24/8/08

尋日已經對今日既假期有少少planning, main target係去影相, 估唔到講兩句啫, 媽話陪我去踩單車, 之前有人講過話可以踩去南生圍咪想去試下囉, 先係樓下租架單車, 就慢慢行去臭河個邊, 去網井圍個邊, 踩下踩下踩上尖鼻咀, 諗住一直向前向前就可以去到元朗/天慈個邊, 原來係無大路出去架! 中間d泥路就可以, 但個踩開單車哥哥叫我地唔好試喎, 噢噢... 比人呃添!! 媽仲話, 無得行既, 早之唔踩咁入啦(踩到去元朗工業邨後邊既米埔); 要踩回頭路, 趕唔切交車既, 算啦, 我就以好enjoy既心情黎踩返去, 返去途中, 有兩個哥仔問我, 點解踩黎哩度呀, 唔去海個邊既, 我話, 夜喇, 唔去啦, 佢話, 怕咩喎, 有我地咁多男人去, (其實唔係唔想去架, 不過帶住媽媽, 踩去個邊來回起碼個幾兩個鐘, 費事喇) 再返去還車, 遲左15分鐘, 個哥哥仔話算喎, 叫我多d黎玩過, hehe, 多謝晒, 唔該晒! 呵呵!! 之後同媽返到屋企樓下, 我就繼續攝影實習, 周圍影下, 影影下, 越黎越黑, 越黎越難影得好lu。

我決定, 黎緊放大假, 要搵一日踩去白泥, 去影相!!! 連老豆都話個邊影相靚!!

後記: 經過今日兩個鐘既踩單車, 原來我真係好鍾意太自然, 好鍾意哩個感覺, 令我更加決定.... 要出走, 無錯, 出走! (第一次係哩度公開, 計劃呢, 到適當時候再公告天下!)

想睇相, 麻煩去 facebook

↑早幾日(22/8/08)打風, 返工前係樓下輕鐵站影既 (其實都唔算好大風)

↑ 23/8/08 去完街街後, 夜媽媽返屋企時係樓下見到既蝸牛, 有我半隻手掌咁大

↑ 23/8/08 明知好趕時間出街, 都要影!!! 早排聽到新聞話會係天水圍起d訓練中心, 估唔到咁快就開工, 起還起呀, 唔好高過四樓呀!!!

23/8/08

先同 lilian 係元朗行書局, 講下書, 又講下無聊野, 之後我就搭定車出去。先同祺祺食飯先, 之後再買佢想買既野, 買完就周圍行下, 大家都有收穫呀, 呵呵, 又消費添! 行行下, 原來已經十一點幾, 即刻快快手搭車返屋企lu。

行左咁多日, 只係搵到一本沖繩既書仔, 早知, 上次書展就買啦, 幾十蚊啫, 好過而家搵黎搵去都搵唔到, 唉!!! 不過, 咩都唔理, 已經定左下一個目的地係 -- 沖繩 ～自駕遊～yeah!

22/8/08

打風返工....

聞說個風好勁, 老實講, 真係擔心返工放工會有咩意外, 雖然有double pay啫, 但返工放工無保險cover, 都咪話唔驚!! 諗住打風無咩野搞架啦, 估唔到又要收症, 我既cases呢仲要搞一大輪, 唉!! (不過其實係我去左食飯時發生, hehe) 發現遲d, 我實行無得收工!!! 飯後, 其實先聽左一個bad news, 之後再聽到我 d case出事!

幸好, 而家打風都仲有輕鐵西鐵(十幾分鐘一班車), 老豆又講明唔會接送返工(有交通工具喎, 自己搞掂), 如果唔係, double pay 得黎, 都真係得不償失! 

夜晚, 無咩風既!!!

來勢洶洶, 但又咁快恢復平靜, 噢.... 我既東坪洲之旅又已取消, 嗚  嗚, 乜咁架!!!!

20/8/08-21/8/08

有咁啱得咁橋, 8 個同學同一晚 night, 103 個有 13 個係 TMH, 13 個入面有 8 個 N 字係21/8, 咁難得一遇, 約埋一齊收工飲早茶, 明明返左一晚通頂, 八個人都好好氣, 好好精神, 講過不停, 嘈到死, 又勁食, 勁滿足, 估唔到係一張 contract 即將完結前, 係咁既機會底下聚埋一齊, 第一次, 亦都應該係最後一次...... 大家即將各散東西, 各有各自既家庭生活, 柴娃娃既早茶, 我會好好咁記入心。

之前 A 完, 心情麻麻, N 時終於正常番。

～～～～～～～～～～～～～～～～～～～～～～～～～～～～～～～～～～～～～～

瞓醒已經時候不早, 趕唔切去搵旅遊書, 趕唔切去護協買野, 直上Cest bon cake, 今日既眼瞓指數超標, 亦都無咩體力可言, 好在 miss 出手, miss 唔幫呀, 坐對面嗰兩個仲唔黑住對我咩(趕住返屋企追電視喎)!! 放學返屋企, 黃梅吉士撻散晒, 得番一個係完整, 見到咁樣, 已經唔高興, 估唔到... 媽以話我既口氣講, 你整咩架啫! 火上加油! 放低d野, 拎住散紙包電話即落街...... 唔一定要買野食都變左即刻想落街食野!

搞完一大輪, 食飽喇, 諗住回味下今朝既早茶影既相, 係電話 upload 喇, 第一個方法 fail, 連第二個方法都 fail, 心情直插下谷底, 電話又話我記憶體已滿, 咁而家算係點啫!!! 忟...忟...忟...

哩幾日, 真係無辦法調整番我既心理, 已經好努力, up up and down down, 係 down 開有條路, 定抑或跟本就無 up 過?!

20/8/08

終於有一條A, 可惜 A/N, 正處於無心機返工狀態!!

19/8/08

早起去做運動(要搭的士去, 哈哈), stretch + NBS, 爽!

再搭的士返工, farewell party

返工期間聽 ICN refresher, 一直都平心靜氣(我指我自己), 食飽飯到收工前, 短短唔夠一個鐘, 足以mood swinging, acute depression + mania = bipoloar!!! 算... 遲走走佬, 唔理!

或者係我太執著啦! anyway, 多謝開解我既朋友。

眼瞓住咁睇書。

18/8/08

放工後, 定起心肝整個芝士餅, for farewell party, 成功。

但成晚都暈暈地, 一定係關飲左d勁涼既湯!!!

又煲另一本書, 正!!

17/8/08

慶幸三個人返工都無事!! 放工後, 繼續睇書 & 完成

16/8/08 晚

煲書...

小琛, 哩幾日咁無聊, 你叫我updates d 咩丫!!! 有時間, 我都繼續煲書啦!!!!

16/8/08

狂瞓, 瞓勁都想繼續瞓! 瞓醒望住塊面, 即刻光滑晒, 呵呵!!

繼續尋找老朋友。

15/8/08

眼瞓住咁返個A, 放工個一刻真係好想即刻彈番屋企大覺瞓, 但, 唔可以, 約左人嘛。搞好晒後, 返屋企休息一陣, 返屋企既時候見到二伯娘, 傾左一程車, 臨走既時候, 伯娘講左一句: 好開心可以同你傾偈。聽完之後, 我當堂呆左, 比唔到任何反應, 自從二伯過世後, 所有人都怕伯娘會捱唔住 (admitted to CPH x 2/52) , 如今, 我估應該無咩大問題.....

返到屋企, 明知得半個鐘至九個字時間, 都好想好想瞓陣, 一直迫自己唔好瞓, 死撐住再次出街, 同carol, elaine 傾左成晚, 一年見一次, 緊係多野傾d既, hehe! 希望下一次見面, 唔駛一年後啦!

見今日同佢地兩個傾開, 我地班AL朋友真係好似失去晒聯絡, 要係Facebook度search番晒佢地出黎, 好野, 搵到幾個, 要再繼續努力!!!

額外得黎既一日假, 過得清閒, 過得寫意, 呵呵呵呵!!!

去唔到美食博覽都無所謂囉。

早幾日上堂整既杏仁條太鍾意, 所以今日決定整一次, 哩個鐵塔牌牛油呢... 好奶味... 聞落去... 受不了 (連細佬都受不了), 好在食落去, 無咩問題啫。過兩日用第二隻牛油再整過, 試下有咩唔同先得!!!

返工既事,  呻完就算, 你地都習慣聽我呻下, hehe, 講完就算。

13/8/08

取消睇戲, 行街食飯, 買左一件諗住買既衫(但無色揀添), 另買多件tee, 呵呵, 今個月真係滿足晒, quota已用完。

件衫多左幾個印呀, 嗚嗚, 香水起左個印, 點算?! 今季新買架!!

今日收到個壞消息......

12/8/08

A/N, 眼瞓到暈

11/8/08

A完, 周圍行陣等做facial, facial後又周圍行下, 問下package, 買飛睇戲, 又行下街, 呵呵, 咁就買左三件衫, 滿足晒, 返屋企放低d野, 飲碗湯就去睇 《mummy 3》, 其實如果之前無睇過1同2, 今次其實都ok既, 只係故事提材無新意啫。

之後, 食埋野返屋企。