晚飯後女兒跟我談天，她說今日學校來了一個哈爾賓佛教大學

生，我覺得奇怪便問為什麼去你間學校，學校跟那大學有什麼關

係，兒子立刻笑說是哈佛大學，我才恍然大悟，給女兒作弄了。

尋晚老公同阿仔接我放學，我國到附近一間日本料

理，好低食呀118蚊唔駛加一任食放題，原先見到佢

只得兩三客不敢幫襯，但網上介紹佢評分幾高，

所以即管試，果然不錯好低食，刺身新鮮天婦脆

口，壽司款式多串燒夠味，總之評分係好。老公仲

話泊車無抄牌，方便唔駛搵位。點知去車時發覺

俾人抄了牌，呢餐好貴呀！但唔怪得人，鬼叫自己

貪方便又想慳錢，下次一定要泊車場。估唔到黑色

星期五提早一日到了。

今日見無咩做，便上了琴行租琴室練習，因家中的電子琴跟學

校的數碼鋼琴差太遠，我要練踏腳踏，唯有外出租練。

希望今年可以換琴！第一次去琴室竟有點緊張，可能怕人地聽到

覺得難聽，但後來唸來得練琴，當然不會像演奏家咁好啦，

我就不理有冇人聽到，自己練習，相信聽日上堂我可交足功課！

呢兩日部車要拎去驗，所以要自己搭車。今日架小巴遲令到我

眼白白睇住架巴士走，唯有坐火車再行一段路返工。

今日公司冇乜做，老豆就打蓋睡，昨晚跟“阿二”一齊，佢成

晚磨牙，攪到老豆冇覺好，都唔知老豆點唸，一腳踏兩船，最

難接受就是找個還比我小，我真係無辦法，就只有祝佢好運。

今日以經帶了影碟在手袋裏，但放工後仍然忘記了還碟，

要罰款好唔低呀！

問老豆會否考慮幫阿媽係寶福山買個位安放，

排了兩年都未有位安放，現在仍然放在我家中，

但他說不考慮，話阿媽不要上香位，

又是他曾經講過，只要不上香給阿媽，放在上香位都沒所謂，

不知是他不想為阿媽花錢，還是真心尊重阿媽志願，

總之現在他有女朋友就不理阿媽了。

今晚約了阿玲來我家吃晚飯，

飲後例必攻打四方城，

一向我地都不夠阿玲打，只有交學費，

好再我地都係生麻雀，、上落只是百多元，

今天我很好運，好多自摩，一家贏三家。好叻呀！

最緊要可以贏到果個麻雀精！

由於明天老公仍要返工，所以十點半便收場。

我要他早點睡，車一定要夠精神，

阿玲又趕返去睇志雲飲局，睇阿嬌點講喎！

真八掛，人家都很慘啦！

而我聽日放假，所以我練多一陣琴才睡。

今日天氣真是陰晴不定，中午還下了一場大雨。

今晚要返學，高班的第一堂，

希望係miss自己教，我不喜歡阿sir教。

這個星期開始，老公每朝幫人送菜，

我知道佢好辛苦，

不過酬勞不錯，為了我們的目標，

你要加油！

今日和老公去食泰式自助餐，人多很快便無酒好食，

而且我發覺自助餐不適合拍住拖去食，

因為每次只可一人出去拿食物，

剩下一個無聊地等，一點也不浪漫。

所以我勸拍拖的朋友們，不要貪自助餐抵吃，

寧願貴一點去有人服務的地方食，

咁兩個就可靜下來享受浪漫的晚餐，

還有時間風花說月，卿卿我我，不用「為口奔馳」，

也不用孤獨的等，我以後都不會了。