大家好嗎？我剛剛在又一城做完咗一個義工活動，見有一點時間，所以就返來公司簽一些大碟海報。我專登叫我的同事影番張相upload上嚟！哈哈~~ 靚嘛？

我的EP明日出版了，心情很緊張啊！公司星期日安排了一個簽名會。大家有時間嘅話過來找我吧！到時見啦！BB~~~

大家好！我又番嚟啦！嘩！我見到好多人上嚟睇我個Hompy，係咪真架？！我真係有點surprise啊！
哈哈~~ 但無論點都好，多謝大家支持！多謝！多謝！

我近日還在忙於拍攝《天幕下的戀人》，很快就會剎科了，我已經有點不捨得了，因為全組工作人員都很friendly，拍攝時又開心，我不但學到很多新事物，還結識到很多新朋友。

我的EP星期四就出版了，好緊張呀！！為了多謝大家的message，等我係度送上我從未曝光嘅唱片封面相啦！希望你哋鍾意啦！多謝多謝！

哈哈_~ 好了！要開工啦！BB~

大家好！我又番嚟啦！本來上次諗住睇完醫生後上來寫吓Hompy，但結果吃完藥後要休息，之後日日也忙於工作。嘩！無上來幾日見到有咁多人留言俾我。很感動啊！在此多謝大家嘅關心，同埋想話俾妳哋知，見到妳哋嘅祝福，我開心到由個心笑出來啊！我好番好多啦！只不過仲有少少聲沙同喉嚨痛，我諗過多兩日就無事了。

我先排去左Club Med拍攝我的音樂特輯，有成廿二分鐘長架。它會放在我的最新EP 度出現，下星期就出啦！我緊張啊！！hehehe….. 等我今日獻上小妹一張比較頑皮的照片給大家，係喺Club Med個沙灘上影架。嗰日其實好熱，真係辛苦了啲手足，在此用呢個同佢哋講聲多謝！！好了！遲啲見啦！ BB~~~~

大家好嗎？我又番嚟啦！今日我出席了電腦節的一個記者會招待會，我很高興與伊健成為今年電腦節的I.T. 大使呀！其實我今日很病啊！我患了大感冒呀，連把聲線也沙了不少！剛剛才回家，幸好媽咪給了我一杯熱甘桔，我的喉嚨也舒服了很多了！明日我會抽一點時間去看看醫生，好了，我想我要多點休息了。過兩日再傾吧！大家保重身體啊！！BB~~~~

Hihi~ 聽到我的新歌“要風得風”嗎？好聽嗎？ 呢首歌係我嘅第二首派台歌，係一首輕快嘅歌曲，夏天呀嘛_~ 哈哈_~

大家好嗎？ 我今次喺第一次在網上寫日記，個感覺好好呀！剛剛拍完今日TVB套劇的戲份。剛剛才回到家，套劇名叫做 “天幕下的戀人”，係我同鄭嘉穎嘅一套愛情劇，好好睇架！希望到時做的時候大家可以多多支持啦！呢套戲我拍得好開心呀!  雖然近排我少左同大家見面，但我應承你哋我會抽多啲時間上嚟呢度同你哋傾計啦!

e!! 望到桌上媽咪留俾我嘅湯！我要飲啦！遲啲再傾啦！(我飲咩湯？)粉葛赤小豆豬骨湯攞！BB~~~~

大家好！ 我係Niki！
今次係我第一次踏足Hompy
終於做業主...哈哈

雖然近來忙於出入電視城，
但我都會勤力地寫日記，
等大家可以了解我多Ｄ～

新屋入伙，各位朋友仔得閒黎坐啊！