原來柯臭家庭有一個法庭, 阿準比柯史太太今日先知...  但之不過法官係柯臭史大人, 被告又係佢, 辯方都係佢...Anyway, 我都幾欣賞呢位大人可以"懶"公平 去處理問題。

不過佢不惜放棄睇奧運的時間同我傾, 大家都希望在路上可以有同一的步伐, 係一件好事。

今日花店無開門, 附近就係冠南華, 去睇下裙掛啦, 試第一套之後問租要幾$$, Sales 姐姐話要三千幾, 幾貴...佢再攞多套,少dd金銀線綉花, 嘩好好歡喜, 好靚呀好靚呀好靚呀! 再問租幾$$,佢話呢套新要三千八, 真係貴, 但估唔到自己可以歡喜....

同阿G同志傾開電話, 佢有好介紹, 原來佢 E E 係做鞋, 去睇下無妨!不過心諗一日成十個鐘, 中間仲要走來走去, 唔同平時只係office到, 最多咪行去shop 下ping, 都有d大wok..唔係一兩吋, 臭史話最好四至五吋, 好係嘢... 再睇D結婚雜誌, 好多人中間都會著下波鞋, 不是abnormal 的, oic...好阿比同志你就咁做啦!

好開心買到條靚靚珠鏈加耳環, 而家只係再搵多一對耳環就ok啦

花車都攪好啦, yeah!

少過5個月就結婚啦, 呢排真係有D緊張...

不停叫自己快D攪好D嘢, 唔好等開學之後先慢吞吞, 到時侯是是但但就唔好啦...

阿K同志同阿H同志各自介紹的花店都有好處:-

K: D相唔錯, 我原本想用朱頂蘭, 個姐姐仔好心話我知, 朱頂蘭花瓣好易變深色, 唔係太好, 我之後睇到個簡單的白玫瑰花球, 好抵, 不過係3百幾, 可惜佢地唔可以即日交收, 要早一晚攞, 要考慮一下先

H: 佢幫襯咗好耐, 有信心保證, 而且響佢個朶有平, 不過去佢地個website 睇, D花好似有D老套...

好聽日2個地方都去"實地考察"一下先!

花車方面, 依家看看人家係我大日子有無車先, 都幾抵...再唔係8月30日仲有得睇

婚紗方面, 不再拖拉就去Hsiao! 星期一睇下有咩新貨仔, 之後下星期六去試衫, 今次同阿燕伴娘同志去, 好

一套婚紗, 兩套晚裝, 一套裙掛, 一套伴娘裙=HKD6188, 價錢ok

化妝方面, 要睇下搵咗咩樣的衫先, 不過都再約好試妝, 點都好, 應該唔會好女人, 上次試完之後, 自己都有d想嘔, 臭史都話唔得, 不過我都已經有D idea啦...

酒方面, 沒有烈酒, 只有少量紅酒(一圍兩支紅酒), 本來都想有d烈酒, 可惜阿表哥當年的打交收埸都因為飲酒累事, 我都係小心為妙! 況且臭史唔太好酒氣, 大部份朋友都唔好 (阿比除外, 嘻..)

之前臭史首有詞"要譜"的歌, 叫咗佢send俾我, 不過佢好似呢排好鬼忙, 好大壓力, 都唔想push佢太多。佢尋晚奧運開幕興奮到short short地, 可能真係壓力大, 攞個藉口relax下, 都好的, 不過都唔想拖個羊羊同志太耐...

之前自己一個走去周生生睇龍鳳鈪一對, 八兩幾重, 要7萬幾, 今日同阿媽去其他金鋪再睇, 呢對「大龍鳳」, 嘩平好多, 不過加埋都係三兩幾, 只係二萬八, 不過D手工唔係太好, 但手工要一千蚊一隻, 我同佢地講: 「周生生有對差唔多手工都係四百, 你收一千, 嘩」佢無嘢講...不過D金平咗成千蚊, 再去睇過先...

好hea 的一日...

在家自己做facial, 幾好玩, 臭史見到, 只係hahaha...

今日作戰失敗, 明天再努力!

心情浮躁

西瓜日竟然正餐不是它...不可以的, 明天再來過, 當然唔可以日日食, 但呢個星期一定要完成佢! 昨晚收到了一結婚禮物: Facial +修身 courses, 太正啦! 哈哈來得合時!

今日買咗2枝智利紅酒試飲, 易入口, 有果味, 應該結婚飲ok, 等埋幫幫Couple 同美美Couple 睇下可唔可以試埋佢地o個D, 一齊買抵d (女人仔阿比再現)...

隻左眼....眼紅人, 好樣衰,眼蓋近頭的位置, 兩邊玩中原一點"紅", 可能瞓得唔好,但都唔洗咁怪....

今天的祟拜令我有所得著...

講題是 「最巨大的工程」, 劉牧師先指出現在人間不和平, 以香港為例, 家庭團結竟然係負數, 2004年是負2百幾, 2006年負5百幾, 老實說真的有疏離的感覺, 但不致於負5百幾! 很可悲, 人生在世, 家庭的幸福是好重要, 但人往往忽略咗,我都係忽略其重要性....

之後劉牧師再提出了我們是和睦的使者, 要勸人與神和好 ; 要勸人與人和好, 後者要有所包容, 神嬈恕我們, 我們當然要有包容他人的心, 突然我心裡對TA & 進同志的心結鬆了!

之後眾水之聲 的 < 給我一顆中國心, 在男獨唱之時, 而且在二胡伴奏之下,那感人之情, 我真係氾流了眼淚出來!!!

之後大家在堅道的 Bread & Breakfast 一傾之下, 大家都有睇鄭丹瑞的向世界出發, 我好認同他講的 香港人無咩problem solving 的能力, 而家d小朋友最多只可以solve NDS 或PSP o個部遊戲機的問題...

之前有報導香港競爭力只排26位, 雖然仲高過大陸, 但過多一兩年會點? ...

***************

今日好開心, 係我unexpected 的情況底下, 可以搵到呢隊"組合"實在太好了!!!! 他們一定令我有一個難忘的婚禮, 謝謝!

之後在Seibu 同 Lane Crawford 睇晚裝, 鞋同飾物, 全部都有睇中, 可惜:-

晚裝, 我太肥...

鞋: 全港得番o個一對

飾物, 有耳環, 無頸鏈

沒打緊, 再搵過啦!

尋晚去睇屋, 因為業主要求晚上而不是日頭, 沒打緊, 反正我未急

有其他盤睇, 其中一個一入到主人房我個人好唔舒服, 豪庭反而ok, 不過我都係鍾情清水灣半島...

其中一個業主, 佢好鬼熱情, 好鬼鍾意老外似的, 好似非租俾我不可, 因為佢太熱情, 我真係有d驚佢...不過唔知過咗奧運會會樓價低番d...依家都幾貴, 過萬一個月租, 唔好心急 呀

**********************

之前講FUN & LEARN 的MAGIC OF LOVE, 下面係 " 男女心理" 可以測試你對男女性有多大認識:-

1. 兩人吃朱古力糖, 其中一人一口把整塊吃掉, 另外一人把糖咬開看看裡面有些什麼, 誰把糖咬開?            男? 女?

2. 在聚會上, 有人說大多數人不想到月球去, 一人聽後同意, 而且引意見調查的結果來證明. 另一人聽後不同意, 還堅持著說: " 我想這是不確實, 我自己就想去" 誰以這種方法斷定別人的反應?            男? 女?

3. 夫婦二人在餐館, 其中一人點了一些他們從未嘗過的菜, 另一人點的菜則較常見, 要嘗新菜的人是誰?            男? 女?

4. 兩人去買衣服, 其中一人指定某種衣服和顏色, 誰只籠統地說要看衣服?            男? 女?

5. 夫婦二人要到一處陌生的地方, 途中迷途, 其中一人想問路, 另一人卻要四處觀望, 後者是誰?            男? 女?

6. 三車在紅綠燈前停下,綠燈亮時其中一衝出, 要起步得最快, 爭先駛出的是誰? (高分問題)            男? 女?

7. 一傷痕感電影上映, 當哭哭啼啼的場面出現時, 誰會哭得更傷心?             男? 女?

仲有5.2個月...

阿比同志媽咪話金貴, 不如`買鑽石鈪...我女人本色出現--口不對心: "都係金好d", 但阿比同志本身歡喜石多過金啦..., anyway咩都好啦...

大衛高葉飛和羊羊同志(唔好介意幫你地改咗名), 呢兩位兄弟同志實在太好了~~~因為阿比同志希望在11月之前可以攪掂呢d "technical"上面嘅嘢, 佢地一口ok, yeah!阿比同志一定封大利是俾你地~不過一定要打ddip production house, 可能俾$個影相哥哥當日會r頭點解呢隻阿姐會請2個production houses, 哈~

上星期俾阿比同志遇到公司插花的人, 其實次次去13樓都會睇下d花花, 幾靚架, 本著問下無妨的心態, 價錢都唔係太貴, 不過都係打電話去佢花店問清楚d先, 阿比同志呢個女人仔, 依家好鬼鍾意格價, 好似惠康個廣告 "x得一蚊得一蚊"

好啦, 阿比同志呢2日盞肥成績唔錯, 1日1 磅, 雖然做唔到運動, 但3餐控制得幾好:-

早餐: oatmeal + 1 杯skimmed milk

午餐: 菜+丸+金菇

晚餐: 菜+肉

中間有食餅乾

飲檸檬水, 少飲咖啡/奶茶

阿比同志, 努力喔~