真正follow 個減肥餐單係尋日開始, 因為星期日無西柚, 哈哈...

嘩原來成日無飯到肚種感覺係好難頂架...

放工時要係街到揾嘢食好難, 返屋企滿以為有餐 「安樂茶飯」食, 點知...得菜...因為阿媽好心幫我減肥, 太感動啦, 但仍然堅持我那個醫院減肥餐單, 點都唔吃米飯, 點都搵d肉吃..

今早上磅輕咗一磅, 你會話 「車, 痾尿都無咗啦」, 但我一上磅已經好開心, 阿比同志keep住呀

今日買雞脾吃, 嘩好似中六合彩一樣, 俾我見到西柚! 一氣過買咗15個, 好似C奶上身一樣左手一袋右手一袋咁行番公司...呢個畫面我成日幻想...好老土呀好C奶...阿比你一定唔好咁做呀..點知...

史啦...竟然失眠, 有無攪錯!

晨咁早就彈咗起身, 算了吧, 起咗今晚早D瞓囉..

同阿地產姐姐約好咗睇樓, 因為佢遲到的關係, 變到睇樓好似競賽咁, 同另一間分店一齊睇,唔夠9秒9閃咗出去, 點知業主好熱情同我講去佢屋企睇下個主人房, 算了吧, 都係9秒9閃咗出去。, 地產姐姐之後一路行一路同我講快d俾答案佢, 因為佢一眼睇出另一人馬會即傾, 我諗一諗打番電話俾佢話no 的時候, 姐姐話已經租咗,我好似放下心頭大石一樣 。因為眼見人家女人仔抱一個推一個, 我點忍心同人爭,  加上人家好似好緊張要搵屋, 我仲dd時間。

Ddip Production House 真係一等一的結婚攝影製作公司! David 的專業同Passion令我好impressed, 我一定封一大利是!

雖然無咩人留言, 但原來我呢個hompy都有人睇下, 好開心 Thank you.

今日一大班女再去試衫, 興高采烈!

我仍然keep 住星期一轉咗的婚紗, 灰色及紅色晚裝, 套套性感(正確d講係肉感)哈哈...

試婚紗時加埋個頭紗, 剛好阿燕伴娘同志帶來的珠鏈, 好開心呀...好開心呀...係喜喜哈哈的情況底下, 4條女一齊著晒衫, 好開心, 如果可以一齊結婚, 一定好high~

我呢班的姊妹團的一盆泠水今晚係一個好好的推動力, 我唔理, 一定要係4個月減40磅! 依家d衫條拉鏈都未拉到上去, 發夢聽日會36-24-36咩...之但係如果真係減唔到就史得啦...so 阿H同志的提議係接納的!

地獄式減肥明天開始-醫院減肥餐單!

之但係臭史都未見過我咁瘦唔知會點呢?

上咗大陸兩日, 好似去Charge 電咁, 幾好, 但之不過返到公司哈, 好多嘢都好趕, 趕呀趕...諗住可以準時走*, 點知要7點幾先走得...算吧啦...

阿比同志尋晚諗住早D瞓, 今早"晨運", 點知瞓瞓下起咗身, 好驚呀好驚有女計係度望住我...死都扮瞓, 最後一個鐘醒一次...好無聊的阿比...

俾人問點解係女計, 唔係男。又係bor點解呢?女計係長頭髮, 恐怖d...

*備註: 阿比同志準時走的定義係630pm之後, 早過630pm叫早走, 本公司official放工係530pm。

星期一去咗Hsiao 一轉睇下有咩新貨仔, 都唔係太多, 有的都好鬼女人, 我呢d如果太女人會好得人驚....

婚紗俾我改咗套新嘢, 之但係試其他的時候影低咗d相, 笑爆...

「E, 呢條好靚呀, 你睇淨係個扣都好高貴」阿A一邊睇相一邊講

「你睇埋先講啦...」阿比同志無奈咁講....

阿A再按掣, 下一張係影條拖尾close up, 佢話真係好靚...

點知再按多一下, 佢無再講嘢啦...

因為一個正面阿比同志出現...

一個好似有咗身孕的女人著住條 "懶" 高貴的婚紗...阿A無話可說....

再睇條晚裝裙, 第一張我好似係阿老V同志結婚個日一樣 --波濤洶湧, 但阿B話 「應該前面個V低d家bor...」佢好 好奇去睇

「係呀,要由頭著, 因為唔可以經pat pat 上, 所以條裙落唔晒去...」我好embrass 去解答....

伴娘阿燕同志介紹之下, 我今晚玩kick boxing, 好正, 10分鐘經已流汗, 好好好

原來柯臭家庭有一個法庭, 阿準比柯史太太今日先知...  但之不過法官係柯臭史大人, 被告又係佢, 辯方都係佢...Anyway, 我都幾欣賞呢位大人可以"懶"公平 去處理問題。

不過佢不惜放棄睇奧運的時間同我傾, 大家都希望在路上可以有同一的步伐, 係一件好事。

今日花店無開門, 附近就係冠南華, 去睇下裙掛啦, 試第一套之後問租要幾$$, Sales 姐姐話要三千幾, 幾貴...佢再攞多套,少dd金銀線綉花, 嘩好好歡喜, 好靚呀好靚呀好靚呀! 再問租幾$$,佢話呢套新要三千八, 真係貴, 但估唔到自己可以歡喜....

同阿G同志傾開電話, 佢有好介紹, 原來佢 E E 係做鞋, 去睇下無妨!不過心諗一日成十個鐘, 中間仲要走來走去, 唔同平時只係office到, 最多咪行去shop 下ping, 都有d大wok..唔係一兩吋, 臭史話最好四至五吋, 好係嘢... 再睇D結婚雜誌, 好多人中間都會著下波鞋, 不是abnormal 的, oic...好阿比同志你就咁做啦!

好開心買到條靚靚珠鏈加耳環, 而家只係再搵多一對耳環就ok啦

花車都攪好啦, yeah!

少過5個月就結婚啦, 呢排真係有D緊張...

不停叫自己快D攪好D嘢, 唔好等開學之後先慢吞吞, 到時侯是是但但就唔好啦...

阿K同志同阿H同志各自介紹的花店都有好處:-

K: D相唔錯, 我原本想用朱頂蘭, 個姐姐仔好心話我知, 朱頂蘭花瓣好易變深色, 唔係太好, 我之後睇到個簡單的白玫瑰花球, 好抵, 不過係3百幾, 可惜佢地唔可以即日交收, 要早一晚攞, 要考慮一下先

H: 佢幫襯咗好耐, 有信心保證, 而且響佢個朶有平, 不過去佢地個website 睇, D花好似有D老套...

好聽日2個地方都去"實地考察"一下先!

花車方面, 依家看看人家係我大日子有無車先, 都幾抵...再唔係8月30日仲有得睇

婚紗方面, 不再拖拉就去Hsiao! 星期一睇下有咩新貨仔, 之後下星期六去試衫, 今次同阿燕伴娘同志去, 好

一套婚紗, 兩套晚裝, 一套裙掛, 一套伴娘裙=HKD6188, 價錢ok

化妝方面, 要睇下搵咗咩樣的衫先, 不過都再約好試妝, 點都好, 應該唔會好女人, 上次試完之後, 自己都有d想嘔, 臭史都話唔得, 不過我都已經有D idea啦...

酒方面, 沒有烈酒, 只有少量紅酒(一圍兩支紅酒), 本來都想有d烈酒, 可惜阿表哥當年的打交收埸都因為飲酒累事, 我都係小心為妙! 況且臭史唔太好酒氣, 大部份朋友都唔好 (阿比除外, 嘻..)

之前臭史首有詞"要譜"的歌, 叫咗佢send俾我, 不過佢好似呢排好鬼忙, 好大壓力, 都唔想push佢太多。佢尋晚奧運開幕興奮到short short地, 可能真係壓力大, 攞個藉口relax下, 都好的, 不過都唔想拖個羊羊同志太耐...

之前自己一個走去周生生睇龍鳳鈪一對, 八兩幾重, 要7萬幾, 今日同阿媽去其他金鋪再睇, 呢對「大龍鳳」, 嘩平好多, 不過加埋都係三兩幾, 只係二萬八, 不過D手工唔係太好, 但手工要一千蚊一隻, 我同佢地講: 「周生生有對差唔多手工都係四百, 你收一千, 嘩」佢無嘢講...不過D金平咗成千蚊, 再去睇過先...

好hea 的一日...

在家自己做facial, 幾好玩, 臭史見到, 只係hahaha...

今日作戰失敗, 明天再努力!