近幾日收到咗netvigator嘅通知

hompy即將就會關閉啦

唔覺唔覺我都寫咗成4,5年

雖然近兩年都比較懶少咗寫

但係度真係認識咗好多好多嘅朋友仔

真係好唔捨得呀~~

不如大家係faceboook度add返我吖~~

真係好耐都無打網誌啦.....

一來好懶打字啦(因為而家份工日日都要打字)

二來就真係好忙好忙呀...><

再者呢度亦都越來越少人

令我都無乜心機寫lu~

話都無咁快就5月啦

呢個月對於我嚟講係一個悲喜交集嘅月份

因為係過往呢個月實在係太多嘅事發生啦

所以令我既期待快d到

又好似唔係好想咁快到咁

唉......總之5月就係會令我好矛盾嘅一個月係啦~~~~~

呢排d天氣真係凍咗好多

大家記得著多件衫呀~~

而雖然凍咗好多

但我都係無得一收工就返屋企

留係個被竇度舒舒服服

因為呢排忙緊搬屋d嘢

要買傢俬呀,呢樣個樣咁

真係又忙又煩呀~

希望可以只係忙埋呢兩個禮拜啦

係琴日起身打算返工嘅時候

點知......個房門打唔開喎

吓?!乜搵d咁嘅嘢攪呀?????

我仲要返工o架

之後就不停咁打電話搵人求救囉

但都令我返工遲咗成兩個鐘呀~

一返到公司就要填form解釋tim呀><

呢個禮拜終於如願以償可以返元朗

但同我所想像嘅仲差好遠呀~

我都未試過返一份工可以hea都咁o架

每日坐係度都唔知做咩好

返咗5日工都係做一d後勤嘅嘢

唉......再咁落去都唔知自己仲可以捱幾耐啦......

經過咗1/9到6/9嘅training

之後就到呢一個星期實習

下個星期我終於都可以正式回歸元朗啦~~

因為呢兩個星期都係返沙田

日日都要搭成三程車返工o架><

真係勁辛苦呀~~

希望返元朗之後會舒服好多啦~~~~

今個月都唔知做咩會咁黑仔o架

先係兔兔腳仔生瘡要睇醫生

之後我就唔小心跌親

差d就毀容咁滯呀><

好在而家已經好返無咩事啫...

而係星期二隻眼就又開始發炎

好在到今日已經又好返好多....

呢個月唯一一件唔錯嘅事就係

我係9月1日終於都有新工返啦~~

希望份工能夠順順利利啦~~~~~

係上個星期五帶咗兔兔睇醫生

因為佢隻腳仔生咗粒瘡仔呀><

不過好在醫生話只係初期

只要同佢搽d藥膏就得嘞

但就唔可以再俾兔兔行d太硬嘅地

同最重要就係要減磅啦~~~~