我舍不得          

舍不得 ,  你要走,
舍不得 ,   淚在流,
舍不得 ,  心在痛,
舍不得又如何?????
                            

以後隔天與地
我永遠亦愛你
太美好的東西會走
還未愛够了你怎放手
從来不肯假想
失去你那感受
我這對脚怎麼走

22/4

         考完既一日終於都來臨啦.....期盼左好耐~但係考完既心情都好似無咩點開心......

          晚上同左sherman , 永傑 and 阿渣去左唱K , 4個人唱,俾左間party 房我地唱 , 真係地方好空廣 , 跳埋舞都仲得.......我最like 間房係牆個D裝飾燈 , 會變顏色 , 好鬼靚~由7點唱到12點幾  , 都未cut , 但太夜關係 , 12點幾都走左lor.............then 同永傑搭taxi 返家~

          有一種難以形容既感覺.......

18/4

           今日返左school 溫書 ,  但都係掛住同人吹水多過溫書........then成班人一齊接我細佬 , then 去食甜品~~~~~食完之後佢地竟然話去打機 ,  but 我吾入得 , 多得我細佬.....好彩有 dede 陪我~then 我爸接左細佬走 , 我就同dede 入返機舖打機........

           我走先 ,  諗住可以同媽咪二人世界 , 但最後都係同埋老豆 and 細佬 去左稻香打邊爐 , 都好阿~一家人出去食飯係件好幸福既事黎既......哇哈哈~兩碟肥牛我食左好多阿~好味!!!

           今日都好開心 , 心情大好~

7/4

            終於睇左step up 2 啦.....依套比上集搞笑左 ,  但劇情無上集甘好 , 無甘感動人...但主攻街舞 , i like it!! 裡面D舞步真係正架啦!!

           套獻裡面有一句 : 做返自己 好令我深刻 ,  睇完後我都仲諗緊依個 question.......其實, 係依個甘現實既社會 , 係咪真係可以做返自己 , 而又吾洗諗後果呢??

          同個friend 傾完電話後 , 發覺自己思想好吾成熟 , 都未好好甘為自己既將來諗過..........同依個朋友傾計 , 真係令到我諗左好多將來既野~我琴晚諗左好耐 , 到底我日後既人生要點樣行 , 諗下諗下 , 就好想學 Hip Hop  and 學返日文......我諗考完試就會去學掛......其實想學 Hip Hop 好耐 , form 1 個陣就已經好想學 , 但係又驚手腳吾協調 wor~ 但依家真係好想學....依家吾學 , 我驚老左個陣會後悔.......我吾想甘!!

         想做既野就襯年輕時做 , 要努力既 , 要嘗試既 , 亦都要依家開始 , 吾好老左先後悔自己當年無為自己既事而努力and嘗試....! 我真係要諗清楚自己既出路~

              今日好早就起身梳洗 , 戴con........提早出門....因為係最後一次穿校服行路返學......路途中 , 諗左好多野 , 每一步都有好多既吾捨得~

             返到學校要集隊 , 然後祈禱 , 這一次亦都係最後一次集體祈禱 , 我亦都係3年黎最認真既一次檮告!! 完左上課室繼續對卷....小息落左小食部食最後一次既燒賣....不斷地同miss ma and 同學仔影相........話甘快就到惜別禮.....睇左好多班既片段 and 班主任既感言 , 最後先到我個班......當林sir 上台講野個陣 , 我見到好多人哭了,但我就喊吾出 , 個心好吾舒服~完左後 , 我個班仍然繼續影相,我都影左好多~~

             then 同阿sir 食lunch  :  pizza hut and kfc@@ 我食左半塊就好飽...無再食啦....then 就同牛腩 , soman , 靜兒 去唱K.......最後一次穿校服唱K la~晚

              今日個心情好復雜, 好吾捨得同學仔~ 同倩宜8年同學 , 成個中學階段都係有佢同我一齊渡過.......8年同一班真係好講緣份....豬迪依個名亦都係佢帶俾我....中5repeat 個年 , 大家都以為會升吾到 , 友誼從此結束, 點知我地既緣分都未完結 , 升到form.6.........延續我地友誼 , 不過我相信我同豬豬都會繼續搵對方唱K ,睇戲既~

               form6裡 , 真係發生過好多野 , 我亦都好吾開心 , 喊左好多次.......但亦都有好多好開心既回憶既: 一班人係老地方BBQ la ,傾心事 , 係沙灘到玩游戲(糖癡豆) la ; 一班人去大尾督採單車 , then 唱K la , 仲好記得肥仔第一次同我地唱K ; christmas 去嘉年華玩啦,then 唱通頂K la ; 24平安夜係倩宜home 一大班人渡過 ; 2月14號一大班芥菜同搓電器韓燒啦 ;  同sherman , 肥仔 , 永傑銅鑼灣and 尖沙嘴 4人行阿 ;  奕雯魚排生日party--->kris and dede 玩跌落水 ;團契大尾督BBQ , then 去左水壩睇星星~真的很舒服 ;  仲有D 既事就免提啦......最有挑戰性既就係我參加drama club , 雖然吾係做咩主角 , 但要忍住吾笑講對白,又真係好難~! 其實都幾好玩 , 講錯左對白個陣真係好好笑!! 同埋我亦好勇敢甘同嘉韻參加歌唱比賽 , 亦都好幸運入到決賽 ....決賽上台唱個陣真係驚險萬分 , 驚到震 , 期間隻碟load 吾到 , 搞到要清唱埋個尾~!! 不過依D嘗試係我從來都無諗過會做 , 如今我勇於嘗試 , 我都好佩服自己...依D都係一D磨練同經驗 , and 回憶!!

          form.7 裡 , 有人走 , 有人加入.....調左位後 , 同阿渣野講多左 , 開始熟落.......後尾仲成日搵佢唱K tim.......form.6 個陣 , 好驚阿渣 , 覺得佢好寸 , 同佢無咩話題講 , 仲以為佢真係基既tim......以為完左form .7 都吾會同佢講到1句野........點知最後都成為 K友~haha!世事真係好講緣份 , 人夾人緣 , 吾夾既最終都吾會成為朋友~

             依D都係美好回憶........我會把form.6-7 所發生既野記在心中 , 希望畢業後大家都仍然保持聯絡就好啦.......離別總會有來臨的一天~

           依個星期總係有D悶悶不樂既感覺.......可能就黎要同D同學仔分開啦 , 加上最後可以返學 , 穿校服既日子要來臨啦.....真係吾捨得.....

           細個個陣就好希望可以快D長大成人 , 出黎做野 , 吾洗做hw,又吾洗穿校服 , 好自由.....但到左大個啦 , 將要離開school 既時候 , 又發覺自己好想留係school 讀書 , 因為校園既生活一定吾會好似出面社會甘殘酷 , 冷漠無情 , 私心重.....始終校園裡既人一定比出面既人來得更真心 , 純友誼~!! 出面既世界實在太恐怖啦~

           話甘快就要告別校園啦 , 分開左既同學又有幾多個可以保持聯絡呢??

       今日都係忍吾住 , 出左旺角唱K ,  shopping , 打機.......實在忍左太耐啦 , 要爆啦!! 今日玩得好開心 ,  盡興 and 滿足~ 有D吾足既地方就係唱K 時間吾太夠 , 吾夠候 lor~唱到高漲既時候先至cut!!

        then 影貼紙相 , 次次同你影都係有小插曲既 , 下次要小心D先得!! then 打機......then 朗豪坊食下午茶 , D湯底幾ok 阿~行左陣 , 又落左另一間機舖打機.......開心的~