他們是基督徒

他們有耶穌

並且他們一點也不遜色

有的人認為基督徒很遜

趕不上大眾流行

他們只是不被大眾娛樂所灌醉

這一群藝人

照樣在各樣的行為上禱告

並且接受耶穌基督做他們個人的救主

如今上帝將最好的職份交託給他們

基督徒怎麼會遜呢?

若是他們夠遜

KTV最紅的幾條就都是最遜的

然而當我們唱著他們的歌

卻都唱著[阿們]了

您想要認識這些藝人嗎?

那麼您不能不認識他們最好的朋友

耶穌基督

續：你真的不喜歡基督徒嗎?~你無法不認識的基督徒藝人（一）

有個特殊的入圍者--王宏恩

朱約信(豬頭皮)

台語歌王 洪榮宏

搞笑玉女主持人黃嘉千

時下最紅的歌手:陶喆,王力宏,劉畊宏,范瑋琪,FIR的主唱飛兒與吉他手阿沁

何耀珊,林俊傑,ENERGY的牛奶,鐵竹堂的陳恆義,Michael,張韶涵,動力火車,信樂團的主唱,新人同恩,K.ONE的JR、B.A.D的Alex

其他知名人物包括

包括有黃國倫、邰正宵、周子寒、楊祐寧、李明依、梁靜如、寇乃馨、湯蘭花、蔡少芬、朱衛茵、孫越、陶大偉、周杰倫的媽媽葉惠美、張信哲、賈靜雯、光良、品冠、(棒球投手)陳致遠 、搖滾天王伍佰、 蔡琴、尤雅、馬兆俊、湯志偉、信樂團中的Chris(孫志群)、何方、娃娃、廖偉凡、潘瑋柏、施孝榮、郎祖筠、TENSION、郭昱晴、宋達民、
作家曾陽晴、梁小冰(香港演員)、羅慧娟（香港演員）、郎雄(已故演員)、阿弟仔(金曲歌手)、張洛君、費玉清、南方二重唱、楊林、陳湘琪(演員)、堂本光一（日本藝人）、董至成(名主持人)、鄧萃雯（香港演員）朱茵、王宇婕（演員）、張震嶽(名歌手)、關德輝（演員）、唐從聖、吳建豪（f4一員）、張惠妹.無印良品、麻吉的大部分成員、劉品言、全智賢（我的野蠻女友）、崔智友（101次求婚）、車仁表（知名演員）、金載沅 (韓國演員)、席琳狄翁、梅爾．吉伯遜 、蔣宋美齡、前總統蔣經國先生、YAHOO!的總經理........不計其數

（第三篇續）