今日係人日

係度祝大家生日快樂,身體健康

而聽日就係情人節

亦祝有情人嘅就甜甜蜜蜜

無嘅就快d搵到個心水情人

而我呢兩日都要係工作中渡過

不過今日會同班同事一齊去BBQ慶祝生日

而聽日就要係屋企度過啦

因為我個情人同我一樣要開工

佢聽日都係生日

亦係度祝佢生日快樂

希望佢鐘意我送俾佢嘅生日兼情人節禮物啦~

琴日係年初三

本來約咗d朋友仔上其中一個朋友屋企

因為個朋友新居入伙

但點知直頭有俾人耍嘅感覺囉

如果唔得閒嘅咪講囉

問我哋係咪去嘅又係佢哋

遲大到嘅又係佢哋喎\__/

咁即係點啫

攪到個個又凍又餓咁去等佢哋呀

妳哋到底好唔好意思o架

咁就又一年啦~~~

係度祝大家心想事成,身體健康~

大家記得食還食,唔好食咁多呀

唔係食滯咗就會好辛苦o架啦~~~~

而新年嘅呢幾日我都一樣仲要開工

唔可以好似大家咁周圍去拜年lu~

終於都睇完兩場嘅演唱會啦~~

都未試過d演唱會咁早就散場呀~

joey就係11點散場

但就8點8至開場喎 =__=

而學友果個就因為個場嘅關係要係10點半散場

但點比較都係學友果個正好多呀~

到最尾嘅果一個鐘

我直頭係行到去最前都一齊跳tim呀~~~~~

琴日係我個同事設靈嘅日子

係最後嘅呢一刻

我都決定去上個香

所以令心情有d沈重

但亦令我明白要將件事切底放下...........

而今日我會去睇joey嘅演唱會

第一次睇佢嘅演唱會

唔知正唔正o架呢?

而係星期五又會去睇學友嘅演唱會喎

好期待呀~~~~~~

好多謝大家對我嘅關心

對於果件事,我開始可以放下

始終我依然係活著

要繼續生活下去

傷心過後要努力振作

呢件事令我明白要珍惜眼前人

係今日收到一個令人極唔開心嘅消息

就係有一個同事離開咗呢個世界

唔知點解佢會有個咁嘅決定

但我只知為何有咁大勇氣決定離開

又為何唔用咁嘅勇氣去生存

點解?點解???到底係點解??????

妳一個人嘅解脫實在令到有太多人唔開心

為何不為我們想一想???

呢一刻實在令我太傷心................

又到咗新嘅一年啦

係度祝大家新年快樂,身體健康呀~~

而除夕個晚同d同事一齊去咗飲嘢倒數

一班人柴娃娃咁

真係玩得好開心呀~

 希望新嘅一年可以日日都係咁開心啦~~~~~