前排，睇o左一篇文章，關於「公平」，神　認為人並無公平可言，呢個世界本身就冇公平，所以，我地唔應該灌輸「公平」呢個訊息比我地o既小朋友，尤其有兄弟姊妹o既家庭！

聖經裡面，講o左以下呢個故事：

「一 是 葡 萄 園 的 故 事 。 耶 穌 說 ： 天 國 好 像 一 個 葡 萄 園 主 ， 清 早 出 去 雇 工 人 。 他 和 工 人 講 定 一 天 一 錢 銀 子 。 上 午 九 時 ， 他 再 出 去 ， 見 市 上 還 有 閒 站 的 人 ， 便 再 雇 來 一 幫 。 後 來 他 分 別 於 中 午 、 下 午 三 時 和 下 午 五 時 再 雇 用 三 幫 無 業 閒 人 。 到 晚 上 發 薪 時 ， 最 叫 大 家 困 惑 不 解 的 是 ， 他 居 然 同 樣 各 發 一 錢 銀 子 。 那 先 來 的 當 然 抱 怨 ， 說 ： 「 我 們 整 天 勞 苦 受 熱 ， 那 後 來 的 只 做 了 一 小 時 ， 你 竟 叫 他 們 和 我 們 一 樣 麼 ？ 」 家 主 回 答 ： 「 朋 友 ， 我 不 虧 負 你 。 你 與 我 講 定 的 ， 不 是 一 錢 銀 子 麼 ？ 拿 你 的 走 罷 。 我 給 那 後 來 的 和 給 你 的 一 樣 ， 這 是 我 願 意 的 。 我 的 東 西 難 道 不 可 隨 我 的 意 思 用 麼 ？ 因 為 我 作 好 人 ， 你 就 紅 了 眼 麼 ？ 」 （ 馬 太 福 音 二 十 1 至 1 5 ）

睇完呢個故事，我有好多疑惑，o係我o既觀念下，多勞多得，係應份的，有乜理由一個工人做十個鐘o既工錢，等同一個工人只做了一個鐘呢？？？但我反覆思量，佢又講得冇錯喎！當初講好o左呢個條件，園主已經比o左佢要比o既，工人亦得到佢所應得o既，而只做一個鐘而得到相同工錢o既工人，而我地又點解會覺得唔公平呢？答案就係一個「貪」字，「唔抵得」人地可以做一個鐘而得到一樣o既工錢o羅....

其實，呢樣野，真係好值得我地反思再反思！點解我地成日話有o的人做野少，又成日「吞pork」，但人工又好高，所以成日呻，覺得唔公平，其實咪又係因為「唔抵得」o羅...人地幾高人工，又關自己咩事呢？再者，呢個係僱主同僱員之間o既事，我地外人，又有咩資格去評論呢？？如果自己成日o係呢個「唔公平」o既思想裡面糾纏，只會搞到自己成日唔開心，咁又何必呢？

所以，最近自己都不停思想，無求令自己轉出呢個觀念，學識做個知足常樂o既人，最重要係令皓皓都要明白呢個道理！

因為文龍兄今次入院，而且仲未搵到係因咩事而引起心肌酵素高，突然間，開始擔心文龍兄o既身體狀況，雖然醫院o個邊已經約o左佢再check 個心臟，但一日未confirm冇事，一日個心都仲係有o的忐忑不安。

我係一個經常性胡思亂想o既人（自己控制唔到），所以，有時真係會好擔心，希望只係虛驚一場啦！o黎緊28號零晨，巴塞對曼聯，佢約o左班朋友出去睇波，真係有o的擔心佢，話晒咁去一去，一定通宵先返o黎，再加埋飲酒，唔擔心就假了！

文龍兄：我地三個，仲要你好好照顧o架！你要好好愛錫自己個身子呀！！

原來，每年o既body check 真係好重要，尤其係一家之主o個位，睇o黎，我都係要每年儲定一筆錢比佢去做身體檢查呀！

呢幾日，因為文龍兄入院，令我更體會到家人同埋朋友對我o既支持及重要性。

首先係99，呢三晚，真係多好多謝佢過o黎陪我同皓皓瞓，又有佢幫手照顧皓皓呢！初初以為自己handle 到的，包括情緒上及生活上，但前晚，我o既情緒又有少少失控，可能自己唔夠瞓，又唔係好舒服，文龍兄又仲o係醫院喎，心情突然好down，好彩有個好友「敏姐姐」過o黎陪我咋~佢都等到我99 o黎到先走，如果得我一個，我一定又胡思亂想了！再加上99過o黎陪我，令我覺得冇咁孤單，所以又好好多。

呢幾日，收到好多家人、朋友電話、SMS、FB o既問候，真係好感動，有家人真係好好，o係自己最需要幫忙o既時候，通常都係家人最能夠幫到自己的（自己唔洗開聲，佢地都會自動自覺主動去幫我），但朋友，自己又會唔好意思開聲嘛，再者，朋友都有朋友o既忙碌呢，有時唔係唔想幫，而係有心無力，呢樣野我好明白的啊！

之前成日都諗，我生多個陪皓皓，係咪真係值得呢？呢一刻，我真係好感受到，兄弟姊妹o既重要性，大家互相幫忙，互相照顧，個感覺真係好warm，如果只有一個去面對，我深信，個壓力真係會好大、好大。

所以，我真係好珍惜我o既家人（包括文龍兄o既家人啊！）、朋友，有你地，真好！

本應，今日文龍兄放假，我可以好舒服享受我一天o既假期，但無奈地，每逢星期六o既夜晚，都係文龍兄要睇波o既時候，冇兩三點，佢都唔會瞓，但皓皓呢，又例牌每朝8點左右瞓醒，所以就搞到佢唔夠瞓，雖然朝早佢會起身幫手同皓皓刷牙洗臉，但每當我一起身，我就會發現，佢o係sofa 瞓著了.........咁當然，我會叫佢返入房瞓，由我去take care 皓皓。

今朝亦不例外，雖然我可以瞓晏o的先起身，但對於而家好醒瞓o既我，皓皓醒，我又有乜可能唔醒呀！最多我都係碌多半個鐘就會起身了。我一起身，文龍兄就入房瞓了，一瞓，就瞓到12點....呢個朝早，又係我自己一個在照顧皓皓，想休息？NO WAY！！

所以，感覺好無奈！！

今日，皓嫲接走o左皓皓去玩，只剩下我和文龍兄倆口子，我地冇出街，中午，我落廚煮，飯後，一齊睇home sweet home，之後一齊瞓晏覺，冇皓皓o係屋企，間屋特別覺得清靜（突然好享往呢種清靜感 ），好耐冇試過，咁舒服瞓一個晏覺了（因為通常我未醒，我個仔就會嗌：「媽咪，我瞓醒o剌！」），再加上，文龍兄買專登落街買o既蛋撻，正！雖然今日冇咩做過，但感覺令人好舒服。

上個星期，睇o左home sweet home 訪問馬榮成o既節目，當中馬榮成講到，事業與家庭，只可以二揀一，冇可能兼顧到家庭o既同時，而可以令事業一飛衝天。要成功，就要專心一意去做一件事，唔可以有其他野去分心，咁當然，佢選擇o左事業，佢亦都好好彩，有個好體諒佢o既老婆，完全唔計較有個100%事業心o既老公。雖然佢對老婆、對仔女，都心存愧疚，但若果要佢重新選擇，佢依然會選擇事業。

呢個故事，若然套入去文龍兄身上，又會點呢？其實，呢個狀況適用於任何家庭，無論係老公，抑或老婆，想要有一番事業，就一定要放棄家庭，否則好難好難可以成功。

之前，文龍兄想o係佢o既事業上有一番作為，但因為佢要顧及呢個家、顧及小朋友們、顧及我o既感受，佢最終選擇o左呢個家。而家諗番轉頭，我又會唔會太自私呢？其實，唔多唔少，我都有比壓力佢，想佢顧個家多一點。

世界上，真係冇兩全其美，冇可能得一想二，既然今日要求老公要家庭，就唔好再比壓力佢，要佢o係事業上更上一層樓了。

最重要都係要知足、懂得滿足！

呢兩三個月，因為我大肚，又成日好易攰o既關係，屋企大部份o既家務，都由老公去做，我都知辛苦o左老公o架o剌！早排，佢仲好想我生第三個，但因為呢排要照顧我，又要照顧皓皓，又要做家務，突然間覺得好辛苦，佢就好語重心長同我講：「老婆，你都係唔好再生o剌！」，我心諗，我都冇諗住生第三個！

不過，我都要o係多謝老公呢段時間咁體諒我，幫我咁多，Thanks！！

最近，因為成日攰，好怕出遠門，所以成日都o係屋企，覺得個人好悶。唔係上網，就係同皓皓玩，再唔係就瞓覺，如果得自己一個，連去遠少少都唔敢去。唉~呢種生活，仲要捱幾耐呢？

今日同老公講，話我再係咁，真係會吽出個產前抑鬱出o黎，話時話，我都開始覺得自己有少少，一出街，就梗係覺得自己唔係好妥咁，終日咁吽o係屋企，唔想有事都唔得啦！

突然之間，好想返工，好想用工作o黎消耗自己o既時間，一o黎又可以自己搵錢自己洗，二o黎會覺得o的時間充實好多、好多！好過，而家日日o係屋企無所事事咁，就係因為咁，令我諗番起陀住皓皓放產假o個段時間，真係煩到發謊，又唔可以自己一個出街喎！因為唔知幾時生得嘛...咁老公又要返工，成日都係得自己一個，o個段時間，真係悶到想c，呢排，我開始又有番呢o的感覺了，好想搵o的野做吓，充實自己又好，消磨時間亦好，總之唔想再係咁啦！！！

但，我又可以做o的乜呢？？？