昨晚學人online買衫... 還是頭一次...

最近沉醉做餅... 沒有時間行街買衫, 天氣熱亦不大興趣出去行...

見大家都online買買買... 誓要做個update人~ 原來有齊呎寸可以度度度... 比出街還方便... (如果呎寸正確的話)...

30mins內小試3件$100以下平平地的連身裙... 又試試會如何... 嘻嘻... 款式比街外同價錢的靚... 不過當然... 看相片不知準不準...

希望我happy bidding啦...

無端多一天假...

12:30pm學生媽媽打來問我是否不會去上課... 仍在睡夢中的我心想: 你話呢?! 好明顯... 除非你住我附近我一定會到~ 可惜你住嘔吐山...

之後起床就見到這位學生妹... msn我... 跟我講: did my mum disturb you sleep? 之後還叫我lazy sleeping pig!!! 激死~

好想去嘆茶... 落到樓下... 只見平時拍flying(sorry sorry)的茶樓凸然似中銀一樣排長龍... 這間茶樓一向無人因為貴得不值~ 但好味喎!!! 所以... 只會在三個情況發市: 1)打風 2)父親母親節 3)清明(人們來附近拜山)...

我們決定不會跟這一百幾十個人(沒誇張)鬥所以去了茶茶... 點了個炒烏冬及鴛鴦炒飯... 兩個字: 難食!

去買了乳酪便回家整餅... 自家亂整芝士餅... 全完準備無餅食的情況下...

焗藍啤梨乳酪芝士餅... 出世咯...

焗了90mins都未熟透的餅(食譜寫要焗80mins... 痴線!!!) 賣相除了"醜'字之外我完全無法用第二個字形容... 但好奇怪... 味道... 出奇地好食... 係勁好食~ 你話怪不怪??

本來已落街買定cream cheese再整一次~ 但見味道好就改天再究竟如何幫個餅餅整容... 哈哈...

打風打到厭...

今天一個八號... 可能改寫我明天後天放假的命運...

唉~ 人家打風個個有著數~

我打風呢~ 就要食風~

我呸... 同媽媽去嘆茶~ 耶~

又來一個北冕... 今年真的風多雨多...

希望不要no.8... 我要返工... 我要教教... 我不要打風...

阿門...

默默努力兩晚... 終於成功~

酥皮蛋撻 + 椰撻仔

登登~

>

終於夾到時間去看戲...

超好看... 氣氛徧靜徧悶正合我河車~ 柯德利塔圖好型好靚~ 我下次要剪她的髮型~ 嘻~

散場去上曲奇課... 今次有點失敗~ 唉~ 失落呀~ 近期經常失手... 連亞sir都問: 點解你會咁既? 我都想知呀~

下課大家去了打邊邊... 吃得開心... 全程以八字, 九型人格撈汁... 傾得投入... 我好少不停的講... 似乎開始跟大家熟咯 (其實都五個月了... 嘻嘻... 慢熱的我...)

回家途中... 掛住看新買的"九型人格"一書... 又遇上車手... 頭暈眼花... 回到家想嘔~ 所以無法整餅~ 不過都有得著... 我幾firm自己是4型...

昨晚二少奶給我旅行的相... 超愛這張:

各位~ 因為我有少少唔舒服... 今個星期行動要取消~

希望下星期可以順順利利~

今日大家都dayoff~ 約埋fion, flYing到小琛廚房開檀... 整蛋撻~

um... um... um... 不知那裡出錯... 油皮似水稀~ 太硬推不開... 放軟推一分鐘即溶... 後來還是放棄了!!! 我想了一整天... 無理由... 難道是份量出錯? 我磅錯?

結果轉了個牛油皮... 失去了做酥皮蛋撻的意義~ down~

約好大家但結果失敗... 我有點不好意思... 於是... 焗了心太軟... 整雪糕... 再奉上香茅奶凍...

6:00pm... flYing約了朋友所以走... fion亦同走...

我還是很不忿... 所以又整了上次失敗的玉桂蘋果卷... 希望成功明天可以送給兩位靚女... 今次終於成功...

講起下午... 兩位靚女上到來的時候... 粒粒聞鐘聲即色變~ 九秒九閃走... 全程匿埋梳化底... 激死~ 攪到兩位美女要爬地睇貓... 哈哈...

幸好... 還有的的擔當親善大使招呼人客... 哈哈... 的的非常喜歡fion... 不時用頭仔捽fion大脾... 又lam又叫~ 好攪笑~

送了兩位落樓後... 上樓只見粒粒坐在梳化上一臉神態自若的樣子... 吹脹~