深圳去小梅沙車程應一個鐘內 , 點知路上勁整路 , 又多壞車 , 搞到要用三個半鐘頭先去到 , 路程上 , 老公諗住(乙水)奀豬訓, 點知都係失敗,最終都係要我出手^^ 去到時己晚上九時.真係食完飯就訓 ~~

食完飯,行左一陣夜街 , 之後我就同家姐上房,老公就同佢公司同事去左酒店內唱 K 和開會 ~

第二朝 , 我地一家先去游水 , 游左兩個鐘 , 大家都變左黑豬豬 = =

跟住老公 D 同事才到沙灘 , 老公就繼續留低同佢地游水和 BBQ , 我就同奀豬返房沖涼 _{沖完涼,奀豬飲左支奶就訓}

老公事頭婆見狀 , 直接車我地返 HK ,唔洗我地轉車 (YEAH)

全程唔洗一個鐘己到 HK , 我地一家係元朗到食埋 TEA , 就返歸大覺訓訓到老公都唔願出街食飯 ~

成十二點我先迫佢陪我出街食宵夜

事後感想 : 開心 - SHOPING  / 奀豬可以係南中國海到暢泳(佢就勁開心)

唔開心- 博頭勁痛 , 好似開緊紅白大賽咁,有排先變返白

踏入32週了

7/7 一家人返大陸行街和玩 ~

32週返大陸真係有 D 擔心架~擔心如果要生的話阿囝會變大陸 B.

不過,老公公司係小梅沙到搞派對 , 老公話同埋我同家姐一齊返,當時我唔係咁想去 , 叫佢帶家姐仔返,但到最後始終都唔放心.都係跟埋一齊去好 D ~

第一日:先係福田到行街 (我最 LIKE) 因有平野執麻 ~

買左一套大沙灘玩具 : 18蚊

一件DISNEY泳衣比奀豬 : 10蚊

兩件西松屋夾衣比細佬 : 15蚊/件

一套上螺絲的玩具比奀豬 : 38蚊 (可學習手部靈活)

超大吹波水槍 : 10蚊

手推車 + 積木 (全木做) : 50蚊 (可學習平衡)

士的車 : 155蚊

問老公有冇後悔同我上黎 , 令到佢大出血 ~

佢竟然答我 , 你都唔係用左好多錢咋 .(我真係估唔到佢咁答我)

我昨晚己送左個工人返 agent 到 .
agent 叫我唔好直接出糧比佢 , 話去佢先出糧.
(我諗可能要扣起 d 錢匯返過印尼公司呱)
我多口同佢講左,話佢其實有錢.
因佢成日日頭"黎"係房到用手機煲粥,出街時又問我搭的士返黎點叫落車.
anyway走左都好,唔洗煩,而家又要我老公辛苦 d 做家務 :roll:

諗住老公要返工 , 點知出奇地放假喎 ~

一早起身 , 老公去左同佢朋友玩機 , 我同阿女就係新北江到 hir .

等老公玩完 , 我地就一家三口去左元朗 bb 池到玩水 ~

跟住就返屋企沖一沖身 , 換件衫 , 再去馬騮山到看馬騮 , 奀豬勁興奮.

之後去左99到做節 , 事前同老公講明食玩走 , 點解老公今次勁乖真係食玩走前後唔洗一粒鐘.

佢地閒談中 , 話阿玲請左個大陸工人湊 b , 我心諗 , 有錢請工人仲乜仲要借錢 = = ,雖然話阿玲話出返黎做野,以要請工人,我心諗,早應該係咁啦,自己知自己頭家咩事, 仲要死撐要湊仔唔肯出黎做野.

跟住去左新幹線到買三文魚返歸同阿媽 / 老公 /細佬 / 奀豬 一齊食

今晚老公返唔黎 .

阿女好似一早會知爸爸唔返黎訓 ,勁扭 , 連8點個轉覺都唔訓...= =

又唔肯食粥 , 又唔肯飲奶 .

不過 ,最後佢都因太累而訓了...(十一點幾)

其實 , 近排老公工作上都幾黑 , 日日係到等 , 做野唔又順利 .

搞到我都有 D 唔開心 , 不過 , 慶幸佢有乜都會同我講 , 雖然我幫唔到佢什麼 , 但聽佢"腎"下我都好開心.

其實 , 佢係一個幾盡責的人 , 同我結婚後 , 有乜都會向我呢邊諗先 .

起初 , 有乜不如意事都會放左心 , 但經我幾次游說 , 我倆終於可以坦誠相對 , 有乜開心 & 唔開心都會拿出來講

我真係好想出黎做返野 , 唔想佢有咁大的金錢負擔 ~

等我生左後 , 再同佢講下至得 .

昨晚,哥哥的伙記係日本返黎時 , 買左盒士多啤梨比細佬 ~

之前,奀豬一 d 士多啤梨都唔肯食 , 只會不停拿黎請你食 ~

昨晚 , 佢竟然食有四粒喎 ~

我同爸爸同嘩然四喜.

莫非佢識分紐西蘭 & 日本貨

今日帶左個工人到簽埋之前放無薪假 , agent 叫我出埋左比佢先, 話唔要佢時先再扣 .話佢每個月要匯返三千蚊過印尼還錢 !
我當然企硬話唔得啦 _{點知你以後會唔會唔應數架}
我話最多佢出糧時 , 我帶佢返 agent 到 , 由 agent 自己搞掂 !

另今日簽埋一個月通知 , 工人個反應係咪可即走 , 佢諗住我會賠返一個月比佢 , 我心諗你就想啦 _{要佢做到下個月23號先放人}
返到屋企 , 開始黎料 , 我叫佢幫我看住粥仔 d 火 , 點知我轉頭係房到聞到窿味 , 咪去廚房看下囉 , 見到佢煲窿粥 , 咪話佢冇看火 , 佢話佢聞唔到窿味 , 又話我放得少水 , 咁就走左去喎 _{:ranting: 你話呢 d叫乜態度呀!
收衫仲搞野 , 阿女 d 衫未乾透就收 , 仲要摺埋.
昨天己話過佢 , d 衫未乾透 , 佢仲摸下係囉 , 大佬呀 , 你摺時已知佢濕濕地啦 , 仲扮晒野咁}
頭先,沖完涼,佢自己返再上床 , 撗門 / 廳燈都唔關 , 又要我執手尾~
唉 , 我會咁易屈服架 ~
所以我剛打去 agent 到話佢開始判"啤" .
如明天都係咁的話 , 咪叫佢日日去花園都除草.......等佢辛苦下 , 何況我而家仲有能力自己湊奀豬 , 一 d 都唔洗過佢手 :-x

今日接返個工人返黎,帶左佢看醫 , dr.話呢 d 係嚴重瘖瘡 , 要先抽血 , 才可配藥 , 而每個月月費要千幾蚊,仲話一般僱主唔會考慮,所以而家開左 d 中性藥比佢 , 仲提埋我, 因呢 d 係美容科問題 , 保險係冇得賠返錢的 ~

跟住我帶佢返屋企途中 , 提佢 "如果你做野再係咁懶散, 我真係唔可以再用你了"

返到家我同爸爸 & 婆婆傾過 , 佢 d 係千年巨瘡 , 一爆起上黎都幾利害 , 加上佢做野都係咁拿西 , 所以炒得 ~

我同個 agent 講返d瘡問題 , 話我想換人, agent 叫我買機票 & 出埋呢個月糧比佢 , 仲話佢之前放的9日都要比埋佢 , 我話佢黎我到己經係咁 , 機票錢係咪兩份分先對 , 佢話由我接左佢走之後就由我地負責 , 唔關佢事 , 我覺得唔合理 ,所以果9日我一定扣佢 , 諗住出返一個月通知, 要佢做多一個月先放人, 仲要買埋張唔可轉名 , 指定日子的機票比佢 ~