好多謝大家對我嘅關心

對於果件事,我開始可以放下

始終我依然係活著

要繼續生活下去

傷心過後要努力振作

呢件事令我明白要珍惜眼前人

係今日收到一個令人極唔開心嘅消息

就係有一個同事離開咗呢個世界

唔知點解佢會有個咁嘅決定

但我只知為何有咁大勇氣決定離開

又為何唔用咁嘅勇氣去生存

點解?點解???到底係點解??????

妳一個人嘅解脫實在令到有太多人唔開心

為何不為我們想一想???

呢一刻實在令我太傷心................

又到咗新嘅一年啦

係度祝大家新年快樂,身體健康呀~~

而除夕個晚同d同事一齊去咗飲嘢倒數

一班人柴娃娃咁

真係玩得好開心呀~

 希望新嘅一年可以日日都係咁開心啦~~~~~

今年收到3份嘅聖誕禮物

不過都係d同事送嘅

係一個無乜心機,心情嘅聖誕節

有呢幾份禮物

令我收得特別開心

其中有一份係我無諗都無諗會送禮物俾我嘅人送嘅

亦係我今年嘅第一份

收到個陣真係好開心

好多謝呢位同事呀~

不過今年就收唔到最想收嘅果個人個份囉

令我都有d唔係太開心

但點都好,有禮物收都一樣好開心

謝謝呢幾位同事...........

唔覺唔覺又到聖誕啦~

我祝大家聖誕快樂,收多d禮物

我收到最昇心嘅禮物就莫過於

係星期六醫生話小兔兔好返晒啦~

嚟緊呢幾日都一樣要係工作中渡過

所以都唔覺得今年嘅聖誕有幾特別嘞...

唔知今年我會唔會有聖誕禮物到呢???

係早兩日小兔兔都同我一樣病咗啦

發燒,傷風又唔肯食嘢喎

個日我又收工至見到喎

d醫生又閂晒門啦喎

攪到我幾徬徨呀

即刻就打去"兔友協會"度求救

佢就俾咗一間係旺角嘅醫生電話我

所以我兔兔就有醫生可以睇嘞

而家都叫好返d咁啦

希望小兔兔快d好返啦~~~~

我今次d病菌實在係太厲害啦

我到而家都仲未好返呀

等我都係換過第二個醫生睇至得呀~

而辭職個度就俾人彈咗啦

所以都係仲要繼續捱囉

唉.............都係見步行步係啦~~~~~~~

琴日終於俾感冒菌打低咗我啦~

好在今日放假,而且仲退咗燒

但今日有好多嘢做呀

要買好多嘢呀~

所以病都仲未得閒睇醫生呀~~~~~

仲有我決定咗辭職啦

所以之後大家又會多返d見到我啦~~~