6/9/08

今日係maggie & herman 大囍日, 身為佢"第二個女"既我, 一定一定去啦!

其實話時話, 工作上面叫親maggie都同我特別有緣, 呵呵!!

maggie, 由我做 tuns 佢已經係 miss, 仲要做 ic 添, 一直佢比我既引象同感覺都係好 tough, 做野好穩陣, 穩陣到呢有時有d怕佢, 到佢做我 preceptor 時, 跟佢跟得多, 學得多, 又跟得佢地北上多, 自自然然做左朋友, 仲一齊去過三次旅行添, 又係饑饉照顧過我既 partner !!

結婚喇, 結束十五年愛情長跑, 勁呀! 好登佢開心!!

maggie & herman, 新婚快樂!

席間上, 被一大堆爛 gag 浸飽, 笑到癲, 笑到肚痛面部肌肉又痛, 好爛呀!!!!!

唉, 真係無酒店添!!! 又要再問貴d既酒店!

不過係酒完返屋企既時候, 3b發哥比左d tips我, 希望真係問唔到的話, 就就咁殺過去, 到時先算, 最多咪一晚無酒店囉!

放假喇..... contract end 既最後一個假期! 你地咪話我成日放假, 有咁多假既, 其實唔係特別多, 只係一年既假用九個月黎放, 所以好似... 感覺上放得好密。

6/9/08

個night, 開頭真係停都未停過, 好在下半場總算比較安靜咁過, 尋晚個人頭數呢, 係早幾日既三倍!! night時, 做私人野, search左幾間 target 酒店, 唔係無房, 但, 14/9/08就大多數無囉, 唉!!!!!!!

5/9/08

返night前, 又一壞消息, 第二間酒店都full, 問清問楚後, 無triple room, 咁唯有希望 twin + single 有啦。

4/9/08

返完個a, 頂唔住要返屋企瞓陣先再去整餅, charge完個一陣電後, 就唔知點解咁精神lu!!

不過, 壞消息!! book唔到原本間酒店! 轉囉!

～～～～～～～～～～～～～～～～～～～～～～～～～～～～～～～～～～～～～～～　

唔該呀, 有房呀! 我要去旅行架!!!

3/9/08

繼續懶洋洋, 不過懶唔到, 有cases係手, 繼續刨書。

今日真係唔知發咩癲, 狂食野, 食到而家好飽好辛苦添。

討厭呀, 明明加左旺季附加費, 又話張機票又要架, 搞錯呀!!! 仲有咩要加呀!!!

2/9/08

懶洋洋～～　連續三日做吉格...

放工後, 明明好眼瞓, 都要刨旅行書刨到三點!

1/9/08

無cases係手又有tuns返工, 我就... 呵呵....... (不過, 比人發脾氣)

放工後, 去左清潔姐姐屋企, 齊齊整冰皮月餅。

晚飯聚會again savour 元朗, 幾好, 真係正過oliva!

31/8/08

返工正到暈!! 可惡既係, 原來真係potential off到架! 不過無我份!

30/8/08

電話響而醒, 之後就計劃去馬灣, 臨出門前搞掂個package, 趕得切兩點三十七分班船, 去到一個好RELAX既地方, 影下相, 周圍行下, 都幾舒服, 不過行完一個圈, 就無咩新意思囉。但諗下諗下, 柏麗灣嗰度可以望到兩條代表住香港既又靚又大既橋, 又有個沙灘, 都幾爽呀!!

之後出番去荃灣, 係CITYWALK度行下, 行到咁上下就返元朗等食飯。

見番十一個ALEVEL同學, 正, 有D真係好耐無見過, 正, 我哩個過氣班會主席睇黎之後要再搞番哩D活動先得, 哈哈, 一年一次啦!! 呵!! 其實今次無主動每個同學都打一個電話去問, 只係係facebook forward出去, 下次, 再搵番晒佢地d contact, 遲下再搞多一次。

飯後, 去食綿綿冰, 見一個叫得出我全名既人, 老實講, 哩位人兄呢, 我無正式咁認識過, 不過肯定認得佢囉!!

29/8/08

瞓飽後, 整起一個日式芝士餅, 焗緊既時候, 全情問PACKAGE既事, 都無理過個焗爐, 問下問下, 有少少唔高興, 好在再問下其他, 都叫可以如期出發, 不過就比人加左旺季附加費, 激氣, 不過算啦, 鬼叫我想哩日出發咩。但可惜, 等唔到個位小姐REPLY。

好在個餅無焗燶!! 搭車出去, 係MTR同巴士揀, 揀左巴士, 咁就燒焦, 坐左50分鐘先到!!! 遲到25分鐘先到!!! 玩下傾下食下, 咁就過左一晚好開心既一晚, 我兩位同行(旅行)既朋友笑到成枱人碌地, 食到差唔多, 又拎埋個芝士餅比佢地, 隻牛叫我整兩個喎(雖然你地兩兄弟生日),  好在無聽佢講, 再帶埋之前一日係輝SIR度整既車厘子撻, 呵呵, 再吹埋個CANDLE ICECREAM, 總叫同佢地兩兄弟慶祝生日, 總叫我無拖欠佢地既蛋糕喇, 呵呵!!!

27/8/08 - 28/8/08

又一A/N

我唔介意NIGHT架, 但我好怕... AAN, 唔駛瞓都似!!! 成個A, 真係好攰好攰, 唔想講野度好似黑面咁, 但其實我唔係架, 只係無咁多主動對話啫。

NIGHT既時候, 出巡左兩次 (呵呵) 一次去搵肥安拎蛋糕食 + 行去 Ortho 一轉, 食飽飽後又去 Neuro, 當堂心情輰快, 呵呵, 本來超頭痛超眼睏都唔記得左。

YEAH, 頂得住, 無收症。

 瞓呀瞓呀, 到五點先有番知覺, 即刻飛快起身出門口, 亦都要即刻email比miss比個越南行程佢地 (再唔比, 鬧我都似), 好在, 都無遲到, 但係, 個頭繼續好重, 成塊面都腫腫地, 大件事!

今日學餅, 接連失手呀, 兩次要勞煩阿sir對手, 不過, 今日無大錯已經算係咁, hehehe!!!

放學, 同斜陰去食米綫, 飽飽咁返屋企, 小辣都無味既, 算, 今日當護喉啦!!!!

睇完小琛既hompy, 嘻嘻, 好似我比人鬧緊咁! 不過哩排, 都開始冷靜落黎(雖然都係忟忟地), o係要係適當時候冷靜落黎, 學好放開, 好好學識收起我d脾氣, 收起我d態度, 收起我d執著。我有信心, 一年後, 應該係一年半後, 一定會好好多。所有人幫我做証呀!!

啱啱睇到油麻地攝影學會既會訊, 有好幾項我都好想參加呀, fion呀, 你乖喇, 陪我去啦~~~

26/8/08

情緒超爆高興, 狂講爛gag, 真係好爛! tea time 時, 瞓到不醒人事添。放工, 同fion係星巴克坐下傾下, hehe, yeah, 今次我地又有一個夢想喇, 長野.... 長野... 長野... 摘蘋果。

雖然今日真係有d唔開心, 個trip搞到咁喎, 不過, 估到實有d事。我有我既想法, 我有我既處理方法, 問心無愧嘛。

25/8/08

一返工, 見到個勢ok, 同sister講補鐘早走, 七點半走人, 去到市中心, 收到帖喇, 等呀等呀等食飯, 好肚餓嘛, 再等埋上菜, 原來唔補鐘都趕得切黎食飯呀, 噢噢, 浪費左一個鐘添。食下傾下, 咁就十一點幾, 3b送我返屋企, 正, 其實對住哩班同事 (全部都係我既senior), 個感覺真係幾warm, 3b又講左好senior對個junior講既說話比我聽

乜我心急咩?!

本來打算十四號出發, 老實講, 到今時今日仲未搞掂機票酒店, 絕對唔係我可以容忍既事, 一個老早就講緊既trip, 一直等唔到package, 哩個逼於無奈都會等, 到等到, 興高采烈咁send out and forward, 估唔到, 到我今日哩一刻所聽到, 由心而發係一個字 －－ 妖!!

或者係我真係太心急卦!!! 想點既, 唔該清清楚楚講聲, 或者, 唔抱任何期望算吧啦!

肥安, 我又諗起你講既一句話!!!!

24/8/08

尋日已經對今日既假期有少少planning, main target係去影相, 估唔到講兩句啫, 媽話陪我去踩單車, 之前有人講過話可以踩去南生圍咪想去試下囉, 先係樓下租架單車, 就慢慢行去臭河個邊, 去網井圍個邊, 踩下踩下踩上尖鼻咀, 諗住一直向前向前就可以去到元朗/天慈個邊, 原來係無大路出去架! 中間d泥路就可以, 但個踩開單車哥哥叫我地唔好試喎, 噢噢... 比人呃添!! 媽仲話, 無得行既, 早之唔踩咁入啦(踩到去元朗工業邨後邊既米埔); 要踩回頭路, 趕唔切交車既, 算啦, 我就以好enjoy既心情黎踩返去, 返去途中, 有兩個哥仔問我, 點解踩黎哩度呀, 唔去海個邊既, 我話, 夜喇, 唔去啦, 佢話, 怕咩喎, 有我地咁多男人去, (其實唔係唔想去架, 不過帶住媽媽, 踩去個邊來回起碼個幾兩個鐘, 費事喇) 再返去還車, 遲左15分鐘, 個哥哥仔話算喎, 叫我多d黎玩過, hehe, 多謝晒, 唔該晒! 呵呵!! 之後同媽返到屋企樓下, 我就繼續攝影實習, 周圍影下, 影影下, 越黎越黑, 越黎越難影得好lu。

我決定, 黎緊放大假, 要搵一日踩去白泥, 去影相!!! 連老豆都話個邊影相靚!!

後記: 經過今日兩個鐘既踩單車, 原來我真係好鍾意太自然, 好鍾意哩個感覺, 令我更加決定.... 要出走, 無錯, 出走! (第一次係哩度公開, 計劃呢, 到適當時候再公告天下!)

想睇相, 麻煩去 facebook