呢幾個月發生既事~~實太多~唔知由邊度寫起亦都唔知幾時開始!

開始感到同佢一切好累了，或者有d野就唔應該發生，無所謂啦時

間可以沖走曬一切，再者我好強我要自己好快無事，都係Vibi最好

佢而家就坐係我大比睇我打呢篇日記!!!

  等了又等，又過了一個星期。上個星期六睇完Vibi佢大隻左肥左啊，佢一見到我比上次熱情左，好似有少少認得我咁，好開心啊！！！原來剛剛個個星期日好多野要做，但因為星期六晚差不多成朝早先訓，所以個日我訓到成下午2點先識醒，其實都唔係好想醒不過要睇Vibi所以逼自己起身做埋屋企既清潔就落去睇佢了。睇睇下佢強哥哥竟然打比我，佢忙到成兩個星期無打比我我以為佢失左蹤，好彩我仍然有盡自己承諾燒碟比佢等佢過來拿哥哥過來睇過下Vibi之後拿碟傾左陣計已經係六點幾，佢都要返屋企同家人食飯！

  到夜晚原本諗住返東涌，老公豬諗住返石蔭，但係太夜太累連做facial同書展都無去到，咁就拖到成星期一先返，差不多成兩、三個星期無見屋企人，仲要一拖再拖‧‧‧老公豬成十點先放工搞到十一點先返來屋企啊！！

  呢個星期過到十分充實，一來我老細因為要搬家又要照顧佢家個三隻化骨龍，所以佢成個星期都無返過來唷二來呢個星期係核數第二個星期，日日幫佢地手搵野所以我成日好夜先做自己既野，日日都OT咁制所以今期份薪金應該溶過之前！！

  Vibi下星期一(30/7/07)打針了，打左針又要等一星期先可以正式拿佢返屋企，真係好期待啊！！！

  今日先第二個星期六喳，好辛苦先挨到一個星期，Vibi要成8月頭先拿得，如果佢身體唔出得街的話，都要留多幾日在狗舖！好期待接Vibi返屋企既那一日，唔知佢有冇大隻度呢，有冇病病呢?天氣呢排好熱係咪不斷申舌頭呢?係咪成日訓覺豬呢‧‧‧

  聽日又星期日了，上個星期見完佢今個星期好似過左好耐咁，明天又可以見Vibi呢~唔知囡囡有冇大隻度呢?有無肥度呢?有有熱親呢??呢幾日hong kong 天氣真係拿人命啊！我無論去度邊度都係出曬汗咁，係屋企係街係公司都一樣，雖然公司有冷氣不過都係唔太夠

  上個星期同Vibi影左d photo~不過對住幅相好過無，但都係無對住佢真狗咁好，明天我應該要反屋企睇下我家人了，新屋忙左咁耐都未得閒反去陪家人，不過超忙囉一朝早又要拿反洗左既衫，之後又要睇Vibi(驚自己唔捨得走)‧‧‧去銅鑼灣做facial再要去埋搵師傅仔睇下拆唔拆個頭~~上星期駁完髮發覺超唔舒服，其實之前都知係唔舒服不過總係要試過先安樂，真係自己拿來衰！又浪費左錢又浪費左時間‧‧‧

  無Vibi既日子係難捱少少，但我既老細Heidy Li 佢因為搬屋，所以成個星期都無反來office都係值得慶祝既事，佢唔係度我都好乖無做私人野啊，呢個星期有核數師開始過來核數，我唔可以話係呢間公司好重要，但係佢既運作我係全部熟曬，核數師要既野我大多數可以比曬佢，係差在有d唔控制到係我手上既野，例如Shop有間舖份約居然到而家個律師都未比正本比我，搞到我成日要打去吹，但佢地都幾無規模拖完又拖，都唔知幾時先可以比度我！公司又有同事離職，初頭都唔太憎倉個班同事，但係我開始忍受唔到佢地成日係出嘈到死，男人老狗成日係度大叫，原全唔理人感受！仲有呢個星期居然有個舊同事(舉)浮返上水面，不過到我今日諗住搵佢解答返佢既問題時佢個home tel已經又比人cut左‧‧‧跟住呢排d唔還錢既以前同事，又搞到有人來追數，真係唔知醜字點寫架喎佢，不過算啦d肥婆係唔會識知醜！盈係星期五返左來屯門搵左我食晚飯，個餐大排檔真正

  昨晚訓得唔係太好，兩點幾去訓成三點幾先訓得著，到今朝早八點就發左個唔太開心既夢而醒左好啦，醒左就唯有起清潔屋企啦，而家唔係同媽咪住咩都要自己做，要乾淨就唔可以好似以前咁依賴媽咪了‧‧‧可能而家仲係短時間，還未感受到媽咪個三十幾年既辛苦，不過我相信我會慢慢感受得到，某些人─往往要經歷某d野先會懂得體會，我就係其中一個。

  做完屋企野仲有時間就真真正正用部32寸電視去打PS2，好耐無試過呢種感覺，以前家裏個部電視都無咁大部，再者媽咪又驚會整壞部電視，所以之後既日子都好多年未試過了。打左陣太鼓同吉野家成日都過唔到關，好快就到十一點要出門口，落到街以為貴族狗舖會開左，點知未開~~那就等啦‧‧‧等左一陣終於見到想見既人，眼前一亮啊_~~決定左就唔好反恢啦今次，見到想要既史納莎，老板話可以比我換不過今次改左單就唔可以，我都好唔好意思麻煩人地，老板仲好好人本來佢自己舖頭bill價都係5500但因為報比我地個時報左4800就唔好意思改，我當然有點擔心點解會便左，係咪有點咩問題，不過都唔諗得太多，今次有曬針卡晶片，如果真係有事我諗我唔會再養動物。自從仔仔同肥仔既生命，係我生命中都留下左好深刻既回憶，我今次一定要做好佢，唔可以再失去‧‧‧

  整整忙左成三個星期，有d朋友已經原來係呢段日子無聯絡了！今日正式執曬屋企d野，由昨日到今日我情緒都好唔穩定，所以今日好早就放左工反屋企，好掛住好掛住BB。

  10號決心養一隻白灰色既迷你史納莎，今日下午都係決定打去問下哥哥意見，因為哥哥既家姐係狗既愛者，他姐家中已經有成五六隻狗，打完比哥哥令我覺得好唔開心，我想改變主意要黑白色個隻，哥哥話白色根本唔靚其二唔分明，但狗舖今日休息所以要明早先可以聯絡老板，早知人地話比三日時間我個時我就咪咁急要白灰色個隻先，搞到而家唔知人地肯唔肯或者BB囡唔知比人賣左未呢<唔好呀> 好心急‧‧‧

  上星期日 (8號) 盈竟然返左來屯門，原本已經約左哥哥入東涌幫我執少少野，橫掂佢都無野做咪當遊車河lor，真係遊左好多地方，一上到車去碼頭接盈，之後肥仔話要去轉元朗買煙，再出深水埗換條VGA cable，再入東涌返屯門之後佢地上左來傾左陣計咁，哥哥因為要反家食飯所以係我home等哥哥但最後太肚餓所以就無等落左去食飯，食完飯就各自返家lu~

  今日，離我搬既日子不太遠了！整整忙了一個月，無打機無睇劇集無咩點搵朋友只係掛住搬的事，07年6月24日呢一日我終於搵到地方搬了，都係屯門區啦只不過唔係碼頭而係新墟個邊，價錢便過碼頭差唔多大，有兩間房一個廳仔咁啦，不過都夠住兩個人了!  一個星期只係忙既都係買傢俬呀整屋企呀咁，昨日終於了左一件事，就係多得三個識左好耐既朋友幫我油漆~~油完之後感覺唔同曬，哥哥雖然話好是但幫我油，佢都唔太滿意自己油得麻麻，但係我好滿意呀!佢地仲幫我搬埋個衣櫃落去掉，三個一日一次夾親手指.......真係好感激佢地，最重要當然係哥哥啦，佢送埋我反屋企！                                

  Ayu~Bi Bi~SO CUTE