依個星期總係有D悶悶不樂既感覺.......可能就黎要同D同學仔分開啦 , 加上最後可以返學 , 穿校服既日子要來臨啦.....真係吾捨得.....

           細個個陣就好希望可以快D長大成人 , 出黎做野 , 吾洗做hw,又吾洗穿校服 , 好自由.....但到左大個啦 , 將要離開school 既時候 , 又發覺自己好想留係school 讀書 , 因為校園既生活一定吾會好似出面社會甘殘酷 , 冷漠無情 , 私心重.....始終校園裡既人一定比出面既人來得更真心 , 純友誼~!! 出面既世界實在太恐怖啦~

           話甘快就要告別校園啦 , 分開左既同學又有幾多個可以保持聯絡呢??

       今日都係忍吾住 , 出左旺角唱K ,  shopping , 打機.......實在忍左太耐啦 , 要爆啦!! 今日玩得好開心 ,  盡興 and 滿足~ 有D吾足既地方就係唱K 時間吾太夠 , 吾夠候 lor~唱到高漲既時候先至cut!!

        then 影貼紙相 , 次次同你影都係有小插曲既 , 下次要小心D先得!! then 打機......then 朗豪坊食下午茶 , D湯底幾ok 阿~行左陣 , 又落左另一間機舖打機.......開心的~

          點解今年過年過得好似好靜,好寂寞甘既~琴晚我自己一個諗返起公公, 佢真係病得好重 , 我探佢個陣 , 見到佢好辛苦 ,  我即場喊左 , 點解要甘樣折磨我公公!! 我好心痛...........我幫吾到我公公,見到佢甘辛苦 , 而我又無能為力~唉!

          公公你要堅持落去 ,  你一定可以出院!! 一定可以!!!

       琴日玩得好爽啵! 放12點半 , then 同何屎買飛先( 不過都吾係好多人睇) , 再去小金井會合佢地....eat 完野 , 就周圍行下停下甘~差吾多time 就去戲院! 第一次入場睇3級片~

         講返套戲先,<魔街理髮師> , 睇落都吾係話好驚阿 , 但何屎就驚驚wor , 搾住我個手 , 整到我隻手痺左~haha! 同你see 依D film 真係好玩~套戲比我想像中好睇既!!!

       睇完戲 , 打俾阿渣 , 佢地又話等埋人續唱K buffet 既 , 點知我地睇完戲 , 佢地都唱完lor~! then 諗住歸家啦 , 佢地又話再唱過wor , so 最終都係去左唱K~! 唱到1點到啦 , 就cut 左啦 , then 去左食糖水~出面超凍的~ then with 永傑搭taxi 歸家lor....

       琴日真係好玩~不過玩完就要乖乖甘溫書lor.......依一日係值得回味 , 以後仲有幾多次機會係可以同你一齊睇依D 恐怖片阿 , 我隻手又有幾多次可以俾你搾到痺左阿~ 仲有幾多次可以同一大班人唱K 阿~ 依一切一切 , 都係美好回憶黎既~!

        近排媽咪買左好多阿jack 既禮物俾我 , 有鉛筆 , 拖鞋 , 掛鐘~今日放左學返到home 入房 , 見到有一盒阿jack 既野係我檯面 , 個刻幾開心家…...bath 完拆黎玩 , 原來係識跟住D  music 跳舞~! 阿jack 跳舞個樣好搞野 , 好傻仔 , 幾好笑!! 只要係媽咪送既咩都甘靚 , 甘寶貴!!呵呵 , 多謝ma ma~love you!!

20/1

      晚上同屋企人出左去打邊爐.....一家人是最開心的 , 吾洗有顧類 ........好鐘意坐我老豆架車 ,  好舒服 , 可以諗好多野~~哎,好想做好多野 , 唱K , 睇戲 , 買衫 , 打機 , 食韓燒!!!

       公公 : 你要身體健康啊 , 你越來越瘦 , 見到你的我好心痛!!

24/12

        依日就出左尖沙嘴同迫....第一站:九龍糖又一城睇 <魔幻羅盤>, 幾好睇啵 , 好鐘意D 冰熊阿~有少\少吾明套戲既內容! 第二站:朗豪坊影相....個度D境好靚 , 影個D相都好靚~呵呵!!第三站:尖沙嘴食飯 , 睇燈 and 影相!! 個間死人餐廳 , 勁吾抵 , 服務吾好 , D野又吾好食 , D waiter 個個好似衰屍甘 , 搵佢地拍生化危機都吾洗化妝都已經好似~ too bad! 最入得落口既都係個主菜 : 龍蝦帶子!!總之吾俾返D money !!! then 就去左影相 , 個境好好好靚阿 , 180度既境 , 又無人阻住 , 又吾洗同人迫住甘影相 , 太好啦! 影完,就落左海旁個度 , 就真係同人迫啦~! 超級勁爆多人 , 好彩一早已經影曬相 , 如果依家先影 , 就真係有好多人頭做背境啦~一路係甘行行行,行左成個半鐘 , 個陣都成12點幾啦 , then 歸家 , 已經成點半!

          今日係聖誕聯歡會 , 係最後一年係學校搞既聯歡會!~我會好好珍惜.........

          返到去 , 係球場企左成 30 mins ,先入教堂~前part 都ok 家 , 後part 就好鬼悶!!then 上班房 , 開始班既christmas party~我地係甘影相 , 影左好多 , then 食野 , 好多野食啵 , 牛腩整個D布甸都幾ok 啵~食完野都差吾多1點 , then 又開始影相 and 玩games~! 隻games 類似  "爭凳仔 "  , 成個games 就系不斷 "爭坐" , 個pat pat 好熱阿!!執埋D野就落左去睇歌唱比賽 ,  阿sir 既表演真係正啦 , 笑死人!! 睇完show , 成班人都吾知做咩 , 行下又阻下街甘 , 行過馬會 ,入左去買左張六合彩,if 中左我就開心死啦,次次入馬會都會check 我身分證 ,  今次無啵 , 老啦我!!! 我地班既 "westlife " 話去唱K家 , but 有D話想打機 , 最終都係去左打機~睇到佢地無得唱 K 既失落樣 , 真係搞笑!  估吾到永傑玩小新機甘勁家啵 , 反應好快~!打機打到6點幾 , 又無咩好地方去 , 就成班解散~回家~

            今日好滿足,  影左好多好開心 , 值得留念既photo~亦玩得好開心~