由於我有個早更同事食錯嘢入醫院嘅關係

所以我由星期日開始返返早

4日咁多咁啦

所以令到我個人好攰

因為身體啱啱開始習慣返夜

突然又返返早喎

我個人一定會提早老化都似呀>.<

大家如果有d咩好用嘅護膚品

記得要介紹俾我呀~~~~~~

由聽日開始我又要返夜啦

雖然我好鍾意返夜

(因為可以唔使見太陽~)

但返早就可以多d時間同d朋友仔

一齊去飲吓食吓咁

而且仲多d時間shopping tim

但呢d日子又要等多一個月啦~~~

而且由星期三開始會有多個亞頭

又唔知會係點嘞

希望佢係好易相處o架啦

唉........

聽日係我 mimi 7歲嘅生日

係度祝 mimi 生日快樂,身體健康呀

最緊要係要多d痾臭臭呀

唔係就又要成日去見醫生o架啦~

又大一歲要聽聽話話呀

唔好再成日咬我啦~ccc......

嫲嫲聽日開罐濕糧俾妳

同妳慶祝生日呀吓~~~~

今日係人日

係度祝大家生日快樂,身體健康

而聽日就係情人節

亦祝有情人嘅就甜甜蜜蜜

無嘅就快d搵到個心水情人

而我呢兩日都要係工作中渡過

不過今日會同班同事一齊去BBQ慶祝生日

而聽日就要係屋企度過啦

因為我個情人同我一樣要開工

佢聽日都係生日

亦係度祝佢生日快樂

希望佢鐘意我送俾佢嘅生日兼情人節禮物啦~

琴日係年初三

本來約咗d朋友仔上其中一個朋友屋企

因為個朋友新居入伙

但點知直頭有俾人耍嘅感覺囉

如果唔得閒嘅咪講囉

問我哋係咪去嘅又係佢哋

遲大到嘅又係佢哋喎\__/

咁即係點啫

攪到個個又凍又餓咁去等佢哋呀

妳哋到底好唔好意思o架

咁就又一年啦~~~

係度祝大家心想事成,身體健康~

大家記得食還食,唔好食咁多呀

唔係食滯咗就會好辛苦o架啦~~~~

而新年嘅呢幾日我都一樣仲要開工

唔可以好似大家咁周圍去拜年lu~

終於都睇完兩場嘅演唱會啦~~

都未試過d演唱會咁早就散場呀~

joey就係11點散場

但就8點8至開場喎 =__=

而學友果個就因為個場嘅關係要係10點半散場

但點比較都係學友果個正好多呀~

到最尾嘅果一個鐘

我直頭係行到去最前都一齊跳tim呀~~~~~

琴日係我個同事設靈嘅日子

係最後嘅呢一刻

我都決定去上個香

所以令心情有d沈重

但亦令我明白要將件事切底放下...........

而今日我會去睇joey嘅演唱會

第一次睇佢嘅演唱會

唔知正唔正o架呢?

而係星期五又會去睇學友嘅演唱會喎

好期待呀~~~~~~