今日發現有一對紅鞋好靚, 著住返工點知俾人話似“潮童“, 一問之下原來係而家時下年青人帶住CAP帽, 腳踏呢D鞋, 我即滴汗….幾廿歲人俾人話“潮童”...救命….

已經吃了減肥餐單一個星期啦….瘦了7磅, 有點停滯不前…會唔會因為period 就到?

今日竟然重咗1.2kg, 邊處出事?

昨天早餐:

1. 半個西柚

2. 2炒旦

3. 2 bacon

昨天午餐:-

1. 半個西柚

2. 4隻麥當當雞翼 (嫌疑犯1)

3. 2/3碟菜

中間小吃:-

1. 1杯脫脂奶

昨天晚餐:-

1. 一客 沙拉(忘記叫走醤)2個人食, 之但係我食80% (嫌疑犯2)

2. 一客肉眼(好難吃), 西蘭花cream菠菜 (嫌疑犯3)

3. 自備半個西柚

三大嫌疑犯極大可能係串通...都係扣留佢地5日先

有一段幾長時間處於烏wea的狀態, 好難頂啦..唔得唔得!

早幾過星期睇雜誌有2頂介紹今日一氣過去埋:-

1. ACB麵包店: 見到肥佬老細坐係收銀機到目無表情, 偷看工埸那幾個師傅不成功, 最後想買鳥結糖, 點知聽日12點後先有, 下星期再去啦!

2. 銀杏館(Gingko House), 一歐陸餐廳, 侍應生全部都係長者 (唔知厨師係唔係呢?), 我ordered 咗魚魚, 朋友仔ordered咗steak 同雜扖, 好好味, 好有水準10月係廟街有分店, good~

再掃附近的小鋪, 俾我見到2條好靚的晚裝裙:-

1 在Ranee_k, 一條紫色長裙

2 在Cecilia Yau 的淺灰銀色釘珠片長裙

女人一多dd選擇就心思思啦...

突然覺得食緊個餐單好似同監獄的差不多, 哈

跟據細過睇監獄風雲的有限知識入面食的係:

一個橙, 有菜,有肉,有飯

我而家減肥食的係:

半個西柚, 有菜,有肉,無飯

無聊? 係呀!

今日只係減到0.44磅, 可能尋日太hea啦...不過我有反kick boxing...,點解呢?呢段時間我腦入面好似只有減肥2個字, 發哂癲一樣...我只係想拉拉鏈...著一條拉到拉鏈的婚紗...

一個月有多2日半假期真係好, 雖然尋日不停收SMS, 之但係天文台話今早清晨唔掛8號, 呢個希望假期就有DD動搖, anyway, 多謝老媽今日晨咁同我地講8點掛8號, 我就瞓到7點9 (本應返工時間)開電視, yeah, 立即8號, 但就等到9點幾先再瞓過... ok 啦... 如果唔係大陸打電話嘈醒我,可能瞓到2點幾...好似一頭豬(只懂瞓同食)

極度開心, 5日減6磅! 明白開頭一定快D,點都好阿比同志keep住呀!

阿燕伴娘同志之前介紹的kick boxing 好ok, 唔駛去physical都可以反kick boxing, 佢仲俾埋一系列的viedo, 今日kick boxing @ home 啦!

http://jp.youtube.com/watch?v=GP-ADSVstD0&feature=related

上星期護膚升級, 明顯改善, 都唔駛用尊貴護膚品, 我而家係早晚揸TONER之前用水份面霜按摩1分鐘, 真係有用bor~

第四日吃呢個減肥餐啦, 太開心啦, 已經減咗4磅肥之肉!

之但係日日吃西柚, 加上個口生飛之... 食嘢快的我, 只係食個西柚都可以食成3個字, 3分鐘變成3個字... 不過阿比同志會努力架!

其實真係好飽飽的, 早餐2隻旦+2煙肉 + 半個橙, lunch 同 晚餐可以任食菜同肉, 不過都要每餐加半個西柚, 真係好神奇!

唔駛俾萬幾蚊搣脂啦, 星期日搣完痛到今日都未痛完...星期六都係唔俾...!講真, 好似貼$買難受, 次次都好痛好痛...都唔明點解之前咁懶, 只做一頭豬--貪食 (仲要雪糕), 同瞓... 如果考試o個排唔吃咁多雪糕, 就唔駛「百上加斤」啦...

今晚訂咗對晚裝鞋, 好平, 只係230蚊, 露腳趾, 加埋d假碎石,幾靚, 有時d嘢真係無啦啦就買到, anyway, 等敏敏同志2星期之後(記住呀)帶埋我去睇下佢朋友介紹的鞋鋪先去阿同志EE到, 呢段時間再"米"D結婚雜誌先。

真正follow 個減肥餐單係尋日開始, 因為星期日無西柚, 哈哈...

嘩原來成日無飯到肚種感覺係好難頂架...

放工時要係街到揾嘢食好難, 返屋企滿以為有餐 「安樂茶飯」食, 點知...得菜...因為阿媽好心幫我減肥, 太感動啦, 但仍然堅持我那個醫院減肥餐單, 點都唔吃米飯, 點都搵d肉吃..

今早上磅輕咗一磅, 你會話 「車, 痾尿都無咗啦」, 但我一上磅已經好開心, 阿比同志keep住呀

今日買雞脾吃, 嘩好似中六合彩一樣, 俾我見到西柚! 一氣過買咗15個, 好似C奶上身一樣左手一袋右手一袋咁行番公司...呢個畫面我成日幻想...好老土呀好C奶...阿比你一定唔好咁做呀..點知...

史啦...竟然失眠, 有無攪錯!

晨咁早就彈咗起身, 算了吧, 起咗今晚早D瞓囉..

同阿地產姐姐約好咗睇樓, 因為佢遲到的關係, 變到睇樓好似競賽咁, 同另一間分店一齊睇,唔夠9秒9閃咗出去, 點知業主好熱情同我講去佢屋企睇下個主人房, 算了吧, 都係9秒9閃咗出去。, 地產姐姐之後一路行一路同我講快d俾答案佢, 因為佢一眼睇出另一人馬會即傾, 我諗一諗打番電話俾佢話no 的時候, 姐姐話已經租咗,我好似放下心頭大石一樣 。因為眼見人家女人仔抱一個推一個, 我點忍心同人爭,  加上人家好似好緊張要搵屋, 我仲dd時間。

Ddip Production House 真係一等一的結婚攝影製作公司! David 的專業同Passion令我好impressed, 我一定封一大利是!

雖然無咩人留言, 但原來我呢個hompy都有人睇下, 好開心 Thank you.